കൃഷ്ണ യജുര്വേദീയ തൈത്തിരീയ സംഹിതായാം പ്രഥമകാംഡേ പ്രഥമഃ പ്രശ്നഃ - (ദര്​ശപൂര്ണമാസൌ)

ഓം നമഃ പരമാത്മനേ, ശ്രീ മഹാഗണപതയേ നമഃ,
ശ്രീ ഗുരുഭ്യോ നമഃ । ഹ॒രിഃ॒ ഓമ് ॥

ഇ॒ഷേ ത്വോ॒ര്ജേ ത്വാ॑ വാ॒യവഃ॑ സ്ഥോപാ॒യവഃ॑ സ്ഥ ദേ॒വോ വഃ॑ സവി॒താ പ്രാര്പ॑യതു॒ ശ്രേഷ്ഠ॑തമായ॒ കര്മ॑ണ॒ ആ പ്യാ॑യദ്ധ്വമഘ്നിയാ ദേവഭാ॒ഗമൂര്ജ॑സ്വതീഃ॒ പയ॑സ്വതീഃ പ്ര॒ജാവ॑തീരനമീ॒വാ അ॑യ॒ക്ഷ്മാ മാ വഃ॑ സ്തേ॒ന ഈ॑ശത॒ മാഽഘശഗ്മ്॑സോ രു॒ദ്രസ്യ॑ ഹേ॒തിഃ പരി॑ വോ വൃണക്തു ധ്രു॒വാ അ॒സ്മിന് ഗോപ॑തൌ സ്യാത ബ॒ഹ്വീ-ര്യജ॑മാനസ്യ പ॒ശൂന് പാ॑ഹി ॥ 1 ॥
(ഇ॒ഷേ - ത്രിച॑ത്വാരിഗ്മ്ശത് ) (അ. 1)

യ॒ജ്ഞസ്യ॑ ഘോ॒ഷദ॑സി॒ പ്രത്യു॑ഷ്ട॒ഗ്മ്॒ രക്ഷഃ॒ പ്രത്യു॑ഷ്ടാ॒ അരാ॑തയഃ॒ പ്രേയമ॑ഗാദ്ധി॒ഷണാ॑ ബ॒ര്॒​ഹിരച്ഛ॒ മനു॑നാ കൃ॒താ സ്വ॒ധയാ॒ വിത॑ഷ്ടാ॒ ത ആ വ॑ഹംതി ക॒വയഃ॑ പു॒രസ്താ᳚ദ്- ദേ॒വേഭ്യോ॒ ജുഷ്ട॑മി॒ഹ ബ॒ര്॒​ഹിരാ॒സദേ॑ ദേ॒വാനാം᳚ പരിഷൂ॒തമ॑സി വ॒ര്॒​ഷവൃ॑ദ്ധമസി॒ ദേവ॑ബര്​ഹി॒ര്മാ ത്വാഽ॒ന്വം മാ തി॒ര്യക് പര്വ॑ തേ രാദ്ധ്യാസമാച്ഛേ॒ത്താ തേ॒ മാ രി॑ഷം॒ ദേവ॑ബര്​ഹിഃ ശ॒തവ॑ല്​ശം॒-വിഁ രോ॑ഹ സ॒ഹസ്ര॑വല്​ശാ॒ [സ॒ഹസ്ര॑വല്​ശാഃ, വി വ॒യഗ്മ് രു॑ഹേമ] ॥ 2 ॥

വി വ॒യഗ്മ് രു॑ഹേമ പൃഥി॒വ്യാഃ സം॒പൃചഃ॑ പാഹി സുസം॒ഭൃതാ᳚ ത്വാ॒ സംഭ॑രാ॒മ്യദി॑ത്യൈ॒ രാസ്നാ॑ഽസീംദ്രാ॒ണ്യൈ സ॒ന്നഹ॑നം പൂ॒ഷാ തേ᳚ ഗ്രം॒ഥിം ഗ്ര॑ഥ്നാതു॒ സ തേ॒ മാഽഽ സ്ഥാ॒ദിംദ്ര॑സ്യ ത്വാ ബാ॒ഹുഭ്യാ॒മുദ്യ॑ച്ഛേ॒ ബൃഹ॒സ്പതേ᳚-ര്മൂ॒ര്ധ്നാ ഹ॑രാമ്യു॒ര്വം॑തരി॑ക്ഷ॒മന്വി॑ഹി ദേവംഗ॒മമ॑സി ॥ 3 ॥
(സ॒ഹസ്ര॑വല്​ശാ - അ॒ഷ്ടാത്രിഗ്മ്॑ശച്ച) (അ. 2)

ശുംധ॑ദ്ധ്വം॒ ദൈവ്യാ॑യ॒ കര്മ॑ണേ ദേവയ॒ജ്യായൈ॑ മാത॒രിശ്വ॑നോ ഘ॒ര്മോ॑ഽസി॒ ദ്യൌര॑സി പൃഥി॒വ്യ॑സി വി॒ശ്വധാ॑യാ അസി പര॒മേണ॒ ധാമ്നാ॒ ദൃഗ്മ്ഹ॑സ്വ॒ മാ ഹ്വാ॒-ര്വസൂ॑നാം പ॒വിത്ര॑മസി ശ॒തധാ॑രം॒-വഁസൂ॑നാം പ॒വിത്ര॑മസി സ॒ഹസ്ര॑ധാരഗ്മ് ഹു॒തഃ സ്തോ॒കോഹു॒തോ ദ്ര॒ഫ്സോ᳚ ഽഗ്നയേ॑ ബൃഹ॒തേ നാകാ॑യ॒ സ്വാഹാ॒ ദ്യാവാ॑പൃഥി॒വീഭ്യാ॒ഗ്മ്॒ സാ വി॒ശ്വായുഃ॒ സാ വി॒ശ്വവ്യ॑ചാഃ॒ സാ വി॒ശ്വക॑ര്മാ॒ സം പൃ॑ച്യദ്ധ്വ-മൃതാവരീ-രൂ॒ര്മിണീ॒ര്മധു॑മത്തമാ മം॒ദ്രാ ധന॑സ്യ സാ॒തയേ॒ സോമേ॑ന॒ ത്വാഽഽത॑ന॒ച്മീംദ്രാ॑യ॒ ദധി॒ വിഷ്ണോ॑ ഹ॒വ്യഗ്മ് ര॑ക്ഷസ്വ ॥ 4 ॥
(സോമേ॑ - നാ॒ഷ്ടൌ ച॑) (അ. 3)

