కృష్ణ యజుర్వేదీయ తైత్తిరీయ సంహితాయాం ప్రథమకాణ్డే ప్రథమః ప్రశ్నః - (దర్​శపూర్ణమాసౌ)

ఓం నమః పరమాత్మనే, శ్రీ మహాగణపతయే నమః,
శ్రీ గురుభ్యో నమః । హ॒రిః॒ ఓమ్ ॥

ఇ॒షే త్వో॒ర్జే త్వా॑ వా॒యవః॑ స్థోపా॒యవః॑ స్థ దే॒వో వః॑ సవి॒తా ప్రార్ప॑యతు॒ శ్రేష్ఠ॑తమాయ॒ కర్మ॑ణ॒ ఆ ప్యా॑యద్ధ్వమఘ్నియా దేవభా॒గమూర్జ॑స్వతీః॒ పయ॑స్వతీః ప్ర॒జావ॑తీరనమీ॒వా అ॑య॒క్ష్మా మా వః॑ స్తే॒న ఈ॑శత॒ మాఽఘశగ్ం॑సో రు॒ద్రస్య॑ హే॒తిః పరి॑ వో వృణక్తు ధ్రు॒వా అ॒స్మిన్ గోప॑తౌ స్యాత బ॒హ్వీ-ర్యజ॑మానస్య ప॒శూన్ పా॑హి ॥ 1 ॥
(ఇ॒షే - త్రిచ॑త్వారిగ్ంశత్ ) (అ. 1)

య॒జ్ఞస్య॑ ఘో॒షద॑సి॒ ప్రత్యు॑ష్ట॒గ్ం॒ రక్షః॒ ప్రత్యు॑ష్టా॒ అరా॑తయః॒ ప్రేయమ॑గాద్ధి॒షణా॑ బ॒ర్॒​హిరచ్ఛ॒ మను॑నా కృ॒తా స్వ॒ధయా॒ విత॑ష్టా॒ త ఆ వ॑హన్తి క॒వయః॑ పు॒రస్తా᳚ద్- దే॒వేభ్యో॒ జుష్ట॑మి॒హ బ॒ర్॒​హిరా॒సదే॑ దే॒వానాం᳚ పరిషూ॒తమ॑సి వ॒ర్॒​షవృ॑ద్ధమసి॒ దేవ॑బర్​హి॒ర్మా త్వాఽ॒న్వం మా తి॒ర్యక్ పర్వ॑ తే రాద్ధ్యాసమాచ్ఛే॒త్తా తే॒ మా రి॑షం॒ దేవ॑బర్​హిః శ॒తవ॑ల్​శం॒-విఀ రో॑హ స॒హస్ర॑వల్​శా॒ [స॒హస్ర॑వల్​శాః, వి వ॒యగ్ం రు॑హేమ] ॥ 2 ॥

వి వ॒యగ్ం రు॑హేమ పృథి॒వ్యాః స॒మ్పృచః॑ పాహి సుస॒మ్భృతా᳚ త్వా॒ సమ్భ॑రా॒మ్యది॑త్యై॒ రాస్నా॑ఽసీన్ద్రా॒ణ్యై స॒న్నహ॑నం పూ॒షా తే᳚ గ్ర॒న్థిం గ్ర॑థ్నాతు॒ స తే॒ మాఽఽ స్థా॒దిన్ద్ర॑స్య త్వా బా॒హుభ్యా॒ముద్య॑చ్ఛే॒ బృహ॒స్పతే᳚-ర్మూ॒ర్ధ్నా హ॑రామ్యు॒ర్వ॑న్తరి॑క్ష॒మన్వి॑హి దేవఙ్గ॒మమ॑సి ॥ 3 ॥
(స॒హస్ర॑వల్​శా - అ॒ష్టాత్రిగ్ం॑శచ్చ) (అ. 2)

శున్ధ॑ద్ధ్వం॒ దైవ్యా॑య॒ కర్మ॑ణే దేవయ॒జ్యాయై॑ మాత॒రిశ్వ॑నో ఘ॒ర్మో॑ఽసి॒ ద్యౌర॑సి పృథి॒వ్య॑సి వి॒శ్వధా॑యా అసి పర॒మేణ॒ ధామ్నా॒ దృగ్ంహ॑స్వ॒ మా హ్వా॒-ర్వసూ॑నాం ప॒విత్ర॑మసి శ॒తధా॑రం॒-వఀసూ॑నాం ప॒విత్ర॑మసి స॒హస్ర॑ధారగ్ం హు॒తః స్తో॒కోహు॒తో ద్ర॒ఫ్సో᳚ ఽగ్నయే॑ బృహ॒తే నాకా॑య॒ స్వాహా॒ ద్యావా॑పృథి॒వీభ్యా॒గ్ం॒ సా వి॒శ్వాయుః॒ సా వి॒శ్వవ్య॑చాః॒ సా వి॒శ్వక॑ర్మా॒ సం పృ॑చ్యద్ధ్వ-మృతావరీ-రూ॒ర్మిణీ॒ర్మధు॑మత్తమా మ॒న్ద్రా ధన॑స్య సా॒తయే॒ సోమే॑న॒ త్వాఽఽత॑న॒చ్మీన్ద్రా॑య॒ దధి॒ విష్ణో॑ హ॒వ్యగ్ం ర॑క్షస్వ ॥ 4 ॥
(సోమే॑ - నా॒ష్టౌ చ॑) (అ. 3)

