Mahanyasam - 5.2. Dik Samputanyasa (Samputikarana) - Grantha

𑌓𑌂 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵𑌃॑ । 𑌓𑌂 𑌓𑌮𑍍 ।
𑌤𑍍𑌰𑌾॒𑌤𑌾𑌰॒𑌮𑌿𑌂𑌦𑍍𑌰॑ 𑌮𑌵𑌿॒𑌤𑌾𑌰॒𑌮𑌿𑌂𑌦𑍍𑌰॒𑌗𑍍𑌮𑍍॒ 𑌹𑌵𑍇॑ 𑌹𑌵𑍇 𑌸𑍁॒𑌹𑌵॒𑌗𑍍𑌮𑍍॒ 𑌶𑍂𑌰॒𑌮𑌿𑌂𑌦𑍍𑌰᳚𑌮𑍍 ।
𑌹𑍁॒𑌵𑍇 𑌨𑍁 𑌶॒𑌕𑍍𑌰𑌂 𑌪𑍁॑𑌰𑍁𑌹𑍂॒𑌤𑌮𑌿𑌂𑌦𑍍𑌰𑌗𑍍𑌗𑍍॑ 𑌸𑍍𑌵॒𑌸𑍍𑌤𑌿 𑌨𑍋॑ 𑌮॒𑌘𑌵𑌾॑ 𑌧𑌾॒𑌤𑍍𑌵𑌿𑌂𑌦𑍍𑌰𑌃॑ ॥
𑌓𑌂 𑌨𑌮𑍋 𑌭𑌗𑌵𑌤𑍇॑ 𑌰𑍁𑌦𑍍𑌰𑌾॒𑌯 । 𑌓𑌂 𑌓𑌮𑍍 ।
𑌪𑍂𑌰𑍍𑌵𑌦𑌿𑌗𑍍𑌭𑌾𑌗𑍇 𑌇𑌂𑌦𑍍𑌰𑌾𑌯 𑌨𑌮𑌃 ॥ 1 (𑌤𑍈.𑌸𑌂.1-6-12-50)

𑌓𑌂 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵𑌃॑ । 𑌓𑌂 𑌨𑌮𑍍 ।
𑌤𑍍𑌵𑌂 𑌨𑍋॑ 𑌅𑌗𑍍𑌨𑍇॒ 𑌵𑌰𑍁॑𑌣𑌸𑍍𑌯 𑌵𑌿॒𑌦𑍍𑌵𑌾𑌂𑌦𑍇॒𑌵𑌸𑍍𑌯॒ 𑌹𑍇𑌡𑍋𑌽𑌵॑ 𑌯𑌾𑌸𑌿𑌸𑍀𑌷𑍍𑌠𑌾𑌃 ।
𑌯𑌜𑌿॑𑌷𑍍𑌠𑍋॒ 𑌵𑌹𑍍𑌨𑌿॑𑌤𑌮𑌃॒ 𑌶𑍋𑌶𑍁॑𑌚𑌾𑌨𑍋॒ 𑌵𑌿𑌶𑍍𑌵𑌾॒ 𑌦𑍍𑌵𑍇𑌷𑌾𑌗𑍍𑌮𑍍॑𑌸𑌿॒ 𑌪𑍍𑌰𑌮𑍁॑𑌮𑍁𑌗𑍍𑌧𑍍𑌯॒𑌸𑍍𑌮𑌤𑍍 ॥
𑌓𑌂 𑌨𑌮𑍋 𑌭𑌗𑌵𑌤𑍇॑ 𑌰𑍁𑌦𑍍𑌰𑌾॒𑌯 । 𑌨𑌂 𑌓𑌮𑍍 ।
𑌆𑌗𑍍𑌨𑍇𑌯𑌦𑌿𑌗𑍍𑌭𑌾𑌗𑍇 𑌅𑌗𑍍𑌨𑌯𑍇 𑌨𑌮𑌃 ॥ 2 (𑌤𑍈.𑌸𑌂.2-5-12-𑍭2)

