কৃষ্ণ যজুর্বেদীয তৈত্তিরীয সংহিতাযাং প্রথমকাংডে প্রথমঃ প্রশ্নঃ - (দর্​শপূর্ণমাসৌ)

ওং নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হ॒রিঃ॒ ওম্ ॥

ই॒ষে ত্বো॒র্জে ত্বা॑ বা॒যবঃ॑ স্থোপা॒যবঃ॑ স্থ দে॒বো বঃ॑ সবি॒তা প্রার্প॑যতু॒ শ্রেষ্ঠ॑তমায॒ কর্ম॑ণ॒ আ প্যা॑যদ্ধ্বমঘ্নিযা দেবভা॒গমূর্জ॑স্বতীঃ॒ পয॑স্বতীঃ প্র॒জাব॑তীরনমী॒বা অ॑য॒ক্ষ্মা মা বঃ॑ স্তে॒ন ঈ॑শত॒ মাঽঘশগ্-ম্॑সো রু॒দ্রস্য॑ হে॒তিঃ পরি॑ বো বৃণক্তু ধ্রু॒বা অ॒স্মিন্ গোপ॑তৌ স্যাত ব॒হ্বী-র্যজ॑মানস্য প॒শূন্ পা॑হি ॥ 1 ॥
(ই॒ষে - ত্রিচ॑ত্বারিগ্-ম্শত্ ) (অ. 1)

য॒জ্ঞস্য॑ ঘো॒ষদ॑সি॒ প্রত্যু॑ষ্ট॒গ্-ম্॒ রক্ষঃ॒ প্রত্যু॑ষ্টা॒ অরা॑তযঃ॒ প্রেযম॑গাদ্ধি॒ষণা॑ ব॒র্॒​হিরচ্ছ॒ মনু॑না কৃ॒তা স্ব॒ধযা॒ বিত॑ষ্টা॒ ত আ ব॑হংতি ক॒বযঃ॑ পু॒রস্তা᳚দ্- দে॒বেভ্যো॒ জুষ্ট॑মি॒হ ব॒র্॒​হিরা॒সদে॑ দে॒বানাং᳚ পরিষূ॒তম॑সি ব॒র্॒​ষবৃ॑দ্ধমসি॒ দেব॑বর্​হি॒র্মা ত্বাঽ॒ন্বং মা তি॒র্যক্ পর্ব॑ তে রাদ্ধ্যাসমাচ্ছে॒ত্তা তে॒ মা রি॑ষং॒ দেব॑বর্​হিঃ শ॒তব॑ল্​শং॒-বিঁ রো॑হ স॒হস্র॑বল্​শা॒ [স॒হস্র॑বল্​শাঃ, বি ব॒যগ্-ম্ রু॑হেম] ॥ 2 ॥

বি ব॒যগ্-ম্ রু॑হেম পৃথি॒ব্যাঃ সং॒পৃচঃ॑ পাহি সুসং॒ভৃতা᳚ ত্বা॒ সংভ॑রা॒ম্যদি॑ত্যৈ॒ রাস্না॑ঽসীংদ্রা॒ণ্যৈ স॒ন্নহ॑নং পূ॒ষা তে᳚ গ্রং॒থিং গ্র॑থ্নাতু॒ স তে॒ মাঽঽ স্থা॒দিংদ্র॑স্য ত্বা বা॒হুভ্যা॒মুদ্য॑চ্ছে॒ বৃহ॒স্পতে᳚-র্মূ॒র্ধ্না হ॑রাম্যু॒র্বং॑তরি॑ক্ষ॒মন্বি॑হি দেবংগ॒মম॑সি ॥ 3 ॥
(স॒হস্র॑বল্​শা - অ॒ষ্টাত্রিগ্-ম্॑শচ্চ) (অ. 2)

শুংধ॑দ্ধ্বং॒ দৈব্যা॑য॒ কর্ম॑ণে দেবয॒জ্যাযৈ॑ মাত॒রিশ্ব॑নো ঘ॒র্মো॑ঽসি॒ দ্যৌর॑সি পৃথি॒ব্য॑সি বি॒শ্বধা॑যা অসি পর॒মেণ॒ ধাম্না॒ দৃগ্-ম্হ॑স্ব॒ মা হ্বা॒-র্বসূ॑নাং প॒বিত্র॑মসি শ॒তধা॑রং॒-বঁসূ॑নাং প॒বিত্র॑মসি স॒হস্র॑ধারগ্-ম্ হু॒তঃ স্তো॒কোহু॒তো দ্র॒ফ্সো᳚ ঽগ্নযে॑ বৃহ॒তে নাকা॑য॒ স্বাহা॒ দ্যাবা॑পৃথি॒বীভ্যা॒গ্-ম্॒ সা বি॒শ্বাযুঃ॒ সা বি॒শ্বব্য॑চাঃ॒ সা বি॒শ্বক॑র্মা॒ সং পৃ॑চ্যদ্ধ্ব-মৃতাবরী-রূ॒র্মিণী॒র্মধু॑মত্তমা মং॒দ্রা ধন॑স্য সা॒তযে॒ সোমে॑ন॒ ত্বাঽঽত॑ন॒চ্মীংদ্রা॑য॒ দধি॒ বিষ্ণো॑ হ॒ব্যগ্-ম্ র॑ক্ষস্ব ॥ 4 ॥
(সোমে॑ - না॒ষ্টৌ চ॑) (অ. 3)

