බුධෝ බුධාර්චිතඃ සෞම්යඃ සෞම්යචිත්තඃ ශුභප්රදඃ ।
දෘඪව්රතෝ දෘඪඵලඃ ශ්රුතිජාලප්රබෝධකඃ ॥ 1 ॥

සත්යවාසඃ සත්යවචාඃ ශ්රේයසාං පතිරව්යයඃ ।
සෝමජඃ සුඛදඃ ශ්රීමාන් සෝමවංශප්රදීපකඃ ॥ 2 ॥

වේදවිද්වේදතත්ත්වජ්ඤෝ වේදාංතජ්ඤානභාස්වරඃ ।
විද්යාවිචක්ෂණ විභුර්විද්වත්ප්රීතිකරෝ ඍජඃ ॥ 3 ॥

විශ්වානුකූලසංචාරෝ විශේෂවිනයාන්විතඃ ।
විවිධාගමසාරජ්ඤෝ වීර්යවාන් විගතජ්වරඃ ॥ 4 ॥

ත්රිවර්ගඵලදෝऽනංතඃ ත්රිදශාධිපපූජිතඃ ।
බුද්ධිමාන් බහුශාස්ත්රජ්ඤෝ බලී බංධවිමෝචකඃ ॥ 5 ॥

වක්රාතිවක්රගමනෝ වාසවෝ වසුධාධිපඃ ।
ප්රසන්නවදනෝ වංද්යෝ වරේණ්යෝ වාග්විලක්ෂණඃ ॥ 6 ॥

සත්යවාන් සත්යසංකල්පඃ සත්යබංධුඃ සදාදරඃ ।
සර්වරෝගප්රශමනඃ සර්වමෘත්යුනිවාරකඃ ॥ 7 ॥

වාණිජ්යනිපුණෝ වශ්යෝ වාතාංගෝ වාතරෝගහෘත් ।
ස්ථූලඃ ස්ථෛර්යගුණාධ්යක්ෂඃ ස්ථූලසූක්ෂ්මාදිකාරණඃ ॥ 8 ॥

අප්රකාශඃ ප්රකාශාත්මා ඝනෝ ගගනභූෂණඃ ।
විධිස්තුත්යෝ විශාලාක්ෂෝ විද්වජ්ජනමනෝහරඃ ॥ 9 ॥

චාරුශීලඃ ස්වප්රකාශඃ චපලශ්ච ජිතේංද්රියඃ ।
උදඞ්මුඛෝ මඛාසක්තෝ මගධාධිපතිර්හරඃ ॥ 10 ॥

සෞම්යවත්සරසංජාතඃ සෝමප්රියකරඃ සුඛී ।
සිංහාධිරූඪඃ සර්වජ්ඤඃ ශිඛිවර්ණඃ ශිවංකරඃ ॥ 11 ॥

පීතාංබරෝ පීතවපුඃ පීතච්ඡත්රධ්වජාංකිතඃ ।
ඛඩ්ගචර්මධරඃ කාර්යකර්තා කලුෂහාරකඃ ॥ 12 ॥

ආත්රේයගෝත්රජෝऽත්යංතවිනයෝ විශ්වපාවනඃ ।
චාංපේයපුෂ්පසංකාශඃ චාරණඃ චාරුභූෂණඃ ॥ 13 ॥

වීතරාගෝ වීතභයෝ විශුද්ධකනකප්රභඃ ।
බංධුප්රියෝ බංධමුක්තෝ බාණමංඩලසංශ්රිතඃ ॥ 14 ॥

අර්කේශානප්රදේශස්ථඃ තර්කශාස්ත්රවිශාරදඃ ।
ප්රශාංතඃ ප්රීතිසංයුක්තඃ ප්රියකෘත් ප්රියභාෂණඃ ॥ 15 ॥

මේධාවී මාධවාසක්තෝ මිථුනාධිපතිඃ සුධීඃ ।
කන්යාරාශිප්රියඃ කාමප්රදෝ ඝනඵලාශ්රයඃ ॥ 16 ॥

බුධස්යෛවං ප්රකාරේණ නාම්නාමෂ්ටෝත්තරං ශතම් ।
සංපූජ්ය විධිවත්කර්තා සර්වාන්කාමානවාප්නුයාත් ॥ 17 ॥

ඉති ශ්රී බුධ අෂ්ටෝත්තරශතනාම ස්තෝත්රම් ।