𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾𑌂 𑌪𑍍𑌰𑌥𑌮𑌕𑌾𑌂𑌡𑍇 𑌤𑍃𑌤𑍀𑌯𑌃 𑌪𑍍𑌰𑌶𑍍𑌨𑌃 -(𑌅𑌗𑍍𑌨𑌿𑌷𑍍𑌟𑍋𑌮𑍇 𑌪𑌶𑍁𑌃)

𑌓𑌂 𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇᳚𑌽𑌶𑍍𑌵𑌿𑌨𑍋᳚-𑌰𑍍𑌬𑌾॒𑌹𑍁𑌭𑍍𑌯𑌾𑌂᳚ 𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾॒𑌮𑌾 𑌦॒𑌦𑍇𑌽𑌭𑍍𑌰𑌿॑𑌰𑌸𑌿॒ 𑌨𑌾𑌰𑌿॑𑌰𑌸𑌿॒ 𑌪𑌰𑌿॑𑌲𑌿𑌖𑌿𑌤॒𑌗𑍍-𑌮𑍍॒ 𑌰𑌕𑍍𑌷𑌃॒ 𑌪𑌰𑌿॑𑌲𑌿𑌖𑌿𑌤𑌾॒ 𑌅𑌰𑌾॑𑌤𑌯 𑌇॒𑌦𑌮॒𑌹𑌗𑍍-𑌮𑍍 𑌰𑌕𑍍𑌷॑𑌸𑍋 𑌗𑍍𑌰𑍀॒𑌵𑌾 𑌅𑌪𑌿॑ 𑌕𑍃𑌂𑌤𑌾𑌮𑌿॒ 𑌯𑍋᳚𑌽𑌸𑍍𑌮𑌾𑌨𑍍 𑌦𑍍𑌵𑍇𑌷𑍍𑌟𑌿॒ 𑌯𑌂 𑌚॑ 𑌵॒𑌯𑌂 𑌦𑍍𑌵𑌿॒𑌷𑍍𑌮 𑌇॒𑌦𑌮॑𑌸𑍍𑌯 𑌗𑍍𑌰𑍀॒𑌵𑌾 𑌅𑌪𑌿॑ 𑌕𑍃𑌂𑌤𑌾𑌮𑌿 𑌦𑌿॒𑌵𑍇 𑌤𑍍𑌵𑌾॒𑌽𑌂𑌤𑌰𑌿॑𑌕𑍍𑌷𑌾𑌯 𑌤𑍍𑌵𑌾 𑌪𑍃𑌥𑌿॒𑌵𑍍𑌯𑍈 𑌤𑍍𑌵𑌾॒ 𑌶𑍁𑌂𑌧॑𑌤𑌾𑌂-𑌲𑍋𑌁॒𑌕𑌃 𑌪𑌿॑𑌤𑍃॒𑌷𑌦॑𑌨𑍋॒ 𑌯𑌵𑍋॑𑌽𑌸𑌿 𑌯॒𑌵𑌯𑌾॒𑌸𑍍𑌮-𑌦𑍍𑌦𑍍𑌵𑍇𑌷𑍋॑ [𑌯॒𑌵𑌯𑌾॒𑌸𑍍𑌮-𑌦𑍍𑌦𑍍𑌵𑍇𑌷𑌃॑, 𑌯॒𑌵𑌯𑌾𑌰𑌾॑𑌤𑍀𑌃] ॥ 1 ॥

𑌯॒𑌵𑌯𑌾𑌰𑌾॑𑌤𑍀𑌃 𑌪𑌿𑌤𑍃॒𑌣𑌾𑌗𑍍-𑌮𑍍 𑌸𑌦॑𑌨𑌮॒𑌸𑍍𑌯𑍁𑌦𑍍𑌦𑌿𑌵𑌗𑍍𑌗𑍍॑ 𑌸𑍍𑌤𑌭𑌾॒𑌨𑌾𑌽𑌂𑌤𑌰𑌿॑𑌕𑍍𑌷𑌂 𑌪𑍃𑌣 𑌪𑍃𑌥𑌿॒𑌵𑍀𑌂 𑌦𑍃𑌗𑍍-𑌮𑍍॑𑌹 𑌦𑍍𑌯𑍁𑌤𑌾॒𑌨𑌸𑍍𑌤𑍍𑌵𑌾॑ 𑌮𑌾𑌰𑍁॒𑌤𑍋 𑌮𑌿॑𑌨𑍋𑌤𑍁 𑌮𑌿॒𑌤𑍍𑌰𑌾𑌵𑌰𑍁॑𑌣𑌯𑍋-𑌰𑍍𑌧𑍍𑌰𑍁॒𑌵𑍇𑌣॒ 𑌧𑌰𑍍𑌮॑𑌣𑌾 𑌬𑍍𑌰𑌹𑍍𑌮॒𑌵𑌨𑌿𑌂॑ 𑌤𑍍𑌵𑌾 𑌕𑍍𑌷𑌤𑍍𑌰॒𑌵𑌨𑌿𑌗𑍍-𑌮𑍍॑ 𑌸𑍁𑌪𑍍𑌰𑌜𑌾॒𑌵𑌨𑌿𑌗𑍍-𑌮𑍍॑ 𑌰𑌾𑌯𑌸𑍍𑌪𑍋𑌷॒𑌵𑌨𑌿𑌂॒ 𑌪𑌰𑍍𑌯𑍂॑𑌹𑌾𑌮𑌿॒ 𑌬𑍍𑌰𑌹𑍍𑌮॑ 𑌦𑍃𑌗𑍍-𑌮𑍍𑌹 𑌕𑍍𑌷॒𑌤𑍍𑌰𑌂 𑌦𑍃𑌗𑍍-𑌮𑍍॑𑌹 𑌪𑍍𑌰॒𑌜𑌾𑌂 𑌦𑍃𑌗𑍍-𑌮𑍍॑𑌹 𑌰𑌾॒𑌯𑌸𑍍𑌪𑍋𑌷𑌂॑ 𑌦𑍃𑌗𑍍-𑌮𑍍𑌹 𑌘𑍃॒𑌤𑍇𑌨॑ 𑌦𑍍𑌯𑌾𑌵𑌾𑌪𑍃𑌥𑌿𑌵𑍀॒ 𑌆 𑌪𑍃॑𑌣𑍇𑌥𑌾॒𑌮𑌿𑌂𑌦𑍍𑌰॑𑌸𑍍𑌯॒ 𑌸𑌦𑍋॑𑌽𑌸𑌿 𑌵𑌿𑌶𑍍𑌵𑌜॒𑌨𑌸𑍍𑌯॑ 𑌛𑌾॒𑌯𑌾 𑌪𑌰𑌿॑ 𑌤𑍍𑌵𑌾 𑌗𑌿𑌰𑍍𑌵𑌣𑍋॒ 𑌗𑌿𑌰॑ 𑌇॒𑌮𑌾 𑌭॑𑌵𑌂𑌤𑍁 𑌵𑌿॒𑌶𑍍𑌵𑌤𑍋॑ 𑌵𑍃॒𑌦𑍍𑌧𑌾𑌯𑍁॒𑌮𑌨𑍁॒ 𑌵𑍃𑌦𑍍𑌧॑𑌯𑍋॒ 𑌜𑍁𑌷𑍍𑌟𑌾॑ 𑌭𑌵𑌂𑌤𑍁॒ 𑌜𑍁𑌷𑍍𑌟॑𑌯॒ 𑌇𑌂𑌦𑍍𑌰॑𑌸𑍍𑌯॒ 𑌸𑍍𑌯𑍂𑌰॒𑌸𑍀𑌂𑌦𑍍𑌰॑𑌸𑍍𑌯 𑌧𑍍𑌰𑍁॒𑌵𑌮॑𑌸𑍍𑌯𑍈𑌂॒𑌦𑍍𑌰𑌮॒𑌸𑍀𑌂𑌦𑍍𑌰𑌾॑𑌯 𑌤𑍍𑌵𑌾 ॥ 2 ॥
(𑌦𑍍𑌵𑍇𑌷॑ - 𑌇॒𑌮𑌾 - 𑌅॒𑌷𑍍𑌟𑌾𑌦॑𑌶 𑌚 ) (𑌅. 1)

𑌰॒𑌕𑍍𑌷𑍋॒𑌹𑌣𑍋॑ 𑌵𑌲𑌗॒𑌹𑌨𑍋॑ 𑌵𑍈𑌷𑍍𑌣॒𑌵𑌾𑌨𑍍 𑌖॑𑌨𑌾𑌮𑍀॒𑌦𑌮॒𑌹𑌂 𑌤𑌂-𑌵𑌁॑𑌲॒𑌗𑌮𑍁𑌦𑍍𑌵॑𑌪𑌾𑌮𑌿॒ 𑌯𑌂 𑌨𑌃॑ 𑌸𑌮𑌾॒𑌨𑍋 𑌯𑌮𑌸॑𑌮𑌾𑌨𑍋 𑌨𑌿𑌚॒𑌖𑌾𑌨𑍇॒𑌦𑌮𑍇॑𑌨॒𑌮𑌧॑𑌰𑌂 𑌕𑌰𑍋𑌮𑌿॒ 𑌯𑍋 𑌨𑌃॑ 𑌸𑌮𑌾॒𑌨𑍋 𑌯𑍋𑌽𑌸॑𑌮𑌾𑌨𑍋𑌽𑌰𑌾𑌤𑍀॒𑌯𑌤𑌿॑ 𑌗𑌾𑌯॒𑌤𑍍𑌰𑍇𑌣॒ 𑌛𑌂𑌦॒𑌸𑌾𑌽𑌵॑𑌬𑌾𑌢𑍋 𑌵𑌲॒𑌗𑌃 𑌕𑌿𑌮𑌤𑍍𑌰॑ 𑌭॒𑌦𑍍𑌰𑌂 𑌤𑌨𑍍𑌨𑍌॑ 𑌸॒𑌹 𑌵𑌿॒𑌰𑌾𑌡॑𑌸𑌿 𑌸𑌪𑌤𑍍𑌨॒𑌹𑌾 𑌸॒𑌮𑍍𑌰𑌾𑌡॑𑌸𑌿 𑌭𑍍𑌰𑌾𑌤𑍃𑌵𑍍𑌯॒𑌹𑌾 𑌸𑍍𑌵॒𑌰𑌾𑌡॑𑌸𑍍𑌯𑌭𑌿𑌮𑌾𑌤𑌿॒𑌹𑌾 𑌵𑌿॑𑌶𑍍𑌵𑌾॒𑌰𑌾𑌡॑𑌸𑌿॒ 𑌵𑌿𑌶𑍍𑌵𑌾॑𑌸𑌾𑌂 𑌨𑌾॒𑌷𑍍𑌟𑍍𑌰𑌾𑌣𑌾𑌗𑍍-𑌮𑍍॑ 𑌹𑌂॒𑌤𑌾 [𑌹𑌂॒𑌤𑌾, 𑌰॒𑌕𑍍𑌷𑍋॒𑌹𑌣𑍋॑] ॥ 3 ॥