కర్మ॑ణే వాం దే॒వేభ్యః॑ శకేయం॒-వేఀషా॑య త్వా॒ ప్రత్యు॑ష్ట॒గ్ం॒ రక్షః॒ ప్రత్యు॑ష్టా॒ అరా॑తయో॒ ధూర॑సి॒ ధూర్వ॒ ధూర్వ॑న్తం॒ ధూర్వ॒ తం-యోఀ᳚ఽస్మాన్ ధూర్వ॑తి॒ తం ధూ᳚ర్వ॒యం-వఀ॒యం ధూర్వా॑మ॒స్త్వం దే॒వానా॑మసి॒ సస్ని॑తమం॒ పప్రి॑తమం॒ జుష్ట॑తమం॒-వఀహ్ని॑తమం దేవ॒హూత॑మ॒-మహ్రు॑తమసి హవి॒ర్ధానం॒ దృగ్ంహ॑స్వ॒ మా హ్వా᳚-ర్మి॒త్రస్య॑ త్వా॒ చక్షు॑షా॒ ప్రేక్షే॒ మా భేర్మా సం-విఀ॑క్థా॒ మా త్వా॑ - [మా త్వా᳚, హి॒గ్ం॒సి॒ష॒ము॒రు] ॥ 5 ॥

హిగ్ంసిషము॒రు వాతా॑య దే॒వస్య॑ త్వా సవి॒తుః ప్ర॑స॒వే᳚ఽశ్వినో᳚-ర్బా॒హుభ్యాం᳚ పూ॒ష్ణో హస్తా᳚భ్యా-మ॒గ్నయే॒ జుష్టం॒ నిర్వ॑పామ్య॒గ్నీషోమా᳚భ్యా-మి॒దం దే॒వానా॑మి॒దము॑ నః స॒హ స్ఫా॒త్యై త్వా॒ నారా᳚త్యై॒ సువ॑ర॒భి వి ఖ్యే॑షం-వైఀశ్వాన॒రం జ్యోతి॒-ర్దృగ్ంహ॑న్తాం॒ దుర్యా॒ ద్యావా॑పృథి॒వ్యో- రు॒ర్వ॑న్తరి॑క్ష॒ మన్వి॒-హ్యది॑త్యా స్త్వో॒పస్థే॑ సాదయా॒మ్యగ్నే॑ హ॒వ్యగ్ం ర॑క్షస్వ ॥ 6 ॥
( మా త్వా॒ - షట్చ॑త్వారిగ్ంశచ్చ ) (అ. 4)

దే॒వో వః॑ సవి॒తోత్ పు॑నా॒త్వచ్ఛి॑ద్రేణ ప॒విత్రే॑ణ॒ వసోః॒ సూర్య॑స్య ర॒శ్మిభి॒రాపో॑ దేవీరగ్రేపువో అగ్రేగు॒వోఽగ్ర॑ ఇ॒మం-యఀ॒జ్ఞం న॑య॒తాగ్రే॑ య॒జ్ఞప॑తిం ధత్త యు॒ష్మానిన్ద్రో॑ ఽవృణీత వృత్ర॒తూర్యే॑ యూ॒యమిన్ద్ర॑-మవృణీద్ధ్వం-వృఀత్ర॒తూర్యే॒ ప్రోక్షి॑తాః స్థా॒గ్నయే॑ వో॒ జుష్టం॒ ప్రోక్షా᳚మ్య॒గ్నీషోమా᳚భ్యా॒గ్ం॒ శున్ధ॑ద్ధ్వం॒ దైవ్యా॑య॒ కర్మ॑ణే దేవయ॒జ్యాయా॒ అవ॑ధూత॒గ్ం॒ రక్షోఽవ॑ధూతా॒
అరా॑త॒యోఽది॑త్యా॒స్త్వగ॑సి॒ ప్రతి॑ త్వా - [ప్రతి॑ త్వా, పృ॒థి॒వీ వే᳚త్త్వధి॒షవ॑ణమసి] ॥ 7 ॥