കര്മ॑ണേ വാം ദേ॒വേഭ്യഃ॑ ശകേയം॒-വേഁഷാ॑യ ത്വാ॒ പ്രത്യു॑ഷ്ട॒ഗ്മ്॒ രക്ഷഃ॒ പ്രത്യു॑ഷ്ടാ॒ അരാ॑തയോ॒ ധൂര॑സി॒ ധൂര്വ॒ ധൂര്വം॑തം॒ ധൂര്വ॒ തം-യോഁ᳚ഽസ്മാന് ധൂര്വ॑തി॒ തം ധൂ᳚ര്വ॒യം-വഁ॒യം ധൂര്വാ॑മ॒സ്ത്വം ദേ॒വാനാ॑മസി॒ സസ്നി॑തമം॒ പപ്രി॑തമം॒ ജുഷ്ട॑തമം॒-വഁഹ്നി॑തമം ദേവ॒ഹൂത॑മ॒-മഹ്രു॑തമസി ഹവി॒ര്ധാനം॒ ദൃഗ്മ്ഹ॑സ്വ॒ മാ ഹ്വാ᳚-ര്മി॒ത്രസ്യ॑ ത്വാ॒ ചക്ഷു॑ഷാ॒ പ്രേക്ഷേ॒ മാ ഭേര്മാ സം-വിഁ॑ക്ഥാ॒ മാ ത്വാ॑ - [മാ ത്വാ᳚, ഹി॒ഗ്മ്॒സി॒ഷ॒മു॒രു] ॥ 5 ॥

ഹിഗ്മ്സിഷമു॒രു വാതാ॑യ ദേ॒വസ്യ॑ ത്വാ സവി॒തുഃ പ്ര॑സ॒വേ᳚ഽശ്വിനോ᳚-ര്ബാ॒ഹുഭ്യാം᳚ പൂ॒ഷ്ണോ ഹസ്താ᳚ഭ്യാ-മ॒ഗ്നയേ॒ ജുഷ്ടം॒ നിര്വ॑പാമ്യ॒ഗ്നീഷോമാ᳚ഭ്യാ-മി॒ദം ദേ॒വാനാ॑മി॒ദമു॑ നഃ സ॒ഹ സ്ഫാ॒ത്യൈ ത്വാ॒ നാരാ᳚ത്യൈ॒ സുവ॑ര॒ഭി വി ഖ്യേ॑ഷം-വൈഁശ്വാന॒രം ജ്യോതി॒-ര്ദൃഗ്മ്ഹം॑താം॒ ദുര്യാ॒ ദ്യാവാ॑പൃഥി॒വ്യോ- രു॒ര്വം॑തരി॑ക്ഷ॒ മന്വി॒-ഹ്യദി॑ത്യാ സ്ത്വോ॒പസ്ഥേ॑ സാദയാ॒മ്യഗ്നേ॑ ഹ॒വ്യഗ്മ് ര॑ക്ഷസ്വ ॥ 6 ॥
( മാ ത്വാ॒ - ഷട്ച॑ത്വാരിഗ്മ്ശച്ച ) (അ. 4)

ദേ॒വോ വഃ॑ സവി॒തോത് പു॑നാ॒ത്വച്ഛി॑ദ്രേണ പ॒വിത്രേ॑ണ॒ വസോഃ॒ സൂര്യ॑സ്യ ര॒ശ്മിഭി॒രാപോ॑ ദേവീരഗ്രേപുവോ അഗ്രേഗു॒വോഽഗ്ര॑ ഇ॒മം-യഁ॒ജ്ഞം ന॑യ॒താഗ്രേ॑ യ॒ജ്ഞപ॑തിം ധത്ത യു॒ഷ്മാനിംദ്രോ॑ ഽവൃണീത വൃത്ര॒തൂര്യേ॑ യൂ॒യമിംദ്ര॑-മവൃണീദ്ധ്വം-വൃഁത്ര॒തൂര്യേ॒ പ്രോക്ഷി॑താഃ സ്ഥാ॒ഗ്നയേ॑ വോ॒ ജുഷ്ടം॒ പ്രോക്ഷാ᳚മ്യ॒ഗ്നീഷോമാ᳚ഭ്യാ॒ഗ്മ്॒ ശുംധ॑ദ്ധ്വം॒ ദൈവ്യാ॑യ॒ കര്മ॑ണേ ദേവയ॒ജ്യായാ॒ അവ॑ധൂത॒ഗ്മ്॒ രക്ഷോഽവ॑ധൂതാ॒
അരാ॑ത॒യോഽദി॑ത്യാ॒സ്ത്വഗ॑സി॒ പ്രതി॑ ത്വാ - [പ്രതി॑ ത്വാ, പൃ॒ഥി॒വീ വേ᳚ത്ത്വധി॒ഷവ॑ണമസി] ॥ 7 ॥

പൃഥി॒വീ വേ᳚ത്ത്വധി॒ഷവ॑ണമസി വാനസ്പ॒ത്യം പ്രതി॒ ത്വാഽദി॑ത്യാ॒സ്ത്വഗ്വേ᳚ത്ത്വ॒ഗ്നേസ്ത॒നൂര॑സി വാ॒ചോ വി॒സര്ജ॑നം ദേ॒വവീ॑തയേ ത്വാ ഗൃഹ്ണാ॒മ്യദ്രി॑രസി വാനസ്പ॒ത്യഃ സ ഇ॒ദം ദേ॒വേഭ്യോ॑ ഹ॒വ്യഗ്മ് സു॒ശമി॑ ശമി॒ഷ്വേഷ॒മാ വ॒ദോര്ജ॒മാ വ॑ദ ദ്യു॒മദ്വ॑ദത വ॒യഗ്മ് സം॑ഘാ॒തം ജേ᳚ഷ്മ വ॒ര്॒​ഷവൃ॑ദ്ധമസി॒ പ്രതി॑ ത്വാ വ॒ര്॒​ഷവൃ॑ദ്ധം-വേഁത്തു॒ പരാ॑പൂത॒ഗ്മ്॒ രക്ഷഃ॒ പരാ॑പൂതാ॒ അരാ॑തയോ॒ രക്ഷ॑സാം ഭാ॒ഗോ॑ ഽസി വാ॒യുര്വോ॒ വി വി॑നക്തു ദേ॒വോ വഃ॑ സവി॒താ ഹിര॑ണ്യപാണിഃ॒ പ്രതി॑ ഗൃഹ്ണാതു ॥ 8 ॥
( ത്വാ॒ - ഭാ॒ഗ - ഏകാ॑ദശ ച ) (അ. 5)

അവ॑ധൂത॒ഗ്മ്॒ രക്ഷോഽവ॑ധൂതാ॒ അരാ॑ത॒യോഽദി॑ത്യാ॒സ്ത്വഗ॑സി॒ പ്രതി॑ ത്വാ പൃഥി॒വീവേ᳚ത്തു ദി॒വഃ സ്കം॑ഭ॒നിര॑സി॒ പ്രതി॒ ത്വാഽദി॑ത്യാ॒സ്ത്വഗ്വേ᳚ത്തു ധി॒ഷണാ॑ഽസി പര്വ॒ത്യാ പ്രതി॑ ത്വാ ദി॒വഃ സ്കം॑ഭ॒നിര്വേ᳚ത്തു ധി॒ഷണാ॑ഽസി പാര്വതേ॒യീ പ്രതി॑ ത്വാ പര്വ॒തിര്വേ᳚ത്തു ദേ॒വസ്യ॑ ത്വാ സവി॒തുഃ പ്ര॑സ॒വേ᳚-ഽശ്വിനോ᳚-ര്ബാ॒ഹുഭ്യാം᳚ പൂ॒ഷ്ണോഹസ്താ᳚ഭ്യാ॒മധി॑ വപാമിധാ॒ന്യ॑മസി ധിനു॒ഹി ദേ॒വാന് പ്രാ॒ണായ॑ ത്വാ ഽപാ॒നായ॑ ത്വാ വ്യാ॒നായ॑ ത്വാ ദീ॒ര്ഘാമനു॒ പ്രസി॑തി॒മായു॑ഷേധാം ദേ॒വോ വഃ॑ സവി॒താ ഹിര॑ണ്യപാണിഃ॒ പ്രതി॑ ഗൃഹ്ണാതു ॥ 9 ॥
(പ്രാ॒ണായ॑ ത്വാ॒ - പംച॑ദശ ച) (അ. 6)

ധൃഷ്ടി॑രസി॒ ബ്രഹ്മ॑ യ॒ച്ഛാപാ᳚ഗ്നേ॒ ഽഗ്നിമാ॒മാദം॑ ജഹി॒ നിഷ്ക്ര॒വ്യാദഗ്മ്॑ സേ॒ധാഽഽദേ॑വ॒യജം॑-വഁഹ॒ നിര്ദ॑ഗ്ധ॒ഗ്മ്॒ രക്ഷോ॒ നിര്ദ॑ഗ്ധാ॒ അരാ॑തയോ ധ്രു॒വമ॑സി പൃഥി॒വീം ദൃ॒ഗ്മ്॒ഹാഽഽയു॑-ര്ദൃഗ്മ്ഹ പ്ര॒ജാം ദൃഗ്മ്॑ഹ സജാ॒താന॒സ്മൈ യജ॑മാനായ॒ പര്യൂ॑ഹ ധ॒ര്ത്രമ॑സ്യം॒തരി॑ക്ഷം ദൃഗ്മ്ഹ പ്രാ॒ണം ദൃഗ്മ്॑ഹാപാ॒നം ദൃഗ്മ്॑ഹ സജാ॒താന॒സ്മൈ യജ॑മാനായ॒ പര്യൂ॑ഹ ധ॒രുണ॑മസി॒ ദിവം॑ ദൃഗ്മ്ഹ॒ ചക്ഷു॑- [ചക്ഷുഃ॑, ദൃ॒ഗ്മ്॒ഹ॒ ശ്രോത്രം॑ ദൃഗ്മ്ഹ] ॥ 10 ॥

ര്ദൃഗ്മ്ഹ॒ ശ്രോത്രം॑ ദൃഗ്മ്ഹ സജാ॒താന॒സ്മൈ യജ॑മാനായ॒ പര്യൂ॑ഹ॒ ധര്മാ॑സി॒ ദിശോ॑ ദൃഗ്മ്ഹ॒ യോനിം॑ ദൃഗ്മ്ഹ പ്ര॒ജാം ദൃഗ്മ്॑ഹ സജാ॒താന॒സ്മൈ യജ॑മാനായ॒ പര്യൂ॑ഹ॒ ചിതഃ॑ സ്ഥ പ്ര॒ജാമ॒സ്മൈ ര॒യിമ॒സ്മൈ സ॑ജാ॒താന॒സ്മൈ യജ॑മാനായ॒ പര്യൂ॑ഹ॒ ഭൃഗൂ॑ണാ॒മംഗി॑രസാം॒ തപ॑സാ തപ്യദ്ധ്വം॒-യാഁനി॑ ഘ॒ര്മേ ക॒പാലാ᳚ന്യുപചി॒ന്വംതി॑ വേ॒ധസഃ॑ ।
പൂ॒ഷ്ണസ്താന്യപി॑ വ്ര॒ത ഇം॑ദ്രവാ॒യൂ വി മും॑ചതാമ് ॥ 11 ॥
(ചക്ഷു॑ - ര॒ഷ്ടാച॑ത്വാരിഗ്മ്ശച്ച) (അ. 7)

