නාරද උවාච
භගවන් දේවදේවේශ සෘෂ්ටිස්ථිතිලයේශ්වර ।
ශතමෂ්ටෝත්තරං නාම්නාං බගළායා වදාධුනා ॥ 1 ॥
ශ්රී භගවානුවාච
ශෘණු වත්ස ප්රවක්ෂ්යාමි නාම්නාමෂ්ටෝත්තරං ශතම් ।
පීතාංබර්යා මහාදේව්යාඃ ස්තෝත්රං පාපප්රණාශනම් ॥ 2 ॥
යස්ය ප්රපඨනාත්සද්යෝ වාදී මූකෝභවේත් ක්ෂණාත් ।
රිපවස්ස්තංභනං යාංති සත්යං සත්යං වදාම්යහම් ॥ 3 ॥
ඕං අස්ය ශ්රීපීතාංබර්යෂ්ටෝත්තරශතනාමස්තෝත්රස්ය සදාශිව ඍෂිඃ අනුෂ්ටුප්ඡංදඃ ශ්රීපීතාංබරී දේවතා ශ්රීපීතාංබරී ප්රීතයේ ජපේ විනියෝගඃ ।
ඕං බගළා විෂ්ණුවනිතා විෂ්ණුශංකරභාමිනී ।
බහුළා දේවමාතා ච මහාවිෂ්ණුප්රසූරපි ॥ 4 ॥
මහාමත්ස්යා මහාකූර්මා මහාවාරාහරූපිණී ।
නාරසිංහප්රියා රම්යා වාමනා පටුරූපිණී ॥ 5 ॥
ජාමදග්න්යස්වරූපා ච රාමා රාමප්රපූජිතා ।
කෘෂ්ණා කපර්දිනී කෘත්යා කලහා ච විකාරිණී ॥ 6 ॥
බුද්ධිරූපා බුද්ධභාර්යා බෞද්ධපාෂංඩඛංඩිනී ।
කල්කිරූපා කලිහරා කලිදුර්ගතිනාශිනී ॥ 7 ॥
කෝටිසූර්යප්රතීකාශා කෝටිකංදර්පමෝහිනී ।
කේවලා කඨිනා කාළී කලා කෛවල්යදායිනී ॥ 8 ॥
කේශවී කේශවාරාධ්යා කිශෝරී කේශවස්තුතා ।
රුද්රරූපා රුද්රමූර්තී රුද්රාණී රුද්රදේවතා ॥ 9 ॥
නක්ෂත්රරූපා නක්ෂත්රා නක්ෂත්රේශප්රපූජිතා ।
නක්ෂත්රේශප්රියා නිත්යා නක්ෂත්රපතිවංදිතා ॥ 10 ॥
නාගිනී නාගජනනී නාගරාජප්රවංදිතා ।
නාගේශ්වරී නාගකන්යා නාගරී ච නගාත්මජා ॥ 11 ॥
නගාධිරාජතනයා නගරාජප්රපූජිතා ।
නවීනා නීරදා පීතා ශ්යාමා සෞංදර්යකාරිණී ॥ 12 ॥
රක්තා නීලා ඝනා ශුභ්රා ශ්වේතා සෞභාග්යදායිනී ।
සුංදරී සෞභගා සෞම්යා ස්වර්ණාභා ස්වර්ගතිප්රදා ॥ 13 ॥
රිපුත්රාසකරී රේඛා ශත්රුසංහාරකාරිණී ।
භාමිනී ච තථා මායා ස්තංභිනී මෝහිනී ශුභා ॥ 14 ॥
රාගද්වේෂකරී රාත්රී රෞරවධ්වංසකාරිණී ।
යක්ෂිණී සිද්ධනිවහා සිද්ධේශා සිද්ධිරූපිණී ॥ 15 ॥
ලංකාපතිධ්වංසකරී ලංකේශරිපුවංදිතා ।
ලංකානාථකුලහරා මහාරාවණහාරිණී ॥ 16 ॥
දේවදානවසිද්ධෞඝපූජිතාපරමේශ්වරී ।
පරාණුරූපා පරමා පරතංත්රවිනාශිනී ॥ 17 ॥
වරදා වරදාරාධ්යා වරදානපරායණා ।
වරදේශප්රියා වීරා වීරභූෂණභූෂිතා ॥ 18 ॥
වසුදා බහුදා වාණී බ්රහ්මරූපා වරානනා ।
බලදා පීතවසනා පීතභූෂණභූෂිතා ॥ 19 ॥
පීතපුෂ්පප්රියා පීතහාරා පීතස්වරූපිණී ।
ඉති තේ කථිතං විප්ර නාම්නාමෂ්ටෝත්තරං ශතම් ॥ 20 ॥
යඃ පඨේත්පාඨයේද්වාපි ශෘණුයාද්වා සමාහිතඃ ।
තස්ය ශත්රුඃ ක්ෂයං සද්යෝ යාති නෛවාත්ර සංශයඃ ॥ 21 ॥
ප්රභාතකාලේ ප්රයතෝ මනුෂ්යඃ
පඨේත්සුභක්ත්යා පරිචිංත්ය පීතාම් ।
ධ්රුවං භවේත්තස්ය සමස්තවෘද්ධිඃ
විනාශමායාති ච තස්ය ශත්රුඃ ॥ 22 ॥
ඉති ශ්රීවිෂ්ණුයාමලේ නාරදවිෂ්ණුසංවාදේ ශ්රීබගළාෂ්ටෝත්තරශතනාමස්තෝත්රම් ।
