ශ්රුත්වා ධර්මං විජානාති ශ්රුත්වා ත්යජති දුර්මතිම් ।
ශ්රුත්වා ජ්ඤානමවාප්නෝති ශ්රුත්වා මෝක්ෂමවාප්නුයාත් ॥ 01 ॥

පක්ෂිණඃ කාකශ්චංඩාලඃ පශූනාං චෛව කුක්කුරඃ ।
මුනීනාං පාපශ්චංඩාලඃ සර්වචාංඩාලනිංදකඃ ॥ 02 ॥

භස්මනා ශුද්ධ්යතේ කාස්යං තාම්රමම්ලේන ශුද්ධ්යති ।
රජසා ශුද්ධ්යතේ නාරී නදී වේගේන ශුද්ධ්යති ॥ 03 ॥

භ්රමන්සංපූජ්යතේ රාජා භ්රමන්සංපූජ්යතේ ද්විජඃ ।
භ්රමන්සංපූජ්යතේ යෝගී ස්ත්රී භ්රමංතී විනශ්යති ॥ 04 ॥

යස්යාර්ථාස්තස්ය මිත්රාණි යස්යාර්ථාස්තස්ය බාංධවාඃ ।
යස්යාර්ථාඃ ස පුමාංල්ලෝකේ යස්යාර්ථාඃ ස ච පංඩිතඃ ॥ 05 ॥

තාදෘශී ජායතේ බුද්ධිර්ව්යවසායෝऽපි තාදෘශඃ ।
සහායාස්තාදෘශා ඒව යාදෘශී භවිතව්යතා ॥ 06 ॥

කාලඃ පචති භූතානි කාලඃ සංහරතේ ප්රජාඃ ।
කාලඃ සුප්තේෂු ජාගර්ති කාලෝ හි දුරතික්රමඃ ॥ 07 ॥

න පශ්යති ච ජන්මාංධඃ කාමාංධෝ නෛව පශ්යති ।
මදෝන්මත්තා න පශ්යංති අර්ථී දෝෂං න පශ්යති ॥ 08 ॥

ස්වයං කර්ම කරෝත්යාත්මා ස්වයං තත්ඵලමශ්නුතේ ।
ස්වයං භ්රමති සංසාරේ ස්වයං තස්මාද්විමුච්යතේ ॥ 09 ॥

රාජා රාෂ්ට්රකෘතං පාපං රාජ්ඤඃ පාපං පුරෝහිතඃ ।
භර්තා ච ස්ත්රීකෘතං පාපං ශිෂ්යපාපං ගුරුස්තථා ॥ 10 ॥

ඍණකර්තා පිතා ශත්රුර්මාතා ච ව්යභිචාරිණී ।
භාර්යා රූපවතී ශත්රුඃ පුත්රඃ ශත්රුරපංඩිතඃ ॥ 11 ॥

ලුබ්ධමර්ථේන ගෘහ්ණීයාත් ස්තබ්ධමංජලිකර්මණා ।
මූර්ඛං ඡංදෝऽනුවෘත්ත්යා ච යථාර්ථත්වේන පංඩිතම් ॥ 12 ॥

වරං න රාජ්යං න කුරාජරාජ්යං
වරං න මිත්රං න කුමිත්රමිත්රම් ।
වරං න ශිෂ්යෝ න කුශිෂ්යශිෂ්යෝ
වරං න දාර න කුදරදාරඃ ॥ 13 ॥

කුරාජරාජ්යේන කුතඃ ප්රජාසුඛං
කුමිත්රමිත්රේණ කුතෝऽභිනිර්වෘතිඃ ।
කුදාරදාරෛශ්ච කුතෝ ගෘහේ රතිඃ
කුශිෂ්යශිෂ්යමධ්යාපයතඃ කුතෝ යශඃ ॥ 14 ॥

සිංහාදේකං බකාදේකං ශික්ෂේච්චත්වාරි කුක්කුටාත් ।
වායසාත්පංච ශික්ෂේච්ච ෂට්ශුනස්ත්රීණි ගර්දභාත් ॥ 15 ॥

ප්රභූතං කාර්යමල්පං වා යන්නරඃ කර්තුමිච්ඡති ।
සර්වාරංභේණ තත්කාර්යං සිංහාදේකං ප්රචක්ෂතේ ॥ 16 ॥

ඉංද්රියාණි ච සංයම්ය රාගද්වේෂවිවර්ජිතඃ ।
සමදුඃඛසුඛඃ ශාංතඃ තත්ත්වජ්ඤඃ සාධුරුච්යතේ ॥ 17 ॥

ප්රත්යුත්ථානං ච යුද්ධං ච සංවිභාගං ච බංධුෂු ।
ස්වයමාක්රම්ය භුක්තං ච ශික්ෂේච්චත්වාරි කුක්කුටාත් ॥ 18 ॥

ගූඪමෛථුනචාරිත්වං කාලේ කාලේ ච සංග්රහම් ।
අප්රමත්තමවිශ්වාසං පංච ශික්ෂේච්ච වායසාත් ॥ 19 ॥

බහ්වාශී ස්වල්පසංතුෂ්ටඃ සනිද්රෝ ලඝුචේතනඃ ।
ස්වාමිභක්තශ්ච ශූරශ්ච ෂඩේතේ ශ්වානතෝ ගුණාඃ ॥ 20 ॥

සුශ්රාංතෝऽපි වහේද්භාරං ශීතෝෂ්ණං න ච පශ්යති ।
සංතුෂ්ටශ්චරතේ නිත්යං ත්රීණි ශික්ෂේච්ච ගර්දභාත් ॥ 21 ॥

ය ඒතාන්විංශතිගුණානාචරිෂ්යති මානවඃ ।
කාර්යාවස්ථාසු සර්වාසු අජේයඃ ස භවිෂ්යති ॥ 22 ॥