സം-വഁ॑പാമി॒ സമാപോ॑ അ॒ദ്ഭിര॑ഗ്മത॒ സമോഷ॑ധയോ॒ രസേ॑ന॒ സഗ്മ് രേ॒വതീ॒-ര്ജഗ॑തീഭി॒-ര്മധു॑മതീ॒-ര്മധു॑മതീഭിഃ സൃജ്യദ്ധ്വമ॒ദ്ഭ്യഃ പരി॒ പ്രജാ॑താഃ സ്ഥ॒ സമ॒ദ്ഭിഃ പൃ॑ച്യദ്ധ്വം॒ ജന॑യത്യൈ ത്വാ॒ സം-യൌഁ᳚മ്യ॒ഗ്നയേ᳚ ത്വാ॒ഽഗ്നീഷോമാ᳚ഭ്യാം മ॒ഖസ്യ॒ ശിരോ॑ഽസി ഘ॒ര്മോ॑ഽസി വി॒ശ്വായു॑രു॒രു പ്ര॑ഥസ്വോ॒രു തേ॑ യ॒ജ്ഞപ॑തിഃ പ്രഥതാം॒ ത്വചം॑ ഗൃഹ്ണീഷ്വാം॒തരി॑ത॒ഗ്മ്॒ രക്ഷോ॒ഽംതരി॑താ॒ അരാ॑തയോദേ॒വസ്ത്വാ॑ സവി॒താ ശ്ര॑പയതു॒ വര്​ഷി॑ഷ്ഠേ॒ അധി॒ നാകേ॒ഽഗ്നിസ്തേ॑ ത॒നുവം॒ മാഽതി॑ ധാ॒ഗഗ്നേ॑ ഹ॒വ്യഗ്മ് ര॑ക്ഷസ്വ॒ സം ബ്രഹ്മ॑ണാ പൃച്യസ്വൈക॒തായ॒ സ്വാഹാ᳚ ദ്വി॒തായ॒ സ്വാഹാ᳚ ത്രി॒തായ॒ സ്വാഹാ᳚ ॥ 12 ॥
(സ॒വി॒താ - ദ്വാവിഗ്മ്॑ശതിശ്ച) (അ. 8)

ആ ദ॑ദ॒ ഇംദ്ര॑സ്യ ബാ॒ഹുര॑സി॒ ദക്ഷി॑ണഃ സ॒ഹസ്ര॑ഭൃഷ്ടിഃ ശ॒തതേ॑ജാ വാ॒യുര॑സി തി॒ഗ്മതേ॑ജാഃ॒ പൃഥി॑വി ദേവയജ॒ - ന്യോഷ॑ദ്ധ്യാസ്തേ॒ മൂലം॒ മാ ഹിഗ്മ്॑സിഷ॒-മപ॑ഹതോ॒ഽരരുഃ॑ പൃഥി॒വ്യൈ വ്ര॒ജം ഗ॑ച്ഛ ഗോ॒സ്ഥാനം॒-വഁര്​ഷ॑തു തേ॒ ദ്യൌര്ബ॑ധാ॒ന ദേ॑വ സവിതഃ പര॒മസ്യാം᳚ പരാ॒വതി॑ ശ॒തേന॒ പാശൈ॒ര്യോ᳚ഽസ്മാന് ദ്വേഷ്ടി॒ യം ച॑ വ॒യം ദ്വി॒ഷ്മസ്തമതോ॒ മാ മൌ॒ഗപ॑ഹതോ॒ഽരരുഃ॑ പൃഥി॒വ്യൈ ദേ॑വ॒യജ॑ന്യൈ വ്ര॒ജം- [വ്ര॒ജമ്, ഗ॒ച്ഛ॒ ഗോ॒സ്ഥാനം॒-വഁര്​ഷ॑തു] ॥ 13 ॥

ഗ॑ച്ഛ ഗോ॒സ്ഥാനം॒-വഁര്​ഷ॑തു തേ॒ ദ്യൌര്ബ॑ധാ॒ന ദേ॑വ സവിതഃ പര॒മസ്യാം᳚ പരാ॒വതി॑ ശ॒തേന॒ പാശൈ॒ര്യോ᳚ഽസ്മാന് ദ്വേഷ്ടി॒ യം ച॑ വ॒യം ദ്വി॒ഷ്മസ്തമതോ॒ മാ മൌ॒ഗപ॑ഹതോ॒ഽരരുഃ॑ പൃഥി॒വ്യാ അദേ॑വയജനോ വ്ര॒ജം ഗ॑ച്ഛ ഗോ॒സ്ഥാനം॒-വഁര്​ഷ॑തു തേ॒ ദ്യൌര്ബ॑ധാ॒ന ദേ॑വ സവിതഃ പര॒മസ്യാം᳚ പരാ॒വതി॑ ശ॒തേന॒ പാശൈ॒ര്യോ᳚ഽസ്മാന് ദ്വേഷ്ടി॒ യം ച॑ വ॒യം ദ്വി॒ഷ്മസ്തമതോ॒ മാ- [മാ, മൌ॒ഗ॒രരു॑സ്തേ॒ ദിവം॒ മാ] ॥ 14 ॥