কর্ম॑ণে বাং দে॒বেভ্যঃ॑ শকেযং॒-বেঁষা॑য ত্বা॒ প্রত্যু॑ষ্ট॒গ্-ম্॒ রক্ষঃ॒ প্রত্যু॑ষ্টা॒ অরা॑তযো॒ ধূর॑সি॒ ধূর্ব॒ ধূর্বং॑তং॒ ধূর্ব॒ তং-যোঁ᳚ঽস্মান্ ধূর্ব॑তি॒ তং ধূ᳚র্ব॒যং-বঁ॒যং ধূর্বা॑ম॒স্ত্বং দে॒বানা॑মসি॒ সস্নি॑তমং॒ পপ্রি॑তমং॒ জুষ্ট॑তমং॒-বঁহ্নি॑তমং দেব॒হূত॑ম॒-মহ্রু॑তমসি হবি॒র্ধানং॒ দৃগ্-ম্হ॑স্ব॒ মা হ্বা᳚-র্মি॒ত্রস্য॑ ত্বা॒ চক্ষু॑ষা॒ প্রেক্ষে॒ মা ভের্মা সং-বিঁ॑ক্থা॒ মা ত্বা॑ - [মা ত্বা᳚, হি॒গ্-ম্॒সি॒ষ॒মু॒রু] ॥ 5 ॥

হিগ্-ম্সিষমু॒রু বাতা॑য দে॒বস্য॑ ত্বা সবি॒তুঃ প্র॑স॒বে᳚ঽশ্বিনো᳚-র্বা॒হুভ্যাং᳚ পূ॒ষ্ণো হস্তা᳚ভ্যা-ম॒গ্নযে॒ জুষ্টং॒ নির্ব॑পাম্য॒গ্নীষোমা᳚ভ্যা-মি॒দং দে॒বানা॑মি॒দমু॑ নঃ স॒হ স্ফা॒ত্যৈ ত্বা॒ নারা᳚ত্যৈ॒ সুব॑র॒ভি বি খ্যে॑ষং-বৈঁশ্বান॒রং জ্যোতি॒-র্দৃগ্-ম্হং॑তাং॒ দুর্যা॒ দ্যাবা॑পৃথি॒ব্যো- রু॒র্বং॑তরি॑ক্ষ॒ মন্বি॒-হ্যদি॑ত্যা স্ত্বো॒পস্থে॑ সাদযা॒ম্যগ্নে॑ হ॒ব্যগ্-ম্ র॑ক্ষস্ব ॥ 6 ॥
( মা ত্বা॒ - ষট্চ॑ত্বারিগ্-ম্শচ্চ ) (অ. 4)

দে॒বো বঃ॑ সবি॒তোত্ পু॑না॒ত্বচ্ছি॑দ্রেণ প॒বিত্রে॑ণ॒ বসোঃ॒ সূর্য॑স্য র॒শ্মিভি॒রাপো॑ দেবীরগ্রেপুবো অগ্রেগু॒বোঽগ্র॑ ই॒মং-যঁ॒জ্ঞং ন॑য॒তাগ্রে॑ য॒জ্ঞপ॑তিং ধত্ত যু॒ষ্মানিংদ্রো॑ ঽবৃণীত বৃত্র॒তূর্যে॑ যূ॒যমিংদ্র॑-মবৃণীদ্ধ্বং-বৃঁত্র॒তূর্যে॒ প্রোক্ষি॑তাঃ স্থা॒গ্নযে॑ বো॒ জুষ্টং॒ প্রোক্ষা᳚ম্য॒গ্নীষোমা᳚ভ্যা॒গ্-ম্॒ শুংধ॑দ্ধ্বং॒ দৈব্যা॑য॒ কর্ম॑ণে দেবয॒জ্যাযা॒ অব॑ধূত॒গ্-ম্॒ রক্ষোঽব॑ধূতা॒
অরা॑ত॒যোঽদি॑ত্যা॒স্ত্বগ॑সি॒ প্রতি॑ ত্বা - [প্রতি॑ ত্বা, পৃ॒থি॒বী বে᳚ত্ত্বধি॒ষব॑ণমসি] ॥ 7 ॥

পৃথি॒বী বে᳚ত্ত্বধি॒ষব॑ণমসি বানস্প॒ত্যং প্রতি॒ ত্বাঽদি॑ত্যা॒স্ত্বগ্বে᳚ত্ত্ব॒গ্নেস্ত॒নূর॑সি বা॒চো বি॒সর্জ॑নং দে॒ববী॑তযে ত্বা গৃহ্ণা॒ম্যদ্রি॑রসি বানস্প॒ত্যঃ স ই॒দং দে॒বেভ্যো॑ হ॒ব্যগ্-ম্ সু॒শমি॑ শমি॒ষ্বেষ॒মা ব॒দোর্জ॒মা ব॑দ দ্যু॒মদ্ব॑দত ব॒যগ্-ম্ সং॑ঘা॒তং জে᳚ষ্ম ব॒র্॒​ষবৃ॑দ্ধমসি॒ প্রতি॑ ত্বা ব॒র্॒​ষবৃ॑দ্ধং-বেঁত্তু॒ পরা॑পূত॒গ্-ম্॒ রক্ষঃ॒ পরা॑পূতা॒ অরা॑তযো॒ রক্ষ॑সাং ভা॒গো॑ ঽসি বা॒যুর্বো॒ বি বি॑নক্তু দে॒বো বঃ॑ সবি॒তা হির॑ণ্যপাণিঃ॒ প্রতি॑ গৃহ্ণাতু ॥ 8 ॥
( ত্বা॒ - ভা॒গ - একা॑দশ চ ) (অ. 5)

অব॑ধূত॒গ্-ম্॒ রক্ষোঽব॑ধূতা॒ অরা॑ত॒যোঽদি॑ত্যা॒স্ত্বগ॑সি॒ প্রতি॑ ত্বা পৃথি॒বীবে᳚ত্তু দি॒বঃ স্কং॑ভ॒নির॑সি॒ প্রতি॒ ত্বাঽদি॑ত্যা॒স্ত্বগ্বে᳚ত্তু ধি॒ষণা॑ঽসি পর্ব॒ত্যা প্রতি॑ ত্বা দি॒বঃ স্কং॑ভ॒নির্বে᳚ত্তু ধি॒ষণা॑ঽসি পার্বতে॒যী প্রতি॑ ত্বা পর্ব॒তির্বে᳚ত্তু দে॒বস্য॑ ত্বা সবি॒তুঃ প্র॑স॒বে᳚-ঽশ্বিনো᳚-র্বা॒হুভ্যাং᳚ পূ॒ষ্ণোহস্তা᳚ভ্যা॒মধি॑ বপামিধা॒ন্য॑মসি ধিনু॒হি দে॒বান্ প্রা॒ণায॑ ত্বা ঽপা॒নায॑ ত্বা ব্যা॒নায॑ ত্বা দী॒র্ঘামনু॒ প্রসি॑তি॒মাযু॑ষেধাং দে॒বো বঃ॑ সবি॒তা হির॑ণ্যপাণিঃ॒ প্রতি॑ গৃহ্ণাতু ॥ 9 ॥
(প্রা॒ণায॑ ত্বা॒ - পংচ॑দশ চ) (অ. 6)

ধৃষ্টি॑রসি॒ ব্রহ্ম॑ য॒চ্ছাপা᳚গ্নে॒ ঽগ্নিমা॒মাদং॑ জহি॒ নিষ্ক্র॒ব্যাদগ্-ম্॑ সে॒ধাঽঽদে॑ব॒যজং॑-বঁহ॒ নির্দ॑গ্ধ॒গ্-ম্॒ রক্ষো॒ নির্দ॑গ্ধা॒ অরা॑তযো ধ্রু॒বম॑সি পৃথি॒বীং দৃ॒গ্-ম্॒হাঽঽযু॑-র্দৃগ্-ম্হ প্র॒জাং দৃগ্-ম্॑হ সজা॒তান॒স্মৈ যজ॑মানায॒ পর্যূ॑হ ধ॒র্ত্রম॑স্যং॒তরি॑ক্ষং দৃগ্-ম্হ প্রা॒ণং দৃগ্-ম্॑হাপা॒নং দৃগ্-ম্॑হ সজা॒তান॒স্মৈ যজ॑মানায॒ পর্যূ॑হ ধ॒রুণ॑মসি॒ দিবং॑ দৃগ্-ম্হ॒ চক্ষু॑- [চক্ষুঃ॑, দৃ॒গ্-ম্॒হ॒ শ্রোত্রং॑ দৃগ্-ম্হ] ॥ 10 ॥

র্দৃগ্-ম্হ॒ শ্রোত্রং॑ দৃগ্-ম্হ সজা॒তান॒স্মৈ যজ॑মানায॒ পর্যূ॑হ॒ ধর্মা॑সি॒ দিশো॑ দৃগ্-ম্হ॒ যোনিং॑ দৃগ্-ম্হ প্র॒জাং দৃগ্-ম্॑হ সজা॒তান॒স্মৈ যজ॑মানায॒ পর্যূ॑হ॒ চিতঃ॑ স্থ প্র॒জাম॒স্মৈ র॒যিম॒স্মৈ স॑জা॒তান॒স্মৈ যজ॑মানায॒ পর্যূ॑হ॒ ভৃগূ॑ণা॒মংগি॑রসাং॒ তপ॑সা তপ্যদ্ধ্বং॒-যাঁনি॑ ঘ॒র্মে ক॒পালা᳚ন্যুপচি॒ন্বংতি॑ বে॒ধসঃ॑ ।
পূ॒ষ্ণস্তান্যপি॑ ব্র॒ত ইং॑দ্রবা॒যূ বি মুং॑চতাম্ ॥ 11 ॥
(চক্ষু॑ - র॒ষ্টাচ॑ত্বারিগ্-ম্শচ্চ) (অ. 7)

সং-বঁ॑পামি॒ সমাপো॑ অ॒দ্ভির॑গ্মত॒ সমোষ॑ধযো॒ রসে॑ন॒ সগ্-ম্ রে॒বতী॒-র্জগ॑তীভি॒-র্মধু॑মতী॒-র্মধু॑মতীভিঃ সৃজ্যদ্ধ্বম॒দ্ভ্যঃ পরি॒ প্রজা॑তাঃ স্থ॒ সম॒দ্ভিঃ পৃ॑চ্যদ্ধ্বং॒ জন॑যত্যৈ ত্বা॒ সং-যৌঁ᳚ম্য॒গ্নযে᳚ ত্বা॒ঽগ্নীষোমা᳚ভ্যাং ম॒খস্য॒ শিরো॑ঽসি ঘ॒র্মো॑ঽসি বি॒শ্বাযু॑রু॒রু প্র॑থস্বো॒রু তে॑ য॒জ্ঞপ॑তিঃ প্রথতাং॒ ত্বচং॑ গৃহ্ণীষ্বাং॒তরি॑ত॒গ্-ম্॒ রক্ষো॒ঽংতরি॑তা॒ অরা॑তযোদে॒বস্ত্বা॑ সবি॒তা শ্র॑পযতু॒ বর্​ষি॑ষ্ঠে॒ অধি॒ নাকে॒ঽগ্নিস্তে॑ ত॒নুবং॒ মাঽতি॑ ধা॒গগ্নে॑ হ॒ব্যগ্-ম্ র॑ক্ষস্ব॒ সং ব্রহ্ম॑ণা পৃচ্যস্বৈক॒তায॒ স্বাহা᳚ দ্বি॒তায॒ স্বাহা᳚ ত্রি॒তায॒ স্বাহা᳚ ॥ 12 ॥
(স॒বি॒তা - দ্বাবিগ্-ম্॑শতিশ্চ) (অ. 8)

আ দ॑দ॒ ইংদ্র॑স্য বা॒হুর॑সি॒ দক্ষি॑ণঃ স॒হস্র॑ভৃষ্টিঃ শ॒ততে॑জা বা॒যুর॑সি তি॒গ্মতে॑জাঃ॒ পৃথি॑বি দেবযজ॒ - ন্যোষ॑দ্ধ্যাস্তে॒ মূলং॒ মা হিগ্-ম্॑সিষ॒-মপ॑হতো॒ঽররুঃ॑ পৃথি॒ব্যৈ ব্র॒জং গ॑চ্ছ গো॒স্থানং॒-বঁর্​ষ॑তু তে॒ দ্যৌর্ব॑ধা॒ন দে॑ব সবিতঃ পর॒মস্যাং᳚ পরা॒বতি॑ শ॒তেন॒ পাশৈ॒র্যো᳚ঽস্মান্ দ্বেষ্টি॒ যং চ॑ ব॒যং দ্বি॒ষ্মস্তমতো॒ মা মৌ॒গপ॑হতো॒ঽররুঃ॑ পৃথি॒ব্যৈ দে॑ব॒যজ॑ন্যৈ ব্র॒জং- [ব্র॒জম্, গ॒চ্ছ॒ গো॒স্থানং॒-বঁর্​ষ॑তু] ॥ 13 ॥

গ॑চ্ছ গো॒স্থানং॒-বঁর্​ষ॑তু তে॒ দ্যৌর্ব॑ধা॒ন দে॑ব সবিতঃ পর॒মস্যাং᳚ পরা॒বতি॑ শ॒তেন॒ পাশৈ॒র্যো᳚ঽস্মান্ দ্বেষ্টি॒ যং চ॑ ব॒যং দ্বি॒ষ্মস্তমতো॒ মা মৌ॒গপ॑হতো॒ঽররুঃ॑ পৃথি॒ব্যা অদে॑বযজনো ব্র॒জং গ॑চ্ছ গো॒স্থানং॒-বঁর্​ষ॑তু তে॒ দ্যৌর্ব॑ধা॒ন দে॑ব সবিতঃ পর॒মস্যাং᳚ পরা॒বতি॑ শ॒তেন॒ পাশৈ॒র্যো᳚ঽস্মান্ দ্বেষ্টি॒ যং চ॑ ব॒যং দ্বি॒ষ্মস্তমতো॒ মা- [মা, মৌ॒গ॒ররু॑স্তে॒ দিবং॒ মা] ॥ 14 ॥

মৌ॑গ॒ররু॑স্তে॒ দিবং॒ মা স্কা॒ন্॒. বস॑বস্ত্বা॒ পরি॑ গৃহ্ণংতু গায॒ত্রেণ॒ ছংদ॑সারু॒দ্রাস্ত্বা॒ পরি॑ গৃহ্ণংতু॒ ত্রৈষ্টু॑ভেন॒ ছংদ॑সাঽঽদি॒ত্যাস্ত্বা॒ পরি॑ গৃহ্ণংতু॒ জাগ॑তেন॒ ছংদ॑সা দে॒বস্য॑ সবি॒তুঃ স॒বে কর্ম॑ কৃণ্বংতি বে॒ধস॑ ঋ॒তম॑স্যৃত॒সদ॑ন-মস্যৃত॒শ্রীর॑সি॒ ধা অ॑সি স্ব॒ধা অ॑স্যু॒র্বী চাসি॒ বস্বী॑ চাসি পু॒রা ক্রূ॒রস্য॑ বি॒সৃপো॑ বিরফ্শিন্ নুদা॒দায॑ পৃথি॒বীং জী॒রদা॑নু॒র্যামৈর॑যন্ চং॒দ্রম॑সি স্ব॒ধাভি॒স্তাং ধীরা॑সো অনু॒দৃশ্য॑ যজংতে ॥ 15 ॥
(দে॒ব॒যজ॑ন্যৈ ব্র॒জং - তমতো॒ মা - বি॑রফ্শি॒ন্ - নেকা॑দশ চ) (অ. 9)

প্রত্যু॑ষ্ট॒গ্-ম্॒ রক্ষঃ॒ প্রত্যু॑ষ্টা॒ অরা॑তযো॒ ঽগ্নের্ব॒স্তেজি॑ষ্ঠেন॒ তেজ॑সা॒ নিষ্ট॑পামি গো॒ষ্ঠং মা নির্মৃ॑ক্ষং-বাঁ॒জিনং॑ ত্বা সপত্নসা॒হগ্-ম্ সং মা᳚র্জ্মি॒ বাচং॑ প্রা॒ণং চক্ষুঃ॒ শ্রোত্রং॑ প্র॒জাং-যোঁনিং॒ মা নির্মৃ॑ক্ষং-বাঁ॒জিনীং᳚ ত্বা সপত্নসা॒হীগ্-ম্ সং মা᳚র্জ্ম্যা॒শাসা॑না সৌমন॒সং প্র॒জাগ্-ম্ সৌভা᳚গ্যং ত॒নূম্ । অ॒গ্নেরনু॑ব্রতা ভূ॒ত্বা সং ন॑হ্যে সুকৃ॒তায॒ কম্ ॥সু॒প্র॒জস॑স্ত্বা ব॒যগ্-ম্ সু॒পত্নী॒রুপ॑- [সু॒পথ্নী॒রুপ॑, সে॒দি॒মি॒ ।] ॥ 16 ॥

সেদিম । অগ্নে॑ সপত্ন॒দংভ॑ন॒মদ॑ব্ধাসো॒ অদা᳚ভ্যম্ ॥ ই॒মং-বিঁষ্যা॑মি॒ বরু॑ণস্য॒ পাশং॒ ​যঁমব॑দ্ধ্নীত সবি॒তা সু॒কেতঃ॑ । ধা॒তুশ্চ॒ যোনৌ॑ সুকৃ॒তস্য॑ লো॒কে স্যো॒নং মে॑ স॒হ পত্যা॑ করোমি ॥ সমাযু॑ষা॒ সংপ্র॒জযা॒ সম॑গ্নে॒ বর্চ॑সা॒ পুনঃ॑ । সং পত্নী॒ পত্যা॒ঽহং গ॑চ্ছে॒ সমা॒ত্মা ত॒নুবা॒ মম॑ ॥ ম॒হী॒নাং পযো॒ঽস্যোষ॑ধীনা॒গ্-ম্॒ রস॒স্তস্য॒ তেঽক্ষী॑যমাণস্য॒ নি- [নিঃ, ব॒পা॒মি॒ ম॒হী॒নাং] ॥ 17 ॥

র্ব॑পামি মহী॒নাং পযো॒ঽস্যোষ॑ধীনা॒গ্-ম্॒ রসোঽদ॑ব্ধেন ত্বা॒ চক্ষু॒ষাঽবে᳚ক্ষে সুপ্রজা॒স্ত্বায॒ তেজো॑ঽসি॒ তেজোঽনু॒ প্রেহ্য॒গ্নিস্তে॒ তেজো॒ মা বি নৈ॑দ॒গ্নে-র্জি॒হ্বাঽসি॑ সু॒ভূর্দে॒বানাং॒ ধাম্নে॑ধাম্নে দে॒বেভ্যো॒ যজু॑ষেযজুষে ভব শু॒ক্রম॑সি॒ জ্যোতি॑রসি॒ তেজো॑ঽসি দে॒বো বঃ॑ সবি॒তোত্ পু॑না॒ত্বচ্ছি॑দ্রেণ প॒বিত্রে॑ণ॒ বসোঃ॒ সূর্য॑স্য র॒শ্মিভিঃ॑ শু॒ক্রং ত্বা॑ শু॒ক্রাযাং॒ ধাম্নে॑ধাম্নে দে॒বেভ্যো॒ যজু॑ষেযজুষে গৃহ্ণামি॒ জ্যোতি॑স্ত্বা॒ জ্যোতি॑ষ্য॒র্চিস্ত্বা॒ঽর্চিষি॒ ধাম্নে॑ধাম্নে দে॒বেভ্যো॒ যজু॑ষেযজুষে গৃহ্ণামি ॥ 18 ॥
(উপ॒ - নী - র॒শ্মিভিঃ॑ শু॒ক্রগ্-ম্ - ষোড॑শ চ) (অ. 10)

কৃষ্ণো᳚ঽস্যাখরে॒ষ্ঠো᳚ঽগ্নযে᳚ ত্বা॒ স্বাহা॒ বেদি॑রসি ব॒র্॒​হিষে᳚ ত্বা॒ স্বাহা ॑ব॒র্॒​হির॑সি স্রু॒গ্ভ্যস্ত্বা॒ স্বাহা॑ দি॒বে ত্বা॒ঽংতরি॑ক্ষায ত্বা পৃথি॒ব্যৈ ত্বা᳚ স্ব॒ধা পি॒তৃভ্য॒ ঊর্গ্ভ॑ব বর্​হি॒ষদ্ভ্য॑ ঊ॒র্জা পৃ॑থি॒বীং গ॑চ্ছত॒ বিষ্ণোঃ॒ স্তূপো॒ঽস্যূর্ণা᳚ম্রদসং ত্বা স্তৃণামি স্বাস॒স্থং দে॒বেভ্যো॑ গংধ॒র্বো॑ঽসি বি॒শ্বাব॑সু॒-র্বিশ্ব॑স্মা॒দীষ॑তো॒ যজ॑মানস্য পরি॒ধিরি॒ড ঈ॑ডি॒ত ইংদ্র॑স্য বা॒হুর॑সি॒- [বা॒হুর॑সি, দক্ষি॑ণো॒] ॥ 19 ॥

দক্ষি॑ণো॒ যজ॑মানস্য পরি॒ধিরি॒ড ঈ॑ডি॒তো মি॒ত্রাবরু॑ণৌ ত্বোত্তর॒তঃ পরি॑ ধত্তাং ধ্রু॒বেণ॒ ধর্ম॑ণা॒ যজ॑মানস্য পরি॒ধিরি॒ড ঈ॑ডি॒তঃ সূর্য॑স্ত্বা পু॒রস্তা᳚ত্ পাতু॒ কস্যা᳚শ্চিদ॒ভিশ॑স্ত্যা বী॒তিহো᳚ত্রং ত্বা কবে দ্যু॒মংত॒গ্-ম্॒ সমি॑ধীম॒হ্যগ্নে॑ বৃ॒হংত॑মদ্ধ্ব॒রে বি॒শো যং॒ত্রে স্থো॒ বসূ॑নাগ্-ম্ রু॒দ্রাণা॑-মাদি॒ত্যানা॒গ্-ম্॒ সদ॑সি সীদ জু॒হূরু॑প॒ভৃ-দ্ধ্রু॒বাঽসি॑ ঘৃ॒তাচী॒ নাম্না᳚ প্রি॒যেণ॒ নাম্না᳚ প্রি॒যে সদ॑সি সীদৈ॒তা অ॑সদংথ্ সুকৃ॒তস্য॑ লো॒কে তা বি॑ষ্ণো পাহি পা॒হি য॒জ্ঞং পা॒হি য॒জ্ঞপ॑তিং পা॒হি মাং-যঁ॑জ্ঞ॒নিয᳚ম্ ॥ 20 ॥
(বা॒হুর॑সি - প্রি॒যে সদ॑সি॒ - পংচ॑দশ চ) (অ. 11)

ভুব॑নমসি॒ বি প্র॑থ॒স্বাগ্নে॒ যষ্ট॑রি॒দং নমঃ॑ ।
জুহ্বেহ্য॒গ্নিস্ত্বা᳚ হ্বযতি দেবয॒জ্যাযা॒ উপ॑ভৃ॒দেহি॑ দে॒বস্ত্বা॑ সবি॒তা হ্ব॑যতি দেবয॒জ্যাযা॒ অগ্না॑বিষ্ণূ॒ মা বা॒মব॑ ক্রমিষং॒-বিঁ জি॑হাথাং॒ মা মা॒ সং তা᳚প্তং-লোঁ॒কং মে॑ লোককৃতৌ কৃণুতং॒-বিঁষ্ণোঃ॒ স্থান॑মসী॒ত ইংদ্রো॑ অকৃণো-দ্বী॒র্যা॑ণি সমা॒রভ্যো॒র্ধ্বো অ॑দ্ধ্ব॒রো দি॑বি॒স্পৃশ॒মহ্রু॑তো য॒জ্ঞো য॒জ্ঞপ॑তে॒-রিংদ্রা॑বাং॒থ্ স্বাহা॑ বৃ॒হদ্ভাঃ পা॒হি মা᳚ঽগ্নে॒ দুশ্চ॑রিতা॒দা মা॒ সুচ॑রিতে ভজ ম॒খস্য॒ শিরো॑ঽসি॒ সংজ্যোতি॑ষা॒ জ্যোতি॑রংক্তাম্ ॥ 21 ॥
(অহ্রু॑ত॒ - এক॑বিগ্-ম্শতিশ্চ) (অ. 12)

বাজ॑স্য মা প্রস॒বেনো᳚দ্গ্রা॒ভেণোদ॑গ্রভীত্ । অথা॑ স॒পত্না॒গ্-ম্॒ ইংদ্রো॑ মে নিগ্রা॒ভেণাধ॑রাগ্-ম্ অকঃ ॥ উ॒দ্গ্রা॒ভং চ॑ নিগ্রা॒ভং চ॒ ব্রহ্ম॑ দে॒বা অ॑বীবৃধন্ন্ । অথা॑ স॒পত্না॑নিংদ্রা॒গ্নী মে॑ বিষূ॒চীনা॒ন্ ব্য॑স্যতাম্ ॥ বসু॑ভ্যস্ত্বা রু॒দ্রেভ্য॑স্ত্বাঽঽদি॒ত্যেভ্য॑স্ত্বা॒ঽক্তগ্-ম্ রিহা॑ণা বি॒যংতু॒ বযঃ॑ ॥ প্র॒জাং-যোঁনিং॒ মা নির্মৃ॑ক্ষ॒মা প্যা॑যংতা॒মাপ॒ ওষ॑ধযো ম॒রুতাং॒ পৃষ॑তযঃ স্থ॒ দিবং॑- [দিব᳚ম্, গ॒চ্ছ॒ ততো॑ নো॒] ॥ 22 ॥

গচ্ছ॒ ততো॑ নো॒ বৃষ্টি॒মের॑য । আ॒যু॒ষ্পা অ॑গ্নে॒ঽস্যাযু॑র্মে পাহি চক্ষু॒ষ্পা অ॑গ্নেঽসি॒ চক্ষু॑র্মে পাহি ধ্রু॒বাঽসি॒ যং প॑রি॒ধিং প॒র্যধ॑ত্থা॒ অগ্নে॑ দেব প॒ণিভি॑-র্বী॒যমা॑ণঃ । তং ত॑ এ॒তমনু॒ জোষং॑ ভরামি॒ নেদে॒ষ ত্বদ॑পচে॒তযা॑তৈ য॒জ্ঞস্য॒ পাথ॒ উপ॒ সমি॑তগ্-ম্ সগ্গ্​স্রা॒বভা॑গাঃ স্থে॒ষা বৃ॒হংতঃ॑ প্রস্তরে॒ষ্ঠা ব॑র্​হি॒ষদ॑শ্চ [ ] ॥ 23 ॥

দে॒বা ই॒মাং-বাঁচ॑ম॒ভি বিশ্বে॑ গৃ॒ণংত॑ আ॒সদ্যা॒স্মিন্ ব॒র্॒​হিষি॑ মাদযদ্ধ্বম॒গ্নে-র্বা॒মপ॑ন্নগৃহস্য॒ সদ॑সি সাদযামি সুং॒নায॑ সুংনিনী সুং॒নে মা॑ ধত্তং ধু॒রি ধ॒র্যৌ॑ পাত॒মগ্নে॑ ঽদব্ধাযো ঽশীততনো পা॒হি মা॒ঽদ্য দি॒বঃ পা॒হি প্রসি॑ত্যৈ পা॒হি দুরি॑ষ্ট্যৈ পা॒হি দু॑রদ্ম॒ন্যৈ পা॒হি দুশ্চ॑রিতা॒দবি॑ষং নঃ পি॒তুং কৃ॑ণু সু॒ষদা॒ যোনি॒গ্গ্॒ স্বাহা॒ দেবা॑ গাতুবিদো গা॒তুং​বিঁ॒ত্ত্বা গা॒তু মি॑ত॒ মন॑সস্পত ই॒মং নো॑ দেব দে॒বেষু॑ য॒জ্ঞগ্গ্​ স্বাহা॑ বা॒চি স্বাহা॒ বাতে॑ ধাঃ ॥ 24 ॥
(দিবং॑ - চ - বি॒ত্ত্বা গা॒তুং - ত্রযো॑দশ চ) (অ. 13)

উ॒ভা বা॑মিংদ্রাগ্নী আহু॒বদ্ধ্যা॑ উ॒ভা রাধ॑সঃ স॒হ মা॑দ॒যদ্ধ্যৈ᳚ । উ॒ভা দা॒তারা॑বি॒ষাগ্-ম্ র॑যী॒ণামু॒ভা বাজ॑স্য সা॒তযে॑ হুবে বাম্ ॥ অশ্র॑ব॒গ্-ম্॒ হি ভূ॑রি॒দাব॑ত্তরা বাং॒-বিঁজা॑মাতুরু॒ত বা॑ ঘা স্যা॒লাত্ । অথা॒ সোম॑স্য॒ প্রয॑তী যু॒বভ্যা॒মিংদ্রা᳚গ্নী॒ স্তোমং॑ জনযামি॒ নব্য᳚ম্ ॥ ইংদ্রা᳚গ্নী নব॒তিং পুরো॑ দা॒সপ॑ত্নীরধূনুতম্ । সা॒কমেকে॑ন॒ কর্ম॑ণা ॥ শুচিং॒ নু স্তোমং॒ নব॑জাত-ম॒দ্যেংদ্রা᳚গ্নী বৃত্রহণা জু॒ষেথা᳚ম্ ॥ 25 ॥

উ॒ভা হি বাগ্-ম্॑ সু॒হবা॒ জোহ॑বীমি॒ তা বাজগ্-ম্॑ স॒দ্য উ॑শ॒তে ধেষ্ঠা᳚ ॥ ব॒যমু॑ ত্বা পথস্পতে॒ রথং॒ ন বাজ॑সাতযে । ধি॒যে পূ॑ষন্নযুজ্মহি ॥ প॒থস্প॑থঃ॒ পরি॑পতিং-বঁচ॒স্যা কামে॑ন কৃ॒তো অ॒ভ্যা॑নড॒র্কম্ । সনো॑ রাসচ্ছু॒রুধ॑শ্চং॒দ্রাগ্রা॒ ধিযং॑ধিযগ্-ম্ সীষধাতি॒ প্র পূ॒ষা ॥ ক্ষেত্র॑স্য॒ পতি॑না ব॒যগ্-ম্ হি॒তেনে॑ব জযামসি । গামশ্বং॑ পোষযি॒ত্ন্বা স নো॑ [স নঃ॑, মৃ॒ডা॒তী॒দৃশে᳚ ।] ॥ 26 ॥

মৃডাতী॒দৃশে᳚ ॥ ক্ষেত্র॑স্য পতে॒ মধু॑মংতমূ॒র্মিং ধে॒নুরি॑ব॒ পযো॑ অ॒স্মাসু॑ ধুক্ষ্ব । ম॒ধু॒শ্চুতং॑ ঘৃ॒তমি॑ব॒ সুপূ॑তমৃ॒তস্য॑ নঃ॒ পত॑যো মৃডযংতু ॥ অগ্নে॒ নয॑ সু॒পথা॑ রা॒যে অ॒স্মান্. বিশ্বা॑নি দেব ব॒যুনা॑নি বি॒দ্বান্ । যু॒যো॒দ্ধ্য॑স্মজ্জু॑হুরা॒ণমেনো॒ ভূযি॑ষ্ঠাং তে॒ নম॑উক্তিং-বিঁধেম ॥ আ দে॒বানা॒মপি॒ পংথা॑মগন্ম॒ যচ্ছ॒ক্নবা॑ম॒ তদনু॒ প্রবো॑ঢুম্ । অ॒গ্নি-র্বি॒দ্বাংথ্ স য॑জা॒- [স য॑জাত্, সেদু॒ হোতা॒ সো] ॥ 27 ॥

থ্সেদু॒ হোতা॒ সো অ॑দ্ধ্ব॒রাংথ্ স ঋ॒তূন্ ক॑ল্পযাতি ॥যদ্বাহি॑ষ্ঠং॒ তদ॒গ্নযে॑ বৃ॒হদ॑র্চ বিভাবসো । মহি॑ষীব॒ ত্বদ্র॒যিস্ত্বদ্বাজা॒ উদী॑রতে ॥ অগ্নে॒ ত্বং পা॑রযা॒ নব্যো॑ অ॒স্মাংথ্ স্ব॒স্তিভি॒রতি॑ দু॒র্গাণি॒ বিশ্বা᳚ । পূশ্চ॑ পৃ॒থ্বী ব॑হু॒লা ন॑ উ॒র্বী ভবা॑ তো॒কায॒ তন॑যায॒ শং-যোঃ ঁ॥ ত্বম॑গ্নে ব্রত॒পা অ॑সি দে॒ব আ মর্ত্যে॒ষ্বা । ত্বং-যঁ॒জ্ঞেষ্বীড্যঃ॑ ॥ যদ্বো॑ ব॒যং প্র॑মি॒নাম॑ ব্র॒তানি॑ বি॒দুষাং᳚ দেবা॒ অবি॑দুষ্টরাসঃ । অ॒গ্নিষ্ট-দ্বিশ্ব॒মা পৃ॑ণাতি বি॒দ্বান্. যেভি॑-র্দে॒বাগ্-ম্ ঋ॒তুভিঃ॑ ক॒ল্পযা॑তি ॥ 28 ॥
(জু॒ষেথা॒মা - স নো॑ - যজা॒ - দা - ত্রযো॑বিগ্-ম্শতিশ্চ) (অ. 14)

(ই॒ষে ত্বা॑ - য॒জ্ঞস্য॒ - শুংধ॑ধ্বং॒ - কর্ম॑ণে বাং - দে॒বো-ঽব॑ধূতং॒ - ধুষ্টিঃ॒ - সং-বঁ॑পা॒- ম্যা দ॑দে॒ - প্রত্যু॑ষ্টং॒ - কৃষ্ণো॑ঽসি॒ - ভুব॑নমসি॒ - বাজ॑স্যো॒ভা বাং॒ - চতু॑র্দশ )

(ই॒ষে - দৃগ্-ম্॑হ॒ - ভুব॑ন - ম॒ষ্টাবিগ্-ম্॑শতিঃ )

(ই॒ষে ত্বা॑, ক॒ল্পযা॑তি)

॥ হরিঃ॑ ওম্ ॥

॥ কৃষ্ণ যজুর্বেদীয তৈত্তিরীয সংহিতাযাং প্রথমকাংডে প্রথমঃ প্রশ্নঃ সমাপ্তঃ ॥