ಅಥಾತಃ ಪಂಚಾಂಗರುದ್ರಾಣಾಂ
ನ್ಯಾಸಪೂರ್ವಕಂ ಜಪ-ಹೋಮಾ-ರ್ಚನಾ-ಭಿಷೇಕ-ವಿಧಿಂ-ವ್ಯಾಁ᳚ಖ್ಯಾಸ್ಯಾಮಃ ।
ಅಥಾತಃ ಪಂಚಾಂಗರುದ್ರಾಣಾಂ
ನ್ಯಾಸಪೂರ್ವಕಂ ಜಪ-ಹೋಮಾ-ರ್ಚನಾಭಿಷೇಕಂ ಕರಿಷ್ಯಮಾಣಃ ।
ಹರಿಃ ಓಂ ಅಥಾತಃ ಪಂಚಾಂಗ ರುದ್ರಾಣಾಮ್ ॥
ಓಂಕಾರಮಂತ್ರ ಸಂಯುಁಕ್ತಂ ನಿತ್ಯಂ ಧ್ಯಾಯಂತಿ ಯೋಗಿನಃ ।
ಕಾಮದಂ ಮೋಕ್ಷದಂ ತಸ್ಮೈ ಓಂಕಾರಾಯ ನಮೋ ನಮಃ ॥
ನಮಸ್ತೇ ದೇವ ದೇವೇಶ ನಮಸ್ತೇ ಪರಮೇಶ್ವರ ।
ನಮಸ್ತೇ ವೃಷಭಾರೂಢ ನಕಾರಾಯ ನಮೋ ನಮಃ ॥
ಓಂ ನಮೋ ಭಗವತೇ॑ ರುದ್ರಾ॒ಯ ॥ ಓಂ ಭೂರ್ಭುವ॒ಸ್ಸುವಃ॑ ॥ ಓಂ ನಮ್ ॥
ನಮ॑ಸ್ತೇ ರುದ್ರ ಮ॒ನ್ಯವ॑ ಉ॒ತೋತ॒ ಇಷ॑ವೇ॒ ನಮಃ॑ ।
ನಮ॑ಸ್ತೇ ಅಸ್ತು॒ ಧನ್ವ॑ನೇ ಬಾ॒ಹುಭ್ಯಾ॑ಮು॒ತ ತೇ॒ ನಮಃ॑ ॥
ಯಾ ತ॒ ಇಷುಃ॑ ಶಿ॒ವತ॑ಮಾ ಶಿ॒ವಂ ಬ॒ಭೂವ॑ ತೇ॒ ಧನುಃ॑ ।
ಶಿ॒ವಾ ಶ॑ರ॒ವ್ಯಾ॑ ಯಾ ತವ॒ ತಯಾ॑ ನೋ ರುದ್ರ ಮೃಡಯ ।
ಓಂ ನಮೋ ಭಗವತೇ॑ ರುದ್ರಾ॒ಯ ॥ ನಂ ಓಮ್ । ಪೂರ್ವಾಂಗ ರುದ್ರಾಯ॒ ನಮಃ ॥ (ಪ್ರಾಚ್ಯೈ ದಿಶ, East)
ಮಹಾದೇವಂ ಮಹಾತ್ಮಾನಂ ಮಹಾಪಾತಕನಾಶನಮ್ ।
ಮಹಾಪಾಪಹರಂ-ವಂಁದೇ ಮಕಾರಾಯ ನಮೋ ನಮಃ ॥
ಓಂ ಭೂರ್ಭುವ॒ಸ್ಸುವಃ॒ ॥ ಓಂ ಮಮ್ ॥
ಓಂ ನಿಧ॑ನಪತಯೇ॒ ನಮಃ । ನಿಧನಪತಾಂತಿಕಾಯ॒ ನಮಃ ।
ಊರ್ಧ್ವಾಯ॒ ನಮಃ । ಊರ್ಧ್ವಲಿಂಗಾಯ॒ ನಮಃ ।
ಹಿರಣ್ಯಾಯ॒ ನಮಃ । ಹಿರಣ್ಯಲಿಂಗಾಯ॒ ನಮಃ ।
ಸುವರ್ಣಾಯ॒ ನಮಃ । ಸುವರ್ಣಲಿಂಗಾಯ॒ ನಮಃ ।
ದಿವ್ಯಾಯ॒ ನಮಃ । ದಿವ್ಯಲಿಂಗಾಯ॒ ನಮಃ ।
ಭವಾಯಃ॒ ನಮಃ । ಭವಲಿಂಗಾಯ॒ ನಮಃ ।
ಶರ್ವಾಯ॒ ನಮಃ । ಶರ್ವಲಿಂಗಾಯ॒ ನಮಃ ।
ಶಿವಾಯ॒ ನಮಃ । ಶಿವಲಿಂಗಾಯ॒ ನಮಃ ।
ಜ್ವಲಾಯ॒ ನಮಃ । ಜ್ವಲಲಿಂಗಾಯ॒ ನಮಃ ।
ಆತ್ಮಾಯ॒ ನಮಃ । ಆತ್ಮಲಿಂಗಾಯ॒ ನಮಃ ।
