ଅ॒ହମ॑ସ୍ମି ପ୍ରଥ॒ମଜା ଋ॒ତସ୍ୟ॑ ।
ପୂର୍ଵଂ॑ ଦେ॒ଵେଭ୍ୟୋ॑ ଅ॒ମୃତ॑ସ୍ୟ॒ ନାଭିଃ॑ ।
ୟୋ ମା॒ ଦଦା॑ତି॒ ସ ଇଦେ॒ଵ ମାଽଽଵାଃ᳚ ।
ଅ॒ହମନ୍ନ॒ମନ୍ନ॑ମ॒ଦଂତ॑ମଦ୍ମି ।
ପୂର୍ଵ॑ମ॒ଗ୍ନେରପି॑ ଦହ॒ତ୍ୟନ୍ନ᳚ମ୍ ।
ୟ॒ତ୍ତୌ ହା॑ଽଽସାତେ ଅହମୁତ୍ତ॒ରେଷୁ॑ ।
ଵ୍ୟାତ୍ତ॑ମସ୍ୟ ପ॒ଶଵଃ॑ ସୁ॒ଜଂଭ᳚ମ୍ ।
ପଶ୍ୟଂ॑ତି॒ ଧୀରାଃ॒ ପ୍ରଚ॑ରଂତି॒ ପାକାଃ᳚ ।
ଜହା᳚ମ୍ୟ॒ନ୍ୟଂ ନ ଜ॑ହାମ୍ୟ॒ନ୍ୟମ୍ ।
ଅ॒ହମନ୍ନଂ॒-ଵଁଶ॒ମିଚ୍ଚ॑ରାମି ॥ 1
ସ॒ମା॒ନମର୍ଥଂ॒ ପର୍ୟେ॑ମି ଭୁଂ॒ଜତ୍ ।
କୋ ମାମନ୍ନଂ॑ ମନୁ॒ଷ୍ୟୋ॑ ଦୟେତ ।
ପରା॑କେ॒ ଅନ୍ନଂ॒ ନିହି॑ତଂ-ଲୋଁ॒କ ଏ॒ତତ୍ ।
ଵିଶ୍ଵୈ᳚ର୍ଦେ॒ଵୈଃ ପି॒ତୃଭି॑ର୍ଗୁ॒ପ୍ତମନ୍ନ᳚ମ୍ ।
ୟଦ॒ଦ୍ୟତେ॑ ଲୁ॒ପ୍ୟତେ॒ ୟତ୍ପ॑ରୋ॒ପ୍ୟତେ᳚ ।
ଶ॒ତ॒ତ॒ମୀ ସା ତ॒ନୂର୍ମେ॑ ବଭୂଵ ।
ମ॒ହାଂତୌ॑ ଚ॒ରୂ ସ॑କୃଦ୍ଦୁ॒ଗ୍ଧେନ॑ ପପ୍ରୌ ।
ଦିଵଂ॑ ଚ॒ ପୃଶ୍ନି॑ ପୃଥି॒ଵୀଂ ଚ॑ ସା॒କମ୍ ।
ତତ୍ସଂ॒ପିବଂ॑ତୋ॒ ନ ମି॑ନଂତି ଵେ॒ଧସଃ॑ ।
ନୈତଦ୍ଭୂୟୋ॒ ଭଵ॑ତି॒ ନୋ କନୀ॑ୟଃ ॥ 2
ଅନ୍ନଂ॑ ପ୍ରା॒ଣମନ୍ନ॑ମପା॒ନମା॑ହୁଃ ।
ଅନ୍ନଂ॑ ମୃ॒ତ୍ୟୁଂ ତମୁ॑ ଜୀ॒ଵାତୁ॑ମାହୁଃ ।
ଅନ୍ନଂ॑ ବ୍ର॒ହ୍ମାଣୋ॑ ଜ॒ରସଂ॑-ଵଁଦଂତି ।
ଅନ୍ନ॑ମାହୁଃ ପ୍ର॒ଜନ॑ନଂ ପ୍ର॒ଜାନା᳚ମ୍ ।
ମୋଘ॒ମନ୍ନଂ॑-ଵିଂଁଦତେ॒ ଅପ୍ର॑ଚେତାଃ ।
ସ॒ତ୍ୟଂ ବ୍ର॑ଵୀମି ଵ॒ଧ ଇତ୍ସ ତସ୍ୟ॑ ।
ନାର୍ୟ॒ମଣଂ॒ ପୁଷ୍ୟ॑ତି॒ ନୋ ସଖା॑ୟମ୍ ।
କେଵ॑ଲାଘୋ ଭଵତି କେଵଲା॒ଦୀ ।
ଅ॒ହଂ ମେ॒ଘଃ ସ୍ତ॒ନୟ॒ନ୍ଵର୍ଷ॑ନ୍ନସ୍ମି ।
ମାମ॑ଦଂତ୍ୟ॒ହମ॑ଦ୍ମ୍ୟ॒ନ୍ୟାନ୍ ॥ 3
[ଅହ॒ଗ୍ମ୍ ସଦ॒ମୃତୋ॑ ଭଵାମି ।
ମଦା॑ଦି॒ତ୍ୟା ଅଧି॒ ସର୍ଵେ॑ ତପଂତି ।]
