అ॒హమ॑స్మి ప్రథ॒మజా ఋ॒తస్య॑ ।
పూర్వం॑ దే॒వేభ్యో॑ అ॒మృత॑స్య॒ నాభిః॑ ।
యో మా॒ దదా॑తి॒ స ఇదే॒వ మాఽఽవాః᳚ ।
అ॒హమన్న॒మన్న॑మ॒దంత॑మద్మి ।
పూర్వ॑మ॒గ్నేరపి॑ దహ॒త్యన్న᳚మ్ ।
య॒త్తౌ హా॑ఽఽసాతే అహముత్త॒రేషు॑ ।
వ్యాత్త॑మస్య ప॒శవః॑ సు॒జంభ᳚మ్ ।
పశ్యం॑తి॒ ధీరాః॒ ప్రచ॑రంతి॒ పాకాః᳚ ।
జహా᳚మ్య॒న్యం న జ॑హామ్య॒న్యమ్ ।
అ॒హమన్నం॒-వఀశ॒మిచ్చ॑రామి ॥ 1
స॒మా॒నమర్థం॒ పర్యే॑మి భుం॒జత్ ।
కో మామన్నం॑ మను॒ష్యో॑ దయేత ।
పరా॑కే॒ అన్నం॒ నిహి॑తం-లోఀ॒క ఏ॒తత్ ।
విశ్వై᳚ర్దే॒వైః పి॒తృభి॑ర్గు॒ప్తమన్న᳚మ్ ।
యద॒ద్యతే॑ లు॒ప్యతే॒ యత్ప॑రో॒ప్యతే᳚ ।
శ॒త॒త॒మీ సా త॒నూర్మే॑ బభూవ ।
మ॒హాంతౌ॑ చ॒రూ స॑కృద్దు॒గ్ధేన॑ పప్రౌ ।
దివం॑ చ॒ పృశ్ని॑ పృథి॒వీం చ॑ సా॒కమ్ ।
తత్సం॒పిబం॑తో॒ న మి॑నంతి వే॒ధసః॑ ।
నైతద్భూయో॒ భవ॑తి॒ నో కనీ॑యః ॥ 2
అన్నం॑ ప్రా॒ణమన్న॑మపా॒నమా॑హుః ।
అన్నం॑ మృ॒త్యుం తము॑ జీ॒వాతు॑మాహుః ।
అన్నం॑ బ్ర॒హ్మాణో॑ జ॒రసం॑-వఀదంతి ।
అన్న॑మాహుః ప్ర॒జన॑నం ప్ర॒జానా᳚మ్ ।
మోఘ॒మన్నం॑-వింఀదతే॒ అప్ర॑చేతాః ।
స॒త్యం బ్ర॑వీమి వ॒ధ ఇత్స తస్య॑ ।
నార్య॒మణం॒ పుష్య॑తి॒ నో సఖా॑యమ్ ।
కేవ॑లాఘో భవతి కేవలా॒దీ ।
అ॒హం మే॒ఘః స్త॒నయ॒న్వర్ష॑న్నస్మి ।
మామ॑దంత్య॒హమ॑ద్మ్య॒న్యాన్ ॥ 3
[అహ॒గ్ం సద॒మృతో॑ భవామి ।
మదా॑ది॒త్యా అధి॒ సర్వే॑ తపంతి ।]
