శ్రీ ఆఞ్జనేయ సుప్రభాతము
అమల కనకవర్ణం ప్రజ్వల త్పావకాక్షం
సరసిజ నిభవక్త్రం సర్వదా సుప్రసన్నమ్ ।
పటుతర ఘనగాత్రం కుణ్డలాలఙ్కృతాఙ్గం
రణ జయ కరవాలం రామదూతం నమామి ॥

అఞ్జనా సుప్రజా వీర పూర్వా సన్ధ్యా ప్రవర్తతే
ఉత్తిష్ఠ హరిశార్దూల కర్తవ్యం దైవమాహ్నికమ్ ।
ఉత్తిష్టోత్తిష్ఠ హనుమాన్ ఉత్తిష్ఠ విజయధ్వజ
ఉత్తిష్ఠ విరజాకాన్త త్రైలోక్యం మఙ్గళఙ్కురు ॥
[శ్రీ రామ భక్త అభయ హనుమాన్ తవసుప్రభాతమ్ ॥]

శ్రీ రామచన్ద్ర చరణామ్బుజ మత్తభృఙ్గ
శ్రీ రామచన్ద్ర జపశీల భవాబ్ధిపోత ।
శ్రీ జానకీ హృదయతాప నివారమూర్తే
శ్రీ వీర ధీర హనుమాన్ తవ సుప్రభాతమ్ ॥
[శ్రీ రామ భక్త అభయ హనుమాన్ తవసుప్రభాతమ్ ॥]

శ్రీ రామ దివ్య చరితామృత స్వాదులోల
శ్రీ రామ కిఙ్కర గుణాకర దీనబన్ధో ।
శ్రీ రామభక్త జగదేక మహోగ్రశౌర్యం
శ్రీ వీర ధీర హనుమాన్ తవ సుప్రభాతమ్ ॥
[శ్రీ రామ భక్త అభయ హనుమాన్ తవసుప్రభాతమ్ ॥]

సుగ్రీవమిత్ర కపిశేఖర పుణ్య మూర్తే
సుగ్రీవ రాఘవ నమాగమ దివ్యకీర్తే ।
సుగ్రీవ మన్త్రివర శూర కులాగ్రగణ్య
శ్రీ వీర ధీర హనుమాన్ తవ సుప్రభాతమ్ ॥
[శ్రీ రామ భక్త అభయ హనుమాన్ తవసుప్రభాతమ్ ॥]

భక్తార్తి భఞ్జన దయాకర యోగివన్ద్య
శ్రీ కేసరీప్రియ తనూజ సువర్ణదేహ ।
శ్రీ భాస్కరాత్మజ మనోమ్బుజ చఞ్చరీక
శ్రీ వీర ధీర హనుమాన్ తవ సుప్రభాతమ్ ॥
[శ్రీ రామ భక్త అభయ హనుమాన్ తవసుప్రభాతమ్ ॥]

శ్రీ మారుతప్రియ తనూజ మహబలాఢ్య
మైనాక వన్దిత పదామ్బుజ దణ్డితారిన్ ।
శ్రీ ఉష్ట్ర వాహన సులక్షణ లక్షితాఙ్గ
శ్రీ వీర ధీర హనుమాన్ తవ సుప్రభాతమ్ ॥
[శ్రీ రామ భక్త అభయ హనుమాన్ తవసుప్రభాతమ్ ॥]

పఞ్చాననస్య భవభీతి హరస్యరామ
పాదాబ్ద సేవన పరస్య పరాత్పరస్య ।
శ్రీ అఞ్జనాప్రియ సుతస్య సువిగ్రహస్య
శ్రీ వీర ధీర హనుమాన్ తవ సుప్రభాతమ్ ॥
[శ్రీ రామ భక్త అభయ హనుమాన్ తవసుప్రభాతమ్ ॥]

గన్ధర్వ యక్ష భుజగాధిప కిన్నరాశ్చ
ఆదిత్య విశ్వవసు రుద్ర సురర్షిసఙ్ఘాః ।
సఙ్కీర్తయన్తి తవదివ్య సునామపఙ్క్తిం
శ్రీ వీర ధీర హనుమాన్ తవ సుప్రభాతమ్ ॥
[శ్రీ రామ భక్త అభయ హనుమాన్ తవసుప్రభాతమ్ ॥]

శ్రీ గౌతమ చ్యవన తుమ్బుర నారదాత్రి
మైత్రేయ వ్యాస జనకాది మహర్షిసఙ్ఘాః ।
గాయన్తి హర్షభరితా స్తవ దివ్యకీర్తిం
శ్రీ వీర ధీర హనుమాన్ తవ సుప్రభాతమ్ ॥
[శ్రీ రామ భక్త అభయ హనుమాన్ తవసుప్రభాతమ్ ॥]

భృఙ్గావళీ చ మకరన్ద రసం పిబేద్వై
కూజన్త్యుతార్ధ మధురం చరణాయుధాచ్చ ।
దేవాలయే ఘన గభీర సుశఙ్ఖ ఘోషాః
నిర్యాన్తి వీర హనుమాన్ తవ సుప్రభాతమ్ ॥
[శ్రీ రామ భక్త అభయ హనుమాన్ తవసుప్రభాతమ్ ॥]

పమ్పా సరోవర సుపుణ్య పవిత్ర తీర్ధ-
మాదాయ హేమ కలశైశ్చ మహర్షిసఙ్ఘాః ।
తిష్టన్తి త్వక్చరణ పఙ్కజ సేవనార్థం
శ్రీ వీర ధీర హనుమాన్ తవ సుప్రభాతమ్ ॥
[శ్రీ రామ భక్త అభయ హనుమాన్ తవసుప్రభాతమ్ ॥]

శ్రీ సూర్యపుత్ర ప్రియనాథ మనోజ్ఞమూర్తే
వాతాత్మజ కపివీర సుపిఙ్గళాక్ష
సఞ్జీవరాయ రఘువీర సుభక్తవర్య
శ్రీ వీర ధీర హనుమాన్ తవ సుప్రభాతమ్ ॥
[శ్రీ రామ భక్త అభయ హనుమాన్ తవసుప్రభాతమ్ ॥]