മൌ॑ഗ॒രരു॑സ്തേ॒ ദിവം॒ മാ സ്കാ॒ന്॒. വസ॑വസ്ത്വാ॒ പരി॑ ഗൃഹ്ണംതു ഗായ॒ത്രേണ॒ ഛംദ॑സാരു॒ദ്രാസ്ത്വാ॒ പരി॑ ഗൃഹ്ണംതു॒ ത്രൈഷ്ടു॑ഭേന॒ ഛംദ॑സാഽഽദി॒ത്യാസ്ത്വാ॒ പരി॑ ഗൃഹ്ണംതു॒ ജാഗ॑തേന॒ ഛംദ॑സാ ദേ॒വസ്യ॑ സവി॒തുഃ സ॒വേ കര്മ॑ കൃണ്വംതി വേ॒ധസ॑ ഋ॒തമ॑സ്യൃത॒സദ॑ന-മസ്യൃത॒ശ്രീര॑സി॒ ധാ അ॑സി സ്വ॒ധാ അ॑സ്യു॒ര്വീ ചാസി॒ വസ്വീ॑ ചാസി പു॒രാ ക്രൂ॒രസ്യ॑ വി॒സൃപോ॑ വിരഫ്ശിന് നുദാ॒ദായ॑ പൃഥി॒വീം ജീ॒രദാ॑നു॒ര്യാമൈര॑യന് ചം॒ദ്രമ॑സി സ്വ॒ധാഭി॒സ്താം ധീരാ॑സോ അനു॒ദൃശ്യ॑ യജംതേ ॥ 15 ॥
(ദേ॒വ॒യജ॑ന്യൈ വ്ര॒ജം - തമതോ॒ മാ - വി॑രഫ്ശി॒ന് - നേകാ॑ദശ ച) (അ. 9)

പ്രത്യു॑ഷ്ട॒ഗ്മ്॒ രക്ഷഃ॒ പ്രത്യു॑ഷ്ടാ॒ അരാ॑തയോ॒ ഽഗ്നേര്വ॒സ്തേജി॑ഷ്ഠേന॒ തേജ॑സാ॒ നിഷ്ട॑പാമി ഗോ॒ഷ്ഠം മാ നിര്മൃ॑ക്ഷം-വാഁ॒ജിനം॑ ത്വാ സപത്നസാ॒ഹഗ്മ് സം മാ᳚ര്ജ്മി॒ വാചം॑ പ്രാ॒ണം ചക്ഷുഃ॒ ശ്രോത്രം॑ പ്ര॒ജാം-യോഁനിം॒ മാ നിര്മൃ॑ക്ഷം-വാഁ॒ജിനീം᳚ ത്വാ സപത്നസാ॒ഹീഗ്മ് സം മാ᳚ര്ജ്മ്യാ॒ശാസാ॑നാ സൌമന॒സം പ്ര॒ജാഗ്മ് സൌഭാ᳚ഗ്യം ത॒നൂമ് । അ॒ഗ്നേരനു॑വ്രതാ ഭൂ॒ത്വാ സം ന॑ഹ്യേ സുകൃ॒തായ॒ കമ് ॥സു॒പ്ര॒ജസ॑സ്ത്വാ വ॒യഗ്മ് സു॒പത്നീ॒രുപ॑- [സു॒പഥ്നീ॒രുപ॑, സേ॒ദി॒മി॒ ।] ॥ 16 ॥

സേദിമ । അഗ്നേ॑ സപത്ന॒ദംഭ॑ന॒മദ॑ബ്ധാസോ॒ അദാ᳚ഭ്യമ് ॥ ഇ॒മം-വിഁഷ്യാ॑മി॒ വരു॑ണസ്യ॒ പാശം॒ ം​യഁമബ॑ദ്ധ്നീത സവി॒താ സു॒കേതഃ॑ । ധാ॒തുശ്ച॒ യോനൌ॑ സുകൃ॒തസ്യ॑ ലോ॒കേ സ്യോ॒നം മേ॑ സ॒ഹ പത്യാ॑ കരോമി ॥ സമായു॑ഷാ॒ സംപ്ര॒ജയാ॒ സമ॑ഗ്നേ॒ വര്ച॑സാ॒ പുനഃ॑ । സം പത്നീ॒ പത്യാ॒ഽഹം ഗ॑ച്ഛേ॒ സമാ॒ത്മാ ത॒നുവാ॒ മമ॑ ॥ മ॒ഹീ॒നാം പയോ॒ഽസ്യോഷ॑ധീനാ॒ഗ്മ്॒ രസ॒സ്തസ്യ॒ തേഽക്ഷീ॑യമാണസ്യ॒ നി- [നിഃ, വ॒പാ॒മി॒ മ॒ഹീ॒നാം] ॥ 17 ॥

ര്വ॑പാമി മഹീ॒നാം പയോ॒ഽസ്യോഷ॑ധീനാ॒ഗ്മ്॒ രസോഽദ॑ബ്ധേന ത്വാ॒ ചക്ഷു॒ഷാഽവേ᳚ക്ഷേ സുപ്രജാ॒സ്ത്വായ॒ തേജോ॑ഽസി॒ തേജോഽനു॒ പ്രേഹ്യ॒ഗ്നിസ്തേ॒ തേജോ॒ മാ വി നൈ॑ദ॒ഗ്നേ-ര്ജി॒ഹ്വാഽസി॑ സു॒ഭൂര്ദേ॒വാനാം॒ ധാമ്നേ॑ധാമ്നേ ദേ॒വേഭ്യോ॒ യജു॑ഷേയജുഷേ ഭവ ശു॒ക്രമ॑സി॒ ജ്യോതി॑രസി॒ തേജോ॑ഽസി ദേ॒വോ വഃ॑ സവി॒തോത് പു॑നാ॒ത്വച്ഛി॑ദ്രേണ പ॒വിത്രേ॑ണ॒ വസോഃ॒ സൂര്യ॑സ്യ ര॒ശ്മിഭിഃ॑ ശു॒ക്രം ത്വാ॑ ശു॒ക്രായാം॒ ധാമ്നേ॑ധാമ്നേ ദേ॒വേഭ്യോ॒ യജു॑ഷേയജുഷേ ഗൃഹ്ണാമി॒ ജ്യോതി॑സ്ത്വാ॒ ജ്യോതി॑ഷ്യ॒ര്ചിസ്ത്വാ॒ഽര്ചിഷി॒ ധാമ്നേ॑ധാമ്നേ ദേ॒വേഭ്യോ॒ യജു॑ഷേയജുഷേ ഗൃഹ്ണാമി ॥ 18 ॥
(ഉപ॒ - നീ - ര॒ശ്മിഭിഃ॑ ശു॒ക്രഗ്മ് - ഷോഡ॑ശ ച) (അ. 10)