𑌰॑𑌕𑍍𑌷𑍋॒𑌹𑌣𑍋॑ 𑌵𑌲𑌗॒𑌹𑌨𑌃॒ 𑌪𑍍𑌰𑍋𑌕𑍍𑌷𑌾॑𑌮𑌿 𑌵𑍈𑌷𑍍𑌣॒𑌵𑌾𑌨𑍍 𑌰॑𑌕𑍍𑌷𑍋॒𑌹𑌣𑍋॑ 𑌵𑌲𑌗॒𑌹𑌨𑍋𑌽𑌵॑ 𑌨𑌯𑌾𑌮𑌿 𑌵𑍈𑌷𑍍𑌣॒𑌵𑌾𑌨𑍍 𑌯𑌵𑍋॑𑌽𑌸𑌿 𑌯॒𑌵𑌯𑌾॒𑌸𑍍𑌮-𑌦𑍍𑌦𑍍𑌵𑍇𑌷𑍋॑ 𑌯॒𑌵𑌯𑌾𑌰𑌾॑𑌤𑍀 𑌰𑌕𑍍𑌷𑍋॒𑌹𑌣𑍋॑ 𑌵𑌲𑌗॒𑌹𑌨𑍋𑌽𑌵॑ 𑌸𑍍𑌤𑍃𑌣𑌾𑌮𑌿 𑌵𑍈𑌷𑍍𑌣॒𑌵𑌾𑌨𑍍 𑌰॑𑌕𑍍𑌷𑍋॒𑌹𑌣𑍋॑ 𑌵𑌲𑌗॒𑌹𑌨𑍋॒𑌽𑌭𑌿 𑌜𑍁॑𑌹𑍋𑌮𑌿 𑌵𑍈𑌷𑍍𑌣॒𑌵𑌾𑌨𑍍 𑌰॑𑌕𑍍𑌷𑍋॒𑌹𑌣𑍌॑ 𑌵𑌲𑌗॒𑌹𑌨𑌾॒𑌵𑍁𑌪॑ 𑌦𑌧𑌾𑌮𑌿 𑌵𑍈𑌷𑍍𑌣॒𑌵𑍀 𑌰॑𑌕𑍍𑌷𑍋॒𑌹𑌣𑍌॑ 𑌵𑌲𑌗॒𑌹𑌨𑍌॒ 𑌪𑌰𑍍𑌯𑍂॑𑌹𑌾𑌮𑌿 𑌵𑍈𑌷𑍍𑌣॒𑌵𑍀 𑌰॑𑌕𑍍𑌷𑍋॒𑌹𑌣𑍌॑ 𑌵𑌲𑌗॒𑌹𑌨𑍌॒ 𑌪𑌰𑌿॑ 𑌸𑍍𑌤𑍃𑌣𑌾𑌮𑌿 𑌵𑍈𑌷𑍍𑌣॒𑌵𑍀 𑌰॑𑌕𑍍𑌷𑍋॒𑌹𑌣𑍌॑ 𑌵𑌲𑌗॒𑌹𑌨𑍌॑ 𑌵𑍈𑌷𑍍𑌣॒𑌵𑍀 𑌬𑍃॒𑌹𑌨𑍍𑌨॑𑌸𑌿 𑌬𑍃॒𑌹𑌦𑍍𑌗𑍍𑌰𑌾॑𑌵𑌾 𑌬𑍃𑌹॒𑌤𑍀𑌮𑌿𑌂𑌦𑍍𑌰𑌾॑𑌯॒ 𑌵𑌾𑌚𑌂॑-𑌵𑌁𑌦 ॥ 4 ॥
( 𑌹𑌂॒𑌤𑍇-𑌂𑌦𑍍𑌰𑌾॑𑌯॒ 𑌦𑍍𑌵𑍇 𑌚॑ ) (𑌅. 2)

𑌵𑌿॒𑌭𑍂𑌰॑𑌸𑌿 𑌪𑍍𑌰॒𑌵𑌾𑌹॑𑌣𑍋॒ 𑌵𑌹𑍍𑌨𑌿॑𑌰𑌸𑌿 𑌹𑌵𑍍𑌯॒𑌵𑌾𑌹॑𑌨𑌃 𑌶𑍍𑌵𑌾॒𑌤𑍍𑌰𑍋॑𑌽𑌸𑌿॒ 𑌪𑍍𑌰𑌚𑍇॑𑌤𑌾𑌸𑍍𑌤𑍁॒𑌥𑍋॑𑌽𑌸𑌿 𑌵𑌿॒𑌶𑍍𑌵𑌵𑍇॑𑌦𑌾 𑌉॒𑌶𑌿𑌗॑𑌸𑌿 𑌕॒𑌵𑌿𑌰𑌂𑌘𑌾॑𑌰𑌿𑌰𑌸𑌿॒ 𑌬𑌂𑌭𑌾॑𑌰𑌿𑌰𑌵॒𑌸𑍍𑌯𑍁𑌰॑𑌸𑌿॒ 𑌦𑍁𑌵॑𑌸𑍍𑌵𑌾𑌂𑌛𑍁𑌂॒𑌧𑍍𑌯𑍂𑌰॑𑌸𑌿 𑌮𑌾𑌰𑍍𑌜𑌾॒𑌲𑍀𑌯𑌃॑ 𑌸॒𑌮𑍍𑌰𑌾𑌡॑𑌸𑌿 𑌕𑍃॒𑌶𑌾𑌨𑍁𑌃॑ 𑌪𑌰𑌿॒𑌷𑌦𑍍𑌯𑍋॑𑌽𑌸𑌿॒ 𑌪𑌵॑𑌮𑌾𑌨𑌃 𑌪𑍍𑌰॒𑌤𑌕𑍍𑌵𑌾॑𑌽𑌸𑌿॒ 𑌨𑌭॑𑌸𑍍𑌵𑌾॒𑌨𑌸𑌂॑𑌮𑍃𑌷𑍍𑌟𑍋𑌽𑌸𑌿 𑌹𑌵𑍍𑌯॒𑌸𑍂𑌦॑ 𑌋॒𑌤𑌧𑌾॑𑌮𑌾𑌽𑌸𑌿॒ 𑌸𑍁𑌵𑌰𑍍𑌜𑍍𑌯𑍋𑌤𑌿॒-𑌰𑍍𑌬𑍍𑌰𑌹𑍍𑌮॑𑌜𑍍𑌯𑍋𑌤𑌿𑌰𑌸𑌿॒ 𑌸𑍁𑌵॑𑌰𑍍𑌧𑌾𑌮𑌾॒𑌽𑌜𑍋᳚ 𑌽𑌸𑍍𑌯𑍇𑌕॑𑌪𑌾॒𑌦𑌹𑌿॑𑌰𑌸𑌿 𑌬𑍁॒𑌦𑍍𑌧𑍍𑌨𑌿𑌯𑍋॒ 𑌰𑍌𑌦𑍍𑌰𑍇॒𑌣𑌾𑌨𑍀॑𑌕𑍇𑌨 𑌪𑌾॒𑌹𑌿 𑌮𑌾᳚𑌽𑌗𑍍𑌨𑍇 𑌪𑌿𑌪𑍃॒𑌹𑌿 𑌮𑌾॒ 𑌮𑌾 𑌮𑌾॑ 𑌹𑌿𑌗𑍍-𑌮𑍍𑌸𑍀𑌃 ॥ 5 ॥
(𑌅𑌨𑍀॑𑌕𑍇𑌨𑌾॒-𑌷𑍍𑌟𑍌 𑌚॑) (𑌅. 3)

𑌤𑍍𑌵𑌗𑍍-𑌮𑍍 𑌸𑍋॑𑌮 𑌤𑌨𑍂॒𑌕𑍃𑌦𑍍𑌭𑍍𑌯𑍋॒ 𑌦𑍍𑌵𑍇𑌷𑍋᳚𑌭𑍍𑌯𑍋॒𑌽𑌨𑍍𑌯𑌕𑍃॑𑌤𑍇𑌭𑍍𑌯 𑌉॒𑌰𑍁 𑌯𑌂॒𑌤𑌾𑌽𑌸𑌿॒ 𑌵𑌰𑍂॑𑌥॒𑌗𑍍𑌗𑍍॒ 𑌸𑍍𑌵𑌾𑌹𑌾॑ 𑌜𑍁𑌷𑌾॒𑌣𑍋 𑌅॒𑌪𑍍𑌤𑍁𑌰𑌾𑌜𑍍𑌯॑𑌸𑍍𑌯 𑌵𑍇𑌤𑍁॒ 𑌸𑍍𑌵𑌾𑌹𑌾॒𑌽𑌯𑌨𑍍𑌨𑍋॑ 𑌅॒𑌗𑍍𑌨𑌿𑌰𑍍𑌵𑌰𑌿॑𑌵𑌃 𑌕𑍃𑌣𑍋𑌤𑍍𑌵॒𑌯𑌂 𑌮𑍃𑌧𑌃॑ 𑌪𑍁॒𑌰 𑌏॑𑌤𑍁 𑌪𑍍𑌰𑌭𑌿𑌂॒𑌦𑌨𑍍𑌨𑍍 । 𑌅॒𑌯𑌗𑍍-𑌮𑍍 𑌶𑌤𑍍𑌰𑍂𑌂᳚𑌜𑌯𑌤𑍁॒ 𑌜𑌰𑍍​𑌹𑍃॑𑌷𑌾𑌣𑍋॒𑌽𑌯𑌂-𑌵𑌾𑌁𑌜𑌂॑ 𑌜𑌯𑌤𑍁॒ 𑌵𑌾𑌜॑𑌸𑌾𑌤𑍌 । 𑌉॒𑌰𑍁 𑌵𑌿॑𑌷𑍍𑌣𑍋॒ 𑌵𑌿 𑌕𑍍𑌰॑𑌮𑌸𑍍𑌵𑍋॒𑌰𑍁 𑌕𑍍𑌷𑌯𑌾॑𑌯 𑌨𑌃 𑌕𑍃𑌧𑌿 । 𑌘𑍃॒𑌤𑌂 𑌘𑍃॑𑌤𑌯𑍋𑌨𑍇 𑌪𑌿𑌬॒ 𑌪𑍍𑌰𑌪𑍍𑌰॑ 𑌯॒𑌜𑍍𑌞𑌪॑𑌤𑌿𑌂 𑌤𑌿𑌰 । 𑌸𑍋𑌮𑍋॑ 𑌜𑌿𑌗𑌾𑌤𑌿 𑌗𑌾𑌤𑍁॒𑌵𑌿- [𑌗𑌾𑌤𑍁॒𑌵𑌿𑌤𑍍, 𑌦𑍇॒𑌵𑌾𑌨𑌾॑𑌮𑍇𑌤𑌿] ॥ 6 ॥

𑌦𑍍𑌦𑍇॒𑌵𑌾𑌨𑌾॑𑌮𑍇𑌤𑌿 𑌨𑌿𑌷𑍍𑌕𑍃॒𑌤𑌮𑍃॒𑌤𑌸𑍍𑌯॒ 𑌯𑍋𑌨𑌿॑𑌮𑌾॒𑌸𑌦॒𑌮𑌦𑌿॑𑌤𑍍𑌯𑌾𑌃॒ 𑌸𑌦𑍋॒𑌽𑌸𑍍𑌯𑌦𑌿॑𑌤𑍍𑌯𑌾𑌃॒ 𑌸𑌦॒ 𑌆 𑌸𑍀॑𑌦𑍈॒𑌷 𑌵𑍋॑ 𑌦𑍇𑌵 𑌸𑌵𑌿𑌤𑌃॒ 𑌸𑍋𑌮॒𑌸𑍍𑌤𑌗𑍍-𑌮𑍍 𑌰॑𑌕𑍍𑌷𑌦𑍍𑌧𑍍𑌵𑌂॒ 𑌮𑌾 𑌵𑍋॑ 𑌦𑌭𑌦𑍇॒𑌤𑌤𑍍𑌤𑍍𑌵𑌗𑍍-𑌮𑍍 𑌸𑍋॑𑌮 𑌦𑍇॒𑌵𑍋 𑌦𑍇॒𑌵𑌾𑌨𑍁𑌪𑌾॑𑌗𑌾 𑌇॒𑌦𑌮॒𑌹𑌂 𑌮॑𑌨𑍁॒𑌷𑍍𑌯𑍋॑ 𑌮𑌨𑍁॒𑌷𑍍𑌯𑌾𑌂᳚𑌥𑍍 𑌸॒𑌹 𑌪𑍍𑌰॒𑌜𑌯𑌾॑ 𑌸॒𑌹 𑌰𑌾॒𑌯𑌸𑍍𑌪𑍋𑌷𑍇॑𑌣॒ 𑌨𑌮𑍋॑ 𑌦𑍇॒𑌵𑍇𑌭𑍍𑌯𑌃॑ 𑌸𑍍𑌵॒𑌧𑌾 𑌪𑌿॒𑌤𑍃𑌭𑍍𑌯॑ 𑌇॒𑌦𑌮॒𑌹𑌂 𑌨𑌿𑌰𑍍𑌵𑌰𑍁॑𑌣𑌸𑍍𑌯॒ 𑌪𑌾𑌶𑌾॒𑌥𑍍 𑌸𑍁𑌵॑𑌰॒𑌭𑌿 [ ] ॥ 𑍭 ॥

𑌵𑌿 𑌖𑍍𑌯𑍇॑𑌷𑌂-𑌵𑍈𑌁𑌶𑍍𑌵𑌾𑌨॒𑌰𑌂 𑌜𑍍𑌯𑍋𑌤𑌿॒𑌰𑌗𑍍𑌨𑍇᳚ 𑌵𑍍𑌰𑌤𑌪𑌤𑍇॒ 𑌤𑍍𑌵𑌂-𑌵𑍍𑌰𑌁॒𑌤𑌾𑌨𑌾𑌂᳚-𑌵𑍍𑌰𑌁॒𑌤𑌪॑𑌤𑌿𑌰𑌸𑌿॒ 𑌯𑌾 𑌮𑌮॑ 𑌤॒𑌨𑍂𑌸𑍍𑌤𑍍𑌵𑌯𑍍𑌯𑌭𑍂॑𑌦𑌿॒𑌯𑌗𑍍-𑌮𑍍 𑌸𑌾 𑌮𑌯𑌿॒ 𑌯𑌾 𑌤𑌵॑ 𑌤॒𑌨𑍂-𑌰𑍍𑌮𑌯𑍍𑌯𑌭𑍂॑𑌦𑍇॒𑌷𑌾 𑌸𑌾 𑌤𑍍𑌵𑌯𑌿॑ 𑌯𑌥𑌾𑌯॒𑌥𑌂 𑌨𑍌᳚ 𑌵𑍍𑌰𑌤𑌪𑌤𑍇 𑌵𑍍𑌰॒𑌤𑌿𑌨𑍋᳚-𑌰𑍍𑌵𑍍𑌰॒𑌤𑌾𑌨𑌿॑ ॥ 𑍮 ॥
(𑌗𑌾॒𑌤𑍁॒𑌵𑌿𑌦॒-𑌭𑍍𑌯𑍇-𑌕॑𑌤𑍍𑌰𑌿𑌗𑍍-𑌮𑍍𑌶𑌚𑍍𑌚) (𑌅. 4)

