শ্রী শিব উবাচ ।
কথিতোঽযং মহামংত্রঃ সর্বমংত্রোত্তমোত্তমঃ ।
যামাসাদ্য মযা প্রাপ্তমৈশ্বর্যপদমুত্তমম্ ॥ 1 ॥

সংযুক্তঃ পরযা ভক্ত্যা যথোক্ত বিধিনা ভবান্ ।
কুরুতামর্চনং দেব্যাস্ত্রৈলোক্যবিজিগীষযা ॥ 2 ॥

শ্রীপরশুরাম উবাচ ।
প্রসন্নো যদি মে দেব পরমেশ পুরাতন ।
রহস্যং পরমং দেব্যাঃ কৃপযা কথয প্রভো ॥ 3 ॥

বিনার্চনং বিনা হোমং বিনা ন্যাসং বিনা বলিম্ ।
বিনা গংধং বিনা পুষ্পং বিনা নিত্যোদিতাং ক্রিযাম্ ॥ 4 ॥

প্রাণাযামং বিনা ধ্যানং বিনা ভূতবিশোধনম্ ।
বিনা দানং বিনা জাপং যেন কালী প্রসীদতি ॥ 5 ॥

শ্রী শিব উবাচ ।
পৃষ্টং ত্বযোত্তমং প্রাজ্ঞ ভৃগুবংশ সমুদ্ভব ।
ভক্তানামপি ভক্তোঽসি ত্বমেব সাধযিষ্যসি ॥ 6 ॥

দেবীং দানবকোটিঘ্নীং লীলযা রুধিরপ্রিযাম্ ।
সদা স্তোত্রপ্রিযামুগ্রাং কামকৌতুকলালসাম্ ॥ 7 ॥

সর্বদাঽঽনংদহৃদযামাসবোত্সব মানসাম্ ।
মাধ্বীক মত্স্যমাংসানুরাগিণীং বৈষ্ণবীং পরাম্ ॥ 8 ॥

শ্মশানবাসিনীং প্রেতগণনৃত্যমহোত্সবাম্ ।
যোগপ্রভাবাং যোগেশীং যোগীংদ্রহৃদযস্থিতাম্ ॥ 9 ॥

তামুগ্রকালিকাং রাম প্রসীদযিতুমর্হসি ।
তস্যাঃ স্তোত্রং পরং পুণ্যং স্বযং কাল্যা প্রকাশিতম্ ॥ 10 ॥

তব তত্ কথযিষ্যামি শ্রুত্বা বত্সাবধারয ।
গোপনীযং প্রযত্নেন পঠনীযং পরাত্পরম্ ॥ 11 ॥

যস্যৈককালপঠনাত্ সর্বে বিঘ্নাঃ সমাকুলাঃ ।
নশ্যংতি দহনে দীপ্তে পতংগা ইব সর্বতঃ ॥ 12 ॥

গদ্যপদ্যমযী বাণী তস্য গংগাপ্রবাহবত্ ।
তস্য দর্শনমাত্রেণ বাদিনো নিষ্প্রভাং গতাঃ ॥ 13 ॥

তস্য হস্তে সদৈবাস্তি সর্বসিদ্ধির্ন সংশযঃ ।
রাজানোঽপি চ দাসত্বং ভজংতে কিং পরে জনাঃ ॥ 14 ॥

নিশীথে মুক্তকেশস্তু নগ্নঃ শক্তিসমাহিতঃ ।
মনসা চিংতযেত্ কালীং মহাকালেন চালিতাম্ ॥ 15 ॥

পঠেত্ সহস্রনামাখ্যং স্তোত্রং মোক্ষস্য সাধনম্ ।
প্রসন্না কালিকা তস্য পুত্রত্বেনানুকংপতে ॥ 16 ॥

যথা ব্রহ্মমৃতৈর্ব্রহ্মকুসুমৈঃ পূজিতা পরা ।
প্রসীদতি তথানেন স্তুতা কালী প্রসীদতি ॥ 17 ॥

বিনিযোগঃ –
অস্য শ্রী দক্ষিণকালিকা সহস্রনাম স্তোত্রস্য মহাকালভৈরব ঋষিঃ অনুষ্টুপ্ ছংদঃ শ্মশানকালী দেবতা ধর্মার্থকামমোক্ষার্থে পাঠে বিনিযোগঃ ।

ধ্যানম্ –
শবারূঢাং মহাভীমাং ঘোরদংষ্ট্রাং হসন্মুখীং
চতুর্ভুজাং খড্গমুংডবরাভযকরাং শিবাম্ ।
মুংডমালাধরাং দেবীং ললাজ্জিহ্বাং দিগংবরাং
এবং সংচিংতযেত্কালীং শ্মশানালযবাসিনীম্ ॥