పృథి॒వీ వే᳚త్త్వధి॒షవ॑ణమసి వానస్ప॒త్యం ప్రతి॒ త్వాఽది॑త్యా॒స్త్వగ్వే᳚త్త్వ॒గ్నేస్త॒నూర॑సి వా॒చో వి॒సర్జ॑నం దే॒వవీ॑తయే త్వా గృహ్ణా॒మ్యద్రి॑రసి వానస్ప॒త్యః స ఇ॒దం దే॒వేభ్యో॑ హ॒వ్యగ్ం సు॒శమి॑ శమి॒ష్వేష॒మా వ॒దోర్జ॒మా వ॑ద ద్యు॒మద్వ॑దత వ॒యగ్ం స॑ఙ్ఘా॒తం జే᳚ష్మ వ॒ర్॒​షవృ॑ద్ధమసి॒ ప్రతి॑ త్వా వ॒ర్॒​షవృ॑ద్ధం-వేఀత్తు॒ పరా॑పూత॒గ్ం॒ రక్షః॒ పరా॑పూతా॒ అరా॑తయో॒ రక్ష॑సాం భా॒గో॑ ఽసి వా॒యుర్వో॒ వి వి॑నక్తు దే॒వో వః॑ సవి॒తా హిర॑ణ్యపాణిః॒ ప్రతి॑ గృహ్ణాతు ॥ 8 ॥
( త్వా॒ - భా॒గ - ఏకా॑దశ చ ) (అ. 5)

అవ॑ధూత॒గ్ం॒ రక్షోఽవ॑ధూతా॒ అరా॑త॒యోఽది॑త్యా॒స్త్వగ॑సి॒ ప్రతి॑ త్వా పృథి॒వీవే᳚త్తు ది॒వః స్క॑మ్భ॒నిర॑సి॒ ప్రతి॒ త్వాఽది॑త్యా॒స్త్వగ్వే᳚త్తు ధి॒షణా॑ఽసి పర్వ॒త్యా ప్రతి॑ త్వా ది॒వః స్క॑మ్భ॒నిర్వే᳚త్తు ధి॒షణా॑ఽసి పార్వతే॒యీ ప్రతి॑ త్వా పర్వ॒తిర్వే᳚త్తు దే॒వస్య॑ త్వా సవి॒తుః ప్ర॑స॒వే᳚-ఽశ్వినో᳚-ర్బా॒హుభ్యాం᳚ పూ॒ష్ణోహస్తా᳚భ్యా॒మధి॑ వపామిధా॒న్య॑మసి ధిను॒హి దే॒వాన్ ప్రా॒ణాయ॑ త్వా ఽపా॒నాయ॑ త్వా వ్యా॒నాయ॑ త్వా దీ॒ర్ఘామను॒ ప్రసి॑తి॒మాయు॑షేధాం దే॒వో వః॑ సవి॒తా హిర॑ణ్యపాణిః॒ ప్రతి॑ గృహ్ణాతు ॥ 9 ॥
(ప్రా॒ణాయ॑ త్వా॒ - పఞ్చ॑దశ చ) (అ. 6)

ధృష్టి॑రసి॒ బ్రహ్మ॑ య॒చ్ఛాపా᳚గ్నే॒ ఽగ్నిమా॒మాదం॑ జహి॒ నిష్క్ర॒వ్యాదగ్ం॑ సే॒ధాఽఽదే॑వ॒యజం॑-వఀహ॒ నిర్ద॑గ్ధ॒గ్ం॒ రక్షో॒ నిర్ద॑గ్ధా॒ అరా॑తయో ధ్రు॒వమ॑సి పృథి॒వీం దృ॒గ్ం॒హాఽఽయు॑-ర్దృగ్ంహ ప్ర॒జాం దృగ్ం॑హ సజా॒తాన॒స్మై యజ॑మానాయ॒ పర్యూ॑హ ధ॒ర్త్రమ॑స్య॒న్తరి॑క్షం దృగ్ంహ ప్రా॒ణం దృగ్ం॑హాపా॒నం దృగ్ం॑హ సజా॒తాన॒స్మై యజ॑మానాయ॒ పర్యూ॑హ ధ॒రుణ॑మసి॒ దివం॑ దృగ్ంహ॒ చక్షు॑- [చక్షుః॑, దృ॒గ్ం॒హ॒ శ్రోత్రం॑ దృగ్ంహ] ॥ 10 ॥

ర్దృగ్ంహ॒ శ్రోత్రం॑ దృగ్ంహ సజా॒తాన॒స్మై యజ॑మానాయ॒ పర్యూ॑హ॒ ధర్మా॑సి॒ దిశో॑ దృగ్ంహ॒ యోనిం॑ దృగ్ంహ ప్ర॒జాం దృగ్ం॑హ సజా॒తాన॒స్మై యజ॑మానాయ॒ పర్యూ॑హ॒ చితః॑ స్థ ప్ర॒జామ॒స్మై ర॒యిమ॒స్మై స॑జా॒తాన॒స్మై యజ॑మానాయ॒ పర్యూ॑హ॒ భృగూ॑ణా॒మఙ్గి॑రసాం॒ తప॑సా తప్యద్ధ్వం॒-యాఀని॑ ఘ॒ర్మే క॒పాలా᳚న్యుపచి॒న్వన్తి॑ వే॒ధసః॑ ।
పూ॒ష్ణస్తాన్యపి॑ వ్ర॒త ఇ॑న్ద్రవా॒యూ వి ము॑ఞ్చతామ్ ॥ 11 ॥
(చక్షు॑ - ర॒ష్టాచ॑త్వారిగ్ంశచ్చ) (అ. 7)

సం-వఀ॑పామి॒ సమాపో॑ అ॒ద్భిర॑గ్మత॒ సమోష॑ధయో॒ రసే॑న॒ సగ్ం రే॒వతీ॒-ర్జగ॑తీభి॒-ర్మధు॑మతీ॒-ర్మధు॑మతీభిః సృజ్యద్ధ్వమ॒ద్భ్యః పరి॒ ప్రజా॑తాః స్థ॒ సమ॒ద్భిః పృ॑చ్యద్ధ్వం॒ జన॑యత్యై త్వా॒ సం-యౌఀ᳚మ్య॒గ్నయే᳚ త్వా॒ఽగ్నీషోమా᳚భ్యాం మ॒ఖస్య॒ శిరో॑ఽసి ఘ॒ర్మో॑ఽసి వి॒శ్వాయు॑రు॒రు ప్ర॑థస్వో॒రు తే॑ య॒జ్ఞప॑తిః ప్రథతాం॒ త్వచం॑ గృహ్ణీష్వా॒న్తరి॑త॒గ్ం॒ రక్షో॒ఽన్తరి॑తా॒ అరా॑తయోదే॒వస్త్వా॑ సవి॒తా శ్ర॑పయతు॒ వర్​షి॑ష్ఠే॒ అధి॒ నాకే॒ఽగ్నిస్తే॑ త॒నువం॒ మాఽతి॑ ధా॒గగ్నే॑ హ॒వ్యగ్ం ర॑క్షస్వ॒ సం బ్రహ్మ॑ణా పృచ్యస్వైక॒తాయ॒ స్వాహా᳚ ద్వి॒తాయ॒ స్వాహా᳚ త్రి॒తాయ॒ స్వాహా᳚ ॥ 12 ॥
(స॒వి॒తా - ద్వావిగ్ం॑శతిశ్చ) (అ. 8)

ఆ ద॑ద॒ ఇన్ద్ర॑స్య బా॒హుర॑సి॒ దక్షి॑ణః స॒హస్ర॑భృష్టిః శ॒తతే॑జా వా॒యుర॑సి తి॒గ్మతే॑జాః॒ పృథి॑వి దేవయజ॒ - న్యోష॑ద్ధ్యాస్తే॒ మూలం॒ మా హిగ్ం॑సిష॒-మప॑హతో॒ఽరరుః॑ పృథి॒వ్యై వ్ర॒జం గ॑చ్ఛ గో॒స్థానం॒-వఀర్​ష॑తు తే॒ ద్యౌర్బ॑ధా॒న దే॑వ సవితః పర॒మస్యాం᳚ పరా॒వతి॑ శ॒తేన॒ పాశై॒ర్యో᳚ఽస్మాన్ ద్వేష్టి॒ యం చ॑ వ॒యం ద్వి॒ష్మస్తమతో॒ మా మౌ॒గప॑హతో॒ఽరరుః॑ పృథి॒వ్యై దే॑వ॒యజ॑న్యై వ్ర॒జం- [వ్ర॒జమ్, గ॒చ్ఛ॒ గో॒స్థానం॒-వఀర్​ష॑తు] ॥ 13 ॥

గ॑చ్ఛ గో॒స్థానం॒-వఀర్​ష॑తు తే॒ ద్యౌర్బ॑ధా॒న దే॑వ సవితః పర॒మస్యాం᳚ పరా॒వతి॑ శ॒తేన॒ పాశై॒ర్యో᳚ఽస్మాన్ ద్వేష్టి॒ యం చ॑ వ॒యం ద్వి॒ష్మస్తమతో॒ మా మౌ॒గప॑హతో॒ఽరరుః॑ పృథి॒వ్యా అదే॑వయజనో వ్ర॒జం గ॑చ్ఛ గో॒స్థానం॒-వఀర్​ష॑తు తే॒ ద్యౌర్బ॑ధా॒న దే॑వ సవితః పర॒మస్యాం᳚ పరా॒వతి॑ శ॒తేన॒ పాశై॒ర్యో᳚ఽస్మాన్ ద్వేష్టి॒ యం చ॑ వ॒యం ద్వి॒ష్మస్తమతో॒ మా- [మా, మౌ॒గ॒రరు॑స్తే॒ దివం॒ మా] ॥ 14 ॥

