ඒවමාරාධ්ය ගෞරීශං දේවං මෘත්යුංජයේශ්වරම් ।
මෘතසංජීවනං නාම්නා කවචං ප්රජපේත් සදා ॥ 1 ॥
සාරාත්සාරතරං පුණ්යං ගුහ්යාද්ගුහ්යතරං ශුභම් ।
මහාදේවස්ය කවචං මෘතසංජීවනාමකම් ॥ 2 ॥
සමාහිතමනා භූත්වා ශෘණුෂ්ව කවචං ශුභම් ।
ශෘත්වෛතද්දිව්ය කවචං රහස්යං කුරු සර්වදා ॥ 3 ॥
වරාභයකරෝ යජ්වා සර්වදේවනිෂේවිතඃ ।
මෘත්යුංජයෝ මහාදේවඃ ප්රාච්යාං මාං පාතු සර්වදා ॥ 4 ॥
දධානඃ ශක්තිමභයාං ත්රිමුඛං ෂඩ්භුජඃ ප්රභුඃ ।
සදාශිවෝऽග්නිරූපී මාමාග්නේය්යාං පාතු සර්වදා ॥ 5 ॥
අෂ්ටාදශභුජෝපේතෝ දංඩාභයකරෝ විභුඃ ।
යමරූපී මහාදේවෝ දක්ෂිණස්යාං සදාවතු ॥ 6 ॥
ඛඩ්ගාභයකරෝ ධීරෝ රක්ෂෝගණනිෂේවිතඃ ।
රක්ෂෝරූපී මහේශෝ මාං නෛරෘත්යාං සර්වදාවතු ॥ 7 ॥
පාශාභයභුජඃ සර්වරත්නාකරනිෂේවිතඃ ।
වරුණාත්මා මහාදේවඃ පශ්චිමේ මාං සදාවතු ॥ 8 ॥
ගදාභයකරඃ ප්රාණනායකඃ සර්වදාගතිඃ ।
වායව්යාං මාරුතාත්මා මාං ශංකරඃ පාතු සර්වදා ॥ 9 ॥
ශංඛාභයකරස්ථෝ මාං නායකඃ පරමේශ්වරඃ ।
සර්වාත්මාංතරදිග්භාගේ පාතු මාං ශංකරඃ ප්රභුඃ ॥ 10 ॥
ශූලාභයකරඃ සර්වවිද්යානාමධිනායකඃ ।
ඊශානාත්මා තථෛශාන්යාං පාතු මාං පරමේශ්වරඃ ॥ 11 ॥
ඌර්ධ්වභාගේ බ්රහ්මරූපී විශ්වාත්මාධඃ සදාවතු ।
ශිරෝ මේ ශංකරඃ පාතු ලලාටං චංද්රශේඛරඃ ॥ 12 ॥
භ්රූමධ්යං සර්වලෝකේශස්ත්රිනේත්රෝ ලෝචනේऽවතු ।
භ්රූයුග්මං ගිරිශඃ පාතු කර්ණෞ පාතු මහේශ්වරඃ ॥ 13 ॥
නාසිකාං මේ මහාදේව ඕෂ්ඨෞ පාතු වෘෂධ්වජඃ ।
ජිහ්වාං මේ දක්ෂිණාමූර්තිර්දංතාන්මේ ගිරිශෝऽවතු ॥ 14 ॥
මෘත්යුංජයෝ මුඛං පාතු කංඨං මේ නාගභූෂණඃ ।
පිනාකි මත්කරෞ පාතු ත්රිශූලි හෘදයං මම ॥ 15 ॥
පංචවක්ත්රඃ ස්තනෞ පාතු උදරං ජගදීශ්වරඃ ।
නාභිං පාතු විරූපාක්ෂඃ පාර්ශ්වෞ මේ පාර්වතීපතිඃ ॥ 16 ॥
කටද්වයං ගිරීශෝ මේ පෘෂ්ඨං මේ ප්රමථාධිපඃ ।
ගුහ්යං මහේශ්වරඃ පාතු මමෝරූ පාතු භෛරවඃ ॥ 17 ॥
ජානුනී මේ ජගද්ධර්තා ජංඝේ මේ ජගදංබිකා ।
පාදෞ මේ සතතං පාතු ලෝකවංද්යඃ සදාශිවඃ ॥ 18 ॥
ගිරිශඃ පාතු මේ භාර්යාං භවඃ පාතු සුතාන්මම ।
මෘත්යුංජයෝ මමායුෂ්යං චිත්තං මේ ගණනායකඃ ॥ 19 ॥
සර්වාංගං මේ සදා පාතු කාලකාලඃ සදාශිවඃ ।
ඒතත්තේ කවචං පුණ්යං දේවතානාං ච දුර්ලභම් ॥ 20 ॥
මෘතසංජීවනං නාම්නා මහාදේවේන කීර්තිතම් ।
සහස්රාවර්තනං චාස්ය පුරශ්චරණමීරිතම් ॥ 21 ॥
යඃ පඨේච්චෘණුයාන්නිත්යං ශ්රාවයේත්සු සමාහිතඃ ।
ස කාලමෘත්යුං නිර්ජිත්ය සදායුෂ්යං සමශ්නුතේ ॥ 22 ॥
හස්තේන වා යදා ස්පෘෂ්ට්වා මෘතං සංජීවයත්යසෞ ।
ආධයෝව්යාධයස්තස්ය න භවංති කදාචන ॥ 23 ॥
කාලමෘත්යුමපි ප්රාප්තමසෞ ජයති සර්වදා ।
අණිමාදිගුණෛශ්වර්යං ලභතේ මානවෝත්තමඃ ॥ 24 ॥
යුද්ධාරංභේ පඨිත්වේදමෂ්ටාවිංශතිවාරකම් ।
යුද්ධමධ්යේ ස්ථිතඃ ශත්රුඃ සද්යඃ සර්වෛර්න දෘශ්යතේ ॥ 25 ॥
න බ්රහ්මාදීනි චාස්ත්රාණි ක්ෂයං කුර්වංති තස්ය වෛ ।
විජයං ලභතේ දේවයුද්ධමධ්යේऽපි සර්වදා ॥ 26 ॥
ප්රාතරුත්ථාය සතතං යඃ පඨේත්කවචං ශුභම් ।
අක්ෂය්යං ලභතේ සෞඛ්යමිහලෝකේ පරත්ර ච ॥ 27 ॥
සර්වව්යාධිවිනිර්මුක්තඃ සර්වරෝගවිවර්ජිතඃ ।
අජරාමරණෝ භූත්වා සදා ෂෝඩශවාර්ෂිකඃ ॥ 28 ॥
විචරත්යඛිලාන්ලෝකාන්ප්රාප්ය භෝගාංශ්ච දුර්ලභාන් ।
තස්මාදිදං මහාගෝප්යං කවචං සමුදාහෘතම් ॥ 29 ॥
මෘතසංජීවනං නාම්නා දේවතෛරපි දුර්ලභම් ॥ 30 ॥
ඉති වසිෂ්ඨ කෘත මෘතසංජීවන කවච ස්තෝත්රම් ॥
