কৃষ্ণ যজুর্বেদীয তৈত্তিরীয সংহিতাযাং প্রথমকাংডে তৃতীযঃ প্রশ্নঃ -(অগ্নিষ্টোমে পশুঃ)

ওং নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হ॒রিঃ॒ ওম্ ॥

দে॒বস্য॑ ত্বা সবি॒তুঃ প্র॑স॒বে᳚ঽশ্বিনো᳚-র্বা॒হুভ্যাং᳚ পূ॒ষ্ণো হস্তা᳚ভ্যা॒মা দ॒দেঽভ্রি॑রসি॒ নারি॑রসি॒ পরি॑লিখিত॒গ্-ম্॒ রক্ষঃ॒ পরি॑লিখিতা॒ অরা॑তয ই॒দম॒হগ্-ম্ রক্ষ॑সো গ্রী॒বা অপি॑ কৃংতামি॒ যো᳚ঽস্মান্ দ্বেষ্টি॒ যং চ॑ ব॒যং দ্বি॒ষ্ম ই॒দম॑স্য গ্রী॒বা অপি॑ কৃংতামি দি॒বে ত্বা॒ঽংতরি॑ক্ষায ত্বা পৃথি॒ব্যৈ ত্বা॒ শুংধ॑তাং-লোঁ॒কঃ পি॑তৃ॒ষদ॑নো॒ যবো॑ঽসি য॒বযা॒স্ম-দ্দ্বেষো॑ [য॒বযা॒স্ম-দ্দ্বেষঃ॑, য॒বযারা॑তীঃ] ॥ 1 ॥

য॒বযারা॑তীঃ পিতৃ॒ণাগ্-ম্ সদ॑নম॒স্যুদ্দিবগ্গ্॑ স্তভা॒নাঽংতরি॑ক্ষং পৃণ পৃথি॒বীং দৃগ্-ম্॑হ দ্যুতা॒নস্ত্বা॑ মারু॒তো মি॑নোতু মি॒ত্রাবরু॑ণযো-র্ধ্রু॒বেণ॒ ধর্ম॑ণা ব্রহ্ম॒বনিং॑ ত্বা ক্ষত্র॒বনিগ্-ম্॑ সুপ্রজা॒বনিগ্-ম্॑ রাযস্পোষ॒বনিং॒ পর্যূ॑হামি॒ ব্রহ্ম॑ দৃগ্-ম্হ ক্ষ॒ত্রং দৃগ্-ম্॑হ প্র॒জাং দৃগ্-ম্॑হ রা॒যস্পোষং॑ দৃগ্-ম্হ ঘৃ॒তেন॑ দ্যাবাপৃথিবী॒ আ পৃ॑ণেথা॒মিংদ্র॑স্য॒ সদো॑ঽসি বিশ্বজ॒নস্য॑ ছা॒যা পরি॑ ত্বা গির্বণো॒ গির॑ ই॒মা ভ॑বংতু বি॒শ্বতো॑ বৃ॒দ্ধাযু॒মনু॒ বৃদ্ধ॑যো॒ জুষ্টা॑ ভবংতু॒ জুষ্ট॑য॒ ইংদ্র॑স্য॒ স্যূর॒সীংদ্র॑স্য ধ্রু॒বম॑স্যৈং॒দ্রম॒সীংদ্রা॑য ত্বা ॥ 2 ॥
(দ্বেষ॑ - ই॒মা - অ॒ষ্টাদ॑শ চ ) (অ. 1)

র॒ক্ষো॒হণো॑ বলগ॒হনো॑ বৈষ্ণ॒বান্ খ॑নামী॒দম॒হং তং-বঁ॑ল॒গমুদ্ব॑পামি॒ যং নঃ॑ সমা॒নো যমস॑মানো নিচ॒খানে॒দমে॑ন॒মধ॑রং করোমি॒ যো নঃ॑ সমা॒নো যোঽস॑মানোঽরাতী॒যতি॑ গায॒ত্রেণ॒ ছংদ॒সাঽব॑বাঢো বল॒গঃ কিমত্র॑ ভ॒দ্রং তন্নৌ॑ স॒হ বি॒রাড॑সি সপত্ন॒হা স॒ম্রাড॑সি ভ্রাতৃব্য॒হা স্ব॒রাড॑স্যভিমাতি॒হা বি॑শ্বা॒রাড॑সি॒ বিশ্বা॑সাং না॒ষ্ট্রাণাগ্-ম্॑ হং॒তা [হং॒তা, র॒ক্ষো॒হণো॑] ॥ 3 ॥

