ඊශ්වර උවාච
ඕං ධූමාවතී ධූම්රවර්ණා ධූම්රපානපරායණා ।
ධූම්රාක්ෂමථිනී ධන්යා ධන්යස්ථානනිවාසිනී ॥ 1 ॥
අඝෝරාචාරසංතුෂ්ටා අඝෝරාචාරමංඩිතා ।
අඝෝරමංත්රසංප්රීතා අඝෝරමංත්රපූජිතා ॥ 2 ॥
අට්ටාට්ටහාසනිරතා මලිනාංබරධාරිණී ।
වෘද්ධා විරූපා විධවා විද්යා ච විරළද්විජා ॥ 3 ॥
ප්රවෘද්ධඝෝණා කුමුඛී කුටිලා කුටිලේක්ෂණා ।
කරාළී ච කරාළාස්යා කංකාළී ශූර්පධාරිණී ॥ 4 ॥
කාකධ්වජරථාරූඪා කේවලා කඨිනා කුහූඃ ।
ක්ෂුත්පිපාසාර්දිතා නිත්යා ලලජ්ජිහ්වා දිගංබරී ॥ 5 ॥
දීර්ඝෝදරී දීර්ඝරවා දීර්ඝාංගී දීර්ඝමස්තකා ।
විමුක්තකුංතලා කීර්ත්යා කෛලාසස්ථානවාසිනී ॥ 6 ॥
ක්රූරා කාලස්වරූපා ච කාලචක්රප්රවර්තිනී ।
විවර්ණා චංචලා දුෂ්ටා දුෂ්ටවිධ්වංසකාරිණී ॥ 7 ॥
චංඩී චංඩස්වරූපා ච චාමුංඩා චංඩනිඃස්වනා ।
චංඩවේගා චංඩගතිශ්චංඩමුංඩවිනාශිනී ॥ 8 ॥
චාංඩාලිනී චිත්රරේඛා චිත්රාංගී චිත්රරූපිණී ।
කෘෂ්ණා කපර්දිනී කුල්ලා කෘෂ්ණාරූපා ක්රියාවතී ॥ 9 ॥
කුංභස්තනී මහෝන්මත්තා මදිරාපානවිහ්වලා ।
චතුර්භුජා ලලජ්ජිහ්වා ශත්රුසංහාරකාරිණී ॥ 10 ॥
ශවාරූඪා ශවගතා ශ්මශානස්ථානවාසිනී ।
දුරාරාධ්යා දුරාචාරා දුර්ජනප්රීතිදායිනී ॥ 11 ॥
නිර්මාංසා ච නිරාකාරා ධූමහස්තා වරාන්විතා ।
කලහා ච කලිප්රීතා කලිකල්මෂනාශිනී ॥ 12 ॥
මහාකාලස්වරූපා ච මහාකාලප්රපූජිතා ।
මහාදේවප්රියා මේධා මහාසංකටනාශිනී ॥ 13 ॥
භක්තප්රියා භක්තගතිර්භක්තශත්රුවිනාශිනී ।
භෛරවී භුවනා භීමා භාරතී භුවනාත්මිකා ॥ 14 ॥
භේරුංඩා භීමනයනා ත්රිනේත්රා බහුරූපිණී ।
ත්රිලෝකේශී ත්රිකාලජ්ඤා ත්රිස්වරූපා ත්රයීතනුඃ ॥ 15 ॥
ත්රිමූර්තිශ්ච තථා තන්වී ත්රිශක්තිශ්ච ත්රිශූලිනී ।
ඉති ධූමාමහත් ස්තෝත්රං නාම්නාමෂ්ටශතාත්මකම් ॥ 16 ॥
මයා තේ කථිතං දේවි ශත්රුසංඝවිනාශනම් ।
කාරාගාරේ රිපුග්රස්තේ මහෝත්පාතේ මහාභයේ ॥ 17 ॥
ඉදං ස්තෝත්රං පඨේන්මර්ත්යෝ මුච්යතේ සර්වසංකටෛඃ ।
ගුහ්යාද්ගුහ්යතරං ගුහ්යං ගෝපනීයං ප්රයත්නතඃ ॥ 18 ॥
චතුෂ්පදාර්ථදං නॄණාං සර්වසංපත්ප්රදායකම් ॥ 19 ॥
ඉති ශ්රීධූමාවත්යෂ්ටෝත්තරශතනාමස්තෝත්රම් ।