കൃഷ്ണോ᳚ഽസ്യാഖരേ॒ഷ്ഠോ᳚ഽഗ്നയേ᳚ ത്വാ॒ സ്വാഹാ॒ വേദി॑രസി ബ॒ര്॒​ഹിഷേ᳚ ത്വാ॒ സ്വാഹാ ॑ബ॒ര്॒​ഹിര॑സി സ്രു॒ഗ്ഭ്യസ്ത്വാ॒ സ്വാഹാ॑ ദി॒വേ ത്വാ॒ഽംതരി॑ക്ഷായ ത്വാ പൃഥി॒വ്യൈ ത്വാ᳚ സ്വ॒ധാ പി॒തൃഭ്യ॒ ഊര്ഗ്ഭ॑വ ബര്​ഹി॒ഷദ്ഭ്യ॑ ഊ॒ര്ജാ പൃ॑ഥി॒വീം ഗ॑ച്ഛത॒ വിഷ്ണോഃ॒ സ്തൂപോ॒ഽസ്യൂര്ണാ᳚മ്രദസം ത്വാ സ്തൃണാമി സ്വാസ॒സ്ഥം ദേ॒വേഭ്യോ॑ ഗംധ॒ര്വോ॑ഽസി വി॒ശ്വാവ॑സു॒-ര്വിശ്വ॑സ്മാ॒ദീഷ॑തോ॒ യജ॑മാനസ്യ പരി॒ധിരി॒ഡ ഈ॑ഡി॒ത ഇംദ്ര॑സ്യ ബാ॒ഹുര॑സി॒- [ബാ॒ഹുര॑സി, ദക്ഷി॑ണോ॒] ॥ 19 ॥

ദക്ഷി॑ണോ॒ യജ॑മാനസ്യ പരി॒ധിരി॒ഡ ഈ॑ഡി॒തോ മി॒ത്രാവരു॑ണൌ ത്വോത്തര॒തഃ പരി॑ ധത്താം ധ്രു॒വേണ॒ ധര്മ॑ണാ॒ യജ॑മാനസ്യ പരി॒ധിരി॒ഡ ഈ॑ഡി॒തഃ സൂര്യ॑സ്ത്വാ പു॒രസ്താ᳚ത് പാതു॒ കസ്യാ᳚ശ്ചിദ॒ഭിശ॑സ്ത്യാ വീ॒തിഹോ᳚ത്രം ത്വാ കവേ ദ്യു॒മംത॒ഗ്മ്॒ സമി॑ധീമ॒ഹ്യഗ്നേ॑ ബൃ॒ഹംത॑മദ്ധ്വ॒രേ വി॒ശോ യം॒ത്രേ സ്ഥോ॒ വസൂ॑നാഗ്മ് രു॒ദ്രാണാ॑-മാദി॒ത്യാനാ॒ഗ്മ്॒ സദ॑സി സീദ ജു॒ഹൂരു॑പ॒ഭൃ-ദ്ധ്രു॒വാഽസി॑ ഘൃ॒താചീ॒ നാമ്നാ᳚ പ്രി॒യേണ॒ നാമ്നാ᳚ പ്രി॒യേ സദ॑സി സീദൈ॒താ അ॑സദംഥ് സുകൃ॒തസ്യ॑ ലോ॒കേ താ വി॑ഷ്ണോ പാഹി പാ॒ഹി യ॒ജ്ഞം പാ॒ഹി യ॒ജ്ഞപ॑തിം പാ॒ഹി മാം-യഁ॑ജ്ഞ॒നിയ᳚മ് ॥ 20 ॥
(ബാ॒ഹുര॑സി - പ്രി॒യേ സദ॑സി॒ - പംച॑ദശ ച) (അ. 11)

ഭുവ॑നമസി॒ വി പ്ര॑ഥ॒സ്വാഗ്നേ॒ യഷ്ട॑രി॒ദം നമഃ॑ ।
ജുഹ്വേഹ്യ॒ഗ്നിസ്ത്വാ᳚ ഹ്വയതി ദേവയ॒ജ്യായാ॒ ഉപ॑ഭൃ॒ദേഹി॑ ദേ॒വസ്ത്വാ॑ സവി॒താ ഹ്വ॑യതി ദേവയ॒ജ്യായാ॒ അഗ്നാ॑വിഷ്ണൂ॒ മാ വാ॒മവ॑ ക്രമിഷം॒-വിഁ ജി॑ഹാഥാം॒ മാ മാ॒ സം താ᳚പ്തം-ലോഁ॒കം മേ॑ ലോകകൃതൌ കൃണുതം॒-വിഁഷ്ണോഃ॒ സ്ഥാന॑മസീ॒ത ഇംദ്രോ॑ അകൃണോ-ദ്വീ॒ര്യാ॑ണി സമാ॒രഭ്യോ॒ര്ധ്വോ അ॑ദ്ധ്വ॒രോ ദി॑വി॒സ്പൃശ॒മഹ്രു॑തോ യ॒ജ്ഞോ യ॒ജ്ഞപ॑തേ॒-രിംദ്രാ॑വാം॒ഥ് സ്വാഹാ॑ ബൃ॒ഹദ്ഭാഃ പാ॒ഹി മാ᳚ഽഗ്നേ॒ ദുശ്ച॑രിതാ॒ദാ മാ॒ സുച॑രിതേ ഭജ മ॒ഖസ്യ॒ ശിരോ॑ഽസി॒ സംജ്യോതി॑ഷാ॒ ജ്യോതി॑രംക്താമ് ॥ 21 ॥
(അഹ്രു॑ത॒ - ഏക॑വിഗ്മ്ശതിശ്ച) (അ. 12)

