ධ්යානං
ව්යාඛ්යාරුද්රාක්ෂමාලේ කලශසුරභිතේ බාහුභිර්වාමපාදං
බිභ්රාණෝ ජානුමූර්ධ්නා වටතරුනිවෘතාවස්යධෝ විද්යමානඃ ।
සෞවර්ණේ යෝගපීඨේ ලිපිමයකමලේ සූපවිෂ්ටස්ත්රිණේත්රඃ
ක්ෂීරාභශ්චංද්රමෞළිර්විතරතු නිතරාං ශුද්ධබුද්ධිං ශිවෝ නඃ ॥
ස්තෝත්රං
විද්යාරූපී මහායෝගී ශුද්ධජ්ඤානී පිනාකධෘත් ।
රත්නාලංකෘතසර්වාංගෝ රත්නමාලී ජටාධරඃ ॥ 1 ॥
ගංගාධාර්යචලාවාසී සර්වජ්ඤානී සමාධිධෘත් ।
අප්රමේයෝ යෝගනිධිස්තාරකෝ භක්තවත්සලඃ ॥ 2 ॥
බ්රහ්මරූපී ජගද්ව්යාපී විෂ්ණුමූර්තිඃ පුරාංතකඃ ।
උක්ෂවාහශ්චර්මවාසාඃ පීතාංබරවිභූෂණඃ ॥ 3 ॥
මෝක්ෂසිද්ධිර්මෝක්ෂදායී දානවාරිර්ජගත්පතිඃ ।
විද්යාධාරී ශුක්ලතනුඃ විද්යාදායී ගණාධිපඃ ॥ 4 ॥
පාපාපස්මෘතිසංහර්තා ශශිමෞළිර්මහාස්වනඃ ।
සාමප්රියඃ ස්වයං සාධුඃ සර්වදේවෛර්නමස්කෘතඃ ॥ 5 ॥
හස්තවහ්නිධරඃ ශ්රීමාන් මෘගධාරී ච ශංකරඃ ।
යජ්ඤනාථඃ ක්රතුධ්වංසී යජ්ඤභෝක්තා යමාංතකඃ ॥ 6 ॥
භක්තානුග්රහමූර්තිශ්ච භක්තසේව්යෝ වෘෂධ්වජඃ ।
භස්මෝද්ධූළිතසර්වාංගෝऽප්යක්ෂමාලාධරෝ මහාන් ॥ 7 ॥
ත්රයීමූර්තිඃ පරං බ්රහ්ම නාගරාජෛරලංකෘතඃ ।
ශාංතරූපෝ මහාජ්ඤානී සර්වලෝකවිභූෂණඃ ॥ 8 ॥
අර්ධනාරීශ්වරෝ දේවෝ මුනිසේව්යඃ සුරෝත්තමඃ ।
ව්යාඛ්යානදේවෝ භගවාන් අග්නිචංද්රාර්කලෝචනඃ ॥ 9 ॥
ජගත්ස්රෂ්ටා ජගද්ගෝප්තා ජගද්ධ්වංසී ත්රිලෝචනඃ ।
ජගද්ගුරුර්මහාදේවෝ මහානංදපරායණඃ ॥ 10 ॥
ජටාධාරී මහාවීරෝ ජ්ඤානදේවෛරලංකෘතඃ ।
ව්යෝමගංගාජලස්නාතා සිද්ධසංඝසමර්චිතඃ ॥ 11 ॥
තත්ත්වමූර්තිර්මහායෝගී මහාසාරස්වතප්රදඃ ।
ව්යෝමමූර්තිශ්ච භක්තානාමිෂ්ටකාමඵලප්රදඃ ॥ 12 ॥
වීරමූර්තිර්විරූපී ච තේජෝමූර්තිරනාමයඃ ।
වේදවේදාංගතත්ත්වජ්ඤශ්චතුෂ්ෂෂ්ටිකළානිධිඃ ॥ 13 ॥
භවරෝගභයධ්වංසී භක්තානාමභයප්රදඃ ।
නීලග්රීවෝ ලලාටාක්ෂෝ ගජචර්මා ච ජ්ඤානදඃ ॥ 14 ॥
අරෝගී කාමදහනස්තපස්වී විෂ්ණුවල්ලභඃ ।
බ්රහ්මචාරී ච සංන්යාසී ගෘහස්ථාශ්රමකාරණඃ ॥ 15 ॥
දාංතශමවතාං ශ්රේෂ්ඨඃ සත්ත්වරූපදයානිධිඃ ।
යෝගපට්ටාභිරාමශ්ච වීණාධාරී විචේතනඃ ॥ 16 ॥
මංත්රප්රජ්ඤානුගාචාරෝ මුද්රාපුස්තකධාරකඃ ।
රාගහික්කාදිරෝගාණාං විනිහංතා සුරේශ්වරඃ ॥ 17 ॥
ඉති ශ්රී දක්ෂිණාමූර්ත්යෂ්ටෝත්තරශතනාම ස්තෝත්රම් ॥