𑌅𑌤𑍍𑌯॒𑌨𑍍𑌯𑌾𑌨𑌗𑌾𑌂॒ 𑌨𑌾𑌨𑍍𑌯𑌾𑌨𑍁𑌪𑌾॑𑌗𑌾𑌮॒𑌰𑍍𑌵𑌾𑌕𑍍𑌤𑍍𑌵𑌾॒ 𑌪𑌰𑍈॑𑌰𑌵𑌿𑌦𑌂 𑌪॒𑌰𑍋𑌽𑌵॑𑌰𑍈॒𑌸𑍍𑌤𑌂 𑌤𑍍𑌵𑌾॑ 𑌜𑍁𑌷𑍇 𑌵𑍈𑌷𑍍𑌣॒𑌵𑌂 𑌦𑍇॑𑌵𑌯॒𑌜𑍍𑌯𑌾𑌯𑍈॑ 𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑌾 𑌮𑌦𑍍𑌧𑍍𑌵𑌾॑𑌽𑌨॒𑌕𑍍𑌤𑍍𑌵𑍋𑌷॑𑌧𑍇॒ 𑌤𑍍𑌰𑌾𑌯॑𑌸𑍍𑌵𑍈𑌨॒𑌗𑍍𑌗𑍍॒ 𑌸𑍍𑌵𑌧𑌿॑𑌤𑍇॒ 𑌮𑍈𑌨𑌗𑍍-𑌮𑍍॑ 𑌹𑌿𑌗𑍍-𑌮𑍍𑌸𑍀॒-𑌰𑍍𑌦𑌿𑌵॒𑌮𑌗𑍍𑌰𑍇॑𑌣॒ 𑌮𑌾 𑌲𑍇॑𑌖𑍀𑌰𑌂॒𑌤𑌰𑌿॑𑌕𑍍𑌷𑌂॒ 𑌮𑌦𑍍𑌧𑍍𑌯𑍇॑𑌨॒ 𑌮𑌾 𑌹𑌿𑌗𑍍-𑌮𑍍॑𑌸𑍀𑌃 𑌪𑍃𑌥𑌿॒𑌵𑍍𑌯𑌾 𑌸𑌂 𑌭॑𑌵॒ 𑌵𑌨॑𑌸𑍍𑌪𑌤𑍇 𑌶॒𑌤𑌵॑𑌲𑍍​𑌶𑍋॒ 𑌵𑌿 𑌰𑍋॑𑌹 𑌸॒𑌹𑌸𑍍𑌰॑𑌵𑌲𑍍​𑌶𑌾॒ 𑌵𑌿 𑌵॒𑌯𑌗𑍍-𑌮𑍍 𑌰𑍁॑𑌹𑍇𑌮॒ 𑌯𑌂 𑌤𑍍𑌵𑌾॒𑌽𑌯𑌗𑍍𑌗𑍍​ 𑌸𑍍𑌵𑌧𑌿॑𑌤𑌿॒𑌸𑍍𑌤𑍇𑌤𑌿॑𑌜𑌾𑌨𑌃 𑌪𑍍𑌰𑌣𑌿॒𑌨𑌾𑌯॑ 𑌮𑌹॒𑌤𑍇 𑌸𑍌𑌭॑𑌗𑌾॒𑌯𑌾𑌚𑍍𑌛𑌿॑𑌨𑍍𑌨𑍋॒ 𑌰𑌾𑌯𑌃॑ 𑌸𑍁॒𑌵𑍀𑌰𑌃॑ ॥ 𑍯 ॥
(𑌯𑌂-𑌦𑌶॑ 𑌚) (𑌅. 5)

𑌪𑍃॒𑌥𑌿॒𑌵𑍍𑌯𑍈 𑌤𑍍𑌵𑌾𑌂॒𑌤𑌰𑌿॑𑌕𑍍𑌷𑌾𑌯 𑌤𑍍𑌵𑌾 𑌦𑌿॒𑌵𑍇 𑌤𑍍𑌵𑌾॒ 𑌶𑍁𑌂𑌧॑𑌤𑌾𑌂-𑌲𑍋𑌁॒𑌕𑌃 𑌪𑌿॑𑌤𑍃॒𑌷𑌦॑𑌨𑍋॒ 𑌯𑌵𑍋॑𑌽𑌸𑌿 𑌯॒𑌵𑌯𑌾॒𑌸𑍍𑌮-𑌦𑍍𑌦𑍍𑌵𑍇𑌷𑍋॑ 𑌯॒𑌵𑌯𑌾𑌰𑌾॑𑌤𑍀𑌃 𑌪𑌿𑌤𑍃॒𑌣𑌾𑌗𑍍-𑌮𑍍 𑌸𑌦॑𑌨𑌮𑌸𑌿 𑌸𑍍𑌵𑌾𑌵𑍇॒𑌶𑍋᳚-𑌽𑌸𑍍𑌯𑌗𑍍𑌰𑍇॒𑌗𑌾 𑌨𑍇॑𑌤𑍃॒𑌣𑌾𑌂-𑌵𑌁𑌨॒𑌸𑍍𑌪𑌤𑌿॒𑌰𑌧𑌿॑ 𑌤𑍍𑌵𑌾 𑌸𑍍𑌥𑌾𑌸𑍍𑌯𑌤𑌿॒ 𑌤𑌸𑍍𑌯॑ 𑌵𑌿𑌤𑍍𑌤𑌾-𑌦𑍍𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑌾 𑌮𑌦𑍍𑌧𑍍𑌵𑌾॑𑌽𑌨𑌕𑍍𑌤𑍁 𑌸𑍁𑌪𑌿𑌪𑍍𑌪॒𑌲𑌾𑌭𑍍𑌯॒-𑌸𑍍𑌤𑍍𑌵𑍌𑌷॑𑌧𑍀𑌭𑍍𑌯॒ 𑌉𑌦𑍍𑌦𑌿𑌵𑌗𑍍𑌗𑍍॑ 𑌸𑍍𑌤𑌭𑌾॒𑌨𑌾𑌽𑌂𑌤𑌰𑌿॑𑌕𑍍𑌷𑌂 𑌪𑍃𑌣 𑌪𑍃𑌥𑌿॒𑌵𑍀𑌮𑍁𑌪॑𑌰𑍇𑌣 𑌦𑍃𑌗𑍍-𑌮𑍍𑌹॒ 𑌤𑍇 𑌤𑍇॒ 𑌧𑌾𑌮𑌾᳚𑌨𑍍𑌯𑍁𑌶𑍍𑌮𑌸𑍀 [𑌧𑌾𑌮𑌾᳚𑌨𑍍𑌯𑍁𑌶𑍍𑌮𑌸𑌿, 𑌗॒𑌮𑌦𑍍𑌧𑍍𑌯𑍇॒ 𑌗𑌾𑌵𑍋॒] ॥ 10 ॥

𑌗॒𑌮𑌦𑍍𑌧𑍍𑌯𑍇॒ 𑌗𑌾𑌵𑍋॒ 𑌯𑌤𑍍𑌰॒ 𑌭𑍂𑌰𑌿॑𑌶𑍃𑌂𑌗𑌾 𑌅॒𑌯𑌾𑌸𑌃॑ । 𑌅𑌤𑍍𑌰𑌾𑌹॒ 𑌤𑌦𑍁॑𑌰𑍁𑌗𑌾॒𑌯𑌸𑍍𑌯॒ 𑌵𑌿𑌷𑍍𑌣𑍋𑌃᳚ 𑌪॒𑌰𑌮𑌂 𑌪॒𑌦𑌮𑌵॑ 𑌭𑌾𑌤𑌿॒ 𑌭𑍂𑌰𑍇𑌃᳚ ॥ 𑌵𑌿𑌷𑍍𑌣𑍋𑌃॒ 𑌕𑌰𑍍𑌮𑌾॑𑌣𑌿 𑌪𑌶𑍍𑌯𑌤॒ 𑌯𑌤𑍋᳚ 𑌵𑍍𑌰॒𑌤𑌾𑌨𑌿॑ 𑌪𑌸𑍍𑌪॒𑌶𑍇 । 𑌇𑌂𑌦𑍍𑌰॑𑌸𑍍𑌯॒ 𑌯𑍁𑌜𑍍𑌯𑌃॒ 𑌸𑌖𑌾᳚ ॥ 𑌤𑌦𑍍-𑌵𑌿𑌷𑍍𑌣𑍋𑌃᳚ 𑌪𑌰॒𑌮𑌂 𑌪॒𑌦𑌗𑍍-𑌮𑍍 𑌸𑌦𑌾॑ 𑌪𑌶𑍍𑌯𑌂𑌤𑌿 𑌸𑍂॒𑌰𑌯𑌃॑ । 𑌦𑌿॒𑌵𑍀𑌵॒ 𑌚𑌕𑍍𑌷𑍁॒𑌰𑌾𑌤॑𑌤𑌮𑍍 ॥ 𑌬𑍍𑌰॒𑌹𑍍𑌮॒𑌵𑌨𑌿𑌂॑ 𑌤𑍍𑌵𑌾 𑌕𑍍𑌷𑌤𑍍𑌰॒𑌵𑌨𑌿𑌗𑍍-𑌮𑍍॑ 𑌸𑍁𑌪𑍍𑌰𑌜𑌾॒𑌵𑌨𑌿𑌗𑍍-𑌮𑍍॑ 𑌰𑌾𑌯𑌸𑍍𑌪𑍋𑌷॒𑌵𑌨𑌿𑌂॒ 𑌪𑌰𑍍𑌯𑍂॑𑌹𑌾𑌮𑌿॒ 𑌬𑍍𑌰𑌹𑍍𑌮॑ 𑌦𑍃𑌗𑍍-𑌮𑍍𑌹 𑌕𑍍𑌷॒𑌤𑍍𑌰𑌂 𑌦𑍃𑌗𑍍-𑌮𑍍॑𑌹 𑌪𑍍𑌰॒𑌜𑌾𑌂 𑌦𑍃𑌗𑍍-𑌮𑍍॑𑌹 𑌰𑌾॒𑌯𑌸𑍍𑌪𑍋𑌷𑌂॑ 𑌦𑍃𑌗𑍍-𑌮𑍍𑌹 𑌪𑌰𑌿॒𑌵𑍀𑌰॑𑌸𑌿॒ 𑌪𑌰𑌿॑ 𑌤𑍍𑌵𑌾॒ 𑌦𑍈𑌵𑍀॒𑌰𑍍𑌵𑌿𑌶𑍋᳚ 𑌵𑍍𑌯𑌯𑌂𑌤𑌾𑌂॒ 𑌪𑌰𑍀॒𑌮𑌗𑍍-𑌮𑍍 𑌰𑌾॒𑌯𑌸𑍍𑌪𑍋𑌷𑍋॒ 𑌯𑌜॑𑌮𑌾𑌨𑌂 𑌮𑌨𑍁॒𑌷𑍍𑌯𑌾॑ 𑌅𑌂॒𑌤𑌰𑌿॑𑌕𑍍𑌷𑌸𑍍𑌯 𑌤𑍍𑌵𑌾॒ 𑌸𑌾𑌨𑌾॒𑌵𑌵॑ 𑌗𑍂𑌹𑌾𑌮𑌿 ॥ 11 ॥
(𑌉॒𑌶𑍍𑌮॒𑌸𑍀॒-𑌪𑍋𑌷॒𑌮𑍇-𑌕𑌾॒𑌨𑍍𑌨𑌵𑌿𑌗𑍍-𑌮𑍍॑𑌶॒𑌤𑌿𑌶𑍍𑌚॑) (𑌅. 6)

𑌇॒𑌷𑍇 𑌤𑍍𑌵𑍋॑𑌪॒𑌵𑍀𑌰॒𑌸𑍍𑌯𑍁𑌪𑍋॑ 𑌦𑍇॒𑌵𑌾𑌨𑍍 𑌦𑍈𑌵𑍀॒-𑌰𑍍𑌵𑌿𑌶𑌃॒ 𑌪𑍍𑌰𑌾𑌗𑍁॒-𑌰𑍍𑌵𑌹𑍍𑌨𑍀॑𑌰𑍁॒𑌶𑌿𑌜𑍋॒ 𑌬𑍃𑌹॑𑌸𑍍𑌪𑌤𑍇 𑌧𑌾॒𑌰𑌯𑌾॒ 𑌵𑌸𑍂॑𑌨𑌿 𑌹॒𑌵𑍍𑌯𑌾 𑌤𑍇᳚ 𑌸𑍍𑌵𑌦𑌂𑌤𑌾𑌂॒ 𑌦𑍇𑌵॑ 𑌤𑍍𑌵𑌷𑍍𑌟॒𑌰𑍍𑌵𑌸𑍁॑ 𑌰𑌣𑍍𑌵॒ 𑌰𑍇𑌵॑𑌤𑍀॒ 𑌰𑌮॑𑌦𑍍𑌧𑍍𑌵-𑌮॒𑌗𑍍𑌨𑍇-𑌰𑍍𑌜॒𑌨𑌿𑌤𑍍𑌰॑𑌮𑌸𑌿॒ 𑌵𑍃𑌷॑𑌣𑍌 𑌸𑍍𑌥 𑌉॒𑌰𑍍𑌵𑌶𑍍𑌯॑𑌸𑍍𑌯𑌾॒𑌯𑍁𑌰॑𑌸𑌿 𑌪𑍁𑌰𑍂॒𑌰𑌵𑌾॑ 𑌘𑍃॒𑌤𑍇𑌨𑌾॒𑌕𑍍𑌤𑍇 𑌵𑍃𑌷॑𑌣𑌂 𑌦𑌧𑌾𑌥𑌾𑌂 𑌗𑌾𑌯॒𑌤𑍍𑌰𑌂 𑌛𑌂𑌦𑍋𑌽𑌨𑍁॒ 𑌪𑍍𑌰 𑌜𑌾॑𑌯𑌸𑍍𑌵॒ 𑌤𑍍𑌰𑍈𑌷𑍍𑌟𑍁॑𑌭𑌂॒ 𑌜𑌾𑌗॑𑌤𑌂॒ 𑌛𑌂𑌦𑍋𑌽𑌨𑍁॒ 𑌪𑍍𑌰 𑌜𑌾॑𑌯𑌸𑍍𑌵॒ 𑌭𑌵॑𑌤- [𑌭𑌵॑𑌤𑌮𑍍, 𑌨𑌃॒ 𑌸𑌮॑𑌨𑌸𑍌॒] ॥ 12 ॥

𑌨𑍍𑌨𑌃॒ 𑌸𑌮॑𑌨𑌸𑍌॒ 𑌸𑌮𑍋॑𑌕𑌸𑌾𑌵𑌰𑍇॒𑌪𑌸𑍌᳚ । 𑌮𑌾 𑌯॒𑌜𑍍𑌞𑌗𑍍-𑌮𑍍 𑌹𑌿𑌗𑍍-𑌮𑍍॑𑌸𑌿𑌷𑍍𑌟𑌂॒ 𑌮𑌾 𑌯॒𑌜𑍍𑌞𑌪॑𑌤𑌿𑌂 𑌜𑌾𑌤𑌵𑍇𑌦𑌸𑍌 𑌶𑌿॒𑌵𑍌 𑌭॑𑌵𑌤𑌮॒𑌦𑍍𑌯 𑌨𑌃॑ ॥ 𑌅॒𑌗𑍍𑌨𑌾𑌵॒𑌗𑍍𑌨𑌿𑌶𑍍𑌚॑𑌰𑌤𑌿॒ 𑌪𑍍𑌰𑌵𑌿॑𑌷𑍍𑌟॒ 𑌋𑌷𑍀॑𑌣𑌾𑌂 𑌪𑍁॒𑌤𑍍𑌰𑍋 𑌅॑𑌧𑌿𑌰𑌾॒𑌜 𑌏॒𑌷𑌃 । 𑌸𑍍𑌵𑌾॒𑌹𑌾॒𑌕𑍃𑌤𑍍𑌯॒ 𑌬𑍍𑌰𑌹𑍍𑌮॑𑌣𑌾 𑌤𑍇 𑌜𑍁𑌹𑍋𑌮𑌿॒ 𑌮𑌾 𑌦𑍇॒𑌵𑌾𑌨𑌾𑌂᳚ 𑌮𑌿𑌥𑍁॒𑌯𑌾 𑌕॑𑌰𑍍𑌭𑌾𑌗॒𑌧𑍇𑌯᳚𑌮𑍍 ॥ 13 ॥
(𑌭𑌵॑𑌤॒-𑌮𑍇𑌕॑𑌤𑍍𑌰𑌿𑌗𑍍-𑌮𑍍𑌶𑌚𑍍𑌚) (𑌅. 𑍭)

𑌆 𑌦॑𑌦 𑌋॒𑌤𑌸𑍍𑌯॑ 𑌤𑍍𑌵𑌾 𑌦𑍇𑌵𑌹𑌵𑌿𑌃॒ 𑌪𑌾𑌶𑍇॒𑌨𑌾𑌽𑌽𑌰॑𑌭𑍇॒ 𑌧𑌰𑍍​𑌷𑌾॒ 𑌮𑌾𑌨𑍁॑𑌷𑌾𑌨॒𑌦𑍍𑌭𑍍𑌯𑌸𑍍𑌤𑍍𑌵𑍌𑌷॑𑌧𑍀𑌭𑍍𑌯𑌃॒ 𑌪𑍍𑌰𑍋𑌕𑍍𑌷𑌾᳚𑌮𑍍𑌯॒𑌪𑌾𑌂 𑌪𑍇॒𑌰𑍁𑌰॑𑌸𑌿 𑌸𑍍𑌵𑌾॒𑌤𑍍𑌤𑌂 𑌚𑌿॒𑌥𑍍 𑌸𑌦𑍇॑𑌵𑌗𑍍-𑌮𑍍 𑌹॒𑌵𑍍𑌯𑌮𑌾𑌪𑍋॑ 𑌦𑍇𑌵𑍀𑌃॒ 𑌸𑍍𑌵𑌦॑𑌤𑍈𑌨॒𑌗𑍍-𑌮𑍍॒ 𑌸𑌂 𑌤𑍇᳚ 𑌪𑍍𑌰𑌾॒𑌣𑍋 𑌵𑌾॒𑌯𑍁𑌨𑌾॑ 𑌗𑌚𑍍𑌛𑌤𑌾॒𑌗𑍍-𑌮𑍍॒ 𑌸𑌂-𑌯𑌁𑌜॑𑌤𑍍𑌰𑍈॒𑌰𑌂𑌗𑌾॑𑌨𑌿॒ 𑌸𑌂-𑌯𑌁॒𑌜𑍍𑌞𑌪॑𑌤𑌿𑌰𑌾॒𑌶𑌿𑌷𑌾॑ 𑌘𑍃॒𑌤𑍇𑌨𑌾॒𑌕𑍍𑌤𑍌 𑌪॒𑌶𑍁𑌂 𑌤𑍍𑌰𑌾॑𑌯𑍇𑌥𑌾॒𑌗𑍍-𑌮𑍍॒ 𑌰𑍇𑌵॑𑌤𑍀-𑌰𑍍𑌯॒𑌜𑍍𑌞𑌪॑𑌤𑌿𑌂 𑌪𑍍𑌰𑌿𑌯॒𑌧𑌾𑌽𑌽 𑌵𑌿॑𑌶॒𑌤𑍋𑌰𑍋॑ 𑌅𑌂𑌤𑌰𑌿𑌕𑍍𑌷 𑌸॒𑌜𑍂-𑌰𑍍𑌦𑍇॒𑌵𑍇𑌨॒ [𑌸॒𑌜𑍂-𑌰𑍍𑌦𑍇॒𑌵𑍇𑌨॑, 𑌵𑌾𑌤𑍇॑𑌨𑌾॒𑌽𑌸𑍍𑌯] ॥ 14 ॥

𑌵𑌾𑌤𑍇॑𑌨𑌾॒𑌽𑌸𑍍𑌯 𑌹॒𑌵𑌿𑌷॒𑌸𑍍𑌤𑍍𑌮𑌨𑌾॑ 𑌯𑌜॒ 𑌸𑌮॑𑌸𑍍𑌯 𑌤॒𑌨𑍁𑌵𑌾॑ 𑌭𑌵॒ 𑌵𑌰𑍍​𑌷𑍀॑𑌯𑍋॒ 𑌵𑌰𑍍​𑌷𑍀॑𑌯𑌸𑌿 𑌯॒𑌜𑍍𑌞𑍇 𑌯॒𑌜𑍍𑌞𑌪𑌤𑌿𑌂॑ 𑌧𑌾𑌃 𑌪𑍃॑𑌥𑌿॒𑌵𑍍𑌯𑌾𑌃 𑌸𑌂॒𑌪𑍃𑌚𑌃॑ 𑌪𑌾𑌹𑌿॒ 𑌨𑌮॑𑌸𑍍𑌤 𑌆𑌤𑌾𑌨𑌾𑌽𑌨॒𑌰𑍍𑌵𑌾 𑌪𑍍𑌰𑍇𑌹𑌿॑ 𑌘𑍃॒𑌤𑌸𑍍𑌯॑ 𑌕𑍁॒𑌲𑍍𑌯𑌾𑌮𑌨𑍁॑ 𑌸॒𑌹 𑌪𑍍𑌰॒𑌜𑌯𑌾॑ 𑌸॒𑌹 𑌰𑌾॒𑌯𑌸𑍍𑌪𑍋𑌷𑍇॒𑌣𑌾 𑌽𑌽𑌪𑍋॑ 𑌦𑍇𑌵𑍀𑌃 𑌶𑍁𑌦𑍍𑌧𑌾𑌯𑍁𑌵𑌃 𑌶𑍁॒𑌦𑍍𑌧𑌾 𑌯𑍂॒𑌯𑌂 𑌦𑍇॒𑌵𑌾𑌗𑍍-𑌮𑍍 𑌊᳚𑌢𑍍𑌵𑌗𑍍-𑌮𑍍 𑌶𑍁॒𑌦𑍍𑌧𑌾 𑌵॒𑌯𑌂 𑌪𑌰𑌿॑𑌵𑌿𑌷𑍍𑌟𑌾𑌃 𑌪𑌰𑌿𑌵𑍇॒𑌷𑍍𑌟𑌾𑌰𑍋॑ 𑌵𑍋 𑌭𑍂𑌯𑌾𑌸𑍍𑌮 ॥ 15 ॥
(𑌦𑍇॒𑌵𑌨॒-𑌚𑌤𑍁॑𑌶𑍍𑌚𑌤𑍍𑌵𑌾𑌰𑌿𑌗𑍍-𑌮𑍍𑌶𑌚𑍍𑌚) (𑌅. 𑍮)

𑌵𑌾𑌕𑍍𑌤॒ 𑌆 𑌪𑍍𑌯𑌾॑𑌯𑌤𑌾𑌂 𑌪𑍍𑌰𑌾॒𑌣𑌸𑍍𑌤॒ 𑌆 𑌪𑍍𑌯𑌾॑𑌯𑌤𑌾𑌂॒ 𑌚𑌕𑍍𑌷𑍁॑𑌸𑍍𑌤॒ 𑌆 𑌪𑍍𑌯𑌾॑𑌯𑌤𑌾॒𑌗𑍍𑌗𑍍॒ 𑌶𑍍𑌰𑍋𑌤𑍍𑌰𑌂॑ 𑌤॒ 𑌆 𑌪𑍍𑌯𑌾॑𑌯𑌤𑌾𑌂॒-𑌯𑌾𑌁 𑌤𑍇᳚ 𑌪𑍍𑌰𑌾॒𑌣𑌾𑌂𑌛𑍁𑌗𑍍𑌜॒𑌗𑌾𑌮॒ 𑌯𑌾 𑌚𑌕𑍍𑌷𑍁॒𑌰𑍍𑌯𑌾 𑌶𑍍𑌰𑍋𑌤𑍍𑌰𑌂॒-𑌯𑌁𑌤𑍍𑌤𑍇᳚ 𑌕𑍍𑌰𑍂॒𑌰𑌂-𑌯𑌁𑌦𑌾𑌸𑍍𑌥𑌿॑𑌤𑌂॒ 𑌤𑌤𑍍𑌤॒ 𑌆 𑌪𑍍𑌯𑌾॑𑌯𑌤𑌾𑌂॒ 𑌤𑌤𑍍𑌤॑ 𑌏॒𑌤𑍇𑌨॑ 𑌶𑍁𑌂𑌧𑌤𑌾𑌂॒ 𑌨𑌾𑌭𑌿॑𑌸𑍍𑌤॒ 𑌆 𑌪𑍍𑌯𑌾॑𑌯𑌤𑌾𑌂 𑌪𑌾॒𑌯𑍁𑌸𑍍𑌤॒ 𑌆 𑌪𑍍𑌯𑌾॑𑌯𑌤𑌾𑌗𑍍-𑌮𑍍 𑌶𑍁॒𑌦𑍍𑌧𑌾𑌶𑍍𑌚॒𑌰𑌿𑌤𑍍𑌰𑌾𑌃॒ 𑌶𑌮॒𑌦𑍍𑌭𑍍𑌯- [𑌮॒𑌧𑍍𑌭𑍍𑌯𑌃, 𑌶𑌮𑍋𑌷॑𑌧𑍀𑌭𑍍𑌯𑌃॒ 𑌶𑌂] ॥ 16 ॥