വാജ॑സ്യ മാ പ്രസ॒വേനോ᳚ദ്ഗ്രാ॒ഭേണോദ॑ഗ്രഭീത് । അഥാ॑ സ॒പത്നാ॒ഗ്മ്॒ ഇംദ്രോ॑ മേ നിഗ്രാ॒ഭേണാധ॑രാഗ്മ് അകഃ ॥ ഉ॒ദ്ഗ്രാ॒ഭം ച॑ നിഗ്രാ॒ഭം ച॒ ബ്രഹ്മ॑ ദേ॒വാ അ॑വീവൃധന്ന് । അഥാ॑ സ॒പത്നാ॑നിംദ്രാ॒ഗ്നീ മേ॑ വിഷൂ॒ചീനാ॒ന് വ്യ॑സ്യതാമ് ॥ വസു॑ഭ്യസ്ത്വാ രു॒ദ്രേഭ്യ॑സ്ത്വാഽഽദി॒ത്യേഭ്യ॑സ്ത്വാ॒ഽക്തഗ്മ് രിഹാ॑ണാ വി॒യംതു॒ വയഃ॑ ॥ പ്ര॒ജാം-യോഁനിം॒ മാ നിര്മൃ॑ക്ഷ॒മാ പ്യാ॑യംതാ॒മാപ॒ ഓഷ॑ധയോ മ॒രുതാം॒ പൃഷ॑തയഃ സ്ഥ॒ ദിവം॑- [ദിവ᳚മ്, ഗ॒ച്ഛ॒ തതോ॑ നോ॒] ॥ 22 ॥

ഗച്ഛ॒ തതോ॑ നോ॒ വൃഷ്ടി॒മേര॑യ । ആ॒യു॒ഷ്പാ അ॑ഗ്നേ॒ഽസ്യായു॑ര്മേ പാഹി ചക്ഷു॒ഷ്പാ അ॑ഗ്നേഽസി॒ ചക്ഷു॑ര്മേ പാഹി ധ്രു॒വാഽസി॒ യം പ॑രി॒ധിം പ॒ര്യധ॑ത്ഥാ॒ അഗ്നേ॑ ദേവ പ॒ണിഭി॑-ര്വീ॒യമാ॑ണഃ । തം ത॑ ഏ॒തമനു॒ ജോഷം॑ ഭരാമി॒ നേദേ॒ഷ ത്വദ॑പചേ॒തയാ॑തൈ യ॒ജ്ഞസ്യ॒ പാഥ॒ ഉപ॒ സമി॑തഗ്മ് സഗ്ഗ്​സ്രാ॒വഭാ॑ഗാഃ സ്ഥേ॒ഷാ ബൃ॒ഹംതഃ॑ പ്രസ്തരേ॒ഷ്ഠാ ബ॑ര്​ഹി॒ഷദ॑ശ്ച [ ] ॥ 23 ॥

ദേ॒വാ ഇ॒മാം-വാഁച॑മ॒ഭി വിശ്വേ॑ ഗൃ॒ണംത॑ ആ॒സദ്യാ॒സ്മിന് ബ॒ര്॒​ഹിഷി॑ മാദയദ്ധ്വമ॒ഗ്നേ-ര്വാ॒മപ॑ന്നഗൃഹസ്യ॒ സദ॑സി സാദയാമി സും॒നായ॑ സുംനിനീ സും॒നേ മാ॑ ധത്തം ധു॒രി ധ॒ര്യൌ॑ പാത॒മഗ്നേ॑ ഽദബ്ധായോ ഽശീതതനോ പാ॒ഹി മാ॒ഽദ്യ ദി॒വഃ പാ॒ഹി പ്രസി॑ത്യൈ പാ॒ഹി ദുരി॑ഷ്ട്യൈ പാ॒ഹി ദു॑രദ്മ॒ന്യൈ പാ॒ഹി ദുശ്ച॑രിതാ॒ദവി॑ഷം നഃ പി॒തും കൃ॑ണു സു॒ഷദാ॒ യോനി॒ഗ്ഗ്॒ സ്വാഹാ॒ ദേവാ॑ ഗാതുവിദോ ഗാ॒തും​വിഁ॒ത്ത്വാ ഗാ॒തു മി॑ത॒ മന॑സസ്പത ഇ॒മം നോ॑ ദേവ ദേ॒വേഷു॑ യ॒ജ്ഞഗ്ഗ്​ സ്വാഹാ॑ വാ॒ചി സ്വാഹാ॒ വാതേ॑ ധാഃ ॥ 24 ॥
(ദിവം॑ - ച - വി॒ത്ത്വാ ഗാ॒തും - ത്രയോ॑ദശ ച) (അ. 13)

ഉ॒ഭാ വാ॑മിംദ്രാഗ്നീ ആഹു॒വദ്ധ്യാ॑ ഉ॒ഭാ രാധ॑സഃ സ॒ഹ മാ॑ദ॒യദ്ധ്യൈ᳚ । ഉ॒ഭാ ദാ॒താരാ॑വി॒ഷാഗ്മ് ര॑യീ॒ണാമു॒ഭാ വാജ॑സ്യ സാ॒തയേ॑ ഹുവേ വാമ് ॥ അശ്ര॑വ॒ഗ്മ്॒ ഹി ഭൂ॑രി॒ദാവ॑ത്തരാ വാം॒-വിഁജാ॑മാതുരു॒ത വാ॑ ഘാ സ്യാ॒ലാത് । അഥാ॒ സോമ॑സ്യ॒ പ്രയ॑തീ യു॒വഭ്യാ॒മിംദ്രാ᳚ഗ്നീ॒ സ്തോമം॑ ജനയാമി॒ നവ്യ᳚മ് ॥ ഇംദ്രാ᳚ഗ്നീ നവ॒തിം പുരോ॑ ദാ॒സപ॑ത്നീരധൂനുതമ് । സാ॒കമേകേ॑ന॒ കര്മ॑ണാ ॥ ശുചിം॒ നു സ്തോമം॒ നവ॑ജാത-മ॒ദ്യേംദ്രാ᳚ഗ്നീ വൃത്രഹണാ ജു॒ഷേഥാ᳚മ് ॥ 25 ॥