మౌ॑గ॒రరు॑స్తే॒ దివం॒ మా స్కా॒న్॒. వస॑వస్త్వా॒ పరి॑ గృహ్ణన్తు గాయ॒త్రేణ॒ ఛన్ద॑సారు॒ద్రాస్త్వా॒ పరి॑ గృహ్ణన్తు॒ త్రైష్టు॑భేన॒ ఛన్ద॑సాఽఽది॒త్యాస్త్వా॒ పరి॑ గృహ్ణన్తు॒ జాగ॑తేన॒ ఛన్ద॑సా దే॒వస్య॑ సవి॒తుః స॒వే కర్మ॑ కృణ్వన్తి వే॒ధస॑ ఋ॒తమ॑స్యృత॒సద॑న-మస్యృత॒శ్రీర॑సి॒ ధా అ॑సి స్వ॒ధా అ॑స్యు॒ర్వీ చాసి॒ వస్వీ॑ చాసి పు॒రా క్రూ॒రస్య॑ వి॒సృపో॑ విరఫ్శిన్ నుదా॒దాయ॑ పృథి॒వీం జీ॒రదా॑ను॒ర్యామైర॑యన్ చ॒న్ద్రమ॑సి స్వ॒ధాభి॒స్తాం ధీరా॑సో అను॒దృశ్య॑ యజన్తే ॥ 15 ॥
(దే॒వ॒యజ॑న్యై వ్ర॒జం - తమతో॒ మా - వి॑రఫ్శి॒న్ - నేకా॑దశ చ) (అ. 9)

ప్రత్యు॑ష్ట॒గ్ం॒ రక్షః॒ ప్రత్యు॑ష్టా॒ అరా॑తయో॒ ఽగ్నేర్వ॒స్తేజి॑ష్ఠేన॒ తేజ॑సా॒ నిష్ట॑పామి గో॒ష్ఠం మా నిర్మృ॑క్షం-వాఀ॒జినం॑ త్వా సపత్నసా॒హగ్ం సం మా᳚ర్జ్మి॒ వాచం॑ ప్రా॒ణం చక్షుః॒ శ్రోత్రం॑ ప్ర॒జాం-యోఀనిం॒ మా నిర్మృ॑క్షం-వాఀ॒జినీం᳚ త్వా సపత్నసా॒హీగ్ం సం మా᳚ర్జ్మ్యా॒శాసా॑నా సౌమన॒సం ప్ర॒జాగ్ం సౌభా᳚గ్యం త॒నూమ్ । అ॒గ్నేరను॑వ్రతా భూ॒త్వా సం న॑హ్యే సుకృ॒తాయ॒ కమ్ ॥సు॒ప్ర॒జస॑స్త్వా వ॒యగ్ం సు॒పత్నీ॒రుప॑- [సు॒పథ్నీ॒రుప॑, సే॒ది॒మి॒ ।] ॥ 16 ॥

సేదిమ । అగ్నే॑ సపత్న॒దమ్భ॑న॒మద॑బ్ధాసో॒ అదా᳚భ్యమ్ ॥ ఇ॒మం-విఀష్యా॑మి॒ వరు॑ణస్య॒ పాశం॒ ం​యఀమబ॑ద్ధ్నీత సవి॒తా సు॒కేతః॑ । ధా॒తుశ్చ॒ యోనౌ॑ సుకృ॒తస్య॑ లో॒కే స్యో॒నం మే॑ స॒హ పత్యా॑ కరోమి ॥ సమాయు॑షా॒ సమ్ప్ర॒జయా॒ సమ॑గ్నే॒ వర్చ॑సా॒ పునః॑ । సం పత్నీ॒ పత్యా॒ఽహం గ॑చ్ఛే॒ సమా॒త్మా త॒నువా॒ మమ॑ ॥ మ॒హీ॒నాం పయో॒ఽస్యోష॑ధీనా॒గ్ం॒ రస॒స్తస్య॒ తేఽక్షీ॑యమాణస్య॒ ని- [నిః, వ॒పా॒మి॒ మ॒హీ॒నాం] ॥ 17 ॥

ర్వ॑పామి మహీ॒నాం పయో॒ఽస్యోష॑ధీనా॒గ్ం॒ రసోఽద॑బ్ధేన త్వా॒ చక్షు॒షాఽవే᳚క్షే సుప్రజా॒స్త్వాయ॒ తేజో॑ఽసి॒ తేజోఽను॒ ప్రేహ్య॒గ్నిస్తే॒ తేజో॒ మా వి నై॑ద॒గ్నే-ర్జి॒హ్వాఽసి॑ సు॒భూర్దే॒వానాం॒ ధామ్నే॑ధామ్నే దే॒వేభ్యో॒ యజు॑షేయజుషే భవ శు॒క్రమ॑సి॒ జ్యోతి॑రసి॒ తేజో॑ఽసి దే॒వో వః॑ సవి॒తోత్ పు॑నా॒త్వచ్ఛి॑ద్రేణ ప॒విత్రే॑ణ॒ వసోః॒ సూర్య॑స్య ర॒శ్మిభిః॑ శు॒క్రం త్వా॑ శు॒క్రాయాం॒ ధామ్నే॑ధామ్నే దే॒వేభ్యో॒ యజు॑షేయజుషే గృహ్ణామి॒ జ్యోతి॑స్త్వా॒ జ్యోతి॑ష్య॒ర్చిస్త్వా॒ఽర్చిషి॒ ధామ్నే॑ధామ్నే దే॒వేభ్యో॒ యజు॑షేయజుషే గృహ్ణామి ॥ 18 ॥
(ఉప॒ - నీ - ర॒శ్మిభిః॑ శు॒క్రగ్ం - షోడ॑శ చ) (అ. 10)