ಪರಮಾಯ॒ ನಮಃ । ಪರಮಲಿಂಗಾಯ॒ ನಮಃ ।
ಏತಥ್ಸೋಮಸ್ಯ॑ ಸೂರ್ಯ॒ಸ್ಯ ಸರ್ವಲಿಂಗಗ್ಗ್॑ ಸ್ಥಾಪ॒ಯ॒ತಿ॒ ಪಾಣಿಮಂತ್ರಂ ಪವಿ॒ತ್ರಮ್ ॥
ಓಂ ನಮೋ ಭಗವತೇ॑ ರುದ್ರಾ॒ಯ ॥ ಮಂ ಓಮ್ ॥
ದಕ್ಷಿಣಾಂಗ ರುದ್ರಾಯ॒ ನಮಃ ॥ (ದಕ್ಷಿಣ ದಿಶ, South)
ಶಿವಂ ಶಾಂತಂ ಜಗನ್ನಾಥಂ-ಲೋಁಕಾನುಗ್ರಹಕಾರಣಮ್ ।
ಶಿವಮೇಕಂ ಪರಂ-ವಂಁದೇ ಶಿಕಾರಾಯ ನಮೋ ನಮಃ ॥
ಓಂ ಭೂರ್ಭುವ॒ಸ್ಸುವಃ॒ ॥ ಓಂ ಶಿಮ್ ॥
ಅಪೈ॑ತುಮೃ॒ತ್ಯುರಮೃತಂ॑ ನ॒ ಆಗ॑ನ್ ವೈವಸ್ವ॒ತೋ ನೋ॒ ಅ॑ಭಯಂ ಕೃಣೋತು । ಪ॒ರ್ಣಂ-ವಁನ॒ಸ್ಪತೇರಿವಾ॒ಭಿನಶ್ಶೀಯತಾಗ್ಂ ರ॒ಯಿಸ್ಸಚ॑ತಾಂ ನ॒ಶ್ಶಚೀ॒ಪತಿಃ॑ ॥
ಓಂ ನಮೋ ಭಗವತೇ॑ ರುದ್ರಾ॒ಯ ॥ ಶಿಂ ಓಮ್ ॥ ಪಶ್ಚಿಮಾಂಗ ರುದ್ರಾಯ॒ ನಮಃ ॥ (ಪಶ್ಚಿಮ ದಿಶ, West)
ವಾಹನಂ-ವೃಁಷಭೋ ಯಸ್ಯ ವಾಸುಕೀ ಕಂಠಭೂಷಣಮ್ ।
ವಾಮೇ ಶಕ್ತಿಧರಂ-ವಂಁದೇ ವಕಾರಾಯ ನಮೋ ನಮಃ ॥
ಓಂ ಭೂರ್ಭುವ॒ಸ್ಸುವಃ॒ ॥ ಓಂ-ವಾಁಮ್ ॥
ಪ್ರಾಣಾನಾಂ ಗ್ರಂಥಿರಸಿ ರುದ್ರೋ ಮಾ॑ ವಿಶಾಂ॒ತಕಃ । ತೇನಾನ್ನೇನಾ᳚ಪ್ಯಾಯ॒ಸ್ವ ॥ ಓಂ ನಮೋ ಭಗವತೇ ರುದ್ರಾಯ ವಿಷ್ಣವೇ ಮೃತ್ಯು॑ರ್ಮೇ ಪಾ॒ಹಿ ॥
ಓಂ ನಮೋ ಭಗವತೇ॑ ರುದ್ರಾ॒ಯ ॥ ವಾಂ ಓಮ್ ॥ ಉತ್ತರಾಂಗ ರುದ್ರಾಯ॒ ನಮಃ ॥ (ಉತ್ತರ ದಿಶ, North)
ಯತ್ರ ಕುತ್ರ ಸ್ಥಿತಂ ದೇವಂ ಸರ್ವವ್ಯಾಪಿನಮೀಶ್ವರಮ್ ।
ಯಲ್ಲಿಂಗಂ ಪೂಜಯೇನ್ನಿತ್ಯಂ-ಯಁಕಾರಾಯ ನಮೋ ನಮಃ ॥
ಓಂ ಭೂರ್ಭುವ॒ಸ್ಸುವಃ॒ ॥ ಓಂ-ಯಁಮ್ ॥
ಯೋ ರು॒ದ್ರೋ ಅ॒ಗ್ನೌ ಯೋ ಅ॒ಪ್ಸು ಯ ಓಷ॑ಧೀಷು॒ ಯೋ ರು॒ದ್ರೋ ವಿಶ್ವಾ॒ ಭುವ॑ನಾ ವಿ॒ವೇಶ॒ ತಸ್ಮೈ॑ ರು॒ದ್ರಾಯ॒ ನಮೋ॑ ಅಸ್ತು ॥
ಓಂ ನಮೋ ಭಗವತೇ॑ ರುದ್ರಾ॒ಯ ॥ ಯಂ ಓಮ್ ॥ ಊರ್ಧ್ವಾಂಗ ರುದ್ರಾಯ॒ ನಮಃ ॥ (ಊರ್ಧ್ವ ದಿಶ, Up)
