భైరవ ఉవాచ
శతనామ ప్రవక్ష్యామి కాళికాయా వరాననే ।
యస్య ప్రపఠనాద్వాగ్మీ సర్వత్ర విజయీ భవేత్ ॥ 1 ॥
కాళీ కపాలినీ కాన్తా కామదా కామసున్దరీ ।
కాళరాత్రిః కాళికా చ కాలభైరవపూజితా ॥ 2 ॥
కురుకుళ్ళా కామినీ చ కమనీయస్వభావినీ ।
కులీనా కులకర్త్రీ చ కులవర్త్మప్రకాశినీ ॥ 3 ॥
కస్తూరీరసనీలా చ కామ్యా కామస్వరూపిణీ ।
కకారవర్ణనిలయా కామధేనుః కరాళికా ॥ 4 ॥
కులకాన్తా కరాళాస్యా కామార్తా చ కళావతీ ।
కృశోదరీ చ కామాఖ్యా కౌమారీ కులపాలినీ ॥ 5 ॥
కులజా కులకన్యా చ కులహా కులపూజితా ।
కామేశ్వరీ కామకాన్తా కుఞ్జరేశ్వరగామినీ ॥ 6 ॥
కామదాత్రీ కామహర్త్రీ కృష్ణా చైవ కపర్దినీ ।
కుముదా కృష్ణదేహా చ కాళిన్దీ కులపూజితా ॥ 7 ॥
కాశ్యపీ కృష్ణమాతా చ కులిశాఙ్గీ కళా తథా ।
క్రీం రూపా కులగమ్యా చ కమలా కృష్ణపూజితా ॥ 8 ॥
కృశాఙ్గీ కిన్నరీ కర్త్రీ కలకణ్ఠీ చ కార్తికీ ।
కమ్బుకణ్ఠీ కౌళినీ చ కుముదా కామజీవినీ ॥ 9 ॥
కులస్త్రీ కీర్తికా కృత్యా కీర్తిశ్చ కులపాలికా ।
కామదేవకళా కల్పలతా కామాఙ్గవర్ధినీ ॥ 10 ॥
కున్తా చ కుముదప్రీతా కదమ్బకుసుమోత్సుకా ।
కాదమ్బినీ కమలినీ కృష్ణానన్దప్రదాయినీ ॥ 11 ॥
కుమారీపూజనరతా కుమారీగణశోభితా ।
కుమారీరఞ్జనరతా కుమారీవ్రతధారిణీ ॥ 12 ॥
కఙ్కాళీ కమనీయా చ కామశాస్త్రవిశారదా ।
కపాలఖట్వాఙ్గధరా కాలభైరవరూపిణీ ॥ 13 ॥
కోటరీ కోటరాక్షీ చ కాశీకైలాసవాసినీ ।
కాత్యాయనీ కార్యకరీ కావ్యశాస్త్రప్రమోదినీ ॥ 14 ॥
కామాకర్షణరూపా చ కామపీఠనివాసినీ ।
కఙ్కినీ కాకినీ క్రీడా కుత్సితా కలహప్రియా ॥ 15 ॥
కుణ్డగోలోద్భవప్రాణా కౌశికీ కీర్తివర్ధినీ ।
కుమ్భస్తనీ కటాక్షా చ కావ్యా కోకనదప్రియా ॥ 16 ॥
కాన్తారవాసినీ కాన్తిః కఠినా కృష్ణవల్లభా ।
ఇతి తే కథితం దేవి గుహ్యాద్గుహ్యతరం పరమ్ ॥ 17 ॥
ప్రపఠేద్య ఇదం నిత్యం కాళీనామశతాష్టకమ్ ।
త్రిషు లోకేషు దేవేశి తస్యాఽసాధ్యం న విద్యతే ॥ 18 ॥
ప్రాతఃకాలే చ మధ్యాహ్నే సాయాహ్నే చ సదా నిశి ।
యః పఠేత్పరయా భక్త్యా కాళీనామశతాష్టకమ్ ॥ 19 ॥
కాళికా తస్య గేహే చ సంస్థానం కురుతే సదా ।
శూన్యాగారే శ్మశానే వా ప్రాన్తరే జలమధ్యతః ॥ 20 ॥
వహ్నిమధ్యే చ సఙ్గ్రామే తథా ప్రాణస్య సంశయే ।
శతాష్టకం జపన్మన్త్రీ లభతే క్షేమముత్తమమ్ ॥ 21 ॥
కాళీం సంస్థాప్య విధివత్ స్తుత్వా నామశతాష్టకైః ।
సాధకః సిద్ధిమాప్నోతి కాళికాయాః ప్రసాదతః ॥ 22 ॥
ఇతి శ్రీ కాళీ కకారాష్టోత్తరశతనామ స్తోత్రమ్ ।