র॑ক্ষো॒হণো॑ বলগ॒হনঃ॒ প্রোক্ষা॑মি বৈষ্ণ॒বান্ র॑ক্ষো॒হণো॑ বলগ॒হনোঽব॑ নযামি বৈষ্ণ॒বান্ যবো॑ঽসি য॒বযা॒স্ম-দ্দ্বেষো॑ য॒বযারা॑তী রক্ষো॒হণো॑ বলগ॒হনোঽব॑ স্তৃণামি বৈষ্ণ॒বান্ র॑ক্ষো॒হণো॑ বলগ॒হনো॒ঽভি জু॑হোমি বৈষ্ণ॒বান্ র॑ক্ষো॒হণৌ॑ বলগ॒হনা॒বুপ॑ দধামি বৈষ্ণ॒বী র॑ক্ষো॒হণৌ॑ বলগ॒হনৌ॒ পর্যূ॑হামি বৈষ্ণ॒বী র॑ক্ষো॒হণৌ॑ বলগ॒হনৌ॒ পরি॑ স্তৃণামি বৈষ্ণ॒বী র॑ক্ষো॒হণৌ॑ বলগ॒হনৌ॑ বৈষ্ণ॒বী বৃ॒হন্ন॑সি বৃ॒হদ্গ্রা॑বা বৃহ॒তীমিংদ্রা॑য॒ বাচং॑-বঁদ ॥ 4 ॥
( হং॒তে-ংদ্রা॑য॒ দ্বে চ॑ ) (অ. 2)

বি॒ভূর॑সি প্র॒বাহ॑ণো॒ বহ্নি॑রসি হব্য॒বাহ॑নঃ শ্বা॒ত্রো॑ঽসি॒ প্রচে॑তাস্তু॒থো॑ঽসি বি॒শ্ববে॑দা উ॒শিগ॑সি ক॒বিরংঘা॑রিরসি॒ বংভা॑রিরব॒স্যুর॑সি॒ দুব॑স্বাংছুং॒ধ্যূর॑সি মার্জা॒লীযঃ॑ স॒ম্রাড॑সি কৃ॒শানুঃ॑ পরি॒ষদ্যো॑ঽসি॒ পব॑মানঃ প্র॒তক্বা॑ঽসি॒ নভ॑স্বা॒নসং॑মৃষ্টোঽসি হব্য॒সূদ॑ ঋ॒তধা॑মাঽসি॒ সুবর্জ্যোতি॒-র্ব্রহ্ম॑জ্যোতিরসি॒ সুব॑র্ধামা॒ঽজো᳚ ঽস্যেক॑পা॒দহি॑রসি বু॒দ্ধ্নিযো॒ রৌদ্রে॒ণানী॑কেন পা॒হি মা᳚ঽগ্নে পিপৃ॒হি মা॒ মা মা॑ হিগ্-ম্সীঃ ॥ 5 ॥
(অনী॑কেনা॒-ষ্টৌ চ॑) (অ. 3)

ত্বগ্-ম্ সো॑ম তনূ॒কৃদ্ভ্যো॒ দ্বেষো᳚ভ্যো॒ঽন্যকৃ॑তেভ্য উ॒রু যং॒তাঽসি॒ বরূ॑থ॒গ্গ্॒ স্বাহা॑ জুষা॒ণো অ॒প্তুরাজ্য॑স্য বেতু॒ স্বাহা॒ঽযন্নো॑ অ॒গ্নির্বরি॑বঃ কৃণোত্ব॒যং মৃধঃ॑ পু॒র এ॑তু প্রভিং॒দন্ন্ । অ॒যগ্-ম্ শত্রূং᳚জযতু॒ জর্​হৃ॑ষাণো॒ঽযং-বাঁজং॑ জযতু॒ বাজ॑সাতৌ । উ॒রু বি॑ষ্ণো॒ বি ক্র॑মস্বো॒রু ক্ষযা॑য নঃ কৃধি । ঘৃ॒তং ঘৃ॑তযোনে পিব॒ প্রপ্র॑ য॒জ্ঞপ॑তিং তির । সোমো॑ জিগাতি গাতু॒বি- [গাতু॒বিত্, দে॒বানা॑মেতি] ॥ 6 ॥

দ্দে॒বানা॑মেতি নিষ্কৃ॒তমৃ॒তস্য॒ যোনি॑মা॒সদ॒মদি॑ত্যাঃ॒ সদো॒ঽস্যদি॑ত্যাঃ॒ সদ॒ আ সী॑দৈ॒ষ বো॑ দেব সবিতঃ॒ সোম॒স্তগ্-ম্ র॑ক্ষদ্ধ্বং॒ মা বো॑ দভদে॒তত্ত্বগ্-ম্ সো॑ম দে॒বো দে॒বানুপা॑গা ই॒দম॒হং ম॑নু॒ষ্যো॑ মনু॒ষ্যাং᳚থ্ স॒হ প্র॒জযা॑ স॒হ রা॒যস্পোষে॑ণ॒ নমো॑ দে॒বেভ্যঃ॑ স্ব॒ধা পি॒তৃভ্য॑ ই॒দম॒হং নির্বরু॑ণস্য॒ পাশা॒থ্ সুব॑র॒ভি [ ] ॥ 7 ॥

বি খ্যে॑ষং-বৈঁশ্বান॒রং জ্যোতি॒রগ্নে᳚ ব্রতপতে॒ ত্বং-ব্রঁ॒তানাং᳚-ব্রঁ॒তপ॑তিরসি॒ যা মম॑ ত॒নূস্ত্বয্যভূ॑দি॒যগ্-ম্ সা মযি॒ যা তব॑ ত॒নূ-র্ময্যভূ॑দে॒ষা সা ত্বযি॑ যথায॒থং নৌ᳚ ব্রতপতে ব্র॒তিনো᳚-র্ব্র॒তানি॑ ॥ 8 ॥
(গা॒তু॒বিদ॒-ভ্যে-ক॑ত্রিগ্-ম্শচ্চ) (অ. 4)

অত্য॒ন্যানগাং॒ নান্যানুপা॑গাম॒র্বাক্ত্বা॒ পরৈ॑রবিদং প॒রোঽব॑রৈ॒স্তং ত্বা॑ জুষে বৈষ্ণ॒বং দে॑বয॒জ্যাযৈ॑ দে॒বস্ত্বা॑ সবি॒তা মদ্ধ্বা॑ঽন॒ক্ত্বোষ॑ধে॒ ত্রায॑স্বৈন॒গ্গ্॒ স্বধি॑তে॒ মৈনগ্-ম্॑ হিগ্-ম্সী॒-র্দিব॒মগ্রে॑ণ॒ মা লে॑খীরং॒তরি॑ক্ষং॒ মদ্ধ্যে॑ন॒ মা হিগ্-ম্॑সীঃ পৃথি॒ব্যা সং ভ॑ব॒ বন॑স্পতে শ॒তব॑ল্​শো॒ বি রো॑হ স॒হস্র॑বল্​শা॒ বি ব॒যগ্-ম্ রু॑হেম॒ যং ত্বা॒ঽযগ্গ্​ স্বধি॑তি॒স্তেতি॑জানঃ প্রণি॒নায॑ মহ॒তে সৌভ॑গা॒যাচ্ছি॑ন্নো॒ রাযঃ॑ সু॒বীরঃ॑ ॥ 9 ॥
(যং-দশ॑ চ) (অ. 5)

পৃ॒থি॒ব্যৈ ত্বাং॒তরি॑ক্ষায ত্বা দি॒বে ত্বা॒ শুংধ॑তাং-লোঁ॒কঃ পি॑তৃ॒ষদ॑নো॒ যবো॑ঽসি য॒বযা॒স্ম-দ্দ্বেষো॑ য॒বযারা॑তীঃ পিতৃ॒ণাগ্-ম্ সদ॑নমসি স্বাবে॒শো᳚-ঽস্যগ্রে॒গা নে॑তৃ॒ণাং-বঁন॒স্পতি॒রধি॑ ত্বা স্থাস্যতি॒ তস্য॑ বিত্তা-দ্দে॒বস্ত্বা॑ সবি॒তা মদ্ধ্বা॑ঽনক্তু সুপিপ্প॒লাভ্য॒-স্ত্বৌষ॑ধীভ্য॒ উদ্দিবগ্গ্॑ স্তভা॒নাঽংতরি॑ক্ষং পৃণ পৃথি॒বীমুপ॑রেণ দৃগ্-ম্হ॒ তে তে॒ ধামা᳚ন্যুশ্মসী [ধামা᳚ন্যুশ্মসি, গ॒মদ্ধ্যে॒ গাবো॒] ॥ 10 ॥

গ॒মদ্ধ্যে॒ গাবো॒ যত্র॒ ভূরি॑শৃংগা অ॒যাসঃ॑ । অত্রাহ॒ তদু॑রুগা॒যস্য॒ বিষ্ণোঃ᳚ প॒রমং প॒দমব॑ ভাতি॒ ভূরেঃ᳚ ॥ বিষ্ণোঃ॒ কর্মা॑ণি পশ্যত॒ যতো᳚ ব্র॒তানি॑ পস্প॒শে । ইংদ্র॑স্য॒ যুজ্যঃ॒ সখা᳚ ॥ তদ্-বিষ্ণোঃ᳚ পর॒মং প॒দগ্-ম্ সদা॑ পশ্যংতি সূ॒রযঃ॑ । দি॒বীব॒ চক্ষু॒রাত॑তম্ ॥ ব্র॒হ্ম॒বনিং॑ ত্বা ক্ষত্র॒বনিগ্-ম্॑ সুপ্রজা॒বনিগ্-ম্॑ রাযস্পোষ॒বনিং॒ পর্যূ॑হামি॒ ব্রহ্ম॑ দৃগ্-ম্হ ক্ষ॒ত্রং দৃগ্-ম্॑হ প্র॒জাং দৃগ্-ম্॑হ রা॒যস্পোষং॑ দৃগ্-ম্হ পরি॒বীর॑সি॒ পরি॑ ত্বা॒ দৈবী॒র্বিশো᳚ ব্যযংতাং॒ পরী॒মগ্-ম্ রা॒যস্পোষো॒ যজ॑মানং মনু॒ষ্যা॑ অং॒তরি॑ক্ষস্য ত্বা॒ সানা॒বব॑ গূহামি ॥ 11 ॥
(উ॒শ্ম॒সী॒-পোষ॒মে-কা॒ন্নবিগ্-ম্॑শ॒তিশ্চ॑) (অ. 6)

ই॒ষে ত্বো॑প॒বীর॒স্যুপো॑ দে॒বান্ দৈবী॒-র্বিশঃ॒ প্রাগু॒-র্বহ্নী॑রু॒শিজো॒ বৃহ॑স্পতে ধা॒রযা॒ বসূ॑নি হ॒ব্যা তে᳚ স্বদংতাং॒ দেব॑ ত্বষ্ট॒র্বসু॑ রণ্ব॒ রেব॑তী॒ রম॑দ্ধ্ব-ম॒গ্নে-র্জ॒নিত্র॑মসি॒ বৃষ॑ণৌ স্থ উ॒র্বশ্য॑স্যা॒যুর॑সি পুরূ॒রবা॑ ঘৃ॒তেনা॒ক্তে বৃষ॑ণং দধাথাং গায॒ত্রং ছংদোঽনু॒ প্র জা॑যস্ব॒ ত্রৈষ্টু॑ভং॒ জাগ॑তং॒ ছংদোঽনু॒ প্র জা॑যস্ব॒ ভব॑ত- [ভব॑তম্, নঃ॒ সম॑নসৌ॒] ॥ 12 ॥

ন্নঃ॒ সম॑নসৌ॒ সমো॑কসাবরে॒পসৌ᳚ । মা য॒জ্ঞগ্-ম্ হিগ্-ম্॑সিষ্টং॒ মা য॒জ্ঞপ॑তিং জাতবেদসৌ শি॒বৌ ভ॑বতম॒দ্য নঃ॑ ॥ অ॒গ্নাব॒গ্নিশ্চ॑রতি॒ প্রবি॑ষ্ট॒ ঋষী॑ণাং পু॒ত্রো অ॑ধিরা॒জ এ॒ষঃ । স্বা॒হা॒কৃত্য॒ ব্রহ্ম॑ণা তে জুহোমি॒ মা দে॒বানাং᳚ মিথু॒যা ক॑র্ভাগ॒ধেয᳚ম্ ॥ 13 ॥
(ভব॑ত॒-মেক॑ত্রিগ্-ম্শচ্চ) (অ. 7)

আ দ॑দ ঋ॒তস্য॑ ত্বা দেবহবিঃ॒ পাশে॒নাঽঽর॑ভে॒ ধর্​ষা॒ মানু॑ষান॒দ্ভ্যস্ত্বৌষ॑ধীভ্যঃ॒ প্রোক্ষা᳚ম্য॒পাং পে॒রুর॑সি স্বা॒ত্তং চি॒থ্ সদে॑বগ্-ম্ হ॒ব্যমাপো॑ দেবীঃ॒ স্বদ॑তৈন॒গ্-ম্॒ সং তে᳚ প্রা॒ণো বা॒যুনা॑ গচ্ছতা॒গ্-ম্॒ সং-যঁজ॑ত্রৈ॒রংগা॑নি॒ সং-যঁ॒জ্ঞপ॑তিরা॒শিষা॑ ঘৃ॒তেনা॒ক্তৌ প॒শুং ত্রা॑যেথা॒গ্-ম্॒ রেব॑তী-র্য॒জ্ঞপ॑তিং প্রিয॒ধাঽঽ বি॑শ॒তোরো॑ অংতরিক্ষ স॒জূ-র্দে॒বেন॒ [স॒জূ-র্দে॒বেন॑, বাতে॑না॒ঽস্য] ॥ 14 ॥

বাতে॑না॒ঽস্য হ॒বিষ॒স্ত্মনা॑ যজ॒ সম॑স্য ত॒নুবা॑ ভব॒ বর্​ষী॑যো॒ বর্​ষী॑যসি য॒জ্ঞে য॒জ্ঞপতিং॑ ধাঃ পৃ॑থি॒ব্যাঃ সং॒পৃচঃ॑ পাহি॒ নম॑স্ত আতানাঽন॒র্বা প্রেহি॑ ঘৃ॒তস্য॑ কু॒ল্যামনু॑ স॒হ প্র॒জযা॑ স॒হ রা॒যস্পোষে॒ণা ঽঽপো॑ দেবীঃ শুদ্ধাযুবঃ শু॒দ্ধা যূ॒যং দে॒বাগ্-ম্ ঊ᳚ঢ্বগ্-ম্ শু॒দ্ধা ব॒যং পরি॑বিষ্টাঃ পরিবে॒ষ্টারো॑ বো ভূযাস্ম ॥ 15 ॥
(দে॒বন॒-চতু॑শ্চত্বারিগ্-ম্শচ্চ) (অ. 8)

বাক্ত॒ আ প্যা॑যতাং প্রা॒ণস্ত॒ আ প্যা॑যতাং॒ চক্ষু॑স্ত॒ আ প্যা॑যতা॒গ্গ্॒ শ্রোত্রং॑ ত॒ আ প্যা॑যতাং॒-যাঁ তে᳚ প্রা॒ণাংছুগ্জ॒গাম॒ যা চক্ষু॒র্যা শ্রোত্রং॒-যঁত্তে᳚ ক্রূ॒রং-যঁদাস্থি॑তং॒ তত্ত॒ আ প্যা॑যতাং॒ তত্ত॑ এ॒তেন॑ শুংধতাং॒ নাভি॑স্ত॒ আ প্যা॑যতাং পা॒যুস্ত॒ আ প্যা॑যতাগ্-ম্ শু॒দ্ধাশ্চ॒রিত্রাঃ॒ শম॒দ্ভ্য- [ম॒ধ্ভ্যঃ, শমোষ॑ধীভ্যঃ॒ শং] ॥ 16 ॥

