అస్య శ్రీదక్షిణామూర్తి సహస్రనామస్తోత్రస్య బ్రహ్మా ఋషిః అనుష్టుప్ ఛన్దః శ్రీదక్షిణామూర్తిర్దేవతా ఓం బీజం స్వాహా శక్తిః నమః కీలకం మేధాదక్షిణామూర్తి ప్రసాదసిద్ధ్యర్థే జపే వినియోగః ॥
హ్రామిత్యాదినా న్యాసః ॥
ధ్యానం
సిద్ధితోయనిధేర్మధ్యే రత్నగ్రైవే మనోరమే ।
కదమ్బవనికామధ్యే శ్రీమద్వటతరోరధః ॥ 1 ॥
ఆసీనమాద్యం పురుషమాదిమధ్యాన్తవర్జితమ్ ।
శుద్ధస్ఫటికగోక్షీరశరత్పూర్ణేన్దుశేఖరమ్ ॥ 2 ॥
దక్షిణే చాక్షమాలాం చ వహ్నిం వై వామహస్తకే ।
జటామణ్డలసంలగ్నశీతాంశుకరమణ్డితమ్ ॥ 3 ॥
నాగహారధరం చారుకఙ్కణైః కటిసూత్రకైః ।
విరాజమానవృషభం వ్యాఘ్రచర్మామ్బరావృతమ్ ॥ 4 ॥
చిన్తామణిమహాబృన్దైః కల్పకైః కామధేనుభిః ।
చతుఃషష్టికలావిద్యామూర్తిభిః శ్రుతిమస్తకైః ॥ 5 ॥
రత్నసింహాసనే సాధుద్వీపిచర్మసమాయుతే ।
తత్రాష్టదళపద్మస్య కర్ణికాయాం సుశోభనే ॥ 6 ॥
వీరాసనే సమాసీనం లమ్బదక్షపదామ్బుజమ్ ।
జ్ఞానముద్రాం పుస్తకం చ వరాభీతిధరం హరమ్ ॥ 7 ॥
పాదమూలసమాక్రాన్తమహాపస్మారవైభవమ్ ।
రుద్రాక్షమాలాభరణభూషితం భూతిభాసురమ్ ॥ 8 ॥
గజచర్మోత్తరీయం చ మన్దస్మితముఖామ్బుజమ్ ।
సిద్ధబృన్దైర్యోగిబృన్దైర్మునిబృన్దైర్నిషేవితమ్ ॥ 9 ॥
ఆరాధ్యమానవృషభమగ్నీన్దురవిలోచనమ్ ।
పూరయన్తం కృపాదృష్ట్యా పుమర్థానాశ్రితే జనే ॥ 10 ॥
ఏవం విభావయేదీశం సర్వవిద్యాకళానిధిమ్ ॥ 11 ॥
లమిత్యాది పఞ్చోపచారాః ॥
స్తోత్రం
ఓమ్ । దేవదేవో మహాదేవో దేవానామపి దేశికః ।
దక్షిణామూర్తిరీశానో దయాపూరితదిఙ్ముఖః ॥ 1 ॥
కైలాసశిఖరోత్తుఙ్గకమనీయనిజాకృతిః ।
వటద్రుమతటీదివ్యకనకాసనసంస్థితః ॥ 2 ॥
కటీతటపటీభూతకరిచర్మోజ్జ్వలాకృతిః ।
పాటీరపాణ్డురాకారపరిపూర్ణసుధాధిపః ।3 ॥
జటాకోటీరఘటితసుధాకరసుధాప్లుతః ।
పశ్యల్లలాటసుభగసున్దరభ్రూవిలాసవాన్ ॥ 4 ॥
కటాక్షసరణీనిర్యత్కరుణాపూర్ణలోచనః ।
కర్ణాలోలతటిద్వర్ణకుణ్డలోజ్జ్వలగణ్డభూః ॥ 5 ॥
తిలప్రసూనసఙ్కాశనాసికాపుటభాసురః ।
మన్దస్మితస్ఫురన్ముగ్ధమహనీయముఖామ్బుజః ॥ 6 ॥
కున్దకుడ్మలసంస్పర్ధిదన్తపఙ్క్తివిరాజితః ।
సిన్దూరారుణసుస్నిగ్ధకోమలాధరపల్లవః ॥ 7 ॥
శఙ్ఖాటోపగలద్దివ్యగళవైభవమఞ్జులః ।
కరకన్దలితజ్ఞానముద్రారుద్రాక్షమాలికః ॥ 8 ॥
అన్యహస్తతలన్యస్తవీణాపుస్తోల్లసద్వపుః ।
విశాలరుచిరోరస్కవలిమత్పల్లవోదరః ॥ 9 ॥
బృహత్కటినితమ్బాఢ్యః పీవరోరుద్వయాన్వితః ।
జఙ్ఘావిజితతూణీరస్తుఙ్గగుల్ఫయుగోజ్జ్వలః ॥ 10 ॥
మృదుపాటలపాదాబ్జశ్చన్ద్రాభనఖదీధితిః ।
అపసవ్యోరువిన్యస్తసవ్యపాదసరోరుహః ॥ 11 ॥
ఘోరాపస్మారనిక్షిప్తధీరదక్షపదామ్బుజః ।
సనకాదిమునిధ్యేయః సర్వాభరణభూషితః ॥ 12 ॥
దివ్యచన్దనలిప్తాఙ్గశ్చారుహాసపరిష్కృతః ।
