ઇંદ્રાદીન્ દિક્ષુવિન્યસ્ય ।
ઓં ભૂર્ભુવ॒સ્સુવઃ॑ । ઓં ઓમ્ ।
ત્રા॒તાર॒મિંદ્ર॑ મવિ॒તાર॒મિંદ્ર॒ગ્મ્॒ હવે॑ હવે સુ॒હવ॒ગ્મ્॒ શૂર॒મિંદ્ર᳚મ્ ।
હુ॒વે નુ શ॒ક્રં પુ॑રુહૂ॒તમિંદ્રગ્ગ્॑ સ્વ॒સ્તિ નો॑ મ॒ઘવા॑ ધા॒ત્વિંદ્રઃ॑ ॥
ઓં નમો ભગવતે॑ રુદ્રા॒ય । ઓં ઓમ્ ।
પૂર્વદિગ્ભાગે ઇંદ્રાય નમઃ ॥ 1 (તૈ.સં.1-6-12-50)
ઓં ભૂર્ભુવ॒સ્સુવઃ॑ । ઓં નમ્ ।
ત્વં નો॑ અગ્ને॒ વરુ॑ણસ્ય વિ॒દ્વાંદે॒વસ્ય॒ હેડોઽવ॑ યાસિસીષ્ઠાઃ ।
યજિ॑ષ્ઠો॒ વહ્નિ॑તમઃ॒ શોશુ॑ચાનો॒ વિશ્વા॒ દ્વેષાગ્મ્॑સિ॒ પ્રમુ॑મુગ્ધ્ય॒સ્મત્ ॥
ઓં નમો ભગવતે॑ રુદ્રા॒ય । નં ઓમ્ ।
આગ્નેયદિગ્ભાગે અગ્નયે નમઃ ॥ 2 (તૈ.સં.2-5-12-72)
ઓં ભૂર્ભુવ॒સ્સુવઃ॑ । ઓં મોમ્ ।
સુ॒ગં નઃ॒ પંથા॒મભ॑યં કૃણોતુ । યસ્મિ॒ન્નક્ષ॑ત્રે ય॒મ એતિ॒ રાજા᳚ ।
યસ્મિ॑ન્નેનમ॒ભ્યષિં॑ચંત દે॒વાઃ । તદ॑સ્ય ચિ॒ત્રગ્મ્ હ॒વિષા॑ યજામ ॥
ઓં નમો ભગવતે॑ રુદ્રા॒ય । મોં ઓમ્ ।
દક્ષિણદિગ્ભાગે યમાય નમઃ ॥ 3 (તૈ.બ્રા.3-1-2-11-23)
ઓં ભૂર્ભુવ॒સ્સુવઃ॑ । ઓં ભમ્ ।
અસુ॑ન્વંત॒મય॑જમાનમિચ્છ સ્તે॒નસ્યે॒ત્યાંતસ્ક॑ર॒સ્યાન્વે॑ષિ ।
અ॒ન્યમ॒સ્મદિ॑ચ્છ॒ સા ત॑ ઇ॒ત્યા નમો॑ દેવિ નિર્.ઋતે॒ તુભ્ય॑મસ્તુ ॥
ઓં નમો ભગવતે॑ રુદ્રા॒ય । ભં ઓમ્ ।
નિર્ઋતિદિગ્ભાગે નિર્ઋતયે નમઃ ॥ 4 (તૈ.સં.4-2-5-21)
ઓં ભૂર્ભુવ॒સ્સુવઃ॑ । ઓં ગમ્ ।
તત્ત્વા॑ યામિ॒ બ્રહ્મ॑ણા॒ વંદ॑માન॒સ્તદા શા᳚સ્તે॒ યજ॑માનો હ॒વિર્ભિઃ॑ ।
અહે॑ડમાનો વરુણે॒હ બો॒ધ્યુરુ॑શગ્મ્સ॒ મા ન॒ આયુઃ॒ પ્રમો॑ષીઃ ॥
ઓં નમો ભગવતે॑ રુદ્રા॒ય । ગં ઓમ્ ।
પશ્ચિમદિગ્ભાગે વરુણાય નમઃ ॥ 5 (તૈ.સં.2-1-11-65)
ઓં ભૂર્ભુવ॒સ્સુવઃ॑ । ઓં-વઁમ્ ।
આ નો॑ નિ॒યુદ્ભિઃ॑ શ॒તિની॑ભિરધ્વ॒રગ્મ્ । સ॑હ॒સ્રિણી॑ભિ॒રુપ॑ યાહિ ય॒જ્ઞમ્ ।
વાયો॑ અ॒સ્મિન્ હ॒વિષિ॑ માદયસ્વ । યૂ॒યં પા॑ત સ્વ॒સ્તિભિઃ॒ સદા॑ નઃ ॥
ઓં નમો ભગવતે॑ રુદ્રા॒ય । વં ઓમ્ ।
વાયવ્યદિગ્ભાગે વાયવે નમઃ ॥ 6 (તૈ.બ્રા.2-8-1-2)
ઓં ભૂર્ભુવ॒સ્સુવઃ॑ । ઓં તેમ્ ।
વ॒યગ્મ્ સો॑મ વ્ર॒તે તવ॑ । મન॑સ્ત॒નૂષુ॒ બિભ્ર॑તઃ ।
પ્ર॒જાવં॑તો અશીમહિ । ઇં॒દ્રા॒ણી દે॒વી સુ॒ભગા॑ સુ॒પત્ની᳚ ॥
ઓં નમો ભગવતે॑ રુદ્રા॒ય । તેં ઓમ્ ।
ઉત્તરદિગ્ભાગે કુબેરાય નમઃ ॥ 7 (તૈ.બ્રા.2-4-2-7-18)
ઓં ભૂર્ભુવ॒સ્સુવઃ॑ । ઓં રુમ્ ।
તમીશા᳚નં॒ જગ॑તસ્ત॒સ્થુષ॒સ્પતિં᳚ ધિયં જિ॒ન્વમવ॑સે હૂમહે વ॒યમ્ ।
પૂ॒ષા નો॒ યથા॒ વેદ॑સા॒મસ॑દ્વૃ॒ધે ર॑ક્ષિ॒તા પા॒યુરદ॑બ્ધઃ સ્વ॒સ્તયે᳚ ॥
ઓં નમો ભગવતે॑ રુદ્રા॒ય । રું ઓમ્ ।
ઈશાન્યદિગ્ભાગે ઈશાનાય નમઃ ॥ 8
ઓં ભૂર્ભુવ॒સ્સુવઃ॑ । ઓં દ્રામ્ ।
અ॒સ્મે રુ॒દ્રા મે॒હના॒ પર્વ॑તાસો વૃત્ર॒હત્યે॒ ભર॑હૂતૌ સ॒જોષાઃ᳚ ।
યઃ શંસ॑તે સ્તુવ॒તે ધાયિ॑ પ॒જ્ર ઇંદ્ર॑જ્યેષ્ઠા અ॒સ્માં અ॑વંતુ દે॒વાઃ ॥
ઓં નમો ભગવતે॑ રુદ્રા॒ય । દ્રાં ઓમ્ ।
ઊર્ધ્વદિગ્ભાગે આકાશાય નમઃ ॥ 9
ઓં ભૂર્ભુવ॒સ્સુવઃ॑ । ઓં-યઁમ્ ।
સ્યો॒ના પૃ॑થિવિ॒ ભવા॑નૃક્ષ॒રા નિ॒વેશ॑ની ।
યચ્છા॑ નઃ॒ શર્મ॑ સ॒પ્રથાઃ᳚ ॥
ઓં નમો ભગવતે॑ રુદ્રા॒ય । યં ઓમ્ ।
અધોદિગ્ભાગે પૃથિવ્યૈ નમઃ ॥ 10
[અપ ઉપસ્પૃશ્ય]