শ্শমোষ॑ধীভ্যঃ॒ শং পৃ॑থি॒ব্যৈ শমহো᳚ভ্যা॒-মোষ॑ধে॒ ত্রায॑স্বৈন॒গ্গ্॒ স্বধি॑তে॒ মৈনগ্-ম্॑ হিগ্-ম্সী॒ রক্ষ॑সাং ভা॒গো॑ঽসী॒দম॒হগ্-ম্ রক্ষো॑ঽধ॒মং তমো॑ নযামি॒ যো᳚ঽস্মান্ দ্বেষ্টি॒ যং চ॑ ব॒যং দ্বি॒ষ্ম ই॒দমে॑নমধ॒মং তমো॑ নযামী॒ষে ত্বা॑ ঘৃ॒তেন॑ দ্যাবাপৃথিবী॒ প্রোর্ণ্বা॑থা॒-মচ্ছি॑ন্নো॒ রাযঃ॑ সু॒বীর॑ উ॒র্বং॑তরি॑ক্ষ॒মন্বি॑হি॒ বাযো॒ বীহি॑ স্তো॒কানা॒গ্গ্॒ স্বাহো॒র্ধ্বন॑ভসং মারু॒তং গ॑চ্ছতম্ ॥ 17 ॥
(অ॒দ্ভ্যো-বীহি॒-পংচ॑ চ) (অ. 9)

সং তে॒ মন॑সা॒ মনঃ॒ সং প্রা॒ণেন॑ প্রা॒ণো জুষ্টং॑ দে॒বেভ্যো॑ হ॒ব্যং ঘৃ॒তব॒থ্ স্বাহৈং॒দ্রঃ প্রা॒ণো অংগে॑অংগে॒ নি দে᳚দ্ধ্যদৈং॒দ্রো॑ ঽপা॒নো অংগে॑অংগে॒ বি বো॑ভুব॒দ্দেব॑ ত্বষ্ট॒র্ভূরি॑ তে॒ সগ্-ম্স॑মেতু॒ বিষু॑রূপা॒ যথ্ সল॑ক্ষ্মাণো॒ ভব॑থ দেব॒ত্রা যংত॒মব॑সে॒ সখা॒যোঽনু॑ ত্বা মা॒তা পি॒তরো॑ মদংতু॒ শ্রীর॑স্য॒গ্নিস্ত্বা᳚ শ্রীণা॒ত্বাপঃ॒ সম॑রিণ॒ন্ বাত॑স্য [ ] ॥ 18 ॥

ত্বা॒ ধ্রজ্যৈ॑ পূ॒ষ্ণো রগ্গ্​হ্যা॑ অ॒পামোষ॑ধীনা॒গ্-ম্॒ রোহি॑ষ্যৈ ঘৃ॒তং ঘৃ॑তপাবানঃ পিবত॒ বসাং᳚-বঁসাপাবানঃ পিবতা॒ঽংতরি॑ক্ষস্য হ॒বির॑সি॒ স্বাহা᳚ ত্বা॒ঽংতরি॑ক্ষায॒ দিশঃ॑ প্র॒দিশ॑ আ॒দিশো॑ বি॒দিশ॑ উ॒দ্দিশঃ॒ স্বাহা॑ দি॒গ্ভ্যো নমো॑ দি॒গ্ভ্যঃ ॥ 19 ॥
(বা॑তস্যা॒-ষ্টাবিগ্-ম্॑শতিশ্চ) (অ. 10)

স॒মু॒দ্রং গ॑চ্ছ॒ স্বাহা॒ঽংতরি॑ক্ষং গচ্ছ॒ স্বাহা॑ দে॒বগ্-ম্ স॑বি॒তারং॑ গচ্ছ॒ স্বাহা॑ঽহোরা॒ত্রে গ॑চ্ছ॒ স্বাহা॑ মি॒ত্রাবরু॑ণৌ গচ্ছ॒ স্বাহা॒ সোমং॑ গচ্ছ॒ স্বাহা॑ য॒জ্ঞং গ॑চ্ছ॒ স্বাহা॒ ছংদাগ্-ম্॑সি গচ্ছ॒ স্বাহা॒ দ্যাবা॑পৃথি॒বী গ॑চ্ছ॒ স্বাহা॒ নভো॑ দি॒ব্যং গ॑চ্ছ॒ স্বাহা॒ঽগ্নিং-বৈঁ᳚শ্বান॒রং গ॑চ্ছ॒ স্বাহা॒ঽদ্ভ্যস্ত্বৌষ॑ধীভ্যো॒ মনো॑ মে॒ হার্দি॑ যচ্ছ ত॒নূং ত্বচং॑ পু॒ত্রং নপ্তা॑রমশীয॒ শুগ॑সি॒ তম॒ভি শো॑চ॒ যো᳚ঽস্মান্ দ্বেষ্টি॒ যং চ॑ ব॒যং দ্বি॒ষ্মো ধাম্নো॑ধাম্নো রাজন্নি॒তো ব॑রুণ নো মুংচ॒ যদাপো॒ অঘ্নি॑যা॒ বরু॒ণেতি॒ শপা॑মহে॒ ততো॑ বরুণ নো মুংচ ॥ 20
(অ॒সি॒-ষড্বিগ্-ম্॑শতিশ্চ ) (অ. 11)