కృష్ణో᳚ఽస్యాఖరే॒ష్ఠో᳚ఽగ్నయే᳚ త్వా॒ స్వాహా॒ వేది॑రసి బ॒ర్॒​హిషే᳚ త్వా॒ స్వాహా ॑బ॒ర్॒​హిర॑సి స్రు॒గ్భ్యస్త్వా॒ స్వాహా॑ ది॒వే త్వా॒ఽన్తరి॑క్షాయ త్వా పృథి॒వ్యై త్వా᳚ స్వ॒ధా పి॒తృభ్య॒ ఊర్గ్భ॑వ బర్​హి॒షద్భ్య॑ ఊ॒ర్జా పృ॑థి॒వీం గ॑చ్ఛత॒ విష్ణోః॒ స్తూపో॒ఽస్యూర్ణా᳚మ్రదసం త్వా స్తృణామి స్వాస॒స్థం దే॒వేభ్యో॑ గన్ధ॒ర్వో॑ఽసి వి॒శ్వావ॑సు॒-ర్విశ్వ॑స్మా॒దీష॑తో॒ యజ॑మానస్య పరి॒ధిరి॒డ ఈ॑డి॒త ఇన్ద్ర॑స్య బా॒హుర॑సి॒- [బా॒హుర॑సి, దక్షి॑ణో॒] ॥ 19 ॥

దక్షి॑ణో॒ యజ॑మానస్య పరి॒ధిరి॒డ ఈ॑డి॒తో మి॒త్రావరు॑ణౌ త్వోత్తర॒తః పరి॑ ధత్తాం ధ్రు॒వేణ॒ ధర్మ॑ణా॒ యజ॑మానస్య పరి॒ధిరి॒డ ఈ॑డి॒తః సూర్య॑స్త్వా పు॒రస్తా᳚త్ పాతు॒ కస్యా᳚శ్చిద॒భిశ॑స్త్యా వీ॒తిహో᳚త్రం త్వా కవే ద్యు॒మన్త॒గ్ం॒ సమి॑ధీమ॒హ్యగ్నే॑ బృ॒హన్త॑మద్ధ్వ॒రే వి॒శో య॒న్త్రే స్థో॒ వసూ॑నాగ్ం రు॒ద్రాణా॑-మాది॒త్యానా॒గ్ం॒ సద॑సి సీద జు॒హూరు॑ప॒భృ-ద్ధ్రు॒వాఽసి॑ ఘృ॒తాచీ॒ నామ్నా᳚ ప్రి॒యేణ॒ నామ్నా᳚ ప్రి॒యే సద॑సి సీదై॒తా అ॑సదన్థ్ సుకృ॒తస్య॑ లో॒కే తా వి॑ష్ణో పాహి పా॒హి య॒జ్ఞం పా॒హి య॒జ్ఞప॑తిం పా॒హి మాం-యఀ॑జ్ఞ॒నియ᳚మ్ ॥ 20 ॥
(బా॒హుర॑సి - ప్రి॒యే సద॑సి॒ - పఞ్చ॑దశ చ) (అ. 11)

భువ॑నమసి॒ వి ప్ర॑థ॒స్వాగ్నే॒ యష్ట॑రి॒దం నమః॑ ।
జుహ్వేహ్య॒గ్నిస్త్వా᳚ హ్వయతి దేవయ॒జ్యాయా॒ ఉప॑భృ॒దేహి॑ దే॒వస్త్వా॑ సవి॒తా హ్వ॑యతి దేవయ॒జ్యాయా॒ అగ్నా॑విష్ణూ॒ మా వా॒మవ॑ క్రమిషం॒-విఀ జి॑హాథాం॒ మా మా॒ సం తా᳚ప్తం-లోఀ॒కం మే॑ లోకకృతౌ కృణుతం॒-విఀష్ణోః॒ స్థాన॑మసీ॒త ఇన్ద్రో॑ అకృణో-ద్వీ॒ర్యా॑ణి సమా॒రభ్యో॒ర్ధ్వో అ॑ద్ధ్వ॒రో ది॑వి॒స్పృశ॒మహ్రు॑తో య॒జ్ఞో య॒జ్ఞప॑తే॒-రిన్ద్రా॑వా॒న్థ్ స్వాహా॑ బృ॒హద్భాః పా॒హి మా᳚ఽగ్నే॒ దుశ్చ॑రితా॒దా మా॒ సుచ॑రితే భజ మ॒ఖస్య॒ శిరో॑ఽసి॒ సఞ్జ్యోతి॑షా॒ జ్యోతి॑రఙ్క్తామ్ ॥ 21 ॥
(అహ్రు॑త॒ - ఏక॑విగ్ంశతిశ్చ) (అ. 12)