𑌶𑍍𑌶𑌮𑍋𑌷॑𑌧𑍀𑌭𑍍𑌯𑌃॒ 𑌶𑌂 𑌪𑍃॑𑌥𑌿॒𑌵𑍍𑌯𑍈 𑌶𑌮𑌹𑍋᳚𑌭𑍍𑌯𑌾॒-𑌮𑍋𑌷॑𑌧𑍇॒ 𑌤𑍍𑌰𑌾𑌯॑𑌸𑍍𑌵𑍈𑌨॒𑌗𑍍𑌗𑍍॒ 𑌸𑍍𑌵𑌧𑌿॑𑌤𑍇॒ 𑌮𑍈𑌨𑌗𑍍-𑌮𑍍॑ 𑌹𑌿𑌗𑍍-𑌮𑍍𑌸𑍀॒ 𑌰𑌕𑍍𑌷॑𑌸𑌾𑌂 𑌭𑌾॒𑌗𑍋॑𑌽𑌸𑍀॒𑌦𑌮॒𑌹𑌗𑍍-𑌮𑍍 𑌰𑌕𑍍𑌷𑍋॑𑌽𑌧॒𑌮𑌂 𑌤𑌮𑍋॑ 𑌨𑌯𑌾𑌮𑌿॒ 𑌯𑍋᳚𑌽𑌸𑍍𑌮𑌾𑌨𑍍 𑌦𑍍𑌵𑍇𑌷𑍍𑌟𑌿॒ 𑌯𑌂 𑌚॑ 𑌵॒𑌯𑌂 𑌦𑍍𑌵𑌿॒𑌷𑍍𑌮 𑌇॒𑌦𑌮𑍇॑𑌨𑌮𑌧॒𑌮𑌂 𑌤𑌮𑍋॑ 𑌨𑌯𑌾𑌮𑍀॒𑌷𑍇 𑌤𑍍𑌵𑌾॑ 𑌘𑍃॒𑌤𑍇𑌨॑ 𑌦𑍍𑌯𑌾𑌵𑌾𑌪𑍃𑌥𑌿𑌵𑍀॒ 𑌪𑍍𑌰𑍋𑌰𑍍𑌣𑍍𑌵𑌾॑𑌥𑌾॒-𑌮𑌚𑍍𑌛𑌿॑𑌨𑍍𑌨𑍋॒ 𑌰𑌾𑌯𑌃॑ 𑌸𑍁॒𑌵𑍀𑌰॑ 𑌉॒𑌰𑍍𑌵𑌂॑𑌤𑌰𑌿॑𑌕𑍍𑌷॒𑌮𑌨𑍍𑌵𑌿॑𑌹𑌿॒ 𑌵𑌾𑌯𑍋॒ 𑌵𑍀𑌹𑌿॑ 𑌸𑍍𑌤𑍋॒𑌕𑌾𑌨𑌾॒𑌗𑍍𑌗𑍍॒ 𑌸𑍍𑌵𑌾𑌹𑍋॒𑌰𑍍𑌧𑍍𑌵𑌨॑𑌭𑌸𑌂 𑌮𑌾𑌰𑍁॒𑌤𑌂 𑌗॑𑌚𑍍𑌛𑌤𑌮𑍍 ॥ 1𑍭 ॥
(𑌅॒𑌦𑍍𑌭𑍍𑌯𑍋-𑌵𑍀𑌹𑌿॒-𑌪𑌂𑌚॑ 𑌚) (𑌅. 𑍯)

𑌸𑌂 𑌤𑍇॒ 𑌮𑌨॑𑌸𑌾॒ 𑌮𑌨𑌃॒ 𑌸𑌂 𑌪𑍍𑌰𑌾॒𑌣𑍇𑌨॑ 𑌪𑍍𑌰𑌾॒𑌣𑍋 𑌜𑍁𑌷𑍍𑌟𑌂॑ 𑌦𑍇॒𑌵𑍇𑌭𑍍𑌯𑍋॑ 𑌹॒𑌵𑍍𑌯𑌂 𑌘𑍃॒𑌤𑌵॒𑌥𑍍 𑌸𑍍𑌵𑌾𑌹𑍈𑌂॒𑌦𑍍𑌰𑌃 𑌪𑍍𑌰𑌾॒𑌣𑍋 𑌅𑌂𑌗𑍇॑𑌅𑌂𑌗𑍇॒ 𑌨𑌿 𑌦𑍇᳚𑌦𑍍𑌧𑍍𑌯𑌦𑍈𑌂॒𑌦𑍍𑌰𑍋॑ 𑌽𑌪𑌾॒𑌨𑍋 𑌅𑌂𑌗𑍇॑𑌅𑌂𑌗𑍇॒ 𑌵𑌿 𑌬𑍋॑𑌭𑍁𑌵॒𑌦𑍍𑌦𑍇𑌵॑ 𑌤𑍍𑌵𑌷𑍍𑌟॒𑌰𑍍𑌭𑍂𑌰𑌿॑ 𑌤𑍇॒ 𑌸𑌗𑍍-𑌮𑍍𑌸॑𑌮𑍇𑌤𑍁॒ 𑌵𑌿𑌷𑍁॑𑌰𑍂𑌪𑌾॒ 𑌯𑌥𑍍 𑌸𑌲॑𑌕𑍍𑌷𑍍𑌮𑌾𑌣𑍋॒ 𑌭𑌵॑𑌥 𑌦𑍇𑌵॒𑌤𑍍𑌰𑌾 𑌯𑌂𑌤॒𑌮𑌵॑𑌸𑍇॒ 𑌸𑌖𑌾॒𑌯𑍋𑌽𑌨𑍁॑ 𑌤𑍍𑌵𑌾 𑌮𑌾॒𑌤𑌾 𑌪𑌿॒𑌤𑌰𑍋॑ 𑌮𑌦𑌂𑌤𑍁॒ 𑌶𑍍𑌰𑍀𑌰॑𑌸𑍍𑌯॒𑌗𑍍𑌨𑌿𑌸𑍍𑌤𑍍𑌵𑌾᳚ 𑌶𑍍𑌰𑍀𑌣𑌾॒𑌤𑍍𑌵𑌾𑌪𑌃॒ 𑌸𑌮॑𑌰𑌿𑌣॒𑌨𑍍 𑌵𑌾𑌤॑𑌸𑍍𑌯 [ ] ॥ 1𑍮 ॥

𑌤𑍍𑌵𑌾॒ 𑌧𑍍𑌰𑌜𑍍𑌯𑍈॑ 𑌪𑍂॒𑌷𑍍𑌣𑍋 𑌰𑌗𑍍𑌗𑍍​𑌹𑍍𑌯𑌾॑ 𑌅॒𑌪𑌾𑌮𑍋𑌷॑𑌧𑍀𑌨𑌾॒𑌗𑍍-𑌮𑍍॒ 𑌰𑍋𑌹𑌿॑𑌷𑍍𑌯𑍈 𑌘𑍃॒𑌤𑌂 𑌘𑍃॑𑌤𑌪𑌾𑌵𑌾𑌨𑌃 𑌪𑌿𑌬𑌤॒ 𑌵𑌸𑌾𑌂᳚-𑌵𑌁𑌸𑌾𑌪𑌾𑌵𑌾𑌨𑌃 𑌪𑌿𑌬𑌤𑌾॒𑌽𑌂𑌤𑌰𑌿॑𑌕𑍍𑌷𑌸𑍍𑌯 𑌹॒𑌵𑌿𑌰॑𑌸𑌿॒ 𑌸𑍍𑌵𑌾𑌹𑌾᳚ 𑌤𑍍𑌵𑌾॒𑌽𑌂𑌤𑌰𑌿॑𑌕𑍍𑌷𑌾𑌯॒ 𑌦𑌿𑌶𑌃॑ 𑌪𑍍𑌰॒𑌦𑌿𑌶॑ 𑌆॒𑌦𑌿𑌶𑍋॑ 𑌵𑌿॒𑌦𑌿𑌶॑ 𑌉॒𑌦𑍍𑌦𑌿𑌶𑌃॒ 𑌸𑍍𑌵𑌾𑌹𑌾॑ 𑌦𑌿॒𑌗𑍍𑌭𑍍𑌯𑍋 𑌨𑌮𑍋॑ 𑌦𑌿॒𑌗𑍍𑌭𑍍𑌯𑌃 ॥ 1𑍯 ॥
(𑌵𑌾॑𑌤𑌸𑍍𑌯𑌾॒-𑌷𑍍𑌟𑌾𑌵𑌿𑌗𑍍-𑌮𑍍॑𑌶𑌤𑌿𑌶𑍍𑌚) (𑌅. 10)

𑌸॒𑌮𑍁॒𑌦𑍍𑌰𑌂 𑌗॑𑌚𑍍𑌛॒ 𑌸𑍍𑌵𑌾𑌹𑌾॒𑌽𑌂𑌤𑌰𑌿॑𑌕𑍍𑌷𑌂 𑌗𑌚𑍍𑌛॒ 𑌸𑍍𑌵𑌾𑌹𑌾॑ 𑌦𑍇॒𑌵𑌗𑍍-𑌮𑍍 𑌸॑𑌵𑌿॒𑌤𑌾𑌰𑌂॑ 𑌗𑌚𑍍𑌛॒ 𑌸𑍍𑌵𑌾𑌹𑌾॑𑌽𑌹𑍋𑌰𑌾॒𑌤𑍍𑌰𑍇 𑌗॑𑌚𑍍𑌛॒ 𑌸𑍍𑌵𑌾𑌹𑌾॑ 𑌮𑌿॒𑌤𑍍𑌰𑌾𑌵𑌰𑍁॑𑌣𑍌 𑌗𑌚𑍍𑌛॒ 𑌸𑍍𑌵𑌾𑌹𑌾॒ 𑌸𑍋𑌮𑌂॑ 𑌗𑌚𑍍𑌛॒ 𑌸𑍍𑌵𑌾𑌹𑌾॑ 𑌯॒𑌜𑍍𑌞𑌂 𑌗॑𑌚𑍍𑌛॒ 𑌸𑍍𑌵𑌾𑌹𑌾॒ 𑌛𑌂𑌦𑌾𑌗𑍍-𑌮𑍍॑𑌸𑌿 𑌗𑌚𑍍𑌛॒ 𑌸𑍍𑌵𑌾𑌹𑌾॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌗॑𑌚𑍍𑌛॒ 𑌸𑍍𑌵𑌾𑌹𑌾॒ 𑌨𑌭𑍋॑ 𑌦𑌿॒𑌵𑍍𑌯𑌂 𑌗॑𑌚𑍍𑌛॒ 𑌸𑍍𑌵𑌾𑌹𑌾॒𑌽𑌗𑍍𑌨𑌿𑌂-𑌵𑍈𑌁᳚𑌶𑍍𑌵𑌾𑌨॒𑌰𑌂 𑌗॑𑌚𑍍𑌛॒ 𑌸𑍍𑌵𑌾𑌹𑌾॒𑌽𑌦𑍍𑌭𑍍𑌯𑌸𑍍𑌤𑍍𑌵𑍌𑌷॑𑌧𑍀𑌭𑍍𑌯𑍋॒ 𑌮𑌨𑍋॑ 𑌮𑍇॒ 𑌹𑌾𑌰𑍍𑌦𑌿॑ 𑌯𑌚𑍍𑌛 𑌤॒𑌨𑍂𑌂 𑌤𑍍𑌵𑌚𑌂॑ 𑌪𑍁॒𑌤𑍍𑌰𑌂 𑌨𑌪𑍍𑌤𑌾॑𑌰𑌮𑌶𑍀𑌯॒ 𑌶𑍁𑌗॑𑌸𑌿॒ 𑌤𑌮॒𑌭𑌿 𑌶𑍋॑𑌚॒ 𑌯𑍋᳚𑌽𑌸𑍍𑌮𑌾𑌨𑍍 𑌦𑍍𑌵𑍇𑌷𑍍𑌟𑌿॒ 𑌯𑌂 𑌚॑ 𑌵॒𑌯𑌂 𑌦𑍍𑌵𑌿॒𑌷𑍍𑌮𑍋 𑌧𑌾𑌮𑍍𑌨𑍋॑𑌧𑌾𑌮𑍍𑌨𑍋 𑌰𑌾𑌜𑌨𑍍𑌨𑌿॒𑌤𑍋 𑌵॑𑌰𑍁𑌣 𑌨𑍋 𑌮𑍁𑌂𑌚॒ 𑌯𑌦𑌾𑌪𑍋॒ 𑌅𑌘𑍍𑌨𑌿॑𑌯𑌾॒ 𑌵𑌰𑍁॒𑌣𑍇𑌤𑌿॒ 𑌶𑌪𑌾॑𑌮𑌹𑍇॒ 𑌤𑌤𑍋॑ 𑌵𑌰𑍁𑌣 𑌨𑍋 𑌮𑍁𑌂𑌚 ॥ 20
(𑌅॒𑌸𑌿॒-𑌷𑌡𑍍𑌵𑌿𑌗𑍍-𑌮𑍍॑𑌶𑌤𑌿𑌶𑍍𑌚 ) (𑌅. 11)