হ॒বিষ্ম॑তীরি॒মা আপো॑ হ॒বিষ্মা᳚ন্ দে॒বো অ॑দ্ধ্ব॒রো হ॒বিষ্মা॒গ্-ম্॒ আ বি॑বাসতি হ॒বিষ্মাগ্-ম্॑ অস্তু॒ সূর্যঃ॑ ॥ অ॒গ্নের্বো ঽপ॑ন্নগৃহস্য॒ সদ॑সি সাদযামি সু॒ম্নায॑ সুম্নিনীঃ সু॒ম্নে মা॑ ধত্তেংদ্রাগ্নি॒যো-র্ভা॑গ॒ধেযীঃ᳚ স্থ মি॒ত্রাবরু॑ণযো-র্ভাগ॒ধেযীঃ᳚ স্থ॒ বিশ্বে॑ষাং দে॒বানাং᳚ ভাগ॒ধেযীঃ᳚ স্থ য॒জ্ঞে জা॑গৃত ॥ 21 ॥
(হ॒বিষ্ম॑তী॒-শ্চতু॑স্ত্রিগ্-ম্শত্) (অ. 12)

হৃ॒দে ত্বা॒ মন॑সে ত্বা দি॒বে ত্বা॒ সূর্যা॑য ত্বো॒র্ধ্বমি॒মম॑দ্ধ্ব॒রং কৃ॑ধি দি॒বি দে॒বেষু॒ হোত্রা॑ যচ্ছ॒ সোম॑ রাজ॒ন্নেহ্যব॑ রোহ॒ মা ভের্মা সং-বিঁ॑ক্থা॒ মা ত্বা॑ হিগ্-ম্সিষং প্র॒জাস্ত্বমু॒পাব॑রোহ প্র॒জাস্ত্বামু॒পাব॑রোহংতু শৃ॒ণোত্ব॒গ্নিঃ স॒মিধা॒ হবং॑ মে শৃ॒ণ্বংত্বাপো॑ ধি॒ষণা᳚শ্চ দে॒বীঃ । শৃ॒ণোত॑ গ্রাবাণো বি॒দুষো॒ নু [ ] ॥ 22 ॥

য॒জ্ঞগ্-ম্ শৃ॒ণোতু॑ দে॒বঃ স॑বি॒তা হবং॑ মে । দেবী॑রাপো অপাং নপা॒দ্য ঊ॒র্মির্​হ॑বি॒ষ্য॑ ইংদ্রি॒যাবা᳚ন্ ম॒দিংত॑ম॒স্তং দে॒বেভ্যো॑ দেব॒ত্রা ধ॑ত্ত শু॒ক্রগ্-ম্ শু॑ক্র॒পেভ্যো॒ যেষাং᳚ ভা॒গঃ স্থ স্বাহা॒ কার্​ষি॑র॒স্যপা॒ঽপাং মৃ॒দ্ধ্রগ্-ম্ স॑মু॒দ্রস্য॒ বোঽক্ষি॑ত্যা॒ উন্ন॑যে । যম॑গ্নে পৃ॒থ্সু মর্ত্য॒মাবো॒ বাজে॑ষু॒ যং জু॒নাঃ । স যংতা॒ শশ্ব॑তী॒রিষঃ॑ ॥ 23 ॥
( নু-স॒প্তচ॑ত্বারিগ্-ম্শচ্চ) (অ. 13)

ত্বম॑গ্নে রু॒দ্রো অসু॑রো ম॒হো দি॒বস্ত্বগ্-ম্ শর্ধো॒ মারু॑তং পৃ॒ক্ষ ঈ॑শিষে । ত্বং-বাঁতৈ॑ররু॒ণৈর্যা॑সি শংগ॒যস্ত্বং পূ॒ষা বি॑ধ॒তঃ পা॑সি॒ নুত্মনা᳚ ॥ আ বো॒ রাজা॑নমদ্ধ্ব॒রস্য॑ রু॒দ্রগ্-ম্ হোতা॑রগ্-ম্ সত্য॒যজ॒গ্-ম্॒ রোদ॑স্যোঃ । অ॒গ্নিং পু॒রা ত॑নযি॒ত্নো র॒চিত্তা॒দ্ধির॑ণ্যরূপ॒মব॑সে কৃণুদ্ধ্বম্ ॥ অ॒গ্নির্​হোতা॒ নি ষ॑সাদা॒ যজী॑যানু॒পস্থে॑ মা॒তুঃ সু॑র॒ভাবু॑ লো॒কে । যুবা॑ ক॒বিঃ পু॑রুনি॒ষ্ঠ [পু॑রুনি॒ষ্ঠঃ, ঋ॒তাবা॑ ধ॒র্তা] ॥ 24 ॥

