ಅಥಾತಃ ಪಞ್ಚಾಙ್ಗರುದ್ರಾಣಾಂ
ನ್ಯಾಸಪೂರ್ವಕ-ಞ್ಜಪ-ಹೋಮಾ-ರ್ಚನಾ-ಭಿಷೇಕ-ವಿಧಿಂ-ವ್ಯಾಁ᳚ಖ್ಯಾಸ್ಯಾಮಃ ।
ಅಥಾತಃ ಪಞ್ಚಾಙ್ಗರುದ್ರಾಣಾಂ
ನ್ಯಾಸಪೂರ್ವಕ-ಞ್ಜಪ-ಹೋಮಾ-ರ್ಚನಾಭಿಷೇಕ-ಙ್ಕರಿಷ್ಯಮಾಣಃ ।
ಹರಿಃ ಓಂ ಅಥಾತಃ ಪಞ್ಚಾಙ್ಗ ರುದ್ರಾಣಾಮ್ ॥
ಓಙ್ಕಾರಮನ್ತ್ರ ಸಂಯುಁಕ್ತ-ನ್ನಿತ್ಯ-ನ್ಧ್ಯಾಯನ್ತಿ ಯೋಗಿನಃ ।
ಕಾಮದ-ಮ್ಮೋಖ್ಷದ-ನ್ತಸ್ಮೈ ಓಙ್ಕಾರಾಯ ನಮೋ ನಮಃ ॥
ನಮಸ್ತೇ ದೇವ ದೇವೇಶ ನಮಸ್ತೇ ಪರಮೇಶ್ವರ ।
ನಮಸ್ತೇ ವೃಷಭಾರೂಢ ನಕಾರಾಯ ನಮೋ ನಮಃ ॥
ಓ-ನ್ನಮೋ ಭಗವತೇ॑ ರುದ್ರಾ॒ಯ ॥ ಓ-ಮ್ಭೂರ್ಭುವ॒ಸ್ಸುವಃ॑ ॥ ಓ-ನ್ನಮ್ ॥
ನಮ॑ಸ್ತೇ ರುದ್ರ ಮ॒ನ್ಯವ॑ ಉ॒ತೋತ॒ ಇಷ॑ವೇ॒ ನಮಃ॑ ।
ನಮ॑ಸ್ತೇ ಅಸ್ತು॒ ಧನ್ವ॑ನೇ ಬಾ॒ಹುಭ್ಯಾ॑ಮು॒ತ ತೇ॒ ನಮಃ॑ ॥
ಯಾ ತ॒ ಇಷು॑-ಶ್ಶಿ॒ವತ॑ಮಾ ಶಿ॒ವ-ಮ್ಬ॒ಭೂವ॑ ತೇ॒ ಧನುಃ॑ ।
ಶಿ॒ವಾ ಶ॑ರ॒ವ್ಯಾ॑ ಯಾ ತವ॒ ತಯಾ॑ ನೋ ರುದ್ರ ಮೃಡಯ ।
ಓ-ನ್ನಮೋ ಭಗವತೇ॑ ರುದ್ರಾ॒ಯ ॥ ನಂ ಓಮ್ । ಪೂರ್ವಾಙ್ಗ ರುದ್ರಾಯ॒ ನಮಃ ॥ (ಪ್ರಾಚ್ಯೈ ದಿಶ, East)
ಮಹಾದೇವ-ಮ್ಮಹಾತ್ಮಾನ-ಮ್ಮಹಾಪಾತಕನಾಶನಮ್ ।
ಮಹಾಪಾಪಹರಂ-ವಁನ್ದೇ ಮಕಾರಾಯ ನಮೋ ನಮಃ ॥
ಓ-ಮ್ಭೂರ್ಭುವ॒ಸ್ಸುವಃ॒ ॥ ಓ-ಮ್ಮಮ್ ॥
ಓ-ನ್ನಿಧ॑ನಪತಯೇ॒ ನಮಃ । ನಿಧನಪತಾನ್ತಿಕಾಯ॒ ನಮಃ ।
ಊರ್ಧ್ವಾಯ॒ ನಮಃ । ಊರ್ಧ್ವಲಿಙ್ಗಾಯ॒ ನಮಃ ।
ಹಿರಣ್ಯಾಯ॒ ನಮಃ । ಹಿರಣ್ಯಲಿಙ್ಗಾಯ॒ ನಮಃ ।
ಸುವರ್ಣಾಯ॒ ನಮಃ । ಸುವರ್ಣಲಿಙ್ಗಾಯ॒ ನಮಃ ।
ದಿವ್ಯಾಯ॒ ನಮಃ । ದಿವ್ಯಲಿಙ್ಗಾಯ॒ ನಮಃ ।
ಭವಾಯಃ॒ ನಮಃ । ಭವಲಿಙ್ಗಾಯ॒ ನಮಃ ।
ಶರ್ವಾಯ॒ ನಮಃ । ಶರ್ವಲಿಙ್ಗಾಯ॒ ನಮಃ ।
ಶಿವಾಯ॒ ನಮಃ । ಶಿವಲಿಙ್ಗಾಯ॒ ನಮಃ ।
ಜ್ವಲಾಯ॒ ನಮಃ । ಜ್ವಲಲಿಙ್ಗಾಯ॒ ನಮಃ ।
ಆತ್ಮಾಯ॒ ನಮಃ । ಆತ್ಮಲಿಙ್ಗಾಯ॒ ನಮಃ ।
