ಇಂದ್ರಾದೀನ್ ದಿಕ್ಷುವಿನ್ಯಸ್ಯ ।
ಓಂ ಭೂರ್ಭುವ॒ಸ್ಸುವಃ॑ । ಓಂ ಓಮ್ ।
ತ್ರಾ॒ತಾರ॒ಮಿಂದ್ರ॑ ಮವಿ॒ತಾರ॒ಮಿಂದ್ರ॒ಗ್ಂ॒ ಹವೇ॑ ಹವೇ ಸು॒ಹವ॒ಗ್ಂ॒ ಶೂರ॒ಮಿಂದ್ರ᳚ಮ್ ।
ಹು॒ವೇ ನು ಶ॒ಕ್ರಂ ಪು॑ರುಹೂ॒ತಮಿಂದ್ರಗ್ಗ್॑ ಸ್ವ॒ಸ್ತಿ ನೋ॑ ಮ॒ಘವಾ॑ ಧಾ॒ತ್ವಿಂದ್ರಃ॑ ॥
ಓಂ ನಮೋ ಭಗವತೇ॑ ರುದ್ರಾ॒ಯ । ಓಂ ಓಮ್ ।
ಪೂರ್ವದಿಗ್ಭಾಗೇ ಇಂದ್ರಾಯ ನಮಃ ॥ 1 (ತೈ.ಸಂ.1-6-12-50)
ಓಂ ಭೂರ್ಭುವ॒ಸ್ಸುವಃ॑ । ಓಂ ನಮ್ ।
ತ್ವಂ ನೋ॑ ಅಗ್ನೇ॒ ವರು॑ಣಸ್ಯ ವಿ॒ದ್ವಾಂದೇ॒ವಸ್ಯ॒ ಹೇಡೋಽವ॑ ಯಾಸಿಸೀಷ್ಠಾಃ ।
ಯಜಿ॑ಷ್ಠೋ॒ ವಹ್ನಿ॑ತಮಃ॒ ಶೋಶು॑ಚಾನೋ॒ ವಿಶ್ವಾ॒ ದ್ವೇಷಾಗ್ಂ॑ಸಿ॒ ಪ್ರಮು॑ಮುಗ್ಧ್ಯ॒ಸ್ಮತ್ ॥
ಓಂ ನಮೋ ಭಗವತೇ॑ ರುದ್ರಾ॒ಯ । ನಂ ಓಮ್ ।
ಆಗ್ನೇಯದಿಗ್ಭಾಗೇ ಅಗ್ನಯೇ ನಮಃ ॥ 2 (ತೈ.ಸಂ.2-5-12-72)
ಓಂ ಭೂರ್ಭುವ॒ಸ್ಸುವಃ॑ । ಓಂ ಮೋಮ್ ।
ಸು॒ಗಂ ನಃ॒ ಪಂಥಾ॒ಮಭ॑ಯಂ ಕೃಣೋತು । ಯಸ್ಮಿ॒ನ್ನಕ್ಷ॑ತ್ರೇ ಯ॒ಮ ಏತಿ॒ ರಾಜಾ᳚ ।
ಯಸ್ಮಿ॑ನ್ನೇನಮ॒ಭ್ಯಷಿಂ॑ಚಂತ ದೇ॒ವಾಃ । ತದ॑ಸ್ಯ ಚಿ॒ತ್ರಗ್ಂ ಹ॒ವಿಷಾ॑ ಯಜಾಮ ॥
ಓಂ ನಮೋ ಭಗವತೇ॑ ರುದ್ರಾ॒ಯ । ಮೋಂ ಓಮ್ ।
ದಕ್ಷಿಣದಿಗ್ಭಾಗೇ ಯಮಾಯ ನಮಃ ॥ 3 (ತೈ.ಬ್ರಾ.3-1-2-11-23)
ಓಂ ಭೂರ್ಭುವ॒ಸ್ಸುವಃ॑ । ಓಂ ಭಮ್ ।
ಅಸು॑ನ್ವಂತ॒ಮಯ॑ಜಮಾನಮಿಚ್ಛ ಸ್ತೇ॒ನಸ್ಯೇ॒ತ್ಯಾಂತಸ್ಕ॑ರ॒ಸ್ಯಾನ್ವೇ॑ಷಿ ।
ಅ॒ನ್ಯಮ॒ಸ್ಮದಿ॑ಚ್ಛ॒ ಸಾ ತ॑ ಇ॒ತ್ಯಾ ನಮೋ॑ ದೇವಿ ನಿರ್.ಋತೇ॒ ತುಭ್ಯ॑ಮಸ್ತು ॥
ಓಂ ನಮೋ ಭಗವತೇ॑ ರುದ್ರಾ॒ಯ । ಭಂ ಓಮ್ ।
ನಿರ್ಋತಿದಿಗ್ಭಾಗೇ ನಿರ್ಋತಯೇ ನಮಃ ॥ 4 (ತೈ.ಸಂ.4-2-5-21)
ಓಂ ಭೂರ್ಭುವ॒ಸ್ಸುವಃ॑ । ಓಂ ಗಮ್ ।
ತತ್ತ್ವಾ॑ ಯಾಮಿ॒ ಬ್ರಹ್ಮ॑ಣಾ॒ ವಂದ॑ಮಾನ॒ಸ್ತದಾ ಶಾ᳚ಸ್ತೇ॒ ಯಜ॑ಮಾನೋ ಹ॒ವಿರ್ಭಿಃ॑ ।
ಅಹೇ॑ಡಮಾನೋ ವರುಣೇ॒ಹ ಬೋ॒ಧ್ಯುರು॑ಶಗ್ಂಸ॒ ಮಾ ನ॒ ಆಯುಃ॒ ಪ್ರಮೋ॑ಷೀಃ ॥
ಓಂ ನಮೋ ಭಗವತೇ॑ ರುದ್ರಾ॒ಯ । ಗಂ ಓಮ್ ।
ಪಶ್ಚಿಮದಿಗ್ಭಾಗೇ ವರುಣಾಯ ನಮಃ ॥ 5 (ತೈ.ಸಂ.2-1-11-65)
ಓಂ ಭೂರ್ಭುವ॒ಸ್ಸುವಃ॑ । ಓಂ-ವಁಮ್ ।
ಆ ನೋ॑ ನಿ॒ಯುದ್ಭಿಃ॑ ಶ॒ತಿನೀ॑ಭಿರಧ್ವ॒ರಗ್ಮ್ । ಸ॑ಹ॒ಸ್ರಿಣೀ॑ಭಿ॒ರುಪ॑ ಯಾಹಿ ಯ॒ಜ್ಞಮ್ ।
ವಾಯೋ॑ ಅ॒ಸ್ಮಿನ್ ಹ॒ವಿಷಿ॑ ಮಾದಯಸ್ವ । ಯೂ॒ಯಂ ಪಾ॑ತ ಸ್ವ॒ಸ್ತಿಭಿಃ॒ ಸದಾ॑ ನಃ ॥
ಓಂ ನಮೋ ಭಗವತೇ॑ ರುದ್ರಾ॒ಯ । ವಂ ಓಮ್ ।
ವಾಯವ್ಯದಿಗ್ಭಾಗೇ ವಾಯವೇ ನಮಃ ॥ 6 (ತೈ.ಬ್ರಾ.2-8-1-2)
ಓಂ ಭೂರ್ಭುವ॒ಸ್ಸುವಃ॑ । ಓಂ ತೇಮ್ ।
ವ॒ಯಗ್ಂ ಸೋ॑ಮ ವ್ರ॒ತೇ ತವ॑ । ಮನ॑ಸ್ತ॒ನೂಷು॒ ಬಿಭ್ರ॑ತಃ ।
ಪ್ರ॒ಜಾವಂ॑ತೋ ಅಶೀಮಹಿ । ಇಂ॒ದ್ರಾ॒ಣೀ ದೇ॒ವೀ ಸು॒ಭಗಾ॑ ಸು॒ಪತ್ನೀ᳚ ॥
ಓಂ ನಮೋ ಭಗವತೇ॑ ರುದ್ರಾ॒ಯ । ತೇಂ ಓಮ್ ।
ಉತ್ತರದಿಗ್ಭಾಗೇ ಕುಬೇರಾಯ ನಮಃ ॥ 7 (ತೈ.ಬ್ರಾ.2-4-2-7-18)
ಓಂ ಭೂರ್ಭುವ॒ಸ್ಸುವಃ॑ । ಓಂ ರುಮ್ ।
ತಮೀಶಾ᳚ನಂ॒ ಜಗ॑ತಸ್ತ॒ಸ್ಥುಷ॒ಸ್ಪತಿಂ᳚ ಧಿಯಂ ಜಿ॒ನ್ವಮವ॑ಸೇ ಹೂಮಹೇ ವ॒ಯಮ್ ।
ಪೂ॒ಷಾ ನೋ॒ ಯಥಾ॒ ವೇದ॑ಸಾ॒ಮಸ॑ದ್ವೃ॒ಧೇ ರ॑ಕ್ಷಿ॒ತಾ ಪಾ॒ಯುರದ॑ಬ್ಧಃ ಸ್ವ॒ಸ್ತಯೇ᳚ ॥
ಓಂ ನಮೋ ಭಗವತೇ॑ ರುದ್ರಾ॒ಯ । ರುಂ ಓಮ್ ।
ಈಶಾನ್ಯದಿಗ್ಭಾಗೇ ಈಶಾನಾಯ ನಮಃ ॥ 8
ಓಂ ಭೂರ್ಭುವ॒ಸ್ಸುವಃ॑ । ಓಂ ದ್ರಾಮ್ ।
ಅ॒ಸ್ಮೇ ರು॒ದ್ರಾ ಮೇ॒ಹನಾ॒ ಪರ್ವ॑ತಾಸೋ ವೃತ್ರ॒ಹತ್ಯೇ॒ ಭರ॑ಹೂತೌ ಸ॒ಜೋಷಾಃ᳚ ।
ಯಃ ಶಂಸ॑ತೇ ಸ್ತುವ॒ತೇ ಧಾಯಿ॑ ಪ॒ಜ್ರ ಇಂದ್ರ॑ಜ್ಯೇಷ್ಠಾ ಅ॒ಸ್ಮಾಂ ಅ॑ವಂತು ದೇ॒ವಾಃ ॥
ಓಂ ನಮೋ ಭಗವತೇ॑ ರುದ್ರಾ॒ಯ । ದ್ರಾಂ ಓಮ್ ।
ಊರ್ಧ್ವದಿಗ್ಭಾಗೇ ಆಕಾಶಾಯ ನಮಃ ॥ 9
ಓಂ ಭೂರ್ಭುವ॒ಸ್ಸುವಃ॑ । ಓಂ-ಯಁಮ್ ।
ಸ್ಯೋ॒ನಾ ಪೃ॑ಥಿವಿ॒ ಭವಾ॑ನೃಕ್ಷ॒ರಾ ನಿ॒ವೇಶ॑ನೀ ।
ಯಚ್ಛಾ॑ ನಃ॒ ಶರ್ಮ॑ ಸ॒ಪ್ರಥಾಃ᳚ ॥
ಓಂ ನಮೋ ಭಗವತೇ॑ ರುದ್ರಾ॒ಯ । ಯಂ ಓಮ್ ।
ಅಧೋದಿಗ್ಭಾಗೇ ಪೃಥಿವ್ಯೈ ನಮಃ ॥ 10
[ಅಪ ಉಪಸ್ಪೃಶ್ಯ]
