ශ්රී පාර්වත්යුවාච
නාම්නාං සහස්රං පරමං ඡින්නමස්තාප්රියං ශුභම් ।
කථිතං භවතා ශංභෝස්සද්යශ්ශත්රුනිකෘංතනම් ॥ 1 ॥
පුනඃ පෘච්ඡාම්යහං දේව කෘපාං කුරු මමෝපරි ।
සහස්රනාමපාඨේ ච අශක්තෝ යඃ පුමාන් භවේත් ॥ 2 ॥
තේන කිං පඨ්යතේ නාථ තන්මේ බ්රූහි කෘපාමය ।
ශ්රී සදාශිව උවාච
අෂ්ටෝත්තරශතං නාම්නාං පඨ්යතේ තේන සර්වදා ॥ 3 ॥
සහස්රනාමපාඨස්ය ඵලං ප්රාප්නෝති නිශ්චිතම් ।
ඕං අස්ය ශ්රීඡින්නමස්තාදේව්යෂ්ටෝත්තර ශතනාම ස්තෝත්රමහාමංත්රස්ය සදාශිව
ඍෂිඃ අනුෂ්ටුප් ඡංදඃ ශ්රීඡින්නමස්තා දේවතා මම සකලසිද්ධි ප්රාප්තයේ ජපේ විනියෝගඃ ॥
ඕං ඡින්නමස්තා මහාවිද්යා මහාභීමා මහෝදරී ।
චංඩේශ්වරී චංඩමාතා චංඩමුංඩප්රභංජිනී ॥ 4 ॥
මහාචංඩා චංඩරූපා චංඩිකා චංඩඛංඩිනී ।
ක්රෝධිනී ක්රෝධජනනී ක්රෝධරූපා කුහූඃ කළා ॥ 5 ॥
කෝපාතුරා කෝපයුතා කෝපසංහාරකාරිණී ।
වජ්රවෛරෝචනී වජ්රා වජ්රකල්පා ච ඩාකිනී ॥ 6 ॥
ඩාකිනීකර්මනිරතා ඩාකිනීකර්මපූජිතා ।
ඩාකිනීසංගනිරතා ඩාකිනීප්රේමපූරිතා ॥ 7 ॥
ඛට්වාංගධාරිණී ඛර්වා ඛඩ්ගඛර්පරධාරිණී ।
ප්රේතාසනා ප්රේතයුතා ප්රේතසංගවිහාරිණී ॥ 8 ॥
ඡින්නමුංඩධරා ඡින්නචංඩවිද්යා ච චිත්රිණී ।
ඝෝරරූපා ඝෝරදෘෂ්ටිඃ ඝෝරරාවා ඝනෝදරී ॥ 9 ॥
යෝගිනී යෝගනිරතා ජපයජ්ඤපරායණා ।
යෝනිචක්රමයී යෝනිර්යෝනිචක්රප්රවර්තිනී ॥ 10 ॥
යෝනිමුද්රා යෝනිගම්යා යෝනියංත්රනිවාසිනී ।
යංත්රරූපා යංත්රමයී යංත්රේශී යංත්රපූජිතා ॥ 11 ॥
කීර්ත්යා කපර්දිනී කාළී කංකාළී කලකාරිණී ।
ආරක්තා රක්තනයනා රක්තපානපරායණා ॥ 12 ॥
භවානී භූතිදා භූතිර්භූතිධාත්රී ච භෛරවී ।
භෛරවාචාරනිරතා භූතභෛරවසේවිතා ॥ 13 ॥
භීමා භීමේශ්වරී දේවී භීමනාදපරායණා ।
භවාරාධ්යා භවනුතා භවසාගරතාරිණී ॥ 14 ॥
භද්රකාළී භද්රතනුර්භද්රරූපා ච භද්රිකා ।
භද්රරූපා මහාභද්රා සුභද්රා භද්රපාලිනී ॥ 15 ॥
සුභව්යා භව්යවදනා සුමුඛී සිද්ධසේවිතා ।
සිද්ධිදා සිද්ධිනිවහා සිද්ධා සිද්ධනිෂේවිතා ॥ 16 ॥
ශුභදා ශුභගා ශුද්ධා ශුද්ධසත්ත්වා ශුභාවහා ।
ශ්රේෂ්ඨා දෘෂ්ටිමයී දේවී දෘෂ්ටිසංහාරකාරිණී ॥ 17 ॥
ශර්වාණී සර්වගා සර්වා සර්වමංගළකාරිණී ।
ශිවා ශාංතා ශාංතිරූපා මෘඩානී මදානතුරා ॥ 18 ॥
ඉති තේ කථිතං දේවී ස්තෝත්රං පරමදුර්ලභම් ।
ගුහ්යාද්ගුහ්යතරං ගෝප්යං ගෝපනියං ප්රයත්නතඃ ॥ 19 ॥
කිමත්ර බහුනෝක්තේන ත්වදග්රේ ප්රාණවල්ලභේ ।
මාරණං මෝහනං දේවි හ්යුච්චාටනමතඃ පරම් ॥ 20 ॥
ස්තංභනාදිකකර්මාණි ඍද්ධයස්සිද්ධයෝऽපි ච ।
ත්රිකාලපඨනාදස්ය සර්වේ සිද්ධ්යංත්යසංශයඃ ॥ 21 ॥
මහෝත්තමං ස්තෝත්රමිදං වරානනේ
මයේරිතං නිත්යමනන්යබුද්ධයඃ ।
පඨංති යේ භක්තියුතා නරෝත්තමා
භවේන්න තේෂාං රිපුභිඃ පරාජයඃ ॥ 22 ॥
ඉති ශ්රීඡින්නමස්තාදේව්යෂ්ටෝත්තරශතනාම ස්තෝත්රම් ॥
