अस्य श्रीदक्षिणकालिका खड्गमालामंत्रस्य श्री भगवान् महाकालभैरव ऋषिः उष्णिक् छंदः शुद्धः ककार त्रिपंचभट्टारकपीठस्थित महाकालेश्वरांकनिलया, महाकालेश्वरी त्रिगुणात्मिका श्रीमद्दक्षिणा कालिका महाभयहारिका देवता क्रीं बीजं ह्रीं शक्तिः हूं कीलकं मम सर्वाभीष्टसिद्ध्यर्थे खड्गमालामंत्र जपे विनियोगः ॥
ऋष्यादि न्यासः
ॐ महाकालभैरव ऋषये नमः शिरसि ।
उष्णिक् छंदसे नमः मुखे ।
दक्षिणकालिका देवतायै नमः हृदि ।
क्रीं बीजाय नमः गुह्ये ।
ह्रीं शक्तये नमः पादयोः ।
हूं कीलकाय नमः नाभौ ।
विनियोगाय नमः सर्वांगे ।
करन्यासः
ॐ क्रां अंगुष्ठाभ्यां नमः ।
ॐ क्रीं तर्जनीभ्यां नमः ।
ॐ क्रूं मध्यमाभ्यां नमः ।
ॐ क्रैं अनामिकाभ्यां नमः ।
ॐ क्रौं कनिष्ठिकाभ्यां नमः ।
ॐ क्रः करतलकरपृष्ठाभ्यां नमः ।
हृदयादिन्यासः
ॐ क्रां हृदयाय नमः ।
ॐ क्रीं शिरसे स्वाहा ।
ॐ क्रूं शिखायै वषट् ।
ॐ क्रैं कवचाय हुम् ।
ॐ क्रौं नेत्रत्रयाय वौषट् ।
ॐ क्रः अस्त्राय फट् ।
ध्यानम्
सद्यश्छिन्नशिरः कृपाणमभयं हस्तैर्वरं बिभ्रतीं
घोरास्यां शिरसि स्रजा सुरुचिरानुन्मुक्त केशावलिम् ।
सृक्कासृक्प्रवहां श्मशाननिलयां श्रुत्योः शवालंकृतिं
श्यामांगीं कृतमेखलां शवकरैर्देवीं भजे कालिकाम् ॥ 1 ॥
शवारूढां महाभीमां घोरदंष्ट्रां हसन्मुखीं
चतुर्भुजां खड्गमुंडवराभयकरां शिवाम् ।
मुंडमालाधरां देवीं ललज्जिह्वां दिगंबरां
एवं संचिंतयेत्कालीं श्मशानालयवासिनीम् ॥ 2 ॥
लमित्यादि पंचपूजाः
लं पृथिव्यात्मिकायै गंधं समर्पयामि ।
हं आकाशात्मिकायै पुष्पं समर्पयामि ।
यं वाय्वात्मिकायै धूपमाघ्रापयामि ।
रं अग्न्यात्मिकायै दीपं दर्शयामि ।
वं अमृतात्मिकायै अमृतोपहारं निवेदयामि ।
सं सर्वात्मिकायै सर्वोपचारान् समर्पयामि ।
अथ खड्गमाला
ॐ ऐं ह्रीं श्रीं क्रीं हूं ह्रीं श्रीमद्दक्षिणकालिके, हृदयदेवि सिद्धिकालिकामयि, शिरोदेवि महाकालिकामयि, शिखादेवि गुह्यकालिकामयि, कवचदेवि श्मशानकालिकामयि, नेत्रदेवि भद्रकालिकामयि, अस्त्रदेवि श्रीमद्दक्षिणकालिकामयि, सर्वसंपत्प्रदायक चक्रस्वामिनि । जया सिद्धिमयि, अपराजिता सिद्धिमयि, नित्या सिद्धिमयि, अघोरा सिद्धिमयि, सर्वमंगलमयचक्रस्वामिनि । श्रीगुरुमयि, परमगुरुमयि, परात्परगुरुमयि, परमेष्ठिगुरुमयि, सर्वसंपत्प्रदायकचक्रस्वामिनि । महादेव्यंबामयि, महादेवानंदनाथमयि, त्रिपुरांबामयि, त्रिपुरभैरवानंदनाथमयि, ब्रह्मानंदनाथमयि, पूर्वदेवानंदनाथमयि, चलच्चितानंदनाथमयि, लोचनानंदनाथमयि, कुमारानंदनाथमयि, क्रोधानंदनाथमयि, वरदानंदनाथमयि, स्मराद्वीर्यानंदनाथमयि, मायांबामयि, मायावत्यंबामयि, विमलानंदनाथमयि, कुशलानंदनाथमयि, भीमसुरानंदनाथमयि, सुधाकरानंदनाथमयि, मीनानंदनाथमयि, गोरक्षकानंदनाथमयि, भोजदेवानंदनाथमयि, प्रजापत्यानंदनाथमयि, मूलदेवानंदनाथमयि, ग्रंथिदेवानंदनाथमयि, विघ्नेश्वरानंदनाथमयि, हुताशनानंदनाथमयि, समरानंदनाथमयि, संतोषानंदनाथमयि, सर्वसंपत्प्रदायकचक्रस्वामिनि । कालि, कपालिनि, कुल्ले, कुरुकुल्ले, विरोधिनि, विप्रचित्ते, उग्रे, उग्रप्रभे, दीप्ते, नीले, घने, बलाके, मात्रे, मुद्रे, मित्रे, सर्वेप्सितफलप्रदायकचक्रस्वामिनि । ब्राह्मि, नारायणि, माहेश्वरि, चामुंडे, कौमारि, अपराजिते, वाराहि, नारसिंहि, त्रैलोक्यमोहनचक्रस्वामिनि । असितांगभैरवमयि, रुरुभैरवमयि, चंडभैरवमयि, क्रोधभैरवमयि, उन्मत्तभैरवमयि, कपालिभैरवमयि, भीषणभैरवमयि, संहारभैरवमयि, सर्वसंक्षोभण चक्रस्वामिनि । हेतुवटुकानंदनाथमयि, त्रिपुरांतकवटुकानंदनाथमयि, वेतालवटुकानंदनाथमयि, वह्निजिह्ववटुकानंदनाथमयि, कालवटुकानंदनाथमयि, करालवटुकानंदनाथमयि, एकपादवटुकानंदनाथमयि, भीमवटुकानंदनाथमयि, सर्वसौभाग्यदायकचक्रस्वामिनि । ॐ ऐं ह्रीं क्लीं हूं फट् स्वाहा सिंहव्याघ्रमुखी योगिनिदेवीमयि, सर्पासुमुखी योगिनिदेवीमयि, मृगमेषमुखी योगिनिदेवीमयि, गजवाजिमुखी योगिनिदेवीमयि, बिडालमुखी योगिनिदेवीमयि, क्रोष्टासुमुखी योगिनिदेवीमयि, लंबोदरी योगिनिदेवीमयि, ह्रस्वजंघा योगिनिदेवीमयि, तालजंघा योगिनिदेवीमयि, प्रलंबोष्ठी योगिनिदेवीमयि, सर्वार्थदायकचक्रस्वामिनि । ॐ ऐं ह्रीं श्रीं क्रीं हूं ह्रीं इंद्रमयि, अग्निमयि, यममयि, निरृतिमयि, वरुणमयि, वायुमयि, कुबेरमयि, ईशानमयि, ब्रह्ममयि, अनंतमयि, वज्रिणि, शक्तिनि, दंडिनि, खड्गिनि, पाशिनि, अंकुशिनि, गदिनि, त्रिशूलिनि, पद्मिनि, चक्रिणि, सर्वरक्षाकरचक्रस्वामिनि । खड्गमयि, मुंडमयि, वरमयि, अभयमयि, सर्वाशापरिपूरकचक्रस्वामिनि । वटुकानंदनाथमयि, योगिनिमयि, क्षेत्रपालानंदनाथमयि, गणनाथानंदनाथमयि, सर्वभूतानंदनाथमयि, सर्वसंक्षोभणचक्रस्वामिनि । नमस्ते नमस्ते फट् स्वाहा ॥
चतुरस्त्राद्बहिः सम्यक् संस्थिताश्च समंततः ।
ते च संपूजिताः संतु देवाः देवि गृहे स्थिताः ॥
सिद्धाः साध्याः भैरवाश्च गंधर्वा वसवोऽश्विनौ ।
मुनयो ग्रहास्तुष्यंतु विश्वेदेवाश्च उष्मयाः ॥
रुद्रादित्याश्च पितरः पन्नगाः यक्षचारणाः ।
योगेश्वरोपासका ये तुष्यंति नरकिन्नराः ॥
नागा वा दानवेंद्राश्च भूतप्रेतपिशाचकाः ।
अस्त्राणि सर्वशस्त्राणि मंत्र यंत्रार्चन क्रियाः ॥
शांतिं कुरु महामाये सर्वसिद्धिप्रदायिके ।
सर्वसिद्धिमयचक्रस्वामिनि नमस्ते नमस्ते स्वाहा ॥
सर्वज्ञे सर्वशक्ते सर्वार्थप्रदे शिवे सर्वमंगलमये सर्वव्याधिविनाशिनि सर्वाधारस्वरूपे सर्वपापहरे सर्वरक्षास्वरूपिणि सर्वेप्सितफलप्रदे सर्वमंगलदायक चक्रस्वामिनि नमस्ते नमस्ते स्वाहा ॥
क्रीं ह्रीं हूं क्ष्म्यूं महाकालाय, हौं महादेवाय, क्रीं कालिकायै, हौं महादेव महाकाल सर्वसिद्धिप्रदायक देवी भगवती चंडचंडिका चंडचितात्मा प्रीणातु दक्षिणकालिकायै सर्वज्ञे सर्वशक्ते श्रीमहाकालसहिते श्रीदक्षिणकालिकायै नमस्ते नमस्ते फट् स्वाहा ।
ह्रीं हूं क्रीं श्रीं ह्रीं ऐं ओम् ॥
इति श्रीरुद्रयामले दक्षिणकालिका खड्गमाला स्तोत्रम् ।