కర్పూరధవళాకారః కన్దర్పశతసున్దరః ॥ 13 ॥
కాత్యాయనీప్రేమనిధిః కరుణారసవారిధిః ।
కామితార్థప్రదః శ్రీమత్కమలావల్లభప్రియః ॥ 14 ॥
కటాక్షితాత్మవిజ్ఞానః కైవల్యానన్దకన్దలః ।
మన్దహాససమానేన్దుశ్ఛిన్నాజ్ఞానతమస్తతిః ॥ 15 ॥
సంసారానలసన్తప్తజనతామృతసాగరః ।
గమ్భీరహృదయామ్భోజనభోమణినిభాకృతిః ॥ 16 ॥
నిశాకరకరాకారవశీకృతజగత్త్రయః ।
తాపసారాధ్యపాదాబ్జస్తరుణానన్దవిగ్రహః ॥ 17 ॥
భూతిభూషితసర్వాఙ్గో భూతాధిపతిరీశ్వరః ।
వదనేన్దుస్మితజ్యోత్స్నానిలీనత్రిపురాకృతిః ॥ 18 ॥
తాపత్రయతమోభానుః పాపారణ్యదవానలః ।
సంసారసాగరోద్ధర్తా హంసాగ్ర్యోపాస్యవిగ్రహః ॥ 19 ॥
లలాటహుతభుగ్దగ్ధమనోభవశుభాకృతిః ।
తుచ్ఛీకృతజగజ్జాలస్తుషారకరశీతలః ॥ 20 ॥
అస్తఙ్గతసమస్తేచ్ఛో నిస్తులానన్దమన్థరః ।
ధీరోదాత్తగుణాధార ఉదారవరవైభవః ॥ 21 ॥
అపారకరుణామూర్తిరజ్ఞానధ్వాన్తభాస్కరః ।
భక్తమానసహంసాగ్ర్యో భవామయభిషక్తమః ॥ 22 ॥
యోగీన్ద్రపూజ్యపాదాబ్జో యోగపట్టోల్లసత్కటిః ।
శుద్ధస్ఫటికసఙ్కాశో బద్ధపన్నగభూషణః ॥ 23 ॥
నానామునిసమాకీర్ణో నాసాగ్రన్యస్తలోచనః ।
వేదమూర్ధైకసంవేద్యో నాదధ్యానపరాయణః ॥ 24 ॥
ధరాధరేన్దురానన్దసన్దోహరససాగరః ।
ద్వైతబృన్దవిమోహాన్ధ్యపరాకృతదృగద్భుతః ॥ 25 ॥
ప్రత్యగాత్మా పరఞ్జ్యోతిః పురాణః పరమేశ్వరః ।
ప్రపఞ్చోపశమః ప్రాజ్ఞః పుణ్యకీర్తిః పురాతనః ॥ 26 ॥
సర్వాధిష్ఠానసన్మాత్రః స్వాత్మబన్ధహరో హరః ।
సర్వప్రేమనిజాహాసః సర్వానుగ్రహకృచ్ఛివః ॥ 27 ॥
సర్వేన్ద్రియగుణాభాసః సర్వభూతగుణాశ్రయః ।
సచ్చిదానన్దపూర్ణాత్మా సర్వభూతగుణాశ్రయః ॥ 28 ॥
సర్వభూతాన్తరః సాక్షీ సర్వజ్ఞః సర్వకామదః ।
సనకాదిమహాయోగిసమారాధితపాదుకః ॥ 29 ॥
ఆదిదేవో దయాసిన్ధుః శిక్షితాసురవిగ్రహః ।
యక్షకిన్నరగన్ధర్వస్తూయమానాత్మవైభవః ॥ 30 ॥
బ్రహ్మాదిదేవవినుతో యోగమాయానియోజకః ।
శివయోగీ శివానన్దః శివభక్తసముద్ధరః ॥ 31 ॥
వేదాన్తసారసన్దోహః సర్వసత్త్వావలమ్బనః ।
వటమూలాశ్రయో వాగ్మీ మాన్యో మలయజప్రియః ॥ 32 ॥
సుశీలో వాఞ్ఛితార్థజ్ఞః ప్రసన్నవదనేక్షణః ।
నృత్తగీతకలాభిజ్ఞః కర్మవిత్కర్మమోచకః ॥ 33 ॥
కర్మసాక్షీ కర్మమయః కర్మణాం చ ఫలప్రదః ।
జ్ఞానదాతా సదాచారః సర్వోపద్రవమోచకః ॥ 34 ॥
అనాథనాథో భగవానాశ్రితామరపాదపః ।
వరప్రదః ప్రకాశాత్మా సర్వభూతహితే రతః ॥ 35 ॥
వ్యాఘ్రచర్మాసనాసీన ఆదికర్తా మహేశ్వరః ।
సువిక్రమః సర్వగతో విశిష్టజనవత్సలః ॥ 36 ॥
చిన్తాశోకప్రశమనో జగదానన్దకారకః ।
రశ్మిమాన్ భువనేశశ్చ దేవాసురసుపూజితః ॥ 37 ॥
మృత్యుఞ్జయో వ్యోమకేశః షట్త్రింశత్తత్త్వసఙ్గ్రహః ।
అజ్ఞాతసమ్భవో భిక్షురద్వితీయో దిగమ్బరః ॥ 38 ॥
సమస్తదేవతామూర్తిః సోమసూర్యాగ్నిలోచనః ।
సర్వసామ్రాజ్యనిపుణో ధర్మమార్గప్రవర్తకః ॥ 39 ॥
విశ్వాధికః పశుపతిః పశుపాశవిమోచకః ।
అష్టమూర్తిర్దీప్తమూర్తిర్నామోచ్చారణముక్తిదః ॥ 40 ॥
సహస్రాదిత్యసఙ్కాశః సదాషోడశవార్షికః ।
దివ్యకేలీసమాయుక్తో దివ్యమాల్యామ్బరావృతః ॥ 41 ॥
అనర్ఘరత్నసమ్పూర్ణో మల్లికాకుసుమప్రియః ।
తప్తచామీకరాకారో జితదావానలాకృతిః ॥ 42 ॥
నిరఞ్జనో నిర్వికారో నిజావాసో నిరాకృతిః ।
జగద్గురుర్జగత్కర్తా జగదీశో జగత్పతిః ॥ 43 ॥
కామహన్తా కామమూర్తిః కళ్యాణవృషవాహనః ।
గఙ్గాధరో మహాదేవో దీనబన్ధవిమోచకః ॥ 44 ॥
ధూర్జటిః ఖణ్డపరశుః సద్గుణో గిరిజాసఖః ।
అవ్యయో భూతసేనేశః పాపఘ్నః పుణ్యదాయకః ॥ 45 ॥
ఉపదేష్టా దృఢప్రజ్ఞో రుద్రో రోగవినాశనః ।
నిత్యానన్దో నిరాధారో హరో దేవశిఖామణిః ॥ 46 ॥
ప్రణతార్తిహరః సోమః సాన్ద్రానన్దో మహామతిః ।
ఆశ్చర్యవైభవో దేవః సంసారార్ణవతారకః ॥ 47 ॥
యజ్ఞేశో రాజరాజేశో భస్మరుద్రాక్షలాఞ్ఛనః ।
అనన్తస్తారకః స్థాణుః సర్వవిద్యేశ్వరో హరిః ॥ 48 ॥
విశ్వరూపో విరూపాక్షః ప్రభుః పరిబృఢో దృఢః ।
భవ్యో జితారిషడ్వర్గో మహోదారో విషాశనః ॥ 49 ॥
సుకీర్తిరాదిపురుషో జరామరణవర్జితః ।
ప్రమాణభూతో దుర్జ్ఞేయః పుణ్యః పరపురఞ్జయః ॥ 50 ॥
గుణాకరో గుణశ్రేష్ఠః సచ్చిదానన్దవిగ్రహః ।
సుఖదః కారణం కర్తా భవబన్ధవిమోచకః ॥ 51 ॥
అనిర్విణ్ణో గుణగ్రాహీ నిష్కళఙ్కః కళఙ్కహా ।
పురుషః శాశ్వతో యోగీ వ్యక్తావ్యక్తః సనాతనః ॥ 52 ॥
చరాచరాత్మా సూక్ష్మాత్మా విశ్వకర్మా తమోపహృత్ ।
భుజఙ్గభూషణో భర్గస్తరుణః కరుణాలయః ॥ 53 ॥
అణిమాదిగుణోపేతో లోకవశ్యవిధాయకః ।
యోగపట్టధరో ముక్తో ముక్తానాం పరమా గతిః ॥ 54 ॥
గురురూపధరః శ్రీమత్పరమానన్దసాగరః ।
సహస్రబాహుః సర్వేశః సహస్రావయవాన్వితః ॥ 55 ॥
సహస్రమూర్ధా సర్వాత్మా సహస్రాక్షః సహస్రపాత్ ।
నిరాభాసః సూక్ష్మతనుర్హృది జ్ఞాతః పరాత్పరః ॥ 56 ॥
సర్వాత్మగః సర్వసాక్షీ నిఃసఙ్గో నిరుపద్రవః ।
నిష్కళః సకలాధ్యక్షశ్చిన్మయస్తమసః పరః ॥ 57 ॥
జ్ఞానవైరాగ్యసమ్పన్నో యోగానన్దమయః శివః ।
శాశ్వతైశ్వర్యసమ్పూర్ణో మహాయోగీశ్వరేశ్వరః ॥ 58 ॥
సహస్రశక్తిసంయుక్తః పుణ్యకాయో దురాసదః ।
తారకబ్రహ్మసమ్పూర్ణస్తపస్విజనసంవృతః ॥ 59 ॥
విధీన్ద్రామరసమ్పూజ్యో జ్యోతిషాం జ్యోతిరుత్తమః ।
నిరక్షరో నిరాలమ్బః స్వాత్మారామో వికర్తనః ॥ 60 ॥
నిరవద్యో నిరాతఙ్కో భీమో భీమపరాక్రమః ।
వీరభద్రః పురారాతిర్జలన్ధరశిరోహరః ॥ 61 ॥
అన్ధకాసురసంహర్తా భగనేత్రభిదద్భుతః ।
విశ్వగ్రాసోఽధర్మశత్రుర్బ్రహ్మజ్ఞానైకమన్థరః ॥ 62 ॥
అగ్రేసరస్తీర్థభూతః సితభస్మావకుణ్ఠనః ।
అకుణ్ఠమేధాః శ్రీకణ్ఠో వైకుణ్ఠపరమప్రియః ॥ 63 ॥
లలాటోజ్జ్వలనేత్రాబ్జస్తుషారకరశేఖరః ।
గజాసురశిరశ్ఛేత్తా గఙ్గోద్భాసితమూర్ధజః ॥ 64 ॥
కళ్యాణాచలకోదణ్డః కమలాపతిసాయకః ।
వారాంశేవధితూణీరః సరోజాసనసారథిః ॥ 65 ॥
త్రయీతురఙ్గసఙ్క్రాన్తో వాసుకిజ్యావిరాజితః ।
రవీన్దుచరణాచారిధరారథవిరాజితః ॥ 66 ॥
త్రయ్యన్తప్రగ్రహోదారచారుఘణ్టారవోజ్జ్వలః ।
ఉత్తానపర్వలోమాఢ్యో లీలావిజితమన్మథః ॥ 67 ॥
జాతుప్రపన్నజనతాజీవనోపాయనోత్సుకః ।
సంసారార్ణవనిర్మగ్నసముద్ధరణపణ్డితః ॥ 68 ॥
మదద్విరదధిక్కారిగతిమఞ్జులవైభవః ।
మత్తకోకిలమాధుర్యరసనిర్భరగీర్గణః ॥ 69 ॥
కైవల్యోదధికల్లోలలీలాతాణ్డవపణ్డితః ।
విష్ణుర్జిష్ణుర్వాసుదేవః ప్రభవిష్ణుః పురాతనః ॥ 70 ॥
వర్ధిష్ణుర్వరదో వైద్యో హరిర్నారాయణోఽచ్యుతః ।
అజ్ఞానవనదావాగ్నిః ప్రజ్ఞాప్రాసాదభూపతిః ॥ 71 ॥
సర్పభూషితసర్వాఙ్గః కర్పూరోజ్జ్వలితాకృతిః ।
అనాదిమధ్యనిధనో గిరీశో గిరిజాపతిః ॥ 72 ॥
వీతరాగో వినీతాత్మా తపస్వీ భూతభావనః ।
దేవాసురగురుధ్యేయో దేవాసురనమస్కృతః ॥ 73 ॥
దేవాదిదేవో దేవర్షిర్దేవాసురవరప్రదః ।
సర్వదేవమయోఽచిన్త్యో దేవాత్మా చాత్మసమ్భవః ॥ 74 ॥
నిర్లేపో నిష్ప్రపఞ్చాత్మా నిర్విఘ్నో విఘ్ననాశకః ।
ఏకజ్యోతిర్నిరాతఙ్కో వ్యాప్తమూర్తిరనాకులః ॥ 75 ॥
నిరవద్యపదోపాధిర్విద్యారాశిరనుత్తమః ।
నిత్యానన్దః సురాధ్యక్షో నిఃసఙ్కల్పో నిరఞ్జనః ॥ 76 ॥
నిష్కళఙ్కో నిరాకారో నిష్ప్రపఞ్చో నిరామయః ।
విద్యాధరో వియత్కేశో మార్కణ్డేయవరప్రదః ॥ 77 ॥
భైరవో భైరవీనాథః కామదః కమలాసనః ।
వేదవేద్యః సురానన్దో లసజ్జ్యోతిః ప్రభాకరః ॥ 78 ॥
చూడామణిః సురాధీశో యజ్ఞగేయో హరిప్రియః ।
నిర్లేపో నీతిమాన్ సూత్రీ శ్రీహాలాహలసున్దరః ॥ 79 ॥
ధర్మదక్షో మహారాజః కిరీటీ వన్దితో గుహః ।
మాధవో యామినీనాథః శమ్బరః శబరీప్రియః ॥ 80 ॥
సఙ్గీతవేత్తా లోకజ్ఞః శాన్తః కలశసమ్భవః ।
బ్రహ్మణ్యో వరదో నిత్యః శూలీ గురువరో హరః ॥ 81 ॥
మార్తాణ్డః పుణ్డరీకాక్షో లోకనాయకవిక్రమః ।
ముకున్దార్చ్యో వైద్యనాథః పురన్దరవరప్రదః ॥ 82 ॥
భాషావిహీనో భాషాజ్ఞో విఘ్నేశో విఘ్ననాశనః ।
కిన్నరేశో బృహద్భానుః శ్రీనివాసః కపాలభృత్ ॥ 83 ॥
విజయో భూతభావజ్ఞో భీమసేనో దివాకరః ।
బిల్వప్రియో వసిష్ఠేశః సర్వమార్గప్రవర్తకః ॥ 84 ॥
ఓషధీశో వామదేవో గోవిన్దో నీలలోహితః ।
షడర్ధనయనః శ్రీమన్మహాదేవో వృషధ్వజః ॥ 85 ॥
కర్పూరదీపికాలోలః కర్పూరరసచర్చితః ।
అవ్యాజకరుణామూర్తిస్త్యాగరాజః క్షపాకరః ॥ 86 ॥
ఆశ్చర్యవిగ్రహః సూక్ష్మః సిద్ధేశః స్వర్ణభైరవః ।
దేవరాజః కృపాసిన్ధురద్వయోఽమితవిక్రమః ॥ 87 ॥
నిర్భేదో నిత్యసత్వస్థో నిర్యోగక్షేమ ఆత్మవాన్ ।
