ධනහීනෝ න හීනශ්ච ධනිකඃ ස සුනිශ්චයඃ ।
විද්යාරත්නේන හීනෝ යඃ ස හීනඃ සර්වවස්තුෂු ॥ 01 ॥

දෘෂ්ටිපූතං න්යසේත්පාදං වස්ත්රපූතං පිබේජ්ජලම් ।
ශාස්ත්රපූතං වදේද්වාක්යඃ මනඃපූතං සමාචරේත් ॥ 02 ॥

සුඛාර්ථී චේත්ත්යජේද්විද්යාං විද්යාර්ථී චේත්ත්යජේත්සුඛම් ।
සුඛාර්ථිනඃ කුතෝ විද්යා සුඛං විද්යාර්ථිනඃ කුතඃ ॥ 03 ॥

කවයඃ කිං න පශ්යංති කිං න භක්ෂංති වායසාඃ ।
මද්යපාඃ කිං න ජල්පංති කිං න කුර්වංති යෝෂිතඃ ॥ 04 ॥

රංකං කරෝති රාජානං රාජානං රංකමේව ච ।
ධනිනං නිර්ධනං චෛව නිර්ධනං ධනිනං විධිඃ ॥ 05 ॥

ලුබ්ධානාං යාචකඃ ශත්රුර්මූර්ඛානාං බෝධකෝ රිපුඃ ।
ජාරස්ත්රීණාං පතිඃ ශත්රුශ්චෞරාණාං චංද්රමා රිපුඃ ॥ 06 ॥

යේෂාං න විද්යා න තපෝ න දානං
ජ්ඤානං න ශීලාං න ගුණෝ න ධර්මඃ ।
තේ මර්ත්යලෝකේ භුවි භාරභූතා
මනුෂ්යරූපේණ මෘගාශ්චරංති ॥ 07 ॥

අංතඃසාරවිහීනානාමුපදේශෝ න ජායතේ ।
මලයාචලසංසර්ගාන්න වේණුශ්චංදනායතේ ॥ 08 ॥

යස්ය නාස්ති ස්වයං ප්රජ්ඤා ශාස්ත්රං තස්ය කරෝති කිම් ।
ලෝචනාභ්යාං විහීනස්ය දර්පණඃ කිං කරිෂ්යති ॥ 09 ॥

දුර්ජනං සජ්ජනං කර්තුමුපායෝ නහි භූතලේ ।
අපානං ශාතධා ධෞතං න ශ්රේෂ්ඨමිංද්රියං භවේත් ॥ 10 ॥

ආප්තද්වේෂාද්භවේන්මෘත්යුඃ පරද්වේෂාද්ධනක්ෂයඃ ।
රාජද්වේෂාද්භවේන්නාශෝ බ්රහ්මද්වේෂාත්කුලක්ෂයඃ ॥ 11 ॥

වරං වනං ව්යාඝ්රගජේංද්රසේවිතං
ද්රුමාලයං පත්රඵලාංබුසේවනම් ।
තෘණේෂු ශය්යා ශතජීර්ණවල්කලං
න බංධුමධ්යේ ධනහීනජීවනම් ॥ 12 ॥

විප්රෝ වෘක්ෂස්තස්ය මූලං ච සංධ්යා
වේදඃ ශාඛා ධර්මකර්මාණි පත්රම් ।
තස්මාන්මූලං යත්නතෝ රක්ෂණීයං
ඡින්නේ මූලේ නෛව ශාඛා න පත්රම් ॥ 13 ॥

මාතා ච කමලා දේවී පිතා දේවෝ ජනාර්දනඃ ।
බාංධවා විෂ්ණුභක්තාශ්ච ස්වදේශෝ භුවනත්රයම් ॥ 14 ॥

ඒකවෘක්ෂසමාරූඪා නානාවර්ණා විහංගමාඃ ।
ප්රභාතේ දික්ෂු දශසු යාංති කා තත්ර වේදනා ॥ 15 ॥

බුද්ධිර්යස්ය බලං තස්ය නිර්බුද්ධේශ්ච කුතෝ බලම් ।
වනේ සිංහෝ යදෝන්මත්තඃ මශකේන නිපාතිතඃ ॥ 16 ॥

කා චිංතා මම ජීවනේ යදි හරිර්විශ්වංභරෝ ගීයතේ
නෝ චේදර්භකජීවනාය ජනනීස්තන්යං කථං නිර්මමේ ।
ඉත්යාලෝච්ය මුහුර්මුහුර්යදුපතේ ලක්ෂ්මීපතේ කේවලං
ත්වත්පාදාංබුජසේවනේන සතතං කාලෝ මයා නීයතේ ॥ 17 ॥

ගීර්වාණවාණීෂු විශිෂ්ටබුද්ධි-
ස්තථාපි භාෂාංතරලෝලුපෝऽහම් ।
යථා සුධායාමමරේෂු සත්යාං
ස්වර්ගාංගනානාමධරාසවේ රුචිඃ ॥ 18 ॥

අන්නාද්දශගුණං පිෂ්ටං පිෂ්ටාද්දශගුණං පයඃ ।
පයසෝऽෂ්ටගුණං මාංසාං මාංසාද්දශගුණං ඝෘතම් ॥ 19 ॥

ශෝකේන රෝගා වර්ධංතේ පයසා වර්ධතේ තනුඃ ।
ඝෘතේන වර්ධතේ වීර්යං මාංසාන්මාංසං ප්රවර්ධතේ ॥ 20 ॥