ഉ॒ഭാ ഹി വാഗ്മ്॑ സു॒ഹവാ॒ ജോഹ॑വീമി॒ താ വാജഗ്മ്॑ സ॒ദ്യ ഉ॑ശ॒തേ ധേഷ്ഠാ᳚ ॥ വ॒യമു॑ ത്വാ പഥസ്പതേ॒ രഥം॒ ന വാജ॑സാതയേ । ധി॒യേ പൂ॑ഷന്നയുജ്മഹി ॥ പ॒ഥസ്പ॑ഥഃ॒ പരി॑പതിം-വഁച॒സ്യാ കാമേ॑ന കൃ॒തോ അ॒ഭ്യാ॑നഡ॒ര്കമ് । സനോ॑ രാസച്ഛു॒രുധ॑ശ്ചം॒ദ്രാഗ്രാ॒ ധിയം॑ധിയഗ്മ് സീഷധാതി॒ പ്ര പൂ॒ഷാ ॥ ക്ഷേത്ര॑സ്യ॒ പതി॑നാ വ॒യഗ്മ് ഹി॒തേനേ॑വ ജയാമസി । ഗാമശ്വം॑ പോഷയി॒ത്ന്വാ സ നോ॑ [സ നഃ॑, മൃ॒ഡാ॒തീ॒ദൃശേ᳚ ।] ॥ 26 ॥

മൃഡാതീ॒ദൃശേ᳚ ॥ ക്ഷേത്ര॑സ്യ പതേ॒ മധു॑മംതമൂ॒ര്മിം ധേ॒നുരി॑വ॒ പയോ॑ അ॒സ്മാസു॑ ധുക്ഷ്വ । മ॒ധു॒ശ്ചുതം॑ ഘൃ॒തമി॑വ॒ സുപൂ॑തമൃ॒തസ്യ॑ നഃ॒ പത॑യോ മൃഡയംതു ॥ അഗ്നേ॒ നയ॑ സു॒പഥാ॑ രാ॒യേ അ॒സ്മാന്. വിശ്വാ॑നി ദേവ വ॒യുനാ॑നി വി॒ദ്വാന് । യു॒യോ॒ദ്ധ്യ॑സ്മജ്ജു॑ഹുരാ॒ണമേനോ॒ ഭൂയി॑ഷ്ഠാം തേ॒ നമ॑ഉക്തിം-വിഁധേമ ॥ ആ ദേ॒വാനാ॒മപി॒ പംഥാ॑മഗന്മ॒ യച്ഛ॒ക്നവാ॑മ॒ തദനു॒ പ്രവോ॑ഢുമ് । അ॒ഗ്നി-ര്വി॒ദ്വാംഥ് സ യ॑ജാ॒- [സ യ॑ജാത്, സേദു॒ ഹോതാ॒ സോ] ॥ 27 ॥

ഥ്സേദു॒ ഹോതാ॒ സോ അ॑ദ്ധ്വ॒രാംഥ് സ ഋ॒തൂന് ക॑ല്പയാതി ॥യദ്വാഹി॑ഷ്ഠം॒ തദ॒ഗ്നയേ॑ ബൃ॒ഹദ॑ര്ച വിഭാവസോ । മഹി॑ഷീവ॒ ത്വദ്ര॒യിസ്ത്വദ്വാജാ॒ ഉദീ॑രതേ ॥ അഗ്നേ॒ ത്വം പാ॑രയാ॒ നവ്യോ॑ അ॒സ്മാംഥ് സ്വ॒സ്തിഭി॒രതി॑ ദു॒ര്ഗാണി॒ വിശ്വാ᳚ । പൂശ്ച॑ പൃ॒ഥ്വീ ബ॑ഹു॒ലാ ന॑ ഉ॒ര്വീ ഭവാ॑ തോ॒കായ॒ തന॑യായ॒ ശം-യോഃ ഁ॥ ത്വമ॑ഗ്നേ വ്രത॒പാ അ॑സി ദേ॒വ ആ മര്ത്യേ॒ഷ്വാ । ത്വം-യഁ॒ജ്ഞേഷ്വീഡ്യഃ॑ ॥ യദ്വോ॑ വ॒യം പ്ര॑മി॒നാമ॑ വ്ര॒താനി॑ വി॒ദുഷാം᳚ ദേവാ॒ അവി॑ദുഷ്ടരാസഃ । അ॒ഗ്നിഷ്ട-ദ്വിശ്വ॒മാ പൃ॑ണാതി വി॒ദ്വാന്. യേഭി॑-ര്ദേ॒വാഗ്മ് ഋ॒തുഭിഃ॑ ക॒ല്പയാ॑തി ॥ 28 ॥
(ജു॒ഷേഥാ॒മാ - സ നോ॑ - യജാ॒ - ദാ - ത്രയോ॑വിഗ്മ്ശതിശ്ച) (അ. 14)

(ഇ॒ഷേ ത്വാ॑ - യ॒ജ്ഞസ്യ॒ - ശുംധ॑ധ്വം॒ - കര്മ॑ണേ വാം - ദേ॒വോ-ഽവ॑ധൂതം॒ - ധുഷ്ടിഃ॒ - സം-വഁ॑പാ॒- മ്യാ ദ॑ദേ॒ - പ്രത്യു॑ഷ്ടം॒ - കൃഷ്ണോ॑ഽസി॒ - ഭുവ॑നമസി॒ - വാജ॑സ്യോ॒ഭാ വാം॒ - ചതു॑ര്ദശ )

(ഇ॒ഷേ - ദൃഗ്മ്॑ഹ॒ - ഭുവ॑ന - മ॒ഷ്ടാവിഗ്മ്॑ശതിഃ )

(ഇ॒ഷേ ത്വാ॑, ക॒ല്പയാ॑തി)

॥ ഹരിഃ॑ ഓമ് ॥

॥ കൃഷ്ണ യജുര്വേദീയ തൈത്തിരീയ സംഹിതായാം പ്രഥമകാംഡേ പ്രഥമഃ പ്രശ്നഃ സമാപ്തഃ ॥