వాజ॑స్య మా ప్రస॒వేనో᳚ద్గ్రా॒భేణోద॑గ్రభీత్ । అథా॑ స॒పత్నా॒గ్ం॒ ఇన్ద్రో॑ మే నిగ్రా॒భేణాధ॑రాగ్ం అకః ॥ ఉ॒ద్గ్రా॒భం చ॑ నిగ్రా॒భం చ॒ బ్రహ్మ॑ దే॒వా అ॑వీవృధన్న్ । అథా॑ స॒పత్నా॑నిన్ద్రా॒గ్నీ మే॑ విషూ॒చీనా॒న్ వ్య॑స్యతామ్ ॥ వసు॑భ్యస్త్వా రు॒ద్రేభ్య॑స్త్వాఽఽది॒త్యేభ్య॑స్త్వా॒ఽక్తగ్ం రిహా॑ణా వి॒యన్తు॒ వయః॑ ॥ ప్ర॒జాం-యోఀనిం॒ మా నిర్మృ॑క్ష॒మా ప్యా॑యన్తా॒మాప॒ ఓష॑ధయో మ॒రుతాం॒ పృష॑తయః స్థ॒ దివం॑- [దివ᳚మ్, గ॒చ్ఛ॒ తతో॑ నో॒] ॥ 22 ॥

గచ్ఛ॒ తతో॑ నో॒ వృష్టి॒మేర॑య । ఆ॒యు॒ష్పా అ॑గ్నే॒ఽస్యాయు॑ర్మే పాహి చక్షు॒ష్పా అ॑గ్నేఽసి॒ చక్షు॑ర్మే పాహి ధ్రు॒వాఽసి॒ యం ప॑రి॒ధిం ప॒ర్యధ॑త్థా॒ అగ్నే॑ దేవ ప॒ణిభి॑-ర్వీ॒యమా॑ణః । తం త॑ ఏ॒తమను॒ జోషం॑ భరామి॒ నేదే॒ష త్వద॑పచే॒తయా॑తై య॒జ్ఞస్య॒ పాథ॒ ఉప॒ సమి॑తగ్ం సగ్గ్​స్రా॒వభా॑గాః స్థే॒షా బృ॒హన్తః॑ ప్రస్తరే॒ష్ఠా బ॑ర్​హి॒షద॑శ్చ [ ] ॥ 23 ॥

దే॒వా ఇ॒మాం-వాఀచ॑మ॒భి విశ్వే॑ గృ॒ణన్త॑ ఆ॒సద్యా॒స్మిన్ బ॒ర్॒​హిషి॑ మాదయద్ధ్వమ॒గ్నే-ర్వా॒మప॑న్నగృహస్య॒ సద॑సి సాదయామి సుం॒నాయ॑ సుంనినీ సుం॒నే మా॑ ధత్తం ధు॒రి ధ॒ర్యౌ॑ పాత॒మగ్నే॑ ఽదబ్ధాయో ఽశీతతనో పా॒హి మా॒ఽద్య ది॒వః పా॒హి ప్రసి॑త్యై పా॒హి దురి॑ష్ట్యై పా॒హి దు॑రద్మ॒న్యై పా॒హి దుశ్చ॑రితా॒దవి॑షం నః పి॒తుం కృ॑ణు సు॒షదా॒ యోని॒గ్గ్॒ స్వాహా॒ దేవా॑ గాతువిదో గా॒తుం​విఀ॒త్త్వా గా॒తు మి॑త॒ మన॑సస్పత ఇ॒మం నో॑ దేవ దే॒వేషు॑ య॒జ్ఞగ్గ్​ స్వాహా॑ వా॒చి స్వాహా॒ వాతే॑ ధాః ॥ 24 ॥
(దివం॑ - చ - వి॒త్త్వా గా॒తుం - త్రయో॑దశ చ) (అ. 13)

ఉ॒భా వా॑మిన్ద్రాగ్నీ ఆహు॒వద్ధ్యా॑ ఉ॒భా రాధ॑సః స॒హ మా॑ద॒యద్ధ్యై᳚ । ఉ॒భా దా॒తారా॑వి॒షాగ్ం ర॑యీ॒ణాము॒భా వాజ॑స్య సా॒తయే॑ హువే వామ్ ॥ అశ్ర॑వ॒గ్ం॒ హి భూ॑రి॒దావ॑త్తరా వాం॒-విఀజా॑మాతురు॒త వా॑ ఘా స్యా॒లాత్ । అథా॒ సోమ॑స్య॒ ప్రయ॑తీ యు॒వభ్యా॒మిన్ద్రా᳚గ్నీ॒ స్తోమం॑ జనయామి॒ నవ్య᳚మ్ ॥ ఇన్ద్రా᳚గ్నీ నవ॒తిం పురో॑ దా॒సప॑త్నీరధూనుతమ్ । సా॒కమేకే॑న॒ కర్మ॑ణా ॥ శుచిం॒ ను స్తోమం॒ నవ॑జాత-మ॒ద్యేన్ద్రా᳚గ్నీ వృత్రహణా జు॒షేథా᳚మ్ ॥ 25 ॥

ఉ॒భా హి వాగ్ం॑ సు॒హవా॒ జోహ॑వీమి॒ తా వాజగ్ం॑ స॒ద్య ఉ॑శ॒తే ధేష్ఠా᳚ ॥ వ॒యము॑ త్వా పథస్పతే॒ రథం॒ న వాజ॑సాతయే । ధి॒యే పూ॑షన్నయుజ్మహి ॥ ప॒థస్ప॑థః॒ పరి॑పతిం-వఀచ॒స్యా కామే॑న కృ॒తో అ॒భ్యా॑నడ॒ర్కమ్ । సనో॑ రాసచ్ఛు॒రుధ॑శ్చ॒న్ద్రాగ్రా॒ ధియ॑న్ధియగ్ం సీషధాతి॒ ప్ర పూ॒షా ॥ క్షేత్ర॑స్య॒ పతి॑నా వ॒యగ్ం హి॒తేనే॑వ జయామసి । గామశ్వం॑ పోషయి॒త్న్వా స నో॑ [స నః॑, మృ॒డా॒తీ॒దృశే᳚ ।] ॥ 26 ॥

మృడాతీ॒దృశే᳚ ॥ క్షేత్ర॑స్య పతే॒ మధు॑మన్తమూ॒ర్మిం ధే॒నురి॑వ॒ పయో॑ అ॒స్మాసు॑ ధుక్ష్వ । మ॒ధు॒శ్చుతం॑ ఘృ॒తమి॑వ॒ సుపూ॑తమృ॒తస్య॑ నః॒ పత॑యో మృడయన్తు ॥ అగ్నే॒ నయ॑ సు॒పథా॑ రా॒యే అ॒స్మాన్. విశ్వా॑ని దేవ వ॒యునా॑ని వి॒ద్వాన్ । యు॒యో॒ద్ధ్య॑స్మజ్జు॑హురా॒ణమేనో॒ భూయి॑ష్ఠాం తే॒ నమ॑ఉక్తిం-విఀధేమ ॥ ఆ దే॒వానా॒మపి॒ పన్థా॑మగన్మ॒ యచ్ఛ॒క్నవా॑మ॒ తదను॒ ప్రవో॑ఢుమ్ । అ॒గ్ని-ర్వి॒ద్వాన్థ్ స య॑జా॒- [స య॑జాత్, సేదు॒ హోతా॒ సో] ॥ 27 ॥

థ్సేదు॒ హోతా॒ సో అ॑ద్ధ్వ॒రాన్థ్ స ఋ॒తూన్ క॑ల్పయాతి ॥యద్వాహి॑ష్ఠం॒ తద॒గ్నయే॑ బృ॒హద॑ర్చ విభావసో । మహి॑షీవ॒ త్వద్ర॒యిస్త్వద్వాజా॒ ఉదీ॑రతే ॥ అగ్నే॒ త్వం పా॑రయా॒ నవ్యో॑ అ॒స్మాన్థ్ స్వ॒స్తిభి॒రతి॑ దు॒ర్గాణి॒ విశ్వా᳚ । పూశ్చ॑ పృ॒థ్వీ బ॑హు॒లా న॑ ఉ॒ర్వీ భవా॑ తో॒కాయ॒ తన॑యాయ॒ శం-యోః ఀ॥ త్వమ॑గ్నే వ్రత॒పా అ॑సి దే॒వ ఆ మర్త్యే॒ష్వా । త్వం-యఀ॒జ్ఞేష్వీడ్యః॑ ॥ యద్వో॑ వ॒యం ప్ర॑మి॒నామ॑ వ్ర॒తాని॑ వి॒దుషాం᳚ దేవా॒ అవి॑దుష్టరాసః । అ॒గ్నిష్ట-ద్విశ్వ॒మా పృ॑ణాతి వి॒ద్వాన్. యేభి॑-ర్దే॒వాగ్ం ఋ॒తుభిః॑ క॒ల్పయా॑తి ॥ 28 ॥
(జు॒షేథా॒మా - స నో॑ - యజా॒ - దా - త్రయో॑విగ్ంశతిశ్చ) (అ. 14)

(ఇ॒షే త్వా॑ - య॒జ్ఞస్య॒ - శున్ధ॑ధ్వం॒ - కర్మ॑ణే వాం - దే॒వో-ఽవ॑ధూతం॒ - ధుష్టిః॒ - సం-వఀ॑పా॒- మ్యా ద॑దే॒ - ప్రత్యు॑ష్టం॒ - కృష్ణో॑ఽసి॒ - భువ॑నమసి॒ - వాజ॑స్యో॒భా వాం॒ - చతు॑ర్దశ )

(ఇ॒షే - దృగ్ం॑హ॒ - భువ॑న - మ॒ష్టావిగ్ం॑శతిః )

(ఇ॒షే త్వా॑, క॒ల్పయా॑తి)

॥ హరిః॑ ఓమ్ ॥

॥ కృష్ణ యజుర్వేదీయ తైత్తిరీయ సంహితాయాం ప్రథమకాణ్డే ప్రథమః ప్రశ్నః సమాప్తః ॥