Mahanyasam - 5.1. Hamsa Gayatri - Kannada

ಅಸ್ಯ ಶ್ರೀ ಹಂಸಗಾಯತ್ರೀ ಮಹಾಮಂತ್ರಸ್ಯ, ಅವ್ಯಕ್ತ ಪರಬ್ರಹ್ಮ ಋಷಿಃ,
ಅನುಷ್ಟುಪ್ ಛಂದಃ, ಪರಮಹಂಸೋ ದೇವತಾ ।
ಹಂಸಾಂ ಬೀಜಂ, ಹಂಸೀಂ ಶಕ್ತಿಃ । ಹಂಸೂಂ ಕೀಲಕಮ್ ।
ಪರಮಹಂಸ ಪ್ರಸಾದ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ ॥ 1

ಕರನ್ಯಾಸಃ -
ಹಂಸಾಂ ಅಗುಂಷ್ಠಾಭ್ಯಾಂ ನಮಃ । ಹಂಸೀಂ ತರ್ಜನೀಭ್ಯಾಂ ನಮಃ ।
ಹಂಸೂಂ - ಮದ್ಧ್ಯಮಾಭ್ಯಾಂ ನಮಃ । ಹಂಸೈಂ - ಅನಾಮಿಕಾಭ್ಯಾಂ ನಮಃ ।
ಹಂಸೌಂ - ಕನಿಷ್ಠಿಕಾಭ್ಯಾಂ ನಮಃ । ಹಂಸಃ-ಕರತಲ ಕರಪೃಷ್ಠಾಭ್ಯಾಂ ನಮಃ । 2

ಹೃದಯಾದಿ ನ್ಯಾಸಃ -
ಹಂಸಾಂ - ಹೃದಯಾಯ ನಮಃ । ಹಂಸೀಂ - ಶಿರಸೇ ಸ್ವಾಹಾ ।
ಹಂಸೂಂ - ಶಿಖಾಯೈ ವಷಟ್ । ಹಂಸೈಂ - ಕವಚಾಯ ಹುಮ್ ।
ಹಂಸೌಂ - ನೇತ್ರತ್ರಯಾಯ ವೌಷಟ್ । ಹಂಸಃ - ಅಸ್ತ್ರಾಯ ಫಟ್ ॥
ಓಂ ಭೂರ್ಭುವ॒ಸ್ಸುವ॒ರೋಮಿತಿ ದಿಗ್ಬಂಧಃ । 3

ಧ್ಯಾನಂ -
ಗಮಾಗಮಸ್ಥಂ ಗಮನಾದಿಶೂನ್ಯಂ ಚಿ-ದ್ರೂಪದೀಪಂ ತಿಮಿರಾಪಹಾರಮ್ ।
ಪಶ್ಯಾಮಿ ತೇ ಸರ್ವಜನಾಂತರಸ್ಥಂ ನಮಾಮಿ ಹಂಸಂ ಪರಮಾತ್ಮರೂಪಮ್ ॥ 4

ದೇಹೋ ದೇವಾಲಯಃ ಪ್ರೋಕ್ತೋ ಜೀವೋ ದೇವಃ ಸನಾತನಃ ।
ತ್ಯಜೇದಜ್ಞಾನನಿರ್ಮಾಲ್ಯಂ ಸೋಽಹಂಭಾವೇನ ಪೂಜಯೇತ್ ॥

ಹಂ॒ಸ ಹಂ॒ಸಾಯ॑ ವಿ॒ದ್ಮಹೇ॑ ಪರಮಹಂ॒ಸಾಯ॑ ಧೀಮಹಿ ।
ತನ್ನೋ॑ ಹಂಸಃ ಪ್ರಚೋ॒ದಯಾ᳚ತ್ ॥ 5
(ಇತಿ ತ್ರಿವಾರಂ ಜಪಿತ್ವಾ)

ಹಂಸ ಹಂ॒ಸೇತಿ ಯೋ ಬ್ರೂಯಾ-ಧಂಸೋ (ಬ್ರೂಯಾದ್ಧಂಸೋ) ನಾಮ ಸದಾಶಿವಃ ।
ಏವಂ ನ್ಯಾಸ ವಿಧಿಂ ಕೃತ್ವಾ ತತಃ ಸಂಪುಟಮಾರಭೇತ್ ॥ 6

Browse Related Categories: