අස්ය ශ්රීදක්ෂිණාමූර්ති සහස්රනාමස්තෝත්රස්ය බ්රහ්මා ඍෂිඃ අනුෂ්ටුප් ඡංදඃ ශ්රීදක්ෂිණාමූර්තිර්දේවතා ඕං බීජං ස්වාහා ශක්තිඃ නමඃ කීලකං මේධාදක්ෂිණාමූර්ති ප්රසාදසිද්ධ්යර්ථේ ජපේ විනියෝගඃ ॥
හ්රාමිත්යාදිනා න්යාසඃ ॥
ධ්යානං
සිද්ධිතෝයනිධේර්මධ්යේ රත්නග්රෛවේ මනෝරමේ ।
කදංබවනිකාමධ්යේ ශ්රීමද්වටතරෝරධඃ ॥ 1 ॥
ආසීනමාද්යං පුරුෂමාදිමධ්යාංතවර්ජිතම් ।
ශුද්ධස්ඵටිකගෝක්ෂීරශරත්පූර්ණේංදුශේඛරම් ॥ 2 ॥
දක්ෂිණේ චාක්ෂමාලාං ච වහ්නිං වෛ වාමහස්තකේ ।
ජටාමංඩලසංලග්නශීතාංශුකරමංඩිතම් ॥ 3 ॥
නාගහාරධරං චාරුකංකණෛඃ කටිසූත්රකෛඃ ।
විරාජමානවෘෂභං ව්යාඝ්රචර්මාංබරාවෘතම් ॥ 4 ॥
චිංතාමණිමහාබෘංදෛඃ කල්පකෛඃ කාමධේනුභිඃ ।
චතුඃෂෂ්ටිකලාවිද්යාමූර්තිභිඃ ශ්රුතිමස්තකෛඃ ॥ 5 ॥
රත්නසිංහාසනේ සාධුද්වීපිචර්මසමායුතේ ।
තත්රාෂ්ටදළපද්මස්ය කර්ණිකායාං සුශෝභනේ ॥ 6 ॥
වීරාසනේ සමාසීනං ලංබදක්ෂපදාංබුජම් ।
ජ්ඤානමුද්රාං පුස්තකං ච වරාභීතිධරං හරම් ॥ 7 ॥
පාදමූලසමාක්රාංතමහාපස්මාරවෛභවම් ।
රුද්රාක්ෂමාලාභරණභූෂිතං භූතිභාසුරම් ॥ 8 ॥
ගජචර්මෝත්තරීයං ච මංදස්මිතමුඛාංබුජම් ।
සිද්ධබෘංදෛර්යෝගිබෘංදෛර්මුනිබෘංදෛර්නිෂේවිතම් ॥ 9 ॥
ආරාධ්යමානවෘෂභමග්නීංදුරවිලෝචනම් ।
පූරයංතං කෘපාදෘෂ්ට්යා පුමර්ථානාශ්රිතේ ජනේ ॥ 10 ॥
ඒවං විභාවයේදීශං සර්වවිද්යාකළානිධිම් ॥ 11 ॥
ලමිත්යාදි පංචෝපචාරාඃ ॥
ස්තෝත්රං
ඕම් । දේවදේවෝ මහාදේවෝ දේවානාමපි දේශිකඃ ।
දක්ෂිණාමූර්තිරීශානෝ දයාපූරිතදිඞ්මුඛඃ ॥ 1 ॥
කෛලාසශිඛරෝත්තුංගකමනීයනිජාකෘතිඃ ।
වටද්රුමතටීදිව්යකනකාසනසංස්ථිතඃ ॥ 2 ॥
කටීතටපටීභූතකරිචර්මෝජ්ජ්වලාකෘතිඃ ।
පාටීරපාංඩුරාකාරපරිපූර්ණසුධාධිපඃ ।3 ॥
ජටාකෝටීරඝටිතසුධාකරසුධාප්ලුතඃ ।
පශ්යල්ලලාටසුභගසුංදරභ්රූවිලාසවාන් ॥ 4 ॥
කටාක්ෂසරණීනිර්යත්කරුණාපූර්ණලෝචනඃ ।
කර්ණාලෝලතටිද්වර්ණකුංඩලෝජ්ජ්වලගංඩභූඃ ॥ 5 ॥
තිලප්රසූනසංකාශනාසිකාපුටභාසුරඃ ।
මංදස්මිතස්ඵුරන්මුග්ධමහනීයමුඛාංබුජඃ ॥ 6 ॥
කුංදකුඩ්මලසංස්පර්ධිදංතපංක්තිවිරාජිතඃ ।
සිංදූරාරුණසුස්නිග්ධකෝමලාධරපල්ලවඃ ॥ 7 ॥
ශංඛාටෝපගලද්දිව්යගළවෛභවමංජුලඃ ।
කරකංදලිතජ්ඤානමුද්රාරුද්රාක්ෂමාලිකඃ ॥ 8 ॥
අන්යහස්තතලන්යස්තවීණාපුස්තෝල්ලසද්වපුඃ ।
විශාලරුචිරෝරස්කවලිමත්පල්ලවෝදරඃ ॥ 9 ॥
බෘහත්කටිනිතංබාඪ්යඃ පීවරෝරුද්වයාන්විතඃ ।
ජංඝාවිජිතතූණීරස්තුංගගුල්ඵයුගෝජ්ජ්වලඃ ॥ 10 ॥
මෘදුපාටලපාදාබ්ජශ්චංද්රාභනඛදීධිතිඃ ।
අපසව්යෝරුවින්යස්තසව්යපාදසරෝරුහඃ ॥ 11 ॥
ඝෝරාපස්මාරනික්ෂිප්තධීරදක්ෂපදාංබුජඃ ।
සනකාදිමුනිධ්යේයඃ සර්වාභරණභූෂිතඃ ॥ 12 ॥
දිව්යචංදනලිප්තාංගශ්චාරුහාසපරිෂ්කෘතඃ ।
කර්පූරධවළාකාරඃ කංදර්පශතසුංදරඃ ॥ 13 ॥
කාත්යායනීප්රේමනිධිඃ කරුණාරසවාරිධිඃ ।
කාමිතාර්ථප්රදඃ ශ්රීමත්කමලාවල්ලභප්රියඃ ॥ 14 ॥
කටාක්ෂිතාත්මවිජ්ඤානඃ කෛවල්යානංදකංදලඃ ।
මංදහාසසමානේංදුශ්ඡින්නාජ්ඤානතමස්තතිඃ ॥ 15 ॥
සංසාරානලසංතප්තජනතාමෘතසාගරඃ ।
ගංභීරහෘදයාංභෝජනභෝමණිනිභාකෘතිඃ ॥ 16 ॥
නිශාකරකරාකාරවශීකෘතජගත්ත්රයඃ ।
තාපසාරාධ්යපාදාබ්ජස්තරුණානංදවිග්රහඃ ॥ 17 ॥
භූතිභූෂිතසර්වාංගෝ භූතාධිපතිරීශ්වරඃ ।
වදනේංදුස්මිතජ්යෝත්ස්නානිලීනත්රිපුරාකෘතිඃ ॥ 18 ॥
තාපත්රයතමෝභානුඃ පාපාරණ්යදවානලඃ ।
සංසාරසාගරෝද්ධර්තා හංසාග්ර්යෝපාස්යවිග්රහඃ ॥ 19 ॥
ලලාටහුතභුග්දග්ධමනෝභවශුභාකෘතිඃ ।
තුච්ඡීකෘතජගජ්ජාලස්තුෂාරකරශීතලඃ ॥ 20 ॥
අස්තංගතසමස්තේච්ඡෝ නිස්තුලානංදමංථරඃ ।
ධීරෝදාත්තගුණාධාර උදාරවරවෛභවඃ ॥ 21 ॥
අපාරකරුණාමූර්තිරජ්ඤානධ්වාංතභාස්කරඃ ।
භක්තමානසහංසාග්ර්යෝ භවාමයභිෂක්තමඃ ॥ 22 ॥
යෝගීංද්රපූජ්යපාදාබ්ජෝ යෝගපට්ටෝල්ලසත්කටිඃ ।
ශුද්ධස්ඵටිකසංකාශෝ බද්ධපන්නගභූෂණඃ ॥ 23 ॥
නානාමුනිසමාකීර්ණෝ නාසාග්රන්යස්තලෝචනඃ ।
වේදමූර්ධෛකසංවේද්යෝ නාදධ්යානපරායණඃ ॥ 24 ॥
ධරාධරේංදුරානංදසංදෝහරසසාගරඃ ।
ද්වෛතබෘංදවිමෝහාංධ්යපරාකෘතදෘගද්භුතඃ ॥ 25 ॥
ප්රත්යගාත්මා පරංජ්යෝතිඃ පුරාණඃ පරමේශ්වරඃ ।
ප්රපංචෝපශමඃ ප්රාජ්ඤඃ පුණ්යකීර්තිඃ පුරාතනඃ ॥ 26 ॥
සර්වාධිෂ්ඨානසන්මාත්රඃ ස්වාත්මබංධහරෝ හරඃ ।
සර්වප්රේමනිජාහාසඃ සර්වානුග්රහකෘච්ඡිවඃ ॥ 27 ॥
සර්වේංද්රියගුණාභාසඃ සර්වභූතගුණාශ්රයඃ ।
සච්චිදානංදපූර්ණාත්මා සර්වභූතගුණාශ්රයඃ ॥ 28 ॥
සර්වභූතාංතරඃ සාක්ෂී සර්වජ්ඤඃ සර්වකාමදඃ ।
සනකාදිමහායෝගිසමාරාධිතපාදුකඃ ॥ 29 ॥
ආදිදේවෝ දයාසිංධුඃ ශික්ෂිතාසුරවිග්රහඃ ।
යක්ෂකින්නරගංධර්වස්තූයමානාත්මවෛභවඃ ॥ 30 ॥
බ්රහ්මාදිදේවවිනුතෝ යෝගමායානියෝජකඃ ।
ශිවයෝගී ශිවානංදඃ ශිවභක්තසමුද්ධරඃ ॥ 31 ॥
වේදාංතසාරසංදෝහඃ සර්වසත්ත්වාවලංබනඃ ।
වටමූලාශ්රයෝ වාග්මී මාන්යෝ මලයජප්රියඃ ॥ 32 ॥
සුශීලෝ වාංඡිතාර්ථජ්ඤඃ ප්රසන්නවදනේක්ෂණඃ ।
නෘත්තගීතකලාභිජ්ඤඃ කර්මවිත්කර්මමෝචකඃ ॥ 33 ॥
කර්මසාක්ෂී කර්මමයඃ කර්මණාං ච ඵලප්රදඃ ।
ජ්ඤානදාතා සදාචාරඃ සර්වෝපද්රවමෝචකඃ ॥ 34 ॥
අනාථනාථෝ භගවානාශ්රිතාමරපාදපඃ ।
වරප්රදඃ ප්රකාශාත්මා සර්වභූතහිතේ රතඃ ॥ 35 ॥
ව්යාඝ්රචර්මාසනාසීන ආදිකර්තා මහේශ්වරඃ ।
සුවික්රමඃ සර්වගතෝ විශිෂ්ටජනවත්සලඃ ॥ 36 ॥
චිංතාශෝකප්රශමනෝ ජගදානංදකාරකඃ ।
රශ්මිමාන් භුවනේශශ්ච දේවාසුරසුපූජිතඃ ॥ 37 ॥
මෘත්යුංජයෝ ව්යෝමකේශඃ ෂට්ත්රිංශත්තත්ත්වසංග්රහඃ ।
අජ්ඤාතසංභවෝ භික්ෂුරද්විතීයෝ දිගංබරඃ ॥ 38 ॥
සමස්තදේවතාමූර්තිඃ සෝමසූර්යාග්නිලෝචනඃ ।
සර්වසාම්රාජ්යනිපුණෝ ධර්මමාර්ගප්රවර්තකඃ ॥ 39 ॥
විශ්වාධිකඃ පශුපතිඃ පශුපාශවිමෝචකඃ ।
අෂ්ටමූර්තිර්දීප්තමූර්තිර්නාමෝච්චාරණමුක්තිදඃ ॥ 40 ॥
සහස්රාදිත්යසංකාශඃ සදාෂෝඩශවාර්ෂිකඃ ।
දිව්යකේලීසමායුක්තෝ දිව්යමාල්යාංබරාවෘතඃ ॥ 41 ॥
අනර්ඝරත්නසංපූර්ණෝ මල්ලිකාකුසුමප්රියඃ ।
තප්තචාමීකරාකාරෝ ජිතදාවානලාකෘතිඃ ॥ 42 ॥
නිරංජනෝ නිර්විකාරෝ නිජාවාසෝ නිරාකෘතිඃ ।
ජගද්ගුරුර්ජගත්කර්තා ජගදීශෝ ජගත්පතිඃ ॥ 43 ॥
කාමහංතා කාමමූර්තිඃ කළ්යාණවෘෂවාහනඃ ।
ගංගාධරෝ මහාදේවෝ දීනබංධවිමෝචකඃ ॥ 44 ॥
ධූර්ජටිඃ ඛංඩපරශුඃ සද්ගුණෝ ගිරිජාසඛඃ ।
අව්යයෝ භූතසේනේශඃ පාපඝ්නඃ පුණ්යදායකඃ ॥ 45 ॥
උපදේෂ්ටා දෘඪප්රජ්ඤෝ රුද්රෝ රෝගවිනාශනඃ ।
නිත්යානංදෝ නිරාධාරෝ හරෝ දේවශිඛාමණිඃ ॥ 46 ॥
ප්රණතාර්තිහරඃ සෝමඃ සාංද්රානංදෝ මහාමතිඃ ।
ආශ්චර්යවෛභවෝ දේවඃ සංසාරාර්ණවතාරකඃ ॥ 47 ॥
යජ්ඤේශෝ රාජරාජේශෝ භස්මරුද්රාක්ෂලාංඡනඃ ।
අනංතස්තාරකඃ ස්ථාණුඃ සර්වවිද්යේශ්වරෝ හරිඃ ॥ 48 ॥
විශ්වරූපෝ විරූපාක්ෂඃ ප්රභුඃ පරිබෘඪෝ දෘඪඃ ।
භව්යෝ ජිතාරිෂඩ්වර්ගෝ මහෝදාරෝ විෂාශනඃ ॥ 49 ॥
සුකීර්තිරාදිපුරුෂෝ ජරාමරණවර්ජිතඃ ।
ප්රමාණභූතෝ දුර්ජ්ඤේයඃ පුණ්යඃ පරපුරංජයඃ ॥ 50 ॥
ගුණාකරෝ ගුණශ්රේෂ්ඨඃ සච්චිදානංදවිග්රහඃ ।
සුඛදඃ කාරණං කර්තා භවබංධවිමෝචකඃ ॥ 51 ॥
අනිර්විණ්ණෝ ගුණග්රාහී නිෂ්කළංකඃ කළංකහා ।
පුරුෂඃ ශාශ්වතෝ යෝගී ව්යක්තාව්යක්තඃ සනාතනඃ ॥ 52 ॥
චරාචරාත්මා සූක්ෂ්මාත්මා විශ්වකර්මා තමෝපහෘත් ।
භුජංගභූෂණෝ භර්ගස්තරුණඃ කරුණාලයඃ ॥ 53 ॥
අණිමාදිගුණෝපේතෝ ලෝකවශ්යවිධායකඃ ।
යෝගපට්ටධරෝ මුක්තෝ මුක්තානාං පරමා ගතිඃ ॥ 54 ॥
ගුරුරූපධරඃ ශ්රීමත්පරමානංදසාගරඃ ।
සහස්රබාහුඃ සර්වේශඃ සහස්රාවයවාන්විතඃ ॥ 55 ॥
සහස්රමූර්ධා සර්වාත්මා සහස්රාක්ෂඃ සහස්රපාත් ।
නිරාභාසඃ සූක්ෂ්මතනුර්හෘදි ජ්ඤාතඃ පරාත්පරඃ ॥ 56 ॥
සර්වාත්මගඃ සර්වසාක්ෂී නිඃසංගෝ නිරුපද්රවඃ ।
නිෂ්කළඃ සකලාධ්යක්ෂශ්චින්මයස්තමසඃ පරඃ ॥ 57 ॥
ජ්ඤානවෛරාග්යසංපන්නෝ යෝගානංදමයඃ ශිවඃ ।
ශාශ්වතෛශ්වර්යසංපූර්ණෝ මහායෝගීශ්වරේශ්වරඃ ॥ 58 ॥
සහස්රශක්තිසංයුක්තඃ පුණ්යකායෝ දුරාසදඃ ।
තාරකබ්රහ්මසංපූර්ණස්තපස්විජනසංවෘතඃ ॥ 59 ॥
විධීංද්රාමරසංපූජ්යෝ ජ්යෝතිෂාං ජ්යෝතිරුත්තමඃ ।
නිරක්ෂරෝ නිරාලංබඃ ස්වාත්මාරාමෝ විකර්තනඃ ॥ 60 ॥
නිරවද්යෝ නිරාතංකෝ භීමෝ භීමපරාක්රමඃ ।
වීරභද්රඃ පුරාරාතිර්ජලංධරශිරෝහරඃ ॥ 61 ॥
අංධකාසුරසංහර්තා භගනේත්රභිදද්භුතඃ ।
විශ්වග්රාසෝऽධර්මශත්රුර්බ්රහ්මජ්ඤානෛකමංථරඃ ॥ 62 ॥
අග්රේසරස්තීර්ථභූතඃ සිතභස්මාවකුංඨනඃ ।
අකුංඨමේධාඃ ශ්රීකංඨෝ වෛකුංඨපරමප්රියඃ ॥ 63 ॥
ලලාටෝජ්ජ්වලනේත්රාබ්ජස්තුෂාරකරශේඛරඃ ।
ගජාසුරශිරශ්ඡේත්තා ගංගෝද්භාසිතමූර්ධජඃ ॥ 64 ॥
කළ්යාණාචලකෝදංඩඃ කමලාපතිසායකඃ ।
වාරාංශේවධිතූණීරඃ සරෝජාසනසාරථිඃ ॥ 65 ॥
ත්රයීතුරංගසංක්රාංතෝ වාසුකිජ්යාවිරාජිතඃ ।
රවීංදුචරණාචාරිධරාරථවිරාජිතඃ ॥ 66 ॥
ත්රය්යංතප්රග්රහෝදාරචාරුඝංටාරවෝජ්ජ්වලඃ ।
උත්තානපර්වලෝමාඪ්යෝ ලීලාවිජිතමන්මථඃ ॥ 67 ॥
ජාතුප්රපන්නජනතාජීවනෝපායනෝත්සුකඃ ।
සංසාරාර්ණවනිර්මග්නසමුද්ධරණපංඩිතඃ ॥ 68 ॥
මදද්විරදධික්කාරිගතිමංජුලවෛභවඃ ।
මත්තකෝකිලමාධුර්යරසනිර්භරගීර්ගණඃ ॥ 69 ॥
කෛවල්යෝදධිකල්ලෝලලීලාතාංඩවපංඩිතඃ ।
විෂ්ණුර්ජිෂ්ණුර්වාසුදේවඃ ප්රභවිෂ්ණුඃ පුරාතනඃ ॥ 70 ॥
වර්ධිෂ්ණුර්වරදෝ වෛද්යෝ හරිර්නාරායණෝऽච්යුතඃ ।
අජ්ඤානවනදාවාග්නිඃ ප්රජ්ඤාප්රාසාදභූපතිඃ ॥ 71 ॥
සර්පභූෂිතසර්වාංගඃ කර්පූරෝජ්ජ්වලිතාකෘතිඃ ।
අනාදිමධ්යනිධනෝ ගිරීශෝ ගිරිජාපතිඃ ॥ 72 ॥
වීතරාගෝ විනීතාත්මා තපස්වී භූතභාවනඃ ।
දේවාසුරගුරුධ්යේයෝ දේවාසුරනමස්කෘතඃ ॥ 73 ॥
දේවාදිදේවෝ දේවර්ෂිර්දේවාසුරවරප්රදඃ ।
සර්වදේවමයෝऽචිංත්යෝ දේවාත්මා චාත්මසංභවඃ ॥ 74 ॥
නිර්ලේපෝ නිෂ්ප්රපංචාත්මා නිර්විඝ්නෝ විඝ්නනාශකඃ ।
ඒකජ්යෝතිර්නිරාතංකෝ ව්යාප්තමූර්තිරනාකුලඃ ॥ 75 ॥
නිරවද්යපදෝපාධිර්විද්යාරාශිරනුත්තමඃ ।
නිත්යානංදඃ සුරාධ්යක්ෂෝ නිඃසංකල්පෝ නිරංජනඃ ॥ 76 ॥
නිෂ්කළංකෝ නිරාකාරෝ නිෂ්ප්රපංචෝ නිරාමයඃ ।
විද්යාධරෝ වියත්කේශෝ මාර්කංඩේයවරප්රදඃ ॥ 77 ॥
භෛරවෝ භෛරවීනාථඃ කාමදඃ කමලාසනඃ ।
වේදවේද්යඃ සුරානංදෝ ලසජ්ජ්යෝතිඃ ප්රභාකරඃ ॥ 78 ॥
චූඩාමණිඃ සුරාධීශෝ යජ්ඤගේයෝ හරිප්රියඃ ।
නිර්ලේපෝ නීතිමාන් සූත්රී ශ්රීහාලාහලසුංදරඃ ॥ 79 ॥
ධර්මදක්ෂෝ මහාරාජඃ කිරීටී වංදිතෝ ගුහඃ ।
මාධවෝ යාමිනීනාථඃ ශංබරඃ ශබරීප්රියඃ ॥ 80 ॥
සංගීතවේත්තා ලෝකජ්ඤඃ ශාංතඃ කලශසංභවඃ ।
බ්රහ්මණ්යෝ වරදෝ නිත්යඃ ශූලී ගුරුවරෝ හරඃ ॥ 81 ॥
මාර්තාංඩඃ පුංඩරීකාක්ෂෝ ලෝකනායකවික්රමඃ ।
මුකුංදාර්ච්යෝ වෛද්යනාථඃ පුරංදරවරප්රදඃ ॥ 82 ॥
භාෂාවිහීනෝ භාෂාජ්ඤෝ විඝ්නේශෝ විඝ්නනාශනඃ ।
කින්නරේශෝ බෘහද්භානුඃ ශ්රීනිවාසඃ කපාලභෘත් ॥ 83 ॥
විජයෝ භූතභාවජ්ඤෝ භීමසේනෝ දිවාකරඃ ।
බිල්වප්රියෝ වසිෂ්ඨේශඃ සර්වමාර්ගප්රවර්තකඃ ॥ 84 ॥
ඕෂධීශෝ වාමදේවෝ ගෝවිංදෝ නීලලෝහිතඃ ।
ෂඩර්ධනයනඃ ශ්රීමන්මහාදේවෝ වෘෂධ්වජඃ ॥ 85 ॥
කර්පූරදීපිකාලෝලඃ කර්පූරරසචර්චිතඃ ।
අව්යාජකරුණාමූර්තිස්ත්යාගරාජඃ ක්ෂපාකරඃ ॥ 86 ॥
ආශ්චර්යවිග්රහඃ සූක්ෂ්මඃ සිද්ධේශඃ ස්වර්ණභෛරවඃ ।
දේවරාජඃ කෘපාසිංධුරද්වයෝऽමිතවික්රමඃ ॥ 87 ॥
නිර්භේදෝ නිත්යසත්වස්ථෝ නිර්යෝගක්ෂේම ආත්මවාන් ।
නිරපායෝ නිරාසංගෝ නිඃශබ්දෝ නිරුපාධිකඃ ॥ 88 ॥
භවඃ සර්වේශ්වරඃ ස්වාමී භවභීතිවිභංජනඃ ।
දාරිද්ර්යතෘණකූටාග්නිර්දාරිතාසුරසංතතිඃ ॥ 89 ॥
මුක්තිදෝ මුදිතෝऽකුබ්ජෝ ධාර්මිකෝ භක්තවත්සලඃ ।
අභ්යාසාතිශයජ්ඤේයශ්චංද්රමෞළිඃ කළාධරඃ ॥ 90 ॥
මහාබලෝ මහාවීර්යෝ විභුඃ ශ්රීශඃ ශුභප්රදඃ ।
සිද්ධඃ පුරාණපුරුෂෝ රණමංඩලභෛරවඃ ॥ 91 ॥
සද්යෝජාතෝ වටාරණ්යවාසී පුරුෂවල්ලභඃ ।
හරිකේශෝ මහාත්රාතා නීලග්රීවඃ සුමංගළඃ ॥ 92 ॥
හිරණ්යබාහුස්තීක්ෂ්ණාංශුඃ කාමේශඃ සෝමවිග්රහඃ ।
සර්වාත්මා සර්වකර්තා ච තාංඩවෝ මුංඩමාලිකඃ ॥ 93 ॥
අග්රගණ්යඃ සුගංභීරෝ දේශිකෝ වෛදිකෝත්තමඃ ।
ප්රසන්නදේවෝ වාගීශශ්චිංතාතිමිරභාස්කරඃ ॥ 94 ॥
ගෞරීපතිස්තුංගමෞළිර්මඛරාජෝ මහාකවිඃ ।
ශ්රීධරඃ සර්වසිද්ධේශෝ විශ්වනාථෝ දයානිධිඃ ॥ 95 ॥
අංතර්මුඛෝ බහිර්දෘෂ්ටිඃ සිද්ධවේෂමනෝහරඃ ।
කෘත්තිවාසාඃ කෘපාසිංධුර්මංත්රසිද්ධෝ මතිප්රදඃ ॥ 96 ॥
මහෝත්කෘෂ්ටඃ පුණ්යකරෝ ජගත්සාක්ෂී සