ශ්රීදේව්යුවාච
කෛලාසවාසින් භගවන් ප්රාණේශ්වර කෘපානිධේ ।
භක්තවත්සල භෛරව්යා නාම්නාමෂ්ටෝත්තරං ශතම් ॥ 1 ॥
න ශ්රුතං දේවදේවේශ වද මාං දීනවත්සල ।
ශ්රීශිව උවාච
ශෘණු ප්රියේ මහාගෝප්යං නාම්නාමෂ්ටෝත්තරං ශතම් ॥ 2 ॥
භෛරව්යාශ්ශුභදං සේව්යං සර්වසංපත්ප්රදායකම් ।
යස්යානුෂ්ඨානමාත්රේණ කිං න සිද්ධ්යති භූතලේ ॥ 3 ॥
ඕං භෛරවී භෛරවාරාධ්යා භූතිදා භූතභාවනා ।
ආර්යා බ්රාහ්මී කාමධේනුස්සර්වසංපත්ප්රදායිනී ॥ 4 ॥
ත්රෛලෝක්යවංදිතා දේවී මහිෂාසුරමර්දිනී ।
මෝහඝ්නී මාලතී මාලා මහාපාතකනාශිනී ॥ 5 ॥
ක්රෝධිනී ක්රෝධනිලයා ක්රෝධරක්තේක්ෂණා කුහූඃ ।
ත්රිපුරා ත්රිපුරාධාරා ත්රිනේත්රා භීමභෛරවී ॥ 6 ॥
දේවකී දේවමාතා ච දේවදුෂ්ටවිනාශිනී ।
දාමෝදරප්රියා දීර්ඝා දුර්ගා දුර්ගතිනාශිනී ॥ 7 ॥
ලංබෝදරී ලංබකර්ණා ප්රලංබිතපයෝධරා ।
ප්රත්යංගිරා ප්රතිපදා ප්රණතක්ලේශනාශිනී ॥ 8 ॥
ප්රභාවතී ගුණවතී ගණමාතා ගුහේශ්වරී ।
ක්ෂීරාබ්ධිතනයා ක්ෂේම්යා ජගත්ත්රාණවිධායිනී ॥ 9 ॥
මහාමාරී මහාමෝහා මහාක්රෝධා මහානදී ।
මහාපාතකසංහර්ත්රී මහාමෝහප්රදායිනී ॥ 10 ॥
විකරාළා මහාකාලා කාලරූපා කළාවතී ।
කපාලඛට්වාංගධරා ඛඩ්ගඛර්පරධාරිණී ॥ 11 ॥
කුමාරී කුංකුමප්රීතා කුංකුමාරුණරංජිතා ।
කෞමෝදකී කුමුදිනී කීර්ත්යා කීර්තිප්රදායිනී ॥ 12 ॥
නවීනා නීරදා නිත්යා නංදිකේශ්වරපාලිනී ।
ඝර්ඝරා ඝර්ඝරාරාවා ඝෝරා ඝෝරස්වරූපිණී ॥ 13 ॥
කලිඝ්නී කලිධර්මඝ්නී කලිකෞතුකනාශිනී ।
කිශෝරී කේශවප්රීතා ක්ලේශසංඝනිවාරිණී ॥ 14 ॥
මහෝන්මත්තා මහාමත්තා මහාවිද්යා මහීමයී ।
මහායජ්ඤා මහාවාණී මහාමංදරධාරිණී ॥ 15 ॥
මෝක්ෂදා මෝහදා මෝහා භුක්තිමුක්තිප්රදායිනී ।
අට්ටාට්ටහාසනිරතා ක්වණන්නූපුරධාරිණී ॥ 16 ॥
දීර්ඝදංෂ්ට්රා දීර්ඝමුඛී දීර්ඝඝෝණා ච දීර්ඝිකා ।
දනුජාංතකරී දුෂ්ටා දුඃඛදාරිද්ර්යභංජිනී ॥ 17 ॥
දුරාචාරා ච දෝෂඝ්නී දමපත්නී දයාපරා ।
මනෝභවා මනුමයී මනුවංශප්රවර්ධිනී ॥ 18 ॥
ශ්යාමා ශ්යාමතනුශ්ශෝභා සෞම්යා ශංභුවිලාසිනී ।
ඉති තේ කථිතං දිව්යං නාම්නාමෂ්ටෝත්තරං ශතම් ॥ 19 ॥
භෛරව්යා දේවදේවේශ්යාස්තව ප්රීත්යෛ සුරේශ්වරි ।
අප්රකාශ්යමිදං ගෝප්යං පඨනීයං ප්රයත්නතඃ ॥ 20 ॥
දේවීං ධ්යාත්වා සුරාං පීත්වා මකාරෛඃ පංචකෛඃ ප්රියේ ।
පූජයේත්සතතං භක්ත්යා පඨේත් ස්තෝත්රමිදං ශුභම් ॥ 21 ॥
ෂණ්මාසාභ්යංතරේ සෝऽපි ගණනාථසමෝ භවේත් ।
කිමත්ර බහුනෝක්තේන ත්වදග්රේ ප්රාණවල්ලභේ ॥ 22 ॥
සර්වං ජානාසි සර්වජ්ඤේ පුනර්මාං පරිපෘච්ඡසි ।
න දේයං පරශිෂ්යේභ්යෝ නිංදකේභ්යෝ විශේෂතඃ ॥ 23 ॥
ඉති ශ්රීත්රිපුරභෛරවී අෂ්ටෝත්තරශතනාමස්තෝත්රම් ।
