અ॒હમ॑સ્મિ પ્રથ॒મજા ઋ॒તસ્ય॑ ।
પૂર્વં॑ દે॒વેભ્યો॑ અ॒મૃત॑સ્ય॒ નાભિઃ॑ ।
યો મા॒ દદા॑તિ॒ સ ઇદે॒વ માઽઽવાઃ᳚ ।
અ॒હમન્ન॒મન્ન॑મ॒દંત॑મદ્મિ ।
પૂર્વ॑મ॒ગ્નેરપિ॑ દહ॒ત્યન્ન᳚મ્ ।
ય॒ત્તૌ હા॑ઽઽસાતે અહમુત્ત॒રેષુ॑ ।
વ્યાત્ત॑મસ્ય પ॒શવઃ॑ સુ॒જંભ᳚મ્ ।
પશ્યં॑તિ॒ ધીરાઃ॒ પ્રચ॑રંતિ॒ પાકાઃ᳚ ।
જહા᳚મ્ય॒ન્યં ન જ॑હામ્ય॒ન્યમ્ ।
અ॒હમન્નં॒-વઁશ॒મિચ્ચ॑રામિ ॥ 1
સ॒મા॒નમર્થં॒ પર્યે॑મિ ભું॒જત્ ।
કો મામન્નં॑ મનુ॒ષ્યો॑ દયેત ।
પરા॑કે॒ અન્નં॒ નિહિ॑તં-લોઁ॒ક એ॒તત્ ।
વિશ્વૈ᳚ર્દે॒વૈઃ પિ॒તૃભિ॑ર્ગુ॒પ્તમન્ન᳚મ્ ।
યદ॒દ્યતે॑ લુ॒પ્યતે॒ યત્પ॑રો॒પ્યતે᳚ ।
શ॒ત॒ત॒મી સા ત॒નૂર્મે॑ બભૂવ ।
મ॒હાંતૌ॑ ચ॒રૂ સ॑કૃદ્દુ॒ગ્ધેન॑ પપ્રૌ ।
દિવં॑ ચ॒ પૃશ્નિ॑ પૃથિ॒વીં ચ॑ સા॒કમ્ ।
તત્સં॒પિબં॑તો॒ ન મિ॑નંતિ વે॒ધસઃ॑ ।
નૈતદ્ભૂયો॒ ભવ॑તિ॒ નો કની॑યઃ ॥ 2
અન્નં॑ પ્રા॒ણમન્ન॑મપા॒નમા॑હુઃ ।
અન્નં॑ મૃ॒ત્યું તમુ॑ જી॒વાતુ॑માહુઃ ।
અન્નં॑ બ્ર॒હ્માણો॑ જ॒રસં॑-વઁદંતિ ।
અન્ન॑માહુઃ પ્ર॒જન॑નં પ્ર॒જાના᳚મ્ ।
મોઘ॒મન્નં॑-વિંઁદતે॒ અપ્ર॑ચેતાઃ ।
સ॒ત્યં બ્ર॑વીમિ વ॒ધ ઇત્સ તસ્ય॑ ।
નાર્ય॒મણં॒ પુષ્ય॑તિ॒ નો સખા॑યમ્ ।
કેવ॑લાઘો ભવતિ કેવલા॒દી ।
અ॒હં મે॒ઘઃ સ્ત॒નય॒ન્વર્ષ॑ન્નસ્મિ ।
મામ॑દંત્ય॒હમ॑દ્મ્ય॒ન્યાન્ ॥ 3
[અહ॒ગ્મ્ સદ॒મૃતો॑ ભવામિ ।
મદા॑દિ॒ત્યા અધિ॒ સર્વે॑ તપંતિ ।]