ಪರಮಾಯ॒ ನಮಃ । ಪರಮಲಿಙ್ಗಾಯ॒ ನಮಃ ।
ಏತಥ್ಸೋಮಸ್ಯ॑ ಸೂರ್ಯ॒ಸ್ಯ ಸರ್ವಲಿಙ್ಗಗ್ಗ್॑ ಸ್ಥಾಪ॒ಯ॒ತಿ॒ ಪಾಣಿಮನ್ತ್ರ-ಮ್ಪವಿ॒ತ್ರಮ್ ॥
ಓ-ನ್ನಮೋ ಭಗವತೇ॑ ರುದ್ರಾ॒ಯ ॥ ಮಂ ಓಮ್ ॥
ದಖ್ಷಿಣಾಙ್ಗ ರುದ್ರಾಯ॒ ನಮಃ ॥ (ದಖ್ಷಿಣ ದಿಶ, South)
ಶಿವಂ ಶಾನ್ತ-ಞ್ಜಗನ್ನಾಥಂ-ಲೋಁಕಾನುಗ್ರಹಕಾರಣಮ್ ।
ಶಿವಮೇಕ-ಮ್ಪರಂ-ವಁನ್ದೇ ಶಿಕಾರಾಯ ನಮೋ ನಮಃ ॥
ಓ-ಮ್ಭೂರ್ಭುವ॒ಸ್ಸುವಃ॒ ॥ ಓಂ ಶಿಮ್ ॥
ಅಪೈ॑ತುಮೃ॒ತ್ಯುರಮೃತ॑-ನ್ನ॒ ಆಗ॑ನ್ ವೈವಸ್ವ॒ತೋ ನೋ॒ ಅ॑ಭಯ-ಙ್ಕೃಣೋತು । ಪ॒ರ್ಣಂ-ವಁನ॒ಸ್ಪತೇರಿವಾ॒ಭಿನಶ್ಶೀಯತಾಗ್ಂ ರ॒ಯಿಸ್ಸಚ॑ತಾ-ನ್ನ॒ಶ್ಶಚೀ॒ಪತಿಃ॑ ॥
ಓ-ನ್ನಮೋ ಭಗವತೇ॑ ರುದ್ರಾ॒ಯ ॥ ಶಿಂ ಓಮ್ ॥ ಪಶ್ಚಿಮಾಙ್ಗ ರುದ್ರಾಯ॒ ನಮಃ ॥ (ಪಶ್ಚಿಮ ದಿಶ, West)
ವಾಹನಂ-ವೃಁಷಭೋ ಯಸ್ಯ ವಾಸುಕೀ ಕಣ್ಠಭೂಷಣಮ್ ।
ವಾಮೇ ಶಕ್ತಿಧರಂ-ವಁನ್ದೇ ವಕಾರಾಯ ನಮೋ ನಮಃ ॥
ಓ-ಮ್ಭೂರ್ಭುವ॒ಸ್ಸುವಃ॒ ॥ ಓಂ-ವಾಁಮ್ ॥
ಪ್ರಾಣಾನಾ-ಙ್ಗ್ರನ್ಥಿರಸಿ ರುದ್ರೋ ಮಾ॑ ವಿಶಾ॒ನ್ತಕಃ । ತೇನಾನ್ನೇನಾ᳚ಪ್ಯಾಯ॒ಸ್ವ ॥ ಓ-ನ್ನಮೋ ಭಗವತೇ ರುದ್ರಾಯ ವಿಷ್ಣವೇ ಮೃತ್ಯು॑ರ್ಮೇ ಪಾ॒ಹಿ ॥
ಓ-ನ್ನಮೋ ಭಗವತೇ॑ ರುದ್ರಾ॒ಯ ॥ ವಾಂ ಓಮ್ ॥ ಉತ್ತರಾಙ್ಗ ರುದ್ರಾಯ॒ ನಮಃ ॥ (ಉತ್ತರ ದಿಶ, North)
ಯತ್ರ ಕುತ್ರ ಸ್ಥಿತ-ನ್ದೇವಂ ಸರ್ವವ್ಯಾಪಿನಮೀಶ್ವರಮ್ ।
ಯಲ್ಲಿಙ್ಗ-ಮ್ಪೂಜಯೇನ್ನಿತ್ಯಂ-ಯಁಕಾರಾಯ ನಮೋ ನಮಃ ॥
ಓ-ಮ್ಭೂರ್ಭುವ॒ಸ್ಸುವಃ॒ ॥ ಓಂ-ಯಁಮ್ ॥
ಯೋ ರು॒ದ್ರೋ ಅ॒ಗ್ನೌ ಯೋ ಅ॒ಪ್ಸು ಯ ಓಷ॑ಧೀಷು॒ ಯೋ ರು॒ದ್ರೋ ವಿಶ್ವಾ॒ ಭುವ॑ನಾ ವಿ॒ವೇಶ॒ ತಸ್ಮೈ॑ ರು॒ದ್ರಾಯ॒ ನಮೋ॑ ಅಸ್ತು ॥
ಓ-ನ್ನಮೋ ಭಗವತೇ॑ ರುದ್ರಾ॒ಯ ॥ ಯಂ ಓಮ್ ॥ ಊರ್ಧ್ವಾಙ್ಗ ರುದ್ರಾಯ॒ ನಮಃ ॥ (ಊರ್ಧ್ವ ದಿಶ, Up)