𑌓𑌂 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵𑌃॑ । 𑌓𑌂 𑌮𑍋𑌮𑍍 ।
𑌸𑍁॒𑌗𑌂 𑌨𑌃॒ 𑌪𑌂𑌥𑌾॒𑌮𑌭॑𑌯𑌂 𑌕𑍃𑌣𑍋𑌤𑍁 । 𑌯𑌸𑍍𑌮𑌿॒𑌨𑍍𑌨𑌕𑍍𑌷॑𑌤𑍍𑌰𑍇 𑌯॒𑌮 𑌏𑌤𑌿॒ 𑌰𑌾𑌜𑌾᳚ ।
𑌯𑌸𑍍𑌮𑌿॑𑌨𑍍𑌨𑍇𑌨𑌮॒𑌭𑍍𑌯𑌷𑌿𑌂॑𑌚𑌂𑌤 𑌦𑍇॒𑌵𑌾𑌃 । 𑌤𑌦॑𑌸𑍍𑌯 𑌚𑌿॒𑌤𑍍𑌰𑌗𑍍𑌮𑍍 𑌹॒𑌵𑌿𑌷𑌾॑ 𑌯𑌜𑌾𑌮 ॥
𑌓𑌂 𑌨𑌮𑍋 𑌭𑌗𑌵𑌤𑍇॑ 𑌰𑍁𑌦𑍍𑌰𑌾॒𑌯 । 𑌮𑍋𑌂 𑌓𑌮𑍍 ।
𑌦𑌕𑍍𑌷𑌿𑌣𑌦𑌿𑌗𑍍𑌭𑌾𑌗𑍇 𑌯𑌮𑌾𑌯 𑌨𑌮𑌃 ॥ 3 (𑌤𑍈.𑌬𑍍𑌰𑌾.3-1-2-11-23)

𑌓𑌂 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵𑌃॑ । 𑌓𑌂 𑌭𑌮𑍍 ।
𑌅𑌸𑍁॑𑌨𑍍𑌵𑌂𑌤॒𑌮𑌯॑𑌜𑌮𑌾𑌨𑌮𑌿𑌚𑍍𑌛 𑌸𑍍𑌤𑍇॒𑌨𑌸𑍍𑌯𑍇॒𑌤𑍍𑌯𑌾𑌂𑌤𑌸𑍍𑌕॑𑌰॒𑌸𑍍𑌯𑌾𑌨𑍍𑌵𑍇॑𑌷𑌿 ।
𑌅॒𑌨𑍍𑌯𑌮॒𑌸𑍍𑌮𑌦𑌿॑𑌚𑍍𑌛॒ 𑌸𑌾 𑌤॑ 𑌇॒𑌤𑍍𑌯𑌾 𑌨𑌮𑍋॑ 𑌦𑍇𑌵𑌿 𑌨𑌿𑌰𑍍.𑌋𑌤𑍇॒ 𑌤𑍁𑌭𑍍𑌯॑𑌮𑌸𑍍𑌤𑍁 ॥
𑌓𑌂 𑌨𑌮𑍋 𑌭𑌗𑌵𑌤𑍇॑ 𑌰𑍁𑌦𑍍𑌰𑌾॒𑌯 । 𑌭𑌂 𑌓𑌮𑍍 ।
𑌨𑌿𑌰𑍍𑌋𑌤𑌿𑌦𑌿𑌗𑍍𑌭𑌾𑌗𑍇 𑌨𑌿𑌰𑍍𑌋𑌤𑌯𑍇 𑌨𑌮𑌃 ॥ 4 (𑌤𑍈.𑌸𑌂.4-2-5-21)

𑌓𑌂 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵𑌃॑ । 𑌓𑌂 𑌗𑌮𑍍 ।
𑌤𑌤𑍍𑌤𑍍𑌵𑌾॑ 𑌯𑌾𑌮𑌿॒ 𑌬𑍍𑌰𑌹𑍍𑌮॑𑌣𑌾॒ 𑌵𑌂𑌦॑𑌮𑌾𑌨॒𑌸𑍍𑌤𑌦𑌾 𑌶𑌾᳚𑌸𑍍𑌤𑍇॒ 𑌯𑌜॑𑌮𑌾𑌨𑍋 𑌹॒𑌵𑌿𑌰𑍍𑌭𑌿𑌃॑ ।
𑌅𑌹𑍇॑𑌡𑌮𑌾𑌨𑍋 𑌵𑌰𑍁𑌣𑍇॒𑌹 𑌬𑍋॒𑌧𑍍𑌯𑍁𑌰𑍁॑𑌶𑌗𑍍𑌮𑍍𑌸॒ 𑌮𑌾 𑌨॒ 𑌆𑌯𑍁𑌃॒ 𑌪𑍍𑌰𑌮𑍋॑𑌷𑍀𑌃 ॥
𑌓𑌂 𑌨𑌮𑍋 𑌭𑌗𑌵𑌤𑍇॑ 𑌰𑍁𑌦𑍍𑌰𑌾॒𑌯 । 𑌗𑌂 𑌓𑌮𑍍 ।
𑌪𑌶𑍍𑌚𑌿𑌮𑌦𑌿𑌗𑍍𑌭𑌾𑌗𑍇 𑌵𑌰𑍁𑌣𑌾𑌯 𑌨𑌮𑌃 ॥ 5 (𑌤𑍈.𑌸𑌂.2-1-11-65)

𑌓𑌂 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵𑌃॑ । 𑌓𑌂-𑌵𑌁𑌮𑍍 ।
𑌆 𑌨𑍋॑ 𑌨𑌿॒𑌯𑍁𑌦𑍍𑌭𑌿𑌃॑ 𑌶॒𑌤𑌿𑌨𑍀॑𑌭𑌿𑌰𑌧𑍍𑌵॒𑌰𑌗𑍍𑌮𑍍 । 𑌸॑𑌹॒𑌸𑍍𑌰𑌿𑌣𑍀॑𑌭𑌿॒𑌰𑍁𑌪॑ 𑌯𑌾𑌹𑌿 𑌯॒𑌜𑍍𑌞𑌮𑍍 ।
𑌵𑌾𑌯𑍋॑ 𑌅॒𑌸𑍍𑌮𑌿𑌨𑍍 𑌹॒𑌵𑌿𑌷𑌿॑ 𑌮𑌾𑌦𑌯𑌸𑍍𑌵 । 𑌯𑍂॒𑌯𑌂 𑌪𑌾॑𑌤 𑌸𑍍𑌵॒𑌸𑍍𑌤𑌿𑌭𑌿𑌃॒ 𑌸𑌦𑌾॑ 𑌨𑌃 ॥
𑌓𑌂 𑌨𑌮𑍋 𑌭𑌗𑌵𑌤𑍇॑ 𑌰𑍁𑌦𑍍𑌰𑌾॒𑌯 । 𑌵𑌂 𑌓𑌮𑍍 ।
𑌵𑌾𑌯𑌵𑍍𑌯𑌦𑌿𑌗𑍍𑌭𑌾𑌗𑍇 𑌵𑌾𑌯𑌵𑍇 𑌨𑌮𑌃 ॥ 6 (𑌤𑍈.𑌬𑍍𑌰𑌾.2-𑍮-1-2)

𑌓𑌂 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵𑌃॑ । 𑌓𑌂 𑌤𑍇𑌮𑍍 ।
𑌵॒𑌯𑌗𑍍𑌮𑍍 𑌸𑍋॑𑌮 𑌵𑍍𑌰॒𑌤𑍇 𑌤𑌵॑ । 𑌮𑌨॑𑌸𑍍𑌤॒𑌨𑍂𑌷𑍁॒ 𑌬𑌿𑌭𑍍𑌰॑𑌤𑌃 ।
𑌪𑍍𑌰॒𑌜𑌾𑌵𑌂॑𑌤𑍋 𑌅𑌶𑍀𑌮𑌹𑌿 । 𑌇𑌂॒𑌦𑍍𑌰𑌾॒𑌣𑍀 𑌦𑍇॒𑌵𑍀 𑌸𑍁॒𑌭𑌗𑌾॑ 𑌸𑍁॒𑌪𑌤𑍍𑌨𑍀᳚ ॥
𑌓𑌂 𑌨𑌮𑍋 𑌭𑌗𑌵𑌤𑍇॑ 𑌰𑍁𑌦𑍍𑌰𑌾॒𑌯 । 𑌤𑍇𑌂 𑌓𑌮𑍍 ।
𑌉𑌤𑍍𑌤𑌰𑌦𑌿𑌗𑍍𑌭𑌾𑌗𑍇 𑌕𑍁𑌬𑍇𑌰𑌾𑌯 𑌨𑌮𑌃 ॥ 𑍭 (𑌤𑍈.𑌬𑍍𑌰𑌾.2-4-2-𑍭-1𑍮)

𑌓𑌂 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵𑌃॑ । 𑌓𑌂 𑌰𑍁𑌮𑍍 ।
𑌤𑌮𑍀𑌶𑌾᳚𑌨𑌂॒ 𑌜𑌗॑𑌤𑌸𑍍𑌤॒𑌸𑍍𑌥𑍁𑌷॒𑌸𑍍𑌪𑌤𑌿𑌂᳚ 𑌧𑌿𑌯𑌂 𑌜𑌿॒𑌨𑍍𑌵𑌮𑌵॑𑌸𑍇 𑌹𑍂𑌮𑌹𑍇 𑌵॒𑌯𑌮𑍍 ।
𑌪𑍂॒𑌷𑌾 𑌨𑍋॒ 𑌯𑌥𑌾॒ 𑌵𑍇𑌦॑𑌸𑌾॒𑌮𑌸॑𑌦𑍍𑌵𑍃॒𑌧𑍇 𑌰॑𑌕𑍍𑌷𑌿॒𑌤𑌾 𑌪𑌾॒𑌯𑍁𑌰𑌦॑𑌬𑍍𑌧𑌃 𑌸𑍍𑌵॒𑌸𑍍𑌤𑌯𑍇᳚ ॥
𑌓𑌂 𑌨𑌮𑍋 𑌭𑌗𑌵𑌤𑍇॑ 𑌰𑍁𑌦𑍍𑌰𑌾॒𑌯 । 𑌰𑍁𑌂 𑌓𑌮𑍍 ।
𑌈𑌶𑌾𑌨𑍍𑌯𑌦𑌿𑌗𑍍𑌭𑌾𑌗𑍇 𑌈𑌶𑌾𑌨𑌾𑌯 𑌨𑌮𑌃 ॥ 𑍮

𑌓𑌂 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵𑌃॑ । 𑌓𑌂 𑌦𑍍𑌰𑌾𑌮𑍍 ।
𑌅॒𑌸𑍍𑌮𑍇 𑌰𑍁॒𑌦𑍍𑌰𑌾 𑌮𑍇॒𑌹𑌨𑌾॒ 𑌪𑌰𑍍𑌵॑𑌤𑌾𑌸𑍋 𑌵𑍃𑌤𑍍𑌰॒𑌹𑌤𑍍𑌯𑍇॒ 𑌭𑌰॑𑌹𑍂𑌤𑍌 𑌸॒𑌜𑍋𑌷𑌾𑌃᳚ ।
𑌯𑌃 𑌶𑌂𑌸॑𑌤𑍇 𑌸𑍍𑌤𑍁𑌵॒𑌤𑍇 𑌧𑌾𑌯𑌿॑ 𑌪॒𑌜𑍍𑌰 𑌇𑌂𑌦𑍍𑌰॑𑌜𑍍𑌯𑍇𑌷𑍍𑌠𑌾 𑌅॒𑌸𑍍𑌮𑌾𑌂 𑌅॑𑌵𑌂𑌤𑍁 𑌦𑍇॒𑌵𑌾𑌃 ॥
𑌓𑌂 𑌨𑌮𑍋 𑌭𑌗𑌵𑌤𑍇॑ 𑌰𑍁𑌦𑍍𑌰𑌾॒𑌯 । 𑌦𑍍𑌰𑌾𑌂 𑌓𑌮𑍍 ।
𑌊𑌰𑍍𑌧𑍍𑌵𑌦𑌿𑌗𑍍𑌭𑌾𑌗𑍇 𑌆𑌕𑌾𑌶𑌾𑌯 𑌨𑌮𑌃 ॥ 𑍯

𑌓𑌂 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵𑌃॑ । 𑌓𑌂-𑌯𑌁𑌮𑍍 ।
𑌸𑍍𑌯𑍋॒𑌨𑌾 𑌪𑍃॑𑌥𑌿𑌵𑌿॒ 𑌭𑌵𑌾॑𑌨𑍃𑌕𑍍𑌷॒𑌰𑌾 𑌨𑌿॒𑌵𑍇𑌶॑𑌨𑍀 ।
𑌯𑌚𑍍𑌛𑌾॑ 𑌨𑌃॒ 𑌶𑌰𑍍𑌮॑ 𑌸॒𑌪𑍍𑌰𑌥𑌾𑌃᳚ ॥
𑌓𑌂 𑌨𑌮𑍋 𑌭𑌗𑌵𑌤𑍇॑ 𑌰𑍁𑌦𑍍𑌰𑌾॒𑌯 । 𑌯𑌂 𑌓𑌮𑍍 ।
𑌅𑌧𑍋𑌦𑌿𑌗𑍍𑌭𑌾𑌗𑍇 𑌪𑍃𑌥𑌿𑌵𑍍𑌯𑍈 𑌨𑌮𑌃 ॥ 10
[𑌅𑌪 𑌉𑌪𑌸𑍍𑌪𑍃𑌶𑍍𑌯]

Browse Related Categories: