Hanuman Pancha Ratnam - Shuddha Kannada

Collection of Spiritual and Devotional Literature in Various Indian Languages

View this in:

This document is in ಶುದ್ಧ ಕನ್ನಡ with the right anusvaras marked. View this in ಸರಳ ಕನ್ನಡ, with simplified anusvaras for easier reading.

ಹನುಮತ್-ಪಞ್ಚರತ್ನಮ್

ವೀತಾಖಿಲವಿಷಯೇಚ್ಛಂ ಜಾತಾನನ್ದಾಶ್ರುಪುಲಕಮತ್ಯಚ್ಛಮ್
ಸೀತಾಪತಿ ದೂತಾದ್ಯಂ ವಾತಾತ್ಮಜಮದ್ಯ ಭಾವಯೇ ಹೃದ್ಯಮ್ ॥ 1 ॥

ತರುಣಾರುಣಮುಖಕಮಲಂ ಕರುಣಾರಸಪೂರಪೂರಿತಾಪಾಙ್ಗಮ್
ಸಞ್ಜೀವನಮಾಶಾಸೇ ಮಞ್ಜುಲಮಹಿಮಾನಮಞ್ಜನಾಭಾಗ್ಯಮ್ ॥ 2 ॥

ಶಮ್ಬರವೈರಿಶರಾತಿಗಮಮ್ಬುಜದಲ ವಿಪುಲಲೋಚನೋದಾರಮ್
ಕಮ್ಬುಗಲಮನಿಲದಿಷ್ಟಂ ಬಿಮ್ಬಜ್ವಲಿತೋಷ್ಠಮೇಕಮವಲಮ್ಬೇ ॥ 3 ॥

ದೂರೀಕೃತಸೀತಾರ್ತಿಃ ಪ್ರಕಟೀಕೃತರಾಮವೈಭವಸ್ಫೂರ್ತಿಃ
ದಾರಿತದಶಮುಖಕೀರ್ತಿಃ ಪುರತೋ ಮಮ ಭಾತು ಹನುಮತೋ ಮೂರ್ತಿಃ ॥ 4 ॥

ವಾನರನಿಕರಾಧ್ಯಕ್ಷಂ ದಾನವಕುಲಕುಮುದರವಿಕರಸದೃಶಮ್
ದೀನಜನಾವನದೀಕ್ಷಂ ಪವನತಪಃ ಪಾಕಪುಞ್ಜಮದ್ರಾಕ್ಷಮ್ ॥ 5 ॥

ಏತತ್ಪವನಸುತಸ್ಯ ಸ್ತೋತ್ರಂ ಯಃ ಪಠತಿ ಪಞ್ಚರತ್ನಾಖ್ಯಮ್
ಚಿರಮಿಹ ನಿಖಿಲಾನ್ಭೋಗಾನ್ಭುಙ್ಕ್ತ್ವಾ ಶ್ರೀರಾಮಭಕ್ತಿಭಾಗ್ಭವತಿ ॥ 6 ॥

Browse Related Categories: