ಅ॒ಹಮ॑ಸ್ಮಿ ಪ್ರಥ॒ಮಜಾ ಋ॒ತಸ್ಯ॑ ।
ಪೂರ್ವಂ॑ ದೇ॒ವೇಭ್ಯೋ॑ ಅ॒ಮೃತ॑ಸ್ಯ॒ ನಾಭಿಃ॑ ।
ಯೋ ಮಾ॒ ದದಾ॑ತಿ॒ ಸ ಇದೇ॒ವ ಮಾಽಽವಾಃ᳚ ।
ಅ॒ಹಮನ್ನ॒ಮನ್ನ॑ಮ॒ದಂತ॑ಮದ್ಮಿ ।
ಪೂರ್ವ॑ಮ॒ಗ್ನೇರಪಿ॑ ದಹ॒ತ್ಯನ್ನ᳚ಮ್ ।
ಯ॒ತ್ತೌ ಹಾ॑ಽಽಸಾತೇ ಅಹಮುತ್ತ॒ರೇಷು॑ ।
ವ್ಯಾತ್ತ॑ಮಸ್ಯ ಪ॒ಶವಃ॑ ಸು॒ಜಂಭ᳚ಮ್ ।
ಪಶ್ಯಂ॑ತಿ॒ ಧೀರಾಃ॒ ಪ್ರಚ॑ರಂತಿ॒ ಪಾಕಾಃ᳚ ।
ಜಹಾ᳚ಮ್ಯ॒ನ್ಯಂ ನ ಜ॑ಹಾಮ್ಯ॒ನ್ಯಮ್ ।
ಅ॒ಹಮನ್ನಂ॒-ವಁಶ॒ಮಿಚ್ಚ॑ರಾಮಿ ॥ 1
ಸ॒ಮಾ॒ನಮರ್ಥಂ॒ ಪರ್ಯೇ॑ಮಿ ಭುಂ॒ಜತ್ ।
ಕೋ ಮಾಮನ್ನಂ॑ ಮನು॒ಷ್ಯೋ॑ ದಯೇತ ।
ಪರಾ॑ಕೇ॒ ಅನ್ನಂ॒ ನಿಹಿ॑ತಂ-ಲೋಁ॒ಕ ಏ॒ತತ್ ।
ವಿಶ್ವೈ᳚ರ್ದೇ॒ವೈಃ ಪಿ॒ತೃಭಿ॑ರ್ಗು॒ಪ್ತಮನ್ನ᳚ಮ್ ।
ಯದ॒ದ್ಯತೇ॑ ಲು॒ಪ್ಯತೇ॒ ಯತ್ಪ॑ರೋ॒ಪ್ಯತೇ᳚ ।
ಶ॒ತ॒ತ॒ಮೀ ಸಾ ತ॒ನೂರ್ಮೇ॑ ಬಭೂವ ।
ಮ॒ಹಾಂತೌ॑ ಚ॒ರೂ ಸ॑ಕೃದ್ದು॒ಗ್ಧೇನ॑ ಪಪ್ರೌ ।
ದಿವಂ॑ ಚ॒ ಪೃಶ್ನಿ॑ ಪೃಥಿ॒ವೀಂ ಚ॑ ಸಾ॒ಕಮ್ ।
ತತ್ಸಂ॒ಪಿಬಂ॑ತೋ॒ ನ ಮಿ॑ನಂತಿ ವೇ॒ಧಸಃ॑ ।
ನೈತದ್ಭೂಯೋ॒ ಭವ॑ತಿ॒ ನೋ ಕನೀ॑ಯಃ ॥ 2
ಅನ್ನಂ॑ ಪ್ರಾ॒ಣಮನ್ನ॑ಮಪಾ॒ನಮಾ॑ಹುಃ ।
ಅನ್ನಂ॑ ಮೃ॒ತ್ಯುಂ ತಮು॑ ಜೀ॒ವಾತು॑ಮಾಹುಃ ।
ಅನ್ನಂ॑ ಬ್ರ॒ಹ್ಮಾಣೋ॑ ಜ॒ರಸಂ॑-ವಁದಂತಿ ।
ಅನ್ನ॑ಮಾಹುಃ ಪ್ರ॒ಜನ॑ನಂ ಪ್ರ॒ಜಾನಾ᳚ಮ್ ।
ಮೋಘ॒ಮನ್ನಂ॑-ವಿಂಁದತೇ॒ ಅಪ್ರ॑ಚೇತಾಃ ।
ಸ॒ತ್ಯಂ ಬ್ರ॑ವೀಮಿ ವ॒ಧ ಇತ್ಸ ತಸ್ಯ॑ ।
ನಾರ್ಯ॒ಮಣಂ॒ ಪುಷ್ಯ॑ತಿ॒ ನೋ ಸಖಾ॑ಯಮ್ ।
ಕೇವ॑ಲಾಘೋ ಭವತಿ ಕೇವಲಾ॒ದೀ ।
ಅ॒ಹಂ ಮೇ॒ಘಃ ಸ್ತ॒ನಯ॒ನ್ವರ್ಷ॑ನ್ನಸ್ಮಿ ।
ಮಾಮ॑ದಂತ್ಯ॒ಹಮ॑ದ್ಮ್ಯ॒ನ್ಯಾನ್ ॥ 3
[ಅಹ॒ಗ್ಂ ಸದ॒ಮೃತೋ॑ ಭವಾಮಿ ।
ಮದಾ॑ದಿ॒ತ್ಯಾ ಅಧಿ॒ ಸರ್ವೇ॑ ತಪಂತಿ ।]
