කෛලාසශිඛරේ රම්යේ නානාරත්නෝපශෝභිතේ ।
නරනාරීහිතාර්ථාය ශිවං පප්රච්ඡ පාර්වතී ॥ 1 ॥
දේව්යුවාච
භුවනේශී මහාවිද්යා නාම්නාමෂ්ටෝත්තරං ශතම් ।
කථයස්ව මහාදේව යද්යහං තව වල්ලභා ॥ 2 ॥
ඊශ්වර උවාච
ශෘණු දේවි මහාභාගේ ස්තවරාජමිදං ශුභම් ।
සහස්රනාම්නාමධිකං සිද්ධිදං මෝක්ෂහේතුකම් ॥ 3 ॥
ශුචිභිඃ ප්රාතරුත්ථාය පඨිතව්යඃ සමාහිතෛඃ ।
ත්රිකාලං ශ්රද්ධයා යුක්තෛඃ සර්වකාමඵලප්රදඃ ॥ 4 ॥
අස්ය ශ්රීභුවනේශ්වර්යෂ්ටෝත්තරශතනාම ස්තෝත්රමංත්රස්ය ශක්තිරෘෂිඃ ගායත්රී ඡංදඃ ශ්රීභුවනේශ්වරී දේවතා චතුර්විධඵල පුරුෂාර්ථ සිද්ධ්යර්ථේ ජපේ විනියෝගඃ ॥
අථ ස්තෝත්රම්
ඕං මහාමායා මහාවිද්යා මහායෝගා මහෝත්කටා ।
මාහේශ්වරී කුමාරී ච බ්රහ්මාණී බ්රහ්මරූපිණී ॥ 5 ॥
වාගීශ්වරී යෝගරූපා යෝගිනීකෝටිසේවිතා ।
ජයා ච විජයා චෛව කෞමාරී සර්වමංගළා ॥ 6 ॥
හිංගුළා ච විලාසී ච ජ්වාලිනී ජ්වාලරූපිණී ।
ඊශ්වරී ක්රූරසංහාරී කුලමාර්ගප්රදායිනී ॥ 7 ॥
වෛෂ්ණවී සුභගාකාරා සුකුල්යා කුලපූජිතා ।
වාමාංගා වාමචාරා ච වාමදේවප්රියා තථා ॥ 8 ॥
ඩාකිනී යෝගිනීරූපා භූතේශී භූතනායිකා ।
පද්මාවතී පද්මනේත්රා ප්රබුද්ධා ච සරස්වතී ॥ 9 ॥
භූචරී ඛේචරී මායා මාතංගී භුවනේශ්වරී ।
කාංතා පතිව්රතා සාක්ෂී සුචක්ෂුඃ කුංඩවාසිනී ॥ 10 ॥
උමා කුමාරී ලෝකේශී සුකේශී පද්මරාගිණී ।
ඉංද්රාණී බ්රහ්මචංඩාලී චංඩිකා වායුවල්ලභා ॥ 11 ॥
සර්වධාතුමයීමූර්තිර්ජලරූපා ජලෝදරී ।
ආකාශී රණගා චෛව නෘකපාලවිභූෂණා ॥ 12 ॥
නර්මදා මෝක්ෂදා චෛව ධර්මකාමාර්ථදායිනී ।
ගායත්රී චාऽථ සාවිත්රී ත්රිසංධ්යා තීර්ථගාමිනී ॥ 13 ॥
අෂ්ටමී නවමී චෛව දශම්යෛකාදශී තථා ।
පෞර්ණමාසී කුහූරූපා තිථිමූර්තිස්වරූපිණී ॥ 14 ॥
සුරාරිනාශකාරී ච උග්රරූපා ච වත්සලා ।
අනලා අර්ධමාත්රා ච අරුණා පීතලෝචනා ॥ 15 ॥
ලජ්ජා සරස්වතී විද්යා භවානී පාපනාශිනී ।
නාගපාශධරා මූර්තිරගාධා ධෘතකුංඩලා ॥ 16 ॥
ක්ෂත්රරූපා ක්ෂයකරී තේජස්විනී ශුචිස්මිතා ।
අව්යක්තාව්යක්තලෝකා ච ශංභුරූපා මනස්විනී ॥ 17 ॥
මාතංගී මත්තමාතංගී මහාදේවප්රියා සදා ।
දෛත්යඝ්නී චෛව වාරාහී සර්වශාස්ත්රමයී ශුභා ॥ 18 ॥
ය ඉදං පඨතේ භක්ත්යා ශෘණුයාද්වා සමාහිතඃ ।
අපුත්රෝ ලභතේ පුත්රං නිර්ධනෝ ධනවාන් භවේත් ॥ 19 ॥
මූර්ඛෝऽපි ලභතේ ශාස්ත්රං චෝරෝऽපි ලභතේ ගතිම් ।
වේදානාං පාඨකෝ විප්රඃ ක්ෂත්රියෝ විජයී භවේත් ॥ 20 ॥
වෛශ්යස්තු ධනවාන් භූයාච්ඡූද්රස්තු සුඛමේධතේ ।
අෂ්ටම්යාං ච චතුර්දශ්යාං නවම්යාං චෛකචේතසඃ ॥ 21 ॥
යේ පඨංති සදා භක්ත්යා න තේ වෛ දුඃඛභාගිනඃ ।
ඒකකාලං ද්විකාලං වා ත්රිකාලං වා චතුර්ථකම් ॥ 22 ॥
යේ පඨංති සදා භක්ත්යා ස්වර්ගලෝකේ ච පූජිතාඃ ।
රුද්රං දෘෂ්ට්වා යථා දේවාඃ පන්නගා ගරුඩං යථා ।
ශත්රවඃ ප්රපලායංතේ තස්ය වක්ත්රවිලෝකනාත් ॥ 23 ॥
ඉති ශ්රීරුද්රයාමලේ දේවීශ්වරසංවාදේ ශ්රී භුවනේශ්වර්යෂ්ටෝත්තරශතනාම ස්තෝත්රම් ।