স্তোত্রম্ –
শ্মশানকালিকা কালী ভদ্রকালী কপালিনী ।
গুহ্যকালী মহাকালী কুরুকুল্লা বিরোধিনী ॥ 1 ॥

কালিকা কালরাত্রিশ্চ মহাকালনিতংবিনী ।
কালভৈরবভার্যা চ কুলবর্ত্মপ্রকাশিনী ॥ 2 ॥

কামদা কামিনী কন্যা কমনীযস্বরূপিণী ।
কস্তূরীরসলিপ্তাংগী কুংজরেশ্বরগামিনী ॥ 3 ॥

ককারবর্ণসর্বাংগী কামিনী কামসুংদরী ।
কামার্তা কামরূপা চ কামধেনুঃ কলাবতী ॥ 4 ॥

কাংতা কামস্বরূপা চ কামাখ্যা কুলকামিনী ।
কুলীনা কুলবত্যংবা দুর্গা দুর্গতিনাশিনী ॥ 5 ॥

কৌমারী কলজা কৃষ্ণা কৃষ্ণদেহা কৃশোদরী ।
কৃশাংগী কুলিশাংগী চ ক্রীংকারী কমলা কলা ॥ 6 ॥

করালাস্যা করালী চ কুলকাংতাঽপরাজিতা ।
উগ্রা উগ্রপ্রভা দীপ্তা বিপ্রচিত্তা মহাবলা ॥ 7 ॥

নীলা ঘনা মেঘনাদা মাত্রা মুদ্রা মিতামিতা ।
ব্রাহ্মী নারাযণী ভদ্রা সুভদ্রা ভক্তবত্সলা ॥ 8 ॥

মাহেশ্বরী চ চামুংডা বারাহী নারসিংহিকা ।
বজ্রাংগী বজ্রকংকালী নৃমুংডস্রগ্বিণী শিবা ॥ 9 ॥

মালিনী নরমুংডালী গলদ্রক্তবিভূষণা ।
রক্তচংদনসিক্তাংগী সিংদূরারুণমস্তকা ॥ 10 ॥

ঘোররূপা ঘোরদংষ্ট্রা ঘোরাঘোরতরা শুভা ।
মহাদংষ্ট্রা মহামাযা সুদতী যুগদংতুরা ॥ 11 ॥

সুলোচনা বিরূপাক্ষী বিশালাক্ষী ত্রিলোচনা ।
শারদেংদুপ্রসন্নাস্যা স্ফুরত্স্মেরাংবুজেক্ষণা ॥ 12 ॥

অট্টহাসপ্রফুল্লাস্যা স্মেরবক্ত্রা সুভাষিণী ।
প্রফুল্লপদ্মবদনা স্মিতাস্যা প্রিযভাষিণী ॥ 13 ॥

কোটরাক্ষী কুলশ্রেষ্ঠা মহতী বহুভাষিণী ।
সুমতিঃ কুমতিশ্চংডা চংডমুংডাতিবেগিনী ॥ 14 ॥

সুকেশী মুক্তকেশী চ দীর্ঘকেশী মহাকচা ।
প্রেতদেহাকর্ণপূরা প্রেতপাণিসুমেখলা ॥ 15 ॥

প্রেতাসনা প্রিযপ্রেতা পুণ্যদা কুলপংডিতা ।
পুণ্যালযা পুণ্যদেহা পুণ্যশ্লোকা চ পাবনী ॥ 16 ॥

পূতা পবিত্রা পরমা পরা পুণ্যবিভূষণা ।
পুণ্যনাম্নী ভীতিহরা বরদা খড্গপাণিনী ॥ 17 ॥

নৃমুংডহস্তা শাংতা চ ছিন্নমস্তা সুনাসিকা ।
দক্ষিণা শ্যামলা শ্যামা শাংতা পীনোন্নতস্তনী ॥ 18 ॥

দিগংবরা ঘোররাবা সৃক্কাংতরক্তবাহিনী ।
ঘোররাবা শিবাসংগা নিঃসংগা মদনাতুরা ॥ 19 ॥

মত্তা প্রমত্তা মদনা সুধাসিংধুনিবাসিনী ।
অতিমত্তা মহামত্তা সর্বাকর্ষণকারিণী ॥ 20 ॥

গীতপ্রিযা বাদ্যরতা প্রেতনৃত্যপরাযণা ।
চতুর্ভুজা দশভুজা অষ্টাদশভুজা তথা ॥ 21 ॥

কাত্যাযনী জগন্মাতা জগতী পরমেশ্বরী ।
জগদ্বংধুর্জগদ্ধাত্রী জগদানংদকারিণী ॥ 22 ॥

জগজ্জীববতী হৈমবতী মাযা মহালযা ।
নাগযজ্ঞোপবীতাংগী নাগিনী নাগশাযিনী ॥ 23 ॥

নাগকন্যা দেবকন্যা গাংধারী কিন্নরী সুরী ।
মোহরাত্রী মহারাত্রী দারুণামাসুরাসুরী ॥ 24 ॥