నిరపాయో నిరాసఙ్గో నిఃశబ్దో నిరుపాధికః ॥ 88 ॥
భవః సర్వేశ్వరః స్వామీ భవభీతివిభఞ్జనః ।
దారిద్ర్యతృణకూటాగ్నిర్దారితాసురసన్తతిః ॥ 89 ॥
ముక్తిదో ముదితోఽకుబ్జో ధార్మికో భక్తవత్సలః ।
అభ్యాసాతిశయజ్ఞేయశ్చన్ద్రమౌళిః కళాధరః ॥ 90 ॥
మహాబలో మహావీర్యో విభుః శ్రీశః శుభప్రదః ।
సిద్ధః పురాణపురుషో రణమణ్డలభైరవః ॥ 91 ॥
సద్యోజాతో వటారణ్యవాసీ పురుషవల్లభః ।
హరికేశో మహాత్రాతా నీలగ్రీవః సుమఙ్గళః ॥ 92 ॥
హిరణ్యబాహుస్తీక్ష్ణాంశుః కామేశః సోమవిగ్రహః ।
సర్వాత్మా సర్వకర్తా చ తాణ్డవో ముణ్డమాలికః ॥ 93 ॥
అగ్రగణ్యః సుగమ్భీరో దేశికో వైదికోత్తమః ।
ప్రసన్నదేవో వాగీశశ్చిన్తాతిమిరభాస్కరః ॥ 94 ॥
గౌరీపతిస్తుఙ్గమౌళిర్మఖరాజో మహాకవిః ।
శ్రీధరః సర్వసిద్ధేశో విశ్వనాథో దయానిధిః ॥ 95 ॥
అన్తర్ముఖో బహిర్దృష్టిః సిద్ధవేషమనోహరః ।
కృత్తివాసాః కృపాసిన్ధుర్మన్త్రసిద్ధో మతిప్రదః ॥ 96 ॥
మహోత్కృష్టః పుణ్యకరో జగత్సాక్షీ సదాశివః ।
మహాక్రతుర్మహాయజ్వా విశ్వకర్మా తపోనిధిః ॥ 97 ॥
ఛన్దోమయో మహాజ్ఞానీ సర్వజ్ఞో దేవవన్దితః ।
సార్వభౌమః సదానన్దః కరుణామృతవారిధిః ॥ 98 ॥
కాలకాలః కలిధ్వంసీ జరామరణనాశకః ।
శితికణ్ఠశ్చిదానన్దో యోగినీగణసేవితః ॥ 99 ॥
చణ్డీశః శుకసంవేద్యః పుణ్యశ్లోకో దివస్పతిః ।
స్థాయీ సకలతత్త్వాత్మా సదాసేవకవర్ధనః ॥ 100 ॥
రోహితాశ్వః క్షమారూపీ తప్తచామీకరప్రభః ।
త్రియమ్బకో వరరుచిర్దేవదేవశ్చతుర్భుజః ॥ 101 ॥
విశ్వమ్భరో విచిత్రాఙ్గో విధాతా పురశాసనః ।
సుబ్రహ్మణ్యో జగత్స్వామీ రోహితాక్షః శివోత్తమః ॥ 102 ॥
నక్షత్రమాలాభరణో మఘవాన్ అఘనాశనః ।
విధికర్తా విధానజ్ఞః ప్రధానపురుషేశ్వరః ॥ 103 ॥
చిన్తామణిః సురగురుర్ధ్యేయో నీరాజనప్రియః ।
గోవిన్దో రాజరాజేశో బహుపుష్పార్చనప్రియః ॥ 104 ॥
సర్వానన్దో దయారూపీ శైలజాసుమనోహరః ।
సువిక్రమః సర్వగతో హేతుసాధనవర్జితః ॥ 105 ॥
వృషాఙ్కో రమణీయాఙ్గః సదఙ్ఘ్రిః సామపారగః ।
మన్త్రాత్మా కోటికన్దర్పసౌన్దర్యరసవారిధిః ॥ 106 ॥
యజ్ఞేశో యజ్ఞపురుషః సృష్టిస్థిత్యన్తకారణమ్ ।
పరహంసైకజిజ్ఞాస్యః స్వప్రకాశస్వరూపవాన్ ॥ 107 ॥
మునిమృగ్యో దేవమృగ్యో మృగహస్తో మృగేశ్వరః ।
మృగేన్ద్రచర్మవసనో నరసింహనిపాతనః ॥ 108 ॥
మునివన్ద్యో మునిశ్రేష్ఠో మునిబృన్దనిషేవితః ।
దుష్టమృత్యురదుష్టేహో మృత్యుహా మృత్యుపూజితః ॥ 109 ॥
అవ్యక్తోఽమ్బుజజన్మాదికోటికోటిసుపూజితః ।
లిఙ్గమూర్తిరలిఙ్గాత్మా లిఙ్గాత్మా లిఙ్గవిగ్రహః ॥ 110 ॥
యజుర్మూర్తిః సామమూర్తిరృఙ్మూర్తిర్మూర్తివర్జితః ।
విశ్వేశో గజచర్మైకచేలాఞ్చితకటీతటః ॥ 111 ॥
పావనాన్తేవసద్యోగిజనసార్థసుధాకరః ।
అనన్తసోమసూర్యాగ్నిమణ్డలప్రతిమప్రభః ॥ 112 ॥
చిన్తాశోకప్రశమనః సర్వవిద్యావిశారదః ।
భక్తవిజ్ఞప్తిసన్ధాతా కర్తా గిరివరాకృతిః ॥ 113 ॥
జ్ఞానప్రదో మనోవాసః క్షేమ్యో మోహవినాశనః ।
సురోత్తమశ్చిత్రభానుః సదావైభవతత్పరః ॥ 114 ॥
సుహృదగ్రేసరః సిద్ధజ్ఞానముద్రో గణాధిపః ।
ఆగమశ్చర్మవసనో వాఞ్ఛితార్థఫలప్రదః ॥ 115 ॥
అన్తర్హితోఽసమానశ్చ దేవసింహాసనాధిపః ।
వివాదహన్తా సర్వాత్మా కాలః కాలవివర్జితః ॥ 116 ॥
విశ్వాతీతో విశ్వకర్తా విశ్వేశో విశ్వకారణమ్ ।
యోగిధ్యేయో యోగనిష్ఠో యోగాత్మా యోగవిత్తమః ॥ 117 ॥
ఓఙ్కారరూపో భగవాన్ బిన్దునాదమయః శివః ।
చతుర్ముఖాదిసంస్తుత్యశ్చతుర్వర్గఫలప్రదః ॥ 118 ॥
సహ్యాచలగుహావాసీ సాక్షాన్మోక్షరసామృతః ।
దక్షాధ్వరసముచ్ఛేత్తా పక్షపాతవివర్జితః ॥ 119 ॥
ఓఙ్కారవాచకః శమ్భుః శఙ్కరః శశిశీతలః ।
పఙ్కజాసనసంసేవ్యః కిఙ్కరామరవత్సలః ॥ 120 ॥
నతదౌర్భాగ్యతూలాగ్నిః కృతకౌతుకమఙ్గళః ।
త్రిలోకమోహనః శ్రీమత్త్రిపుణ్డ్రాఙ్కితమస్తకః ॥ 121 ॥
క్రౌఞ్చారిజనకః శ్రీమద్గణనాథసుతాన్వితః ।
అద్భుతానన్తవరదోఽపరిచ్ఛినాత్మవైభవః ॥ 122 ॥
ఇష్టాపూర్తప్రియః శర్వ ఏకవీరః ప్రియంవదః ।
ఊహాపోహవినిర్ముక్త ఓఙ్కారేశ్వరపూజితః ॥ 123 ॥
రుద్రాక్షవక్షా రుద్రాక్షరూపో రుద్రాక్షపక్షకః ।
భుజగేన్ద్రలసత్కణ్ఠో భుజఙ్గాభరణప్రియః ॥ 124 ॥
కళ్యాణరూపః కళ్యాణః కళ్యాణగుణసంశ్రయః ।
సున్దరభ్రూః సునయనః సులలాటః సుకన్ధరః ॥ 125 ॥
విద్వజ్జనాశ్రయో విద్వజ్జనస్తవ్యపరాక్రమః ।
వినీతవత్సలో నీతిస్వరూపో నీతిసంశ్రయః ॥ 126 ॥
అతిరాగీ వీతరాగీ రాగహేతుర్విరాగవిత్ ।
రాగహా రాగశమనో రాగదో రాగిరాగవిత్ ॥ 127 ॥
మనోన్మనో మనోరూపో బలప్రమథనో బలః ।
విద్యాకరో మహావిద్యో విద్యావిద్యావిశారదః ॥ 128 ॥
వసన్తకృద్వసన్తాత్మా వసన్తేశో వసన్తదః ।
ప్రావృట్కృత్ ప్రావృడాకారః ప్రావృట్కాలప్రవర్తకః ॥ 129 ॥
శరన్నాథో శరత్కాలనాశకః శరదాశ్రయః ।
కున్దమన్దారపుష్పౌఘలసద్వాయునిషేవితః ॥ 130 ॥
దివ్యదేహప్రభాకూటసన్దీపితదిగన్తరః ।
దేవాసురగురుస్తవ్యో దేవాసురనమస్కృతః ॥ 131 ॥
వామాఙ్గభాగవిలసచ్ఛ్యామలావీక్షణప్రియః ।
కీర్త్యాధారః కీర్తికరః కీర్తిహేతురహేతుకః ॥ 132 ॥
శరణాగతదీనార్తపరిత్రాణపరాయణః ।
మహాప్రేతాసనాసీనో జితసర్వపితామహః ॥ 133 ॥
ముక్తాదామపరీతాఙ్గో నానాగానవిశారదః ।
విష్ణుబ్రహ్మాదివన్ద్యాఙ్ఘ్రిర్నానాదేశైకనాయకః ॥ 134 ॥
ధీరోదాత్తో మహాధీరో ధైర్యదో ధైర్యవర్ధకః ।
విజ్ఞానమయ ఆనన్దమయః ప్రాణమయోఽన్నదః ॥ 135 ॥
భవాబ్ధితరణోపాయః కవిర్దుఃస్వప్ననాశనః ।
గౌరీవిలాససదనః పిశచానుచరావృతః ॥ 136 ॥
దక్షిణాప్రేమసన్తుష్టో దారిద్ర్యవడవానలః ।
అద్భుతానన్తసఙ్గ్రామో ఢక్కావాదనతత్పరః ॥ 137 ॥
ప్రాచ్యాత్మా దక్షిణాకారః ప్రతీచ్యాత్మోత్తరాకృతిః ।
ఊర్ధ్వాద్యన్యదిగాకారో మర్మజ్ఞః సర్వశిక్షకః ॥ 138 ॥
యుగావహో యుగాధీశో యుగాత్మా యుగనాయకః ।
జఙ్గమః స్థావరాకారః కైలాసశిఖరప్రియః ॥ 139 ॥
హస్తరాజత్పుణ్డరీకః పుణ్డరీకనిభేక్షణః ।
లీలావిడమ్బితవపుర్భక్తమానసమణ్డితః ॥ 140 ॥
బృన్దారకప్రియతమో బృన్దారకవరార్చితః ।
నానావిధానేకరత్నలసత్కుణ్డలమణ్డితః ॥ 141 ॥
నిఃసీమమహిమా నిత్యలీలావిగ్రహరూపధృత్ ।
చన్దనద్రవదిగ్ధాఙ్గశ్చామ్పేయకుసుమార్చితః ॥ 142 ॥
సమస్తభక్తసుఖదః పరమాణుర్మహాహ్రదః ।
అలౌకికో దుష్ప్రధర్షః కపిలః కాలకన్ధరః ॥ 143 ॥
కర్పూరగౌరః కుశలః సత్యసన్ధో జితేన్ద్రియః ।
శాశ్వతైశ్వర్యవిభవః పోషకః సుసమాహితః ॥ 144 ॥
మహర్షినాథితో బ్రహ్మయోనిః సర్వోత్తమోత్తమః ।
భూమిభారార్తిసంహర్తా షడూర్మిరహితో మృడః ॥ 145 ॥
త్రివిష్టపేశ్వరః సర్వహృదయామ్బుజమధ్యగః ।
సహస్రదళపద్మస్థః సర్వవర్ణోపశోభితః ॥ 146 ॥
పుణ్యమూర్తిః పుణ్యలభ్యః పుణ్యశ్రవణకీర్తనః ।
సూర్యమణ్డలమధ్యస్థశ్చన్ద్రమణ్డలమధ్యగః ॥ 147 ॥
సద్భక్తధ్యాననిగలః శరణాగతపాలకః ।
శ్వేతాతపత్రరుచిరః శ్వేతచామరవీజితః ॥ 148 ॥
సర్వావయవసమ్పూర్ణః సర్వలక్షణలక్షితః ।
సర్వమఙ్గళమాఙ్గళ్యః సర్వకారణకారణః ॥ 149 ॥
ఆమోదో మోదజనకః సర్పరాజోత్తరీయకః ।
కపాలీ కోవిదః సిద్ధకాన్తిసంవలితాననః ॥ 150 ॥
సర్వసద్గురుసంసేవ్యో దివ్యచన్దనచర్చితః ।
విలాసినీకృతోల్లాస ఇచ్ఛాశక్తినిషేవితః ॥ 151 ॥
అనన్తానన్దసుఖదో నన్దనః శ్రీనికేతనః ।
అమృతాబ్ధికృతావాసో నిత్యక్లీబో నిరామయః ॥ 152 ॥
అనపాయోఽనన్తదృష్టిరప్రమేయోఽజరోఽమరః ।
తమోమోహప్రతిహతిరప్రతర్క్యోఽమృతోఽక్షరః ॥ 153 ॥
అమోఘబుద్ధిరాధార ఆధారాధేయవర్జితః ।
ఈషణాత్రయనిర్ముక్త ఇహాముత్రవివర్జితః ॥ 154 ॥
ఋగ్యజుఃసామనయనో బుద్ధిసిద్ధిసమృద్ధిదః ।
ఔదార్యనిధిరాపూర్ణ ఐహికాముష్మికప్రదః ॥ 155 ॥
శుద్ధసన్మాత్రసంవిద్ధీస్వరూపసుఖవిగ్రహః ।
దర్శనప్రథమాభాసో దృష్టిదృశ్యవివర్జితః ॥ 156 ॥
అగ్రగణ్యోఽచిన్త్యరూపః కలికల్మషనాశనః ।
విమర్శరూపో విమలో నిత్యరూపో నిరాశ్రయః ॥ 157 ॥
నిత్యశుద్ధో నిత్యబుద్ధో నిత్యముక్తోఽపరాకృతః ।
మైత్ర్యాదివాసనాలభ్యో మహాప్రళయసంస్థితః ॥ 158 ॥
మహాకైలాసనిలయః ప్రజ్ఞానఘనవిగ్రహః ।
శ్రీమాన్ వ్యాఘ్రపురావాసో భుక్తిముక్తిప్రదాయకః ॥ 159 ॥
జగద్యోనిర్జగత్సాక్షీ జగదీశో జగన్మయః ।
జపో జపపరో జప్యో విద్యాసింహాసనప్రభుః ॥ 160 ॥
తత్త్వానాం ప్రకృతిస్తత్త్వం తత్త్వమ్పదనిరూపితః ।
దిక్కాలాద్యనవచ్ఛిన్నః సహజానన్దసాగరః ॥ 161 ॥
ప్రకృతిః ప్రాకృతాతీతో విజ్ఞానైకరసాకృతిః ।
నిఃశఙ్కమతిదూరస్థశ్చైత్యచేతనచిన్తనః ॥ 162 ॥
తారకానాం హృదన్తస్థస్తారకస్తారకాన్తకః ।
ధ్యానైకప్రకటో ధ్యేయో ధ్యానీ ధ్యానవిభూషణః ॥ 163 ॥
పరం వ్యోమ పరం ధామ పరమాత్మా పరం పదమ్ ।
పూర్ణానన్దః సదానన్దో నాదమధ్యప్రతిష్ఠితః ॥ 164 ॥
ప్రమావిపర్యయాతీతః ప్రణతాజ్ఞాననాశకః ।
బాణార్చితాఙ్ఘ్రిర్బహుదో బాలకేళికుతూహలీ ॥ 165 ॥
బ్రహ్మరూపీ బ్రహ్మపదం బ్రహ్మవిద్బ్రాహ్మణప్రియః ।
భూక్షేపదత్తలక్ష్మీకో భ్రూమధ్యధ్యానలక్షితః ॥ 166 ॥
యశస్కరో రత్నగర్భో మహారాజ్యసుఖప్రదః ।
శబ్దబ్రహ్మ శమప్రాప్యో లాభకృల్లోకవిశ్రుతః ॥ 167 ॥
శాస్తా శివాద్రినిలయః శరణ్యో యాజకప్రియః ।
సంసారవైద్యః సర్వజ్ఞః సభేషజవిభేషజః ॥ 168 ॥
మనోవచోభిరగ్రాహ్యః పఞ్చకోశవిలక్షణః ।
అవస్థాత్రయనిర్ముక్తస్త్వవస్థాసాక్షితుర్యకః ॥ 169 ॥
పఞ్చభూతాదిదూరస్థః ప్రత్యగేకరసోఽవ్యయః ।
షట్చక్రాన్తర్గతోల్లాసీ షడ్వికారవివర్జితః ॥ 170 ॥
విజ్ఞానఘనసమ్పూర్ణో వీణావాదనతత్పరః ।
నీహారాకారగౌరాఙ్గో మహాలావణ్యవారిధిః ॥ 171 ॥
పరాభిచారశమనః షడధ్వోపరిసంస్థితః ।
సుషుమ్నామార్గసఞ్చారీ బిసతన్తునిభాకృతిః ॥ 172 ॥
పినాకీ లిఙ్గరూపశ్రీః మఙ్గళావయవోజ్జ్వలః ।
క్షేత్రాధిపః సుసంవేద్యః శ్రీప్రదో విభవప్రదః ॥ 173 ॥
సర్వవశ్యకరః సర్వదోషహా పుత్రపౌత్రదః ।
తైలదీపప్రియస్తైలపక్వాన్నప్రీతమానసః ॥ 174 ॥
తైలాభిషేకసన్తుష్టస్తిలభక్షణతత్పరః ।
ఆపాదకణికాముక్తాభూషాశతమనోహరః ॥ 175 ॥
శాణోల్లీఢమణిశ్రేణీరమ్యాఙ్ఘ్రినఖమణ్డలః ।
మణిమఞ్జీరకిరణకిఞ్జల్కితపదామ్బుజః ॥ 176 ॥
అపస్మారోపరిన్యస్తసవ్యపాదసరోరుహః ।
కన్దర్పతూణాభజఙ్ఘో గుల్ఫోదఞ్చితనూపురః ॥ 177 ॥
కరిహస్తోపమేయోరురాదర్శోజ్జ్వలజానుభృత్ ।
విశఙ్కటకటిన్యస్తవాచాలమణిమేఖలః ॥ 178 ॥
ఆవర్తనాభిరోమాలివలిమత్పల్లవోదరః ।
ముక్తాహారలసత్తుఙ్గవిపులోరస్కరఞ్జితః ॥ 179 ॥
వీరాసనసమాసీనో వీణాపుస్తోల్లసత్కరః ।
అక్షమాలాలసత్పాణిశ్చిన్ముద్రితకరామ్బుజః ॥ 180 ॥
మాణిక్యకఙ్కణోల్లాసికరామ్బుజవిరాజితః ।
అనర్ఘరత్నగ్రైవేయవిలసత్కమ్బుకన్ధరః ॥ 181 ॥
అనాకలితసాదృశ్యచిబుకశ్రీవిరాజితః ।
ముగ్ధస్మితపరీపాకప్రకాశితరదాఙ్కురః ॥ 182 ॥
చారుచామ్పేయపుష్పాభనాసికాపుటరఞ్జితః ।
వరవజ్రశిలాదర్శపరిభావికపోలభూః ॥ 183 ॥
కర్ణద్వయోల్లసద్దివ్యమణికుణ్డలమణ్డితః ।
కరుణాలహరీపూర్ణకర్ణాన్తాయతలోచనః ॥ 184 ॥
అర్ధచన్ద్రాభనిటిలపాటీరతిలకోజ్జ్వలః ।
చారుచామీకరాకారజటాచర్చితచన్దనః ।
కైలాసశిఖరస్ఫర్ధికమనీయనిజాకృతిః ॥ 185 ॥
ఇతి శ్రీ దక్షిణామూర్తి సహస్రనామ స్తోత్రమ్ ॥