ঋ॒তাবা॑ ধ॒র্তা কৃ॑ষ্টী॒নামু॒ত মদ্ধ্য॑ ই॒দ্ধঃ ॥সা॒দ্ধ্বীম॑ক-র্দে॒ববী॑তিং নো অ॒দ্য য॒জ্ঞস্য॑ জি॒হ্বাম॑বিদাম॒ গুহ্যা᳚ম্ । স আযু॒রাঽগা᳚থ্ সুর॒ভির্বসা॑নো ভ॒দ্রাম॑ক-র্দে॒বহূ॑তিং নো অ॒দ্য ॥ অক্রং॑দদ॒গ্নিঃ স্ত॒নয॑ন্নিব॒ দ্যৌঃ ক্ষামা॒ রেরি॑হদ্বী॒রুধঃ॑ সমং॒জন্ন্ । স॒দ্যো জ॑জ্ঞা॒নো বি হীমি॒দ্ধো অখ্য॒দা রোদ॑সী ভা॒নুনা॑ ভাত্যং॒তঃ ॥ ত্বে বসূ॑নি পুর্বণীক [পুর্বণীক, হো॒ত॒র্দো॒ষা] ॥ 25 ॥

হোতর্দো॒ষা বস্তো॒রেরি॑রে য॒জ্ঞিযা॑সঃ । ক্ষামে॑ব॒ বিশ্বা॒ ভুব॑নানি॒ যস্মিং॒থ্ সগ্-ম্ সৌভ॑গানি দধি॒রে পা॑ব॒কে ॥ তুভ্যং॒ তা অং॑গিরস্তম॒ বিশ্বাঃ᳚ সুক্ষি॒তযঃ॒ পৃথ॑ক্ । অগ্নে॒ কামা॑য যেমিরে ॥ অ॒শ্যাম॒ তং কাম॑মগ্নে॒ তবো॒ত্য॑শ্যাম॑ র॒যিগ্-ম্ র॑যিবঃ সু॒বীর᳚ম্ । অ॒শ্যাম॒ বাজ॑ম॒ভি বা॒জযং॑তো॒ ঽশ্যাম॑ দ্যু॒ম্নম॑জরা॒জরং॑ তে ॥শ্রেষ্ঠং॑-যঁবিষ্ঠ ভার॒তাগ্নে᳚ দ্যু॒মংত॒মা ভ॑র ॥ 26 ॥

বসো॑ পুরু॒স্পৃহগ্-ম্॑ র॒যিম্ ॥ স শ্বি॑তা॒নস্ত॑ন্য॒তূ রো॑চন॒স্থা অ॒জরে॑ভি॒-র্নান॑দদ্ভি॒র্যবি॑ষ্ঠঃ । যঃ পা॑ব॒কঃ পু॑রু॒তমঃ॑ পু॒রূণি॑ পৃ॒থূন্য॒গ্নির॑নু॒যাতি॒ ভর্বন্ন্॑ ॥ আযু॑ষ্টে বি॒শ্বতো॑ দধদ॒যম॒গ্নি-র্বরে᳚ণ্যঃ । পুন॑স্তে প্রা॒ণ আঽয॑তি॒ পরা॒ যক্ষ্মগ্-ম্॑ সুবামি তে ॥ আ॒যু॒র্দা অ॑গ্নে হ॒বিষো॑ জুষা॒ণো ঘৃ॒তপ্র॑তীকো ঘৃ॒তযো॑নিরেধি । ঘৃ॒তং পী॒ত্বা মধু॒ চারু॒ গব্যং॑ পি॒তেব॑ পু॒ত্রম॒ভি [পু॒ত্রম॒ভি, র॒ক্ষ॒তা॒দি॒মম্] ॥ 27 ॥

র॑ক্ষতাদি॒মম্ । তস্মৈ॑ তে প্রতি॒হর্য॑তে॒ জাত॑বেদো॒ বিচ॑র্​ষণে । অগ্নে॒ জনা॑মি সুষ্টু॒তিম্ ॥ দি॒বস্পরি॑ প্রথ॒মং জ॑জ্ঞে অ॒গ্নির॒স্ম-দ্দ্বি॒তীযং॒ পরি॑ জা॒তবে॑দাঃ । তৃ॒তীয॑ম॒ফ্সু নৃ॒মণা॒ অজ॑স্র॒মিংধা॑ন এনং জরতে স্বা॒ধীঃ ॥ শুচিঃ॑ পাবক॒ বংদ্যোঽগ্নে॑ বৃ॒হদ্বি রো॑চসে । ত্বং ঘৃ॒তেভি॒রাহু॑তঃ ॥ দৃ॒শা॒নো রু॒ক্ম উ॒র্ব্যা ব্য॑দ্যৌদ্-দু॒র্মর্​ষ॒মাযুঃ॑ শ্রি॒যে রু॑চা॒নঃ । অ॒গ্নির॒মৃতো॑ অভব॒দ্বযো॑ভি॒- [অভব॒দ্বযো॑ভিঃ, যদে॑নং॒] ॥ 28 ॥