𑌹॒𑌵𑌿𑌷𑍍𑌮॑𑌤𑍀𑌰𑌿॒𑌮𑌾 𑌆𑌪𑍋॑ 𑌹॒𑌵𑌿𑌷𑍍𑌮𑌾᳚𑌨𑍍 𑌦𑍇॒𑌵𑍋 𑌅॑𑌦𑍍𑌧𑍍𑌵॒𑌰𑍋 𑌹॒𑌵𑌿𑌷𑍍𑌮𑌾॒𑌗𑍍-𑌮𑍍॒ 𑌆 𑌵𑌿॑𑌵𑌾𑌸𑌤𑌿 𑌹॒𑌵𑌿𑌷𑍍𑌮𑌾𑌗𑍍-𑌮𑍍॑ 𑌅𑌸𑍍𑌤𑍁॒ 𑌸𑍂𑌰𑍍𑌯𑌃॑ ॥ 𑌅॒𑌗𑍍𑌨𑍇𑌰𑍍𑌵𑍋 𑌽𑌪॑𑌨𑍍𑌨𑌗𑍃𑌹𑌸𑍍𑌯॒ 𑌸𑌦॑𑌸𑌿 𑌸𑌾𑌦𑌯𑌾𑌮𑌿 𑌸𑍁॒𑌮𑍍𑌨𑌾𑌯॑ 𑌸𑍁𑌮𑍍𑌨𑌿𑌨𑍀𑌃 𑌸𑍁॒𑌮𑍍𑌨𑍇 𑌮𑌾॑ 𑌧𑌤𑍍𑌤𑍇𑌂𑌦𑍍𑌰𑌾𑌗𑍍𑌨𑌿॒𑌯𑍋-𑌰𑍍𑌭𑌾॑𑌗॒𑌧𑍇𑌯𑍀𑌃᳚ 𑌸𑍍𑌥 𑌮𑌿॒𑌤𑍍𑌰𑌾𑌵𑌰𑍁॑𑌣𑌯𑍋-𑌰𑍍𑌭𑌾𑌗॒𑌧𑍇𑌯𑍀𑌃᳚ 𑌸𑍍𑌥॒ 𑌵𑌿𑌶𑍍𑌵𑍇॑𑌷𑌾𑌂 𑌦𑍇॒𑌵𑌾𑌨𑌾𑌂᳚ 𑌭𑌾𑌗॒𑌧𑍇𑌯𑍀𑌃᳚ 𑌸𑍍𑌥 𑌯॒𑌜𑍍𑌞𑍇 𑌜𑌾॑𑌗𑍃𑌤 ॥ 21 ॥
(𑌹॒𑌵𑌿𑌷𑍍𑌮॑𑌤𑍀॒-𑌶𑍍𑌚𑌤𑍁॑𑌸𑍍𑌤𑍍𑌰𑌿𑌗𑍍-𑌮𑍍𑌶𑌤𑍍) (𑌅. 12)

𑌹𑍃॒𑌦𑍇 𑌤𑍍𑌵𑌾॒ 𑌮𑌨॑𑌸𑍇 𑌤𑍍𑌵𑌾 𑌦𑌿॒𑌵𑍇 𑌤𑍍𑌵𑌾॒ 𑌸𑍂𑌰𑍍𑌯𑌾॑𑌯 𑌤𑍍𑌵𑍋॒𑌰𑍍𑌧𑍍𑌵𑌮𑌿॒𑌮𑌮॑𑌦𑍍𑌧𑍍𑌵॒𑌰𑌂 𑌕𑍃॑𑌧𑌿 𑌦𑌿॒𑌵𑌿 𑌦𑍇॒𑌵𑍇𑌷𑍁॒ 𑌹𑍋𑌤𑍍𑌰𑌾॑ 𑌯𑌚𑍍𑌛॒ 𑌸𑍋𑌮॑ 𑌰𑌾𑌜॒𑌨𑍍𑌨𑍇𑌹𑍍𑌯𑌵॑ 𑌰𑍋𑌹॒ 𑌮𑌾 𑌭𑍇𑌰𑍍𑌮𑌾 𑌸𑌂-𑌵𑌿𑌁॑𑌕𑍍𑌥𑌾॒ 𑌮𑌾 𑌤𑍍𑌵𑌾॑ 𑌹𑌿𑌗𑍍-𑌮𑍍𑌸𑌿𑌷𑌂 𑌪𑍍𑌰॒𑌜𑌾𑌸𑍍𑌤𑍍𑌵𑌮𑍁॒𑌪𑌾𑌵॑𑌰𑍋𑌹 𑌪𑍍𑌰॒𑌜𑌾𑌸𑍍𑌤𑍍𑌵𑌾𑌮𑍁॒𑌪𑌾𑌵॑𑌰𑍋𑌹𑌂𑌤𑍁 𑌶𑍃॒𑌣𑍋𑌤𑍍𑌵॒𑌗𑍍𑌨𑌿𑌃 𑌸॒𑌮𑌿𑌧𑌾॒ 𑌹𑌵𑌂॑ 𑌮𑍇 𑌶𑍃॒𑌣𑍍𑌵𑌂𑌤𑍍𑌵𑌾𑌪𑍋॑ 𑌧𑌿॒𑌷𑌣𑌾᳚𑌶𑍍𑌚 𑌦𑍇॒𑌵𑍀𑌃 । 𑌶𑍃॒𑌣𑍋𑌤॑ 𑌗𑍍𑌰𑌾𑌵𑌾𑌣𑍋 𑌵𑌿॒𑌦𑍁𑌷𑍋॒ 𑌨𑍁 [ ] ॥ 22 ॥

𑌯॒𑌜𑍍𑌞𑌗𑍍-𑌮𑍍 𑌶𑍃॒𑌣𑍋𑌤𑍁॑ 𑌦𑍇॒𑌵𑌃 𑌸॑𑌵𑌿॒𑌤𑌾 𑌹𑌵𑌂॑ 𑌮𑍇 । 𑌦𑍇𑌵𑍀॑𑌰𑌾𑌪𑍋 𑌅𑌪𑌾𑌂 𑌨𑌪𑌾॒𑌦𑍍𑌯 𑌊॒𑌰𑍍𑌮𑌿𑌰𑍍​𑌹॑𑌵𑌿॒𑌷𑍍𑌯॑ 𑌇𑌂𑌦𑍍𑌰𑌿॒𑌯𑌾𑌵𑌾᳚𑌨𑍍 𑌮॒𑌦𑌿𑌂𑌤॑𑌮॒𑌸𑍍𑌤𑌂 𑌦𑍇॒𑌵𑍇𑌭𑍍𑌯𑍋॑ 𑌦𑍇𑌵॒𑌤𑍍𑌰𑌾 𑌧॑𑌤𑍍𑌤 𑌶𑍁॒𑌕𑍍𑌰𑌗𑍍-𑌮𑍍 𑌶𑍁॑𑌕𑍍𑌰॒𑌪𑍇𑌭𑍍𑌯𑍋॒ 𑌯𑍇𑌷𑌾𑌂᳚ 𑌭𑌾॒𑌗𑌃 𑌸𑍍𑌥 𑌸𑍍𑌵𑌾𑌹𑌾॒ 𑌕𑌾𑌰𑍍​𑌷𑌿॑𑌰॒𑌸𑍍𑌯𑌪𑌾॒𑌽𑌪𑌾𑌂 𑌮𑍃॒𑌦𑍍𑌧𑍍𑌰𑌗𑍍-𑌮𑍍 𑌸॑𑌮𑍁॒𑌦𑍍𑌰𑌸𑍍𑌯॒ 𑌵𑍋𑌽𑌕𑍍𑌷𑌿॑𑌤𑍍𑌯𑌾॒ 𑌉𑌨𑍍𑌨॑𑌯𑍇 । 𑌯𑌮॑𑌗𑍍𑌨𑍇 𑌪𑍃॒𑌥𑍍𑌸𑍁 𑌮𑌰𑍍𑌤𑍍𑌯॒𑌮𑌾𑌵𑍋॒ 𑌵𑌾𑌜𑍇॑𑌷𑍁॒ 𑌯𑌂 𑌜𑍁॒𑌨𑌾𑌃 । 𑌸 𑌯𑌂𑌤𑌾॒ 𑌶𑌶𑍍𑌵॑𑌤𑍀॒𑌰𑌿𑌷𑌃॑ ॥ 23 ॥
( 𑌨𑍁-𑌸॒𑌪𑍍𑌤𑌚॑𑌤𑍍𑌵𑌾𑌰𑌿𑌗𑍍-𑌮𑍍𑌶𑌚𑍍𑌚) (𑌅. 13)

𑌤𑍍𑌵𑌮॑𑌗𑍍𑌨𑍇 𑌰𑍁॒𑌦𑍍𑌰𑍋 𑌅𑌸𑍁॑𑌰𑍋 𑌮॒𑌹𑍋 𑌦𑌿॒𑌵𑌸𑍍𑌤𑍍𑌵𑌗𑍍-𑌮𑍍 𑌶𑌰𑍍𑌧𑍋॒ 𑌮𑌾𑌰𑍁॑𑌤𑌂 𑌪𑍃॒𑌕𑍍𑌷 𑌈॑𑌶𑌿𑌷𑍇 । 𑌤𑍍𑌵𑌂-𑌵𑌾𑌁𑌤𑍈॑𑌰𑌰𑍁॒𑌣𑍈𑌰𑍍𑌯𑌾॑𑌸𑌿 𑌶𑌂𑌗॒𑌯𑌸𑍍𑌤𑍍𑌵𑌂 𑌪𑍂॒𑌷𑌾 𑌵𑌿॑𑌧॒𑌤𑌃 𑌪𑌾॑𑌸𑌿॒ 𑌨𑍁𑌤𑍍𑌮𑌨𑌾᳚ ॥ 𑌆 𑌵𑍋॒ 𑌰𑌾𑌜𑌾॑𑌨𑌮𑌦𑍍𑌧𑍍𑌵॒𑌰𑌸𑍍𑌯॑ 𑌰𑍁॒𑌦𑍍𑌰𑌗𑍍-𑌮𑍍 𑌹𑍋𑌤𑌾॑𑌰𑌗𑍍-𑌮𑍍 𑌸𑌤𑍍𑌯॒𑌯𑌜॒𑌗𑍍-𑌮𑍍॒ 𑌰𑍋𑌦॑𑌸𑍍𑌯𑍋𑌃 । 𑌅॒𑌗𑍍𑌨𑌿𑌂 𑌪𑍁॒𑌰𑌾 𑌤॑𑌨𑌯𑌿॒𑌤𑍍𑌨𑍋 𑌰॒𑌚𑌿𑌤𑍍𑌤𑌾॒𑌦𑍍𑌧𑌿𑌰॑𑌣𑍍𑌯𑌰𑍂𑌪॒𑌮𑌵॑𑌸𑍇 𑌕𑍃𑌣𑍁𑌦𑍍𑌧𑍍𑌵𑌮𑍍 ॥ 𑌅॒𑌗𑍍𑌨𑌿𑌰𑍍​𑌹𑍋𑌤𑌾॒ 𑌨𑌿 𑌷॑𑌸𑌾𑌦𑌾॒ 𑌯𑌜𑍀॑𑌯𑌾𑌨𑍁॒𑌪𑌸𑍍𑌥𑍇॑ 𑌮𑌾॒𑌤𑍁𑌃 𑌸𑍁॑𑌰॒𑌭𑌾𑌵𑍁॑ 𑌲𑍋॒𑌕𑍇 । 𑌯𑍁𑌵𑌾॑ 𑌕॒𑌵𑌿𑌃 𑌪𑍁॑𑌰𑍁𑌨𑌿॒𑌷𑍍𑌠 [𑌪𑍁॑𑌰𑍁𑌨𑌿॒𑌷𑍍𑌠𑌃, 𑌋॒𑌤𑌾𑌵𑌾॑ 𑌧॒𑌰𑍍𑌤𑌾] ॥ 24 ॥

𑌋॒𑌤𑌾𑌵𑌾॑ 𑌧॒𑌰𑍍𑌤𑌾 𑌕𑍃॑𑌷𑍍𑌟𑍀॒𑌨𑌾𑌮𑍁॒𑌤 𑌮𑌦𑍍𑌧𑍍𑌯॑ 𑌇॒𑌦𑍍𑌧𑌃 ॥𑌸𑌾॒𑌦𑍍𑌧𑍍𑌵𑍀𑌮॑𑌕-𑌰𑍍𑌦𑍇॒𑌵𑌵𑍀॑𑌤𑌿𑌂 𑌨𑍋 𑌅॒𑌦𑍍𑌯 𑌯॒𑌜𑍍𑌞𑌸𑍍𑌯॑ 𑌜𑌿॒𑌹𑍍𑌵𑌾𑌮॑𑌵𑌿𑌦𑌾𑌮॒ 𑌗𑍁𑌹𑍍𑌯𑌾᳚𑌮𑍍 । 𑌸 𑌆𑌯𑍁॒𑌰𑌾𑌽𑌗𑌾᳚𑌥𑍍 𑌸𑍁𑌰॒𑌭𑌿𑌰𑍍𑌵𑌸𑌾॑𑌨𑍋 𑌭॒𑌦𑍍𑌰𑌾𑌮॑𑌕-𑌰𑍍𑌦𑍇॒𑌵𑌹𑍂॑𑌤𑌿𑌂 𑌨𑍋 𑌅॒𑌦𑍍𑌯 ॥ 𑌅𑌕𑍍𑌰𑌂॑𑌦𑌦॒𑌗𑍍𑌨𑌿𑌃 𑌸𑍍𑌤॒𑌨𑌯॑𑌨𑍍𑌨𑌿𑌵॒ 𑌦𑍍𑌯𑍌𑌃 𑌕𑍍𑌷𑌾𑌮𑌾॒ 𑌰𑍇𑌰𑌿॑𑌹𑌦𑍍𑌵𑍀॒𑌰𑍁𑌧𑌃॑ 𑌸𑌮𑌂॒𑌜𑌨𑍍𑌨𑍍 । 𑌸॒𑌦𑍍𑌯𑍋 𑌜॑𑌜𑍍𑌞𑌾॒𑌨𑍋 𑌵𑌿 𑌹𑍀𑌮𑌿॒𑌦𑍍𑌧𑍋 𑌅𑌖𑍍𑌯॒𑌦𑌾 𑌰𑍋𑌦॑𑌸𑍀 𑌭𑌾॒𑌨𑍁𑌨𑌾॑ 𑌭𑌾𑌤𑍍𑌯𑌂॒𑌤𑌃 ॥ 𑌤𑍍𑌵𑍇 𑌵𑌸𑍂॑𑌨𑌿 𑌪𑍁𑌰𑍍𑌵𑌣𑍀𑌕 [𑌪𑍁𑌰𑍍𑌵𑌣𑍀𑌕, 𑌹𑍋॒𑌤॒𑌰𑍍𑌦𑍋॒𑌷𑌾] ॥ 25 ॥

𑌹𑍋𑌤𑌰𑍍𑌦𑍋॒𑌷𑌾 𑌵𑌸𑍍𑌤𑍋॒𑌰𑍇𑌰𑌿॑𑌰𑍇 𑌯॒𑌜𑍍𑌞𑌿𑌯𑌾॑𑌸𑌃 । 𑌕𑍍𑌷𑌾𑌮𑍇॑𑌵॒ 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿॒ 𑌯𑌸𑍍𑌮𑌿𑌂॒𑌥𑍍 𑌸𑌗𑍍-𑌮𑍍 𑌸𑍌𑌭॑𑌗𑌾𑌨𑌿 𑌦𑌧𑌿॒𑌰𑍇 𑌪𑌾॑𑌵॒𑌕𑍇 ॥ 𑌤𑍁𑌭𑍍𑌯𑌂॒ 𑌤𑌾 𑌅𑌂॑𑌗𑌿𑌰𑌸𑍍𑌤𑌮॒ 𑌵𑌿𑌶𑍍𑌵𑌾𑌃᳚ 𑌸𑍁𑌕𑍍𑌷𑌿॒𑌤𑌯𑌃॒ 𑌪𑍃𑌥॑𑌕𑍍 । 𑌅𑌗𑍍𑌨𑍇॒ 𑌕𑌾𑌮𑌾॑𑌯 𑌯𑍇𑌮𑌿𑌰𑍇 ॥ 𑌅॒𑌶𑍍𑌯𑌾𑌮॒ 𑌤𑌂 𑌕𑌾𑌮॑𑌮𑌗𑍍𑌨𑍇॒ 𑌤𑌵𑍋॒𑌤𑍍𑌯॑𑌶𑍍𑌯𑌾𑌮॑ 𑌰॒𑌯𑌿𑌗𑍍-𑌮𑍍 𑌰॑𑌯𑌿𑌵𑌃 𑌸𑍁॒𑌵𑍀𑌰᳚𑌮𑍍 । 𑌅॒𑌶𑍍𑌯𑌾𑌮॒ 𑌵𑌾𑌜॑𑌮॒𑌭𑌿 𑌵𑌾॒𑌜𑌯𑌂॑𑌤𑍋॒ 𑌽𑌶𑍍𑌯𑌾𑌮॑ 𑌦𑍍𑌯𑍁॒𑌮𑍍𑌨𑌮॑𑌜𑌰𑌾॒𑌜𑌰𑌂॑ 𑌤𑍇 ॥𑌶𑍍𑌰𑍇𑌷𑍍𑌠𑌂॑-𑌯𑌁𑌵𑌿𑌷𑍍𑌠 𑌭𑌾𑌰॒𑌤𑌾𑌗𑍍𑌨𑍇᳚ 𑌦𑍍𑌯𑍁॒𑌮𑌂𑌤॒𑌮𑌾 𑌭॑𑌰 ॥ 26 ॥

𑌵𑌸𑍋॑ 𑌪𑍁𑌰𑍁॒𑌸𑍍𑌪𑍃𑌹𑌗𑍍-𑌮𑍍॑ 𑌰॒𑌯𑌿𑌮𑍍 ॥ 𑌸 𑌶𑍍𑌵𑌿॑𑌤𑌾॒𑌨𑌸𑍍𑌤॑𑌨𑍍𑌯॒𑌤𑍂 𑌰𑍋॑𑌚𑌨॒𑌸𑍍𑌥𑌾 𑌅॒𑌜𑌰𑍇॑𑌭𑌿॒-𑌰𑍍𑌨𑌾𑌨॑𑌦𑌦𑍍𑌭𑌿॒𑌰𑍍𑌯𑌵𑌿॑𑌷𑍍𑌠𑌃 । 𑌯𑌃 𑌪𑌾॑𑌵॒𑌕𑌃 𑌪𑍁॑𑌰𑍁॒𑌤𑌮𑌃॑ 𑌪𑍁॒𑌰𑍂𑌣𑌿॑ 𑌪𑍃॒𑌥𑍂𑌨𑍍𑌯॒𑌗𑍍𑌨𑌿𑌰॑𑌨𑍁॒𑌯𑌾𑌤𑌿॒ 𑌭𑌰𑍍𑌵𑌨𑍍𑌨𑍍॑ ॥ 𑌆𑌯𑍁॑𑌷𑍍𑌟𑍇 𑌵𑌿॒𑌶𑍍𑌵𑌤𑍋॑ 𑌦𑌧𑌦॒𑌯𑌮॒𑌗𑍍𑌨𑌿-𑌰𑍍𑌵𑌰𑍇᳚𑌣𑍍𑌯𑌃 । 𑌪𑍁𑌨॑𑌸𑍍𑌤𑍇 𑌪𑍍𑌰𑌾॒𑌣 𑌆𑌽𑌯॑𑌤𑌿॒ 𑌪𑌰𑌾॒ 𑌯𑌕𑍍𑌷𑍍𑌮𑌗𑍍-𑌮𑍍॑ 𑌸𑍁𑌵𑌾𑌮𑌿 𑌤𑍇 ॥ 𑌆॒𑌯𑍁॒𑌰𑍍𑌦𑌾 𑌅॑𑌗𑍍𑌨𑍇 𑌹॒𑌵𑌿𑌷𑍋॑ 𑌜𑍁𑌷𑌾॒𑌣𑍋 𑌘𑍃॒𑌤𑌪𑍍𑌰॑𑌤𑍀𑌕𑍋 𑌘𑍃॒𑌤𑌯𑍋॑𑌨𑌿𑌰𑍇𑌧𑌿 । 𑌘𑍃॒𑌤𑌂 𑌪𑍀॒𑌤𑍍𑌵𑌾 𑌮𑌧𑍁॒ 𑌚𑌾𑌰𑍁॒ 𑌗𑌵𑍍𑌯𑌂॑ 𑌪𑌿॒𑌤𑍇𑌵॑ 𑌪𑍁॒𑌤𑍍𑌰𑌮॒𑌭𑌿 [𑌪𑍁॒𑌤𑍍𑌰𑌮॒𑌭𑌿, 𑌰॒𑌕𑍍𑌷॒𑌤𑌾॒𑌦𑌿॒𑌮𑌮𑍍] ॥ 2𑍭 ॥

𑌰॑𑌕𑍍𑌷𑌤𑌾𑌦𑌿॒𑌮𑌮𑍍 । 𑌤𑌸𑍍𑌮𑍈॑ 𑌤𑍇 𑌪𑍍𑌰𑌤𑌿॒𑌹𑌰𑍍𑌯॑𑌤𑍇॒ 𑌜𑌾𑌤॑𑌵𑍇𑌦𑍋॒ 𑌵𑌿𑌚॑𑌰𑍍​𑌷𑌣𑍇 । 𑌅𑌗𑍍𑌨𑍇॒ 𑌜𑌨𑌾॑𑌮𑌿 𑌸𑍁𑌷𑍍𑌟𑍁॒𑌤𑌿𑌮𑍍 ॥ 𑌦𑌿॒𑌵𑌸𑍍𑌪𑌰𑌿॑ 𑌪𑍍𑌰𑌥॒𑌮𑌂 𑌜॑𑌜𑍍𑌞𑍇 𑌅॒𑌗𑍍𑌨𑌿𑌰॒𑌸𑍍𑌮-𑌦𑍍𑌦𑍍𑌵𑌿॒𑌤𑍀𑌯𑌂॒ 𑌪𑌰𑌿॑ 𑌜𑌾॒𑌤𑌵𑍇॑𑌦𑌾𑌃 । 𑌤𑍃॒𑌤𑍀𑌯॑𑌮॒𑌫𑍍𑌸𑍁 𑌨𑍃॒𑌮𑌣𑌾॒ 𑌅𑌜॑𑌸𑍍𑌰॒𑌮𑌿𑌂𑌧𑌾॑𑌨 𑌏𑌨𑌂 𑌜𑌰𑌤𑍇 𑌸𑍍𑌵𑌾॒𑌧𑍀𑌃 ॥ 𑌶𑍁𑌚𑌿𑌃॑ 𑌪𑌾𑌵𑌕॒ 𑌵𑌂𑌦𑍍𑌯𑍋𑌽𑌗𑍍𑌨𑍇॑ 𑌬𑍃॒𑌹𑌦𑍍𑌵𑌿 𑌰𑍋॑𑌚𑌸𑍇 । 𑌤𑍍𑌵𑌂 𑌘𑍃॒𑌤𑍇𑌭𑌿॒𑌰𑌾𑌹𑍁॑𑌤𑌃 ॥ 𑌦𑍃॒𑌶𑌾॒𑌨𑍋 𑌰𑍁॒𑌕𑍍𑌮 𑌉॒𑌰𑍍𑌵𑍍𑌯𑌾 𑌵𑍍𑌯॑𑌦𑍍𑌯𑍌𑌦𑍍-𑌦𑍁॒𑌰𑍍𑌮𑌰𑍍​𑌷॒𑌮𑌾𑌯𑍁𑌃॑ 𑌶𑍍𑌰𑌿॒𑌯𑍇 𑌰𑍁॑𑌚𑌾॒𑌨𑌃 । 𑌅॒𑌗𑍍𑌨𑌿𑌰॒𑌮𑍃𑌤𑍋॑ 𑌅𑌭𑌵॒𑌦𑍍𑌵𑌯𑍋॑𑌭𑌿॒- [𑌅𑌭𑌵॒𑌦𑍍𑌵𑌯𑍋॑𑌭𑌿𑌃, 𑌯𑌦𑍇॑𑌨𑌂॒] ॥ 2𑍮 ॥

𑌰𑍍𑌯𑌦𑍇॑𑌨𑌂॒ 𑌦𑍍𑌯𑍌𑌰𑌜॑𑌨𑌯𑌥𑍍 𑌸𑍁॒𑌰𑍇𑌤𑌾𑌃᳚ ॥ 𑌆 𑌯𑌦𑌿॒𑌷𑍇 𑌨𑍃॒𑌪𑌤𑌿𑌂॒ 𑌤𑍇𑌜॒ 𑌆𑌨॒𑌟𑍍𑌛𑍁𑌚𑌿॒ 𑌰𑍇𑌤𑍋॒ 𑌨𑌿𑌷𑌿॑𑌕𑍍𑌤𑌂॒ 𑌦𑍍𑌯𑍌𑌰॒𑌭𑍀𑌕𑍇᳚ । 𑌅॒𑌗𑍍𑌨𑌿𑌃 𑌶𑌰𑍍𑌧॑𑌮𑌨𑌵॒𑌦𑍍𑌯𑌂-𑌯𑍁𑌁𑌵𑌾॑𑌨𑌗𑍍𑌗𑍍​ 𑌸𑍍𑌵𑌾॒𑌧𑌿𑌯𑌂॑ 𑌜𑌨𑌯𑌥𑍍 𑌸𑍂॒𑌦𑌯॑𑌚𑍍𑌚 ॥ 𑌸 𑌤𑍇𑌜𑍀॑𑌯𑌸𑌾॒ 𑌮𑌨॑𑌸𑌾॒ 𑌤𑍍𑌵𑍋𑌤॑ 𑌉॒𑌤 𑌶𑌿॑𑌕𑍍𑌷 𑌸𑍍𑌵𑌪॒𑌤𑍍𑌯𑌸𑍍𑌯॑ 𑌶𑌿॒𑌕𑍍𑌷𑍋𑌃 । 𑌅𑌗𑍍𑌨𑍇॑ 𑌰𑌾॒𑌯𑍋 𑌨𑍃𑌤॑𑌮𑌸𑍍𑌯॒ 𑌪𑍍𑌰𑌭𑍂॑𑌤𑍌 𑌭𑍂॒𑌯𑌾𑌮॑ 𑌤𑍇 𑌸𑍁𑌷𑍍𑌟𑍁॒𑌤𑌯॑𑌶𑍍𑌚॒ 𑌵𑌸𑍍𑌵𑌃॑ ॥ 𑌅𑌗𑍍𑌨𑍇॒ 𑌸𑌹𑌂॑𑌤॒𑌮𑌾 𑌭॑𑌰 𑌦𑍍𑌯𑍁॒𑌮𑍍𑌨𑌸𑍍𑌯॑ 𑌪𑍍𑌰𑌾॒𑌸𑌹𑌾॑ 𑌰॒𑌯𑌿𑌮𑍍 । 𑌵𑌿𑌶𑍍𑌵𑌾॒ 𑌯- [𑌵𑌿𑌶𑍍𑌵𑌾॒ 𑌯𑌃, 𑌚॒𑌰𑍍॒​𑌷॒𑌣𑍀𑌰॒𑌭𑍍𑌯𑌾॑𑌸𑌾 𑌵𑌾𑌜𑍇॑𑌷𑍁] ॥ 2𑍯 ॥

𑌶𑍍𑌚॑𑌰𑍍॒​𑌷॒𑌣𑍀𑌰॒𑌭𑍍𑌯𑌾॑𑌸𑌾 𑌵𑌾𑌜𑍇॑𑌷𑍁 𑌸𑌾॒𑌸𑌹॑𑌤𑍍 ॥ 𑌤𑌮॑𑌗𑍍𑌨𑍇 𑌪𑍃𑌤𑌨𑌾॒𑌸𑌹𑌗𑍍-𑌮𑍍॑ 𑌰॒𑌯𑌿𑌗𑍍-𑌮𑍍 𑌸॑𑌹𑌸𑍍𑌵॒ 𑌆 𑌭॑𑌰 । 𑌤𑍍𑌵𑌗𑍍-𑌮𑍍 𑌹𑌿 𑌸॒𑌤𑍍𑌯𑍋 𑌅𑌦𑍍𑌭𑍁॑𑌤𑍋 𑌦𑌾॒𑌤𑌾 𑌵𑌾𑌜॑𑌸𑍍𑌯॒ 𑌗𑍋𑌮॑𑌤𑌃 ॥ 𑌉॒𑌕𑍍𑌷𑌾𑌨𑍍𑌨𑌾॑𑌯 𑌵॒𑌶𑌾𑌨𑍍𑌨𑌾॑𑌯॒ 𑌸𑍋𑌮॑𑌪𑍃𑌷𑍍𑌠𑌾𑌯 𑌵𑍇॒𑌧𑌸𑍇᳚ । 𑌸𑍍𑌤𑍋𑌮𑍈᳚-𑌰𑍍𑌵𑌿𑌧𑍇𑌮𑌾॒𑌽𑌗𑍍𑌨𑌯𑍇᳚ ॥ 𑌵॒𑌦𑍍𑌮𑌾 𑌹𑌿 𑌸𑍂॑𑌨𑍋॒ 𑌅𑌸𑍍𑌯॑𑌦𑍍𑌮॒𑌸𑌦𑍍𑌵𑌾॑ 𑌚॒𑌕𑍍𑌰𑍇 𑌅॒𑌗𑍍𑌨𑌿-𑌰𑍍𑌜॒𑌨𑍁𑌷𑌾 𑌽𑌜𑍍𑌮𑌾𑌽𑌨𑍍𑌨᳚𑌮𑍍 । 𑌸 𑌤𑍍𑌵𑌂 𑌨॑ 𑌊𑌰𑍍𑌜𑌸𑌨॒ 𑌊𑌰𑍍𑌜𑌂॑ 𑌧𑌾॒ 𑌰𑌾𑌜𑍇॑𑌵 𑌜𑍇𑌰𑌵𑍃॒𑌕𑍇 𑌕𑍍𑌷𑍇᳚𑌷𑍍𑌯𑌂॒𑌤𑌃 ॥ 𑌅𑌗𑍍𑌨॒ 𑌆𑌯𑍂𑌗𑍍-𑌮𑍍॑𑌷𑌿 [𑌅𑌗𑍍𑌨॒ 𑌆𑌯𑍂𑌗𑍍-𑌮𑍍॑𑌷𑌿, 𑌪॒𑌵॒𑌸॒ 𑌆] ॥ 30 ॥

𑌪𑌵𑌸॒ 𑌆 𑌸𑍁॒𑌵𑍋𑌰𑍍𑌜॒𑌮𑌿𑌷𑌂॑ 𑌚 𑌨𑌃 । 𑌆॒𑌰𑍇 𑌬𑌾॑𑌧𑌸𑍍𑌵 𑌦𑍁॒𑌚𑍍𑌛𑍁𑌨𑌾᳚𑌮𑍍 ॥ 𑌅𑌗𑍍𑌨𑍇॒ 𑌪𑌵॑𑌸𑍍𑌵॒ 𑌸𑍍𑌵𑌪𑌾॑ 𑌅॒𑌸𑍍𑌮𑍇 𑌵𑌰𑍍𑌚𑌃॑ 𑌸𑍁॒𑌵𑍀𑌰𑍍𑌯᳚𑌮𑍍 । 𑌦𑌧॒𑌤𑍍𑌪𑍋𑌷𑌗𑍍-𑌮𑍍॑ 𑌰॒𑌯𑌿𑌂 𑌮𑌯𑌿॑ ॥ 𑌅𑌗𑍍𑌨𑍇॑ 𑌪𑌾𑌵𑌕 𑌰𑍋॒𑌚𑌿𑌷𑌾॑ 𑌮𑌂॒𑌦𑍍𑌰𑌯𑌾॑ 𑌦𑍇𑌵 𑌜𑌿॒𑌹𑍍𑌵𑌯𑌾᳚ । 𑌆 𑌦𑍇॒𑌵𑌾𑌨𑍍. 𑌵॑𑌕𑍍𑌷𑌿॒ 𑌯𑌕𑍍𑌷𑌿॑ 𑌚 ॥ 𑌸 𑌨𑌃॑ 𑌪𑌾𑌵𑌕 𑌦𑍀𑌦𑌿॒𑌵𑍋𑌽𑌗𑍍𑌨𑍇॑ 𑌦𑍇॒𑌵𑌾𑌗𑍍-𑌮𑍍 𑌇॒𑌹𑌾 𑌵॑𑌹 । 𑌉𑌪॑ 𑌯॒𑌜𑍍𑌞𑌗𑍍-𑌮𑍍 𑌹॒𑌵𑌿𑌶𑍍𑌚॑ 𑌨𑌃 ॥ 𑌅॒𑌗𑍍𑌨𑌿𑌃 𑌶𑍁𑌚𑌿॑𑌵𑍍𑌰𑌤𑌤𑌮𑌃॒ 𑌶𑍁𑌚𑌿॒-𑌰𑍍𑌵𑌿𑌪𑍍𑌰𑌃॒ 𑌶𑍁𑌚𑌿𑌃॑ 𑌕॒𑌵𑌿𑌃 । 𑌶𑍁𑌚𑍀॑ 𑌰𑍋𑌚𑌤॒ 𑌆𑌹𑍁॑𑌤𑌃 ॥ 𑌉𑌦॑𑌗𑍍𑌨𑍇॒ 𑌶𑍁𑌚॑𑌯॒𑌸𑍍𑌤𑌵॑ 𑌶𑍁॒𑌕𑍍𑌰𑌾 𑌭𑍍𑌰𑌾𑌜𑌂॑𑌤 𑌈𑌰𑌤𑍇 । 𑌤𑌵॒ 𑌜𑍍𑌯𑍋𑌤𑍀𑌗𑍍𑌗𑍍॑𑌷𑍍𑌯॒𑌰𑍍𑌚𑌯𑌃॑ ॥ 31 ॥
(𑌪𑍁॒𑌰𑍁॒𑌨𑌿॒𑌷𑍍𑌠𑌃-𑌪𑍁॑𑌰𑍍𑌵𑌣𑍀𑌕-𑌭𑌰𑌾॒-𑌽𑌭𑌿-𑌵𑌯𑍋॑𑌭𑌿॒-𑌰𑍍𑌯-𑌆𑌯𑍂𑌗𑍍-𑌮𑍍॑𑌷𑌿॒ -𑌵𑌿𑌪𑍍𑌰𑌃॒ 𑌶𑍁𑌚𑌿॒-𑌶𑍍𑌚𑌤𑍁॑𑌰𑍍𑌦𑌶 𑌚) (𑌅. 14)

(𑌦𑍇॒𑌵𑌸𑍍𑌯॑ - 𑌰𑌕𑍍𑌷𑍋॒𑌹𑌣𑍋॑ - 𑌵𑌿॒𑌭𑍂-𑌸𑍍𑌤𑍍𑌵𑌗𑍍-𑌮𑍍 𑌸𑍋॒𑌮𑌾 - 𑌽𑌤𑍍𑌯॒𑌨𑍍𑌯𑌾𑌨𑌗𑌾𑌂᳚ - 𑌪𑍃𑌥𑌿॒𑌵𑍍𑌯𑌾 - 𑌇॒𑌷𑍇 𑌤𑍍𑌵𑌾 - 𑌽𑌽𑌦॑𑌦𑍇॒ - 𑌵𑌾𑌕𑍍𑌤॒-𑌸𑌂𑌤𑍇॑ - 𑌸𑌮𑍁॒𑌦𑍍𑌰𑌗𑍍-𑌮𑍍 - 𑌹॒𑌵𑌿𑌷𑍍𑌮॑𑌤𑍀-𑌰𑍍​𑌹𑍃॒𑌦𑍇 - 𑌤𑍍𑌵𑌮॑𑌗𑍍𑌨𑍇 𑌰𑍁॒𑌦𑍍𑌰 - 𑌶𑍍𑌚𑌤𑍁॑𑌰𑍍𑌦𑌶)

(𑌦𑍇॒𑌵𑌸𑍍𑌯॑ - 𑌗॒𑌮𑌧𑍍𑌯𑍇॑ - 𑌹॒𑌵𑌿𑌷𑍍𑌮॑𑌤𑍀𑌃 - 𑌪𑌵𑌸॒ - 𑌏𑌕॑𑌤𑍍𑌰𑌿𑌗𑍍-𑌮𑍍𑌶𑌤𑍍)

(𑌦𑍇॒𑌵𑌸𑍍𑌯𑌾॒, 𑌰𑍍𑌚𑌯𑌃॑)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾𑌂 𑌪𑍍𑌰𑌥𑌮𑌕𑌾𑌂𑌡𑍇 𑌤𑍃𑌤𑍀𑌯𑌃 𑌪𑍍𑌰𑌶𑍍𑌨𑌃 𑌸𑌮𑌾𑌪𑍍𑌤𑌃 ॥