శ్రీమాన్ శశధరశ్చన్ద్రో తారాధీశో నిశాకరః ।
సుధానిధిః సదారాధ్యః సత్పతిః సాధుపూజితః ॥ 1 ॥

జితేన్ద్రియో జగద్యోనిః జ్యోతిశ్చక్రప్రవర్తకః ।
వికర్తనానుజో వీరో విశ్వేశో విదుషాం పతిః ॥ 2 ॥

దోషాకరో దుష్టదూరః పుష్టిమాన్ శిష్టపాలకః ।
అష్టమూర్తిప్రియోఽనన్తకష్టదారుకుఠారకః ॥ 3 ॥

స్వప్రకాశః ప్రకాశాత్మా ద్యుచరో దేవభోజనః ।
కళాధరః కాలహేతుః కామకృత్కామదాయకః ॥ 4 ॥

మృత్యుసంహారకోఽమర్త్యో నిత్యానుష్ఠానదాయకః ।
క్షపాకరః క్షీణపాపః క్షయవృద్ధిసమన్వితః ॥ 5 ॥

జైవాతృకః శుచీ శుభ్రో జయీ జయఫలప్రదః ।
సుధామయః సురస్వామీ భక్తనామిష్టదాయకః ॥ 6 ॥

భుక్తిదో ముక్తిదో భద్రో భక్తదారిద్ర్యభఞ్జకః ।
సామగానప్రియః సర్వరక్షకః సాగరోద్భవః ॥ 7 ॥

భయాన్తకృద్భక్తిగమ్యో భవబన్ధవిమోచకః ।
జగత్ప్రకాశకిరణో జగదానన్దకారణః ॥ 8 ॥

నిస్సపత్నో నిరాహారో నిర్వికారో నిరామయః ।
భూచ్ఛాయాఽఽచ్ఛాదితో భవ్యో భువనప్రతిపాలకః ॥ 9 ॥

సకలార్తిహరః సౌమ్యజనకః సాధువన్దితః ।
సర్వాగమజ్ఞః సర్వజ్ఞో సనకాదిమునిస్తుతః ॥ 10 ॥

సితచ్ఛత్రధ్వజోపేతః సితాఙ్గో సితభూషణః ।
శ్వేతమాల్యామ్బరధరః శ్వేతగన్ధానులేపనః ॥ 11 ॥

దశాశ్వరథసంరూఢో దణ్డపాణిః ధనుర్ధరః ।
కున్దపుష్పోజ్జ్వలాకారో నయనాబ్జసముద్భవః ॥ 12 ॥

ఆత్రేయగోత్రజోఽత్యన్తవినయః ప్రియదాయకః ।
కరుణారససమ్పూర్ణః కర్కటప్రభురవ్యయః ॥ 13 ॥

చతురశ్రాసనారూఢశ్చతురో దివ్యవాహనః ।
వివస్వన్మణ్డలాగ్నేయవాసో వసుసమృద్ధిదః ॥ 14 ॥

మహేశ్వరప్రియో దాన్తః మేరుగోత్రప్రదక్షిణః ।
గ్రహమణ్డలమధ్యస్థో గ్రసితార్కో గ్రహాధిపః ॥ 15 ॥

ద్విజరాజో ద్యుతిలకో ద్విభుజో ద్విజపూజితః ।
ఔదుమ్బరనగావాస ఉదారో రోహిణీపతిః ॥ 16 ॥

నిత్యోదయో మునిస్తుత్యో నిత్యానన్దఫలప్రదః ।
సకలాహ్లాదనకరః పలాశసమిధప్రియః ॥ 17 ॥

ఏవం నక్షత్రనాథస్య నామ్నామష్టోత్తరం శతమ్ ॥

ఇతి శ్రీ చన్ద్ర అష్టోత్తరశతనామ స్తోత్రమ్ ।