র্যদে॑নং॒ দ্যৌরজ॑নযথ্ সু॒রেতাঃ᳚ ॥ আ যদি॒ষে নৃ॒পতিং॒ তেজ॒ আন॒ট্ছুচি॒ রেতো॒ নিষি॑ক্তং॒ দ্যৌর॒ভীকে᳚ । অ॒গ্নিঃ শর্ধ॑মনব॒দ্যং-যুঁবা॑নগ্গ্​ স্বা॒ধিযং॑ জনযথ্ সূ॒দয॑চ্চ ॥ স তেজী॑যসা॒ মন॑সা॒ ত্বোত॑ উ॒ত শি॑ক্ষ স্বপ॒ত্যস্য॑ শি॒ক্ষোঃ । অগ্নে॑ রা॒যো নৃত॑মস্য॒ প্রভূ॑তৌ ভূ॒যাম॑ তে সুষ্টু॒তয॑শ্চ॒ বস্বঃ॑ ॥ অগ্নে॒ সহং॑ত॒মা ভ॑র দ্যু॒ম্নস্য॑ প্রা॒সহা॑ র॒যিম্ । বিশ্বা॒ য- [বিশ্বা॒ যঃ, চ॒র্॒​ষ॒ণীর॒ভ্যা॑সা বাজে॑ষু] ॥ 29 ॥

শ্চ॑র্॒​ষ॒ণীর॒ভ্যা॑সা বাজে॑ষু সা॒সহ॑ত্ ॥ তম॑গ্নে পৃতনা॒সহগ্-ম্॑ র॒যিগ্-ম্ স॑হস্ব॒ আ ভ॑র । ত্বগ্-ম্ হি স॒ত্যো অদ্ভু॑তো দা॒তা বাজ॑স্য॒ গোম॑তঃ ॥ উ॒ক্ষান্না॑য ব॒শান্না॑য॒ সোম॑পৃষ্ঠায বে॒ধসে᳚ । স্তোমৈ᳚-র্বিধেমা॒ঽগ্নযে᳚ ॥ ব॒দ্মা হি সূ॑নো॒ অস্য॑দ্ম॒সদ্বা॑ চ॒ক্রে অ॒গ্নি-র্জ॒নুষা ঽজ্মাঽন্ন᳚ম্ । স ত্বং ন॑ ঊর্জসন॒ ঊর্জং॑ ধা॒ রাজে॑ব জেরবৃ॒কে ক্ষে᳚ষ্যং॒তঃ ॥ অগ্ন॒ আযূগ্-ম্॑ষি [অগ্ন॒ আযূগ্-ম্॑ষি, প॒ব॒স॒ আ] ॥ 30 ॥

পবস॒ আ সু॒বোর্জ॒মিষং॑ চ নঃ । আ॒রে বা॑ধস্ব দু॒চ্ছুনা᳚ম্ ॥ অগ্নে॒ পব॑স্ব॒ স্বপা॑ অ॒স্মে বর্চঃ॑ সু॒বীর্য᳚ম্ । দধ॒ত্পোষগ্-ম্॑ র॒যিং মযি॑ ॥ অগ্নে॑ পাবক রো॒চিষা॑ মং॒দ্রযা॑ দেব জি॒হ্বযা᳚ । আ দে॒বান্. ব॑ক্ষি॒ যক্ষি॑ চ ॥ স নঃ॑ পাবক দীদি॒বোঽগ্নে॑ দে॒বাগ্-ম্ ই॒হা ব॑হ । উপ॑ য॒জ্ঞগ্-ম্ হ॒বিশ্চ॑ নঃ ॥ অ॒গ্নিঃ শুচি॑ব্রততমঃ॒ শুচি॒-র্বিপ্রঃ॒ শুচিঃ॑ ক॒বিঃ । শুচী॑ রোচত॒ আহু॑তঃ ॥ উদ॑গ্নে॒ শুচ॑য॒স্তব॑ শু॒ক্রা ভ্রাজং॑ত ঈরতে । তব॒ জ্যোতীগ্গ্॑ষ্য॒র্চযঃ॑ ॥ 31 ॥
(পু॒রু॒নি॒ষ্ঠঃ-পু॑র্বণীক-ভরা॒-ঽভি-বযো॑ভি॒-র্য-আযূগ্-ম্॑ষি॒ -বিপ্রঃ॒ শুচি॒-শ্চতু॑র্দশ চ) (অ. 14)

(দে॒বস্য॑ - রক্ষো॒হণো॑ - বি॒ভূ-স্ত্বগ্-ম্ সো॒মা - ঽত্য॒ন্যানগাং᳚ - পৃথি॒ব্যা - ই॒ষে ত্বা - ঽঽদ॑দে॒ - বাক্ত॒-সংতে॑ - সমু॒দ্রগ্-ম্ - হ॒বিষ্ম॑তী-র্​হৃ॒দে - ত্বম॑গ্নে রু॒দ্র - শ্চতু॑র্দশ)

(দে॒বস্য॑ - গ॒মধ্যে॑ - হ॒বিষ্ম॑তীঃ - পবস॒ - এক॑ত্রিগ্-ম্শত্)

(দে॒বস্যা॒, র্চযঃ॑)

॥ হরিঃ॑ ওম্ ॥

॥ কৃষ্ণ যজুর্বেদীয তৈত্তিরীয সংহিতাযাং প্রথমকাংডে তৃতীযঃ প্রশ্নঃ সমাপ্তঃ ॥