বিদ্যাধরী বসুমতী যক্ষিণী যোগিনী জরা ।
রাক্ষসী ডাকিনী বেদমযী বেদবিভূষণা ॥ 25 ॥

শ্রুতিস্মৃতিমহাবিদ্যা গুহ্যবিদ্যা পুরাতনী ।
চিংত্যাঽচিংত্যা স্বধা স্বাহা নিদ্রা তংদ্রা চ পার্বতী ॥ 26 ॥

অপর্ণা নিশ্চলা লোলা সর্ববিদ্যা তপস্বিনী ।
গংগা কাশী শচী সীতা সতী সত্যপরাযণা ॥ 27 ॥

নীতিঃ সুনীতিঃ সুরুচিস্তুষ্টিঃ পুষ্টির্ধৃতিঃ ক্ষমা ।
বাণী বুদ্ধির্মহালক্ষ্মী লক্ষ্মীর্নীলসরস্বতী ॥ 28 ॥

স্রোতস্বতী স্রোতবতী মাতংগী বিজযা জযা ।
নদী সিংধুঃ সর্বমযী তারা শূন্যনিবাসিনী ॥ 29 ॥

শুদ্ধা তরংগিণী মেধা লাকিনী বহুরূপিণী ।
সদানংদমযী সত্যা সর্বানংদস্বরূপিণী ॥ 30 ॥

সুনংদা নংদিনী স্তুত্যা স্তবনীযা স্বভাবিনী ।
রংকিণী টংকিণী চিত্রা বিচিত্রা চিত্ররূপিণী ॥ 31 ॥

পদ্মা পদ্মালযা পদ্মসুখী পদ্মবিভূষণা ।
শাকিনী হাকিনী ক্ষাংতা রাকিণী রুধিরপ্রিযা ॥ 32 ॥

ভ্রাংতির্ভবানী রুদ্রাণী মৃডানী শত্রুমর্দিনী ।
উপেংদ্রাণী মহেশানী জ্যোত্স্না চেংদ্রস্বরূপিণী ॥ 33 ॥

সূর্যাত্মিকা রুদ্রপত্নী রৌদ্রী স্ত্রী প্রকৃতিঃ পুমান্ ।
শক্তিঃ সূক্তির্মতিমতী ভুক্তির্মুক্তিঃ পতিব্রতা ॥ 34 ॥

সর্বেশ্বরী সর্বমাতা শর্বাণী হরবল্লভা ।
সর্বজ্ঞা সিদ্ধিদা সিদ্ধা ভাব্যা ভব্যা ভযাপহা ॥ 35 ॥

কর্ত্রী হর্ত্রী পালযিত্রী শর্বরী তামসী দযা ।
তমিস্রা যামিনীস্থা চ স্থিরা ধীরা তপস্বিনী ॥ 36 ॥

চার্বংগী চংচলা লোলজিহ্বা চারুচরিত্রিণী ।
ত্রপা ত্রপাবতী লজ্জা নির্লজ্জা হ্রীং রজোবতী ॥ 37 ॥

সত্ত্ববতী ধর্মনিষ্ঠা শ্রেষ্ঠা নিষ্ঠুরবাদিনী ।
গরিষ্ঠা দুষ্টসংহর্ত্রী বিশিষ্টা শ্রেযসী ঘৃণা ॥ 38 ॥

ভীমা ভযানকা ভীমনাদিনী ভীঃ প্রভাবতী ।
বাগীশ্বরী শ্রীর্যমুনা যজ্ঞকর্ত্রী যজুঃপ্রিযা ॥ 39 ॥

ঋক্সামাথর্বনিলযা রাগিণী শোভনস্বরা ।
কলকংঠী কংবুকংঠী বেণুবীণাপরাযণা ॥ 40 ॥

বংশিনী বৈষ্ণবী স্বচ্ছা ধাত্রী ত্রিজগদীশ্বরী ।
মধুমতী কুংডলিনী ঋদ্ধিঃ সিদ্ধিঃ শুচিস্মিতা ॥ 41 ॥

রংভোর্বশী রতী রামা রোহিণী রেবতী রমা ।
শংখিনী চক্রিণী কৃষ্ণা গদিনী পদ্মিনী তথা ॥ 42 ॥

শূলিনী পরিঘাস্ত্রা চ পাশিনী শার্ঙ্গপাণিনী ।
পিনাকধারিণী ধূম্রা শরভী বনমালিনী ॥ 43 ॥

বজ্রিণী সমরপ্রীতা বেগিনী রণপংডিতা ।
জটিনী বিংবিনী নীলা লাবণ্যাংবুধিচংদ্রিকা ॥ 44 ॥

বলিপ্রিযা সদাপূজ্যা পূর্ণা দৈত্যেংদ্রমাথিনী ।
মহিষাসুরসংহংত্রী বাসিনী রক্তদংতিকা ॥ 45 ॥

রক্তপা রুধিরাক্তাংগী রক্তখর্পরহস্তিনী ।
রক্তপ্রিযা মাংসরুচির্বাসবাসক্তমানসা ॥ 46 ॥

গলচ্ছোণিতমুংডালিকংঠমালাবিভূষণা ।
শবাসনা চিতাংতস্থা মাহেশী বৃষবাহিনী ॥ 47 ॥

ব্যাঘ্রত্বগংবরা চীনচেলিনী সিংহবাহিনী ।
বামদেবী মহাদেবী গৌরী সর্বজ্ঞভাবিনী ॥ 48 ॥

বালিকা তরুণী বৃদ্ধা বৃদ্ধমাতা জরাতুরা ।
সুভ্রুর্বিলাসিনী ব্রহ্মবাদিনী ব্রাহ্মণী মহী ॥ 49 ॥

স্বপ্নবতী চিত্রলেখা লোপামুদ্রা সুরেশ্বরী ।
অমোঘাঽরুংধতী তীক্ষ্ণা ভোগবত্যনুবাদিনী ॥ 50 ॥

মংদাকিনী মংদহাসা জ্বালামুখ্যসুরাংতকা ।
মানদা মানিনী মান্যা মাননীযা মদোদ্ধতা ॥ 51 ॥

মদিরা মদিরান্মাদা মেধ্যা নব্যা প্রসাদিনী ।
সুমধ্যাঽনংতগুণিনী সর্বলোকোত্তমোত্তমা ॥ 52 ॥

জযদা জিত্বরা জৈত্রী জযশ্রীর্জযশালিনী ।
সুখদা শুভদা সত্যা সভাসংক্ষোভকারিণী ॥ 53 ॥

শিবদূতী ভূতিমতী বিভূতির্ভীষণাননা ।
কৌমারী কুলজা কুংতী কুলস্ত্রী কুলপালিকা ॥ 54 ॥

কীর্তির্যশস্বিনী ভূষা ভূষ্যা ভূতপতিপ্রিযা ।
সগুণা নির্গুণা ধৃষ্টা নিষ্ঠা কাষ্ঠা প্রতিষ্ঠিতা ॥ 55 ॥

ধনিষ্ঠা ধনদা ধন্যা বসুধা স্বপ্রকাশিনী ।
উর্বী গুর্বী গুরুশ্রেষ্ঠা সগুণা ত্রিগুণাত্মিকা ॥ 56 ॥

মহাকুলীনা নিষ্কামা সকামা কামজীবনা ।
কামদেবকলা রামাঽভিরামা শিবনর্তকী ॥ 57 ॥

চিংতামণিঃ কল্পলতা জাগ্রতী দীনবত্সলা ।
কার্তিকী কীর্তিকা কৃত্যা অযোধ্যা বিষমা সমা ॥ 58 ॥

সুমংত্রা মংত্রিণী ঘূর্ণা হ্লাদিনী ক্লেশনাশিনী ।
ত্রৈলোক্যজননী হৃষ্টা নির্মাংসা মনোরূপিণী ॥ 59 ॥

তডাগনিম্নজঠরা শুষ্কমাংসাস্থিমালিনী ।
অবংতী মথুরা মাযা ত্রৈলোক্যপাবনীশ্বরী ॥ 60 ॥

ব্যক্তাঽব্যক্তাঽনেকমূর্তিঃ শর্বরী ভীমনাদিনী ।
ক্ষেমংকরী শংকরী চ সর্বসম্মোহকারিণী ॥ 61 ॥

ঊর্ধ্বতেজস্বিনী ক্লিন্না মহাতেজস্বিনী তথা ।
অদ্বৈতা ভোগিনী পূজ্যা যুবতী সর্বমংগলা ॥ 62 ॥

সর্বপ্রিযংকরী ভোগ্যা ধরণী পিশিতাশনা ।
ভযংকরী পাপহরা নিষ্কলংকা বশংকরী ॥ 63 ॥

আশা তৃষ্ণা চংদ্রকলা নিদ্রান্যা বাযুবেগিনী ।
সহস্রসূর্যসংকাশা চংদ্রকোটিসমপ্রভা ॥ 64 ॥

বহ্নিমংডলসংস্থা চ সর্বতত্ত্বপ্রতিষ্ঠিতা ।
সর্বাচারবতী সর্বদেবকন্যাধিদেবতা ॥ 65 ॥

দক্ষকন্যা দক্ষযজ্ঞনাশিনী দুর্গতারিকা ।
ইজ্যা পূজ্যা বিভা ভূতিঃ সত্কীর্তির্ব্রহ্মরূপিণী ॥ 66 ॥

রংভোরুশ্চতুরা রাকা জযংতী করুণা কুহুঃ ।
মনস্বিনী দেবমাতা যশস্যা ব্রহ্মচারিণী ॥ 67 ॥

ঋদ্ধিদা বৃদ্ধিদা বৃদ্ধিঃ সর্বাদ্যা সর্বদাযিনী ।
আধাররূপিণী ধ্যেযা মূলাধারনিবাসিনী ॥ 68 ॥

অজ্ঞা প্রজ্ঞা পূর্ণমনাশ্চংদ্রমুখ্যনুকূলিনী ।
বাবদূকা নিম্ননাভিঃ সত্যা সংধ্যা দৃঢব্রতা ॥ 69 ॥

আন্বীক্ষিকী দংডনীতিস্ত্রযী ত্রিদিবসুংদরী ।
জ্বলিনী জ্বালিনী শৈলতনযা বিংধ্যবাসিনী ॥ 70 ॥

অমেযা খেচরী ধৈর্যা তুরীযা বিমলাঽঽতুরা ।
প্রগল্ভা বারুণী ছাযা শশিনী বিস্ফুলিংগিনী ॥ 71 ॥

ভুক্তিঃ সিদ্ধিঃ সদাপ্রাপ্তিঃ প্রাকাম্যা মহিমাঽণিমা ।
ইচ্ছাসিদ্ধির্বিসিদ্ধা চ বশিত্বোর্ধ্বনিবাসিনী ॥ 72 ॥

লঘিমা চৈব গাযত্রী সাবিত্রী ভুবনেশ্বরী ।
মনোহরা চিতা দিব্যা দেব্যুদারা মনোরমা ॥ 73 ॥

পিংগলা কপিলা জিহ্বারসজ্ঞা রসিকা রসা ।
সুষুম্নেডা ভোগবতী গাংধারী নরকাংতকা ॥ 74 ॥

পাংচালী রুক্মিণী রাধারাধ্যা ভীমাধিরাধিকা ।
অমৃতা তুলসী বৃংদা কৈটভী কপটেশ্বরী ॥ 75 ॥

উগ্রচংডেশ্বরী বীরা জননী বীরসুংদরী ।
উগ্রতারা যশোদাখ্যা দৈবকী দেবমানিতা ॥ 76 ॥

নিরংজনা চিত্রদেবী ক্রোধিনী কুলদীপিকা ।
কুলবাগীশ্বরী বাণী মাতৃকা দ্রাবিণী দ্রবা ॥ 77 ॥

যোগেশ্বরী মহামারী ভ্রামরী বিংদুরূপিণী ।
দূতী প্রাণেশ্বরী গুপ্তা বহুলা চমরী প্রভা ॥ 78 ॥

কুব্জিকা জ্ঞানিনী জ্যেষ্ঠা ভুশুংডী প্রকটা তিথিঃ ।
দ্রবিণী গোপনী মাযা কামবীজেশ্বরী ক্রিযা ॥ 79 ॥

শাংভবী কেকরা মেনা মূষলাস্ত্রা তিলোত্তমা ।
অমেযবিক্রমা ক্রূরা সংপত্শালা ত্রিলোচনা ॥ 80 ॥

স্বস্তির্হব্যবহা প্রীতিরুষ্মা ধূম্রার্চিরংগদা ।
তপিনী তাপিনী বিশ্বা ভোগদা ধারিণী ধরা ॥ 81 ॥

ত্রিখংডা বোধিনী বশ্যা সকলা শব্দরূপিণী ।
বীজরূপা মহামুদ্রা যোগিনী যোনিরূপিণী ॥ 82 ॥

অনংগকুসুমাঽনংগমেখলাঽনংগরূপিণী ।
বজ্রেশ্বরী চ জযিনী সর্বদ্বংদ্বক্ষযংকরী ॥ 83 ॥

ষডংগযুবতী যোগযুক্তা জ্বালাংশুমালিনী ।
দুরাশযা দুরাধারা দুর্জযা দুর্গরূপিণী ॥ 84 ॥

দুরংতা দুষ্কৃতিহরা দুর্ধ্যেযা দুরতিক্রমা ।
হংসেশ্বরী ত্রিকোণস্থা শাকংভর্যনুকংপিনী ॥ 85 ॥

ত্রিকোণনিলযা নিত্যা পরমামৃতরংজিতা ।
মহাবিদ্যেশ্বরী শ্বেতা ভেরুংডা কুলসুংদরী ॥ 86 ॥

ত্বরিতা ভক্তিসংসক্তা ভক্তবশ্যা সনাতনী ।
ভক্তানংদমযী ভক্তভাবিকা ভক্তশংকরী ॥ 87 ॥

সর্বসৌংদর্যনিলযা সর্বসৌভাগ্যশালিনী ।
সর্বসংভোগভবনা সর্বসৌখ্যনিরূপিণী ॥ 88 ॥

কুমারীপূজনরতা কুমারীব্রতচারিণী ।
কুমারীভক্তিসুখিনী কুমারীরূপধারিণী ॥ 89 ॥

কুমারীপূজকপ্রীতা কুমারীপ্রীতিদা প্রিযা ।
কুমারীসেবকাসংগা কুমারীসেবকালযা ॥ 90 ॥

আনংদভৈরবী বালভৈরবী বটুভৈরবী ।
শ্মশানভৈরবী কালভৈরবী পুরভৈরবী ॥ 91 ॥

মহাভৈরবপত্নী চ পরমানংদভৈরবী ।
সুধানংদভৈরবী চ উন্মাদানংদভৈরবী ॥ 92 ॥

মুক্তানংদভৈরবী চ তথা তরুণভৈরবী ।
জ্ঞানানংদভৈরবী চ অমৃতানংদভৈরবী ॥ 93 ॥

মহাভযংকরী তীব্রা তীব্রবেগা তপস্বিনী ।
ত্রিপুরা পরমেশানী সুংদরী পুরসুংদরী ॥ 94 ॥

ত্রিপুরেশী পংচদশী পংচমী পুরবাসিনী ।
মহাসপ্তদশী চৈব ষোডশী ত্রিপুরেশ্বরী ॥ 95 ॥

মহাংকুশস্বরূপা চ মহাচক্রেশ্বরী তথা ।
নবচক্রেশ্বরী চক্রেশ্বরী ত্রিপুরমালিনী ॥ 96 ॥

রাজরাজেশ্বরী ধীরা মহাত্রিপুরসুংদরী ।
সিংদূরপূররুচিরা শ্রীমত্ত্রিপুরসুংদরী ॥ 97 ॥

সর্বাংগসুংদরী রক্তারক্তবস্ত্রোত্তরীযিণী ।
জবাযাবকসিংদূররক্তচংদনধারিণী ॥ 98 ॥

জবাযাবকসিংদূররক্তচংদনরূপধৃক্ ।
চামরী বালকুটিলনির্মলা শ্যামকেশিনী ॥ 99 ॥

বজ্রমৌক্তিকরত্নাঢ্যা কিরীটমুকুটোজ্জ্বলা ।
রত্নকুংডলসংযুক্তস্ফুরদ্গংডমনোরমা ॥ 100 ॥

কুংজরেশ্বরকুংভোত্থমুক্তারংজিতনাসিকা ।
মুক্তাবিদ্রুমমাণিক্যহারাঢ্যস্তনমংডলা ॥ 101 ॥

সূর্যকাংতেংদুকাংতাঢ্যস্পর্শাশ্মকংঠভূষণা ।
বীজপূরস্ফুরদ্বীজদংতপংক্তিরনুত্তমা ॥ 102 ॥

কামকোদংডকাভুগ্নভ্রূকটাক্ষপ্রবর্ষিণী ।
মাতংগকুংভবক্ষোজা লসত্কোকনদেক্ষণা ॥ 103 ॥

মনোজ্ঞশষ্কুলীকর্ণা হংসীগতিবিডংবিনী ।
পদ্মরাগাংগদজ্যোতির্দোশ্চতুষ্কপ্রকাশিনী ॥ 104 ॥

নানামণিপরিস্ফূর্জচ্ছুদ্ধকাংচনকংকণা ।
নাগেংদ্রদংতনির্মাণবলযাংকিতপাণিনী ॥ 105 ॥

অংগুরীযকচিত্রাংগী বিচিত্রক্ষুদ্রঘংটিকা ।
পট্টাংবরপরীধানা কলমংজীরশিংজিনী ॥ 106 ॥

কর্পূরাগরুকস্তূরীকুংকুমদ্রবলেপিতা ।
বিচিত্ররত্নপৃথিবীকল্পশাখিতলস্থিতা ॥ 107 ॥

রত্নদ্বীপস্ফুরদ্রত্নসিংহাসনবিলাসিনী ।
ষট্চক্রভেদনকরী পরমানংদরূপিণী ॥ 108 ॥

সহস্রদলপদ্মাংতশ্চংদ্রমংডলবর্তিনী ।
ব্রহ্মরূপা শিবক্রোডা নানাসুখবিলাসিনী ॥ 109 ॥

হরবিষ্ণুবিরিংচীংদ্রগ্রহনাযকসেবিতা ।
শিবা শৈবা চ রুদ্রাণী তথৈব শিববাদিনী ॥ 110 ॥

মাতংগিনী শ্রীমতী চ তথৈবানংগমেখলা ।
ডাকিনী যোগিনী চৈব তথোপযোগিনী মতা ॥ 111 ॥

মাহেশ্বরী বৈষ্ণবী চ ভ্রামরী শিবরূপিণী ।
অলংবুষা বেগবতী ক্রোধরূপা সুমেখলা ॥ 112 ॥

গাংধারী হস্তজিহ্বা চ ইডা চৈব শুভংকরী ।
পিংগলা ব্রহ্মদূতী চ সুষুম্না চৈব গংধিনী ॥ 113 ॥

আত্মযোনির্ব্রহ্মযোনির্জগদ্যোনিরযোনিজা ।
ভগরূপা ভগস্থাত্রী ভগিনী ভগরূপিণী ॥ 114 ॥

ভগাত্মিকা ভগাধাররূপিণী ভগমালিনী ।
লিংগাখ্যা চৈব লিংগেশী ত্রিপুরা ভৈরবী তথা ॥ 115 ॥

লিংগগীতিঃ সুগীতিশ্চ লিংগস্থা লিংগরূপধৃক্ ।
লিংগমানা লিংগভবা লিংগলিংগা চ পার্বতী ॥ 116 ॥

ভগবতী কৌশিকী চ প্রেমা চৈব প্রিযংবদা ।
গৃধ্ররূপা শিবারূপা চক্রিণী চক্ররূপধৃক্ ॥ 117 ॥

লিংগাভিধাযিনী লিংগপ্রিযা লিংগনিবাসিনী ।
লিংগস্থা লিংগনী লিংগরূপিণী লিংগসুংদরী ॥ 118 ॥

লিংগগীতির্মহাপ্রীতা ভগগীতির্মহাসুখা ।
লিংগনামসদানংদা ভগনামসদাগতিঃ ॥ 119 ॥

লিংগমালাকংঠভূষা ভগমালাবিভূষণা ।
ভগলিংগামৃতপ্রীতা ভগলিংগস্বরূপিণী ॥ 120 ॥

ভগলিংগস্য রূপা চ ভগলিংগসুখাবহা ।
স্বযংভূকুসুমপ্রীতা স্বযংভূকুসুমার্চিতা ॥ 121 ॥

স্বযংভূকুসুমপ্রাণা স্বযংভূপুষ্পতর্পিতা ।
স্বযংভূপুষ্পঘটিতা স্বযংভূপুষ্পধারিণী ॥ 122 ॥

স্বযংভূপুষ্পতিলকা স্বযংভূপুষ্পচর্চিতা ।
স্বযংভূপুষ্পনিরতা স্বযংভূকুসুমগ্রহা ॥ 123 ॥

স্বযংভূপুষ্পযজ্ঞাংশা স্বযংভূকুসুমাত্মিকা ।
স্বযংভূপুষ্পনিচিতা স্বযংভূকুসুমপ্রিযা ॥ 124 ॥

স্বযংভূকুসুমাদানলালসোন্মত্তমানসা ।
স্বযংভূকুসুমানংদলহরীস্নিগ্ধদেহিনী ॥ 125 ॥

স্বযংভূকুসুমাধারা স্বযংভূকুসুমাকুলা ।
স্বযংভূপুষ্পনিলযা স্বযংভূপুষ্পবাসিনী ॥ 126 ॥

স্বযংভূকুসুমস্নিগ্ধা স্বযংভূকুসুমাত্মিকা ।
স্বযংভূপুষ্পকরিণী স্বযংভূপুষ্পবাণিকা ॥ 127 ॥

স্বযংভূকুসুমধ্যানা স্বযংভূকুসুমপ্রভা ।
স্বযংভূকুসুমজ্ঞানা স্বযংভূপুষ্পভাগিনী ॥ 128 ॥

স্বযংভূকুসুমোল্লাসা স্বযংভূপুষ্পবর্ষিণী ।
স্বযংভূকুসুমোত্সাহা স্বযংভূপুষ্পরূপিণী ॥ 129 ॥

স্বযংভূকুসুমোন্মাদা স্বযংভূপুষ্পসুংদরী ।
স্বযংভূকুসুমারাধ্যা স্বযংভূকুসুমোদ্ভবা ॥ 130 ॥

স্বযংভূকুসুমাব্যগ্রা স্বযংভূপুষ্পপূর্ণিতা ।
স্বযংভূপূজকপ্রাজ্ঞা স্বযংভূহোতৃমাতৃকা ॥ 131 ॥

স্বযংভূদাতৃরক্ষিত্রী স্বযংভূরক্ততারিকা ।
স্বযংভূপূজকগ্রস্তা স্বযংভূপূজকপ্রিযা ॥ 132 ॥

স্বযংভূবংদকাধারা স্বযংভূনিংদকাংতকা ।
স্বযংভূপ্রদসর্বস্বা স্বযংভূপ্রদপুত্রিণী ॥ 133 ॥

স্বযংভূপ্রদসস্মেরা স্বযংভূতশরীরিণী ।
সর্বকালোদ্ভবপ্রীতা সর্বকালোদ্ভবাত্মিকা ॥ 134 ॥

সর্বকালোদ্ভবোদ্ভাবা সর্বকালোদ্ভবোদ্ভবা ।
কুংডপুষ্পসদাপ্রীতা কুংডপুষ্পসদারতিঃ ॥ 135 ॥

কুংডগোলোদ্ভবপ্রাণা কুংডগোলোদ্ভবাত্মিকা ।
স্বযংভূর্বা শিবা ধাত্রী পাবনী লোকপাবনী ॥ 136 ॥

কীর্তির্যশস্বিনী মেধা বিমেধা শুক্রসুংদরী ।
অশ্বিনী কৃত্তিকা পুষ্যা তেজস্কা চংদ্রমংডলা ॥ 137 ॥

সূক্ষ্মাঽসূক্ষ্মা বলাকা চ বরদা ভযনাশিনী ।
বরদাঽভযদা চৈব মুক্তিবংধবিনাশিনী ॥ 138 ॥

কামুকা কামদা কাংতা কামাখ্যা কুলসুংদরী ।
দুঃখদা সুখদা মোক্ষা মোক্ষদার্থপ্রকাশিনী ॥ 139 ॥

দুষ্টাদুষ্টমতিশ্চৈব সর্বকার্যবিনাশিনী ।
শুক্রাধারা শুক্ররূপা শুক্রসিংধুনিবাসিনী ॥ 140 ॥

শুক্রালযা শুক্রভোগা শুক্রপূজাসদারতিঃ ।
শুক্রপূজ্যা শুক্রহোমসংতুষ্টা শুক্রবত্সলা ॥ 141 ॥

শুক্রমূর্তিঃ শুক্রদেহা শুক্রপূজকপুত্রিণী ।
শুক্রস্থা শুক্রিণী শুক্রসংস্পৃহা শুক্রসুংদরী ॥ 142 ॥

শুক্রস্নাতা শুক্রকরী শুক্রসেব্যাঽতিশুক্রিণী ।
মহাশুক্রা শুক্রভবা শুক্রবৃষ্টিবিধাযিনী ॥ 143 ॥

শুক্রাভিধেযা শুক্রার্হা শুক্রবংদকবংদিতা ।
শুক্রানংদকরী শুক্রসদানংদাভিধাযিকা ॥ 144 ॥

শুক্রোত্সবা সদাশুক্রপূর্ণা শুক্রমনোরমা ।
শুক্রপূজকসর্বস্বা শুক্রনিংদকনাশিনী ॥ 145 ॥

শুক্রাত্মিকা শুক্রসংবত্ শুক্রাকর্ষণকারিণী ।
শারদা সাধকপ্রাণা সাধকাসক্তমানসা ॥ 146 ॥

সাধকোত্তমসর্বস্বা সাধকাভক্তরক্তপা ।
সাধকানংদসংতোষা সাধকানংদকারিণী ॥ 147 ॥

আত্মবিদ্যা ব্রহ্মবিদ্যা পরব্রহ্মস্বরূপিণী ।
ত্রিকূটস্থা পংচকূটা সর্বকূটশরীরিণী ॥ 148 ॥

সর্ববর্ণমযী বর্ণজপমালাবিধাযিনী ।
ইতি শ্রীকালিকানামসহস্রং শিবভাষিতম্ ॥ 149 ॥

গুহ্যাদ্গুহ্যতরং সাক্ষান্মহাপাতকনাশনম্ ।
পূজাকালে নিশীথে চ সংধ্যযোরুভযোরপি ॥ 150 ॥

লভতে গাণপত্যং স যঃ পঠেত্ সাধকোত্তমঃ ।
যঃ পঠেত্ পাঠযেদ্বাপি শৃণোতি শ্রাবযেদপি ॥ 151 ॥

সর্বপাপবিনির্মুক্তঃ স যাতি কালিকাপুরম্ ।
শ্রদ্ধযাঽশ্রদ্ধযা বাপি যঃ কশ্চিন্মানবঃ স্মরেত্ ॥ 152 ॥

দুর্গং দুর্গশতং তীর্ত্বা স যাতি পরমাংগতিম্ ।
বংধ্যা বা কাকবংধ্যা বা মৃতবত্সা চ যাংগনা ॥ 153 ॥

শ্রুত্বা স্তোত্রমিদং পুত্রান্ লভতে চিরজীবিনঃ ।
যং যং কামযতে কামং পঠন্ স্তোত্রমনুত্তমম্ ।
দেবীপাদপ্রসাদেন তত্তদাপ্নোতি নিশ্চিতম্ ॥ 154 ॥

ইতি শ্রীকালিকাকুলসর্বস্বে হরপরশুরামসংবাদে শ্রী কালিকা সহস্রনাম স্তোত্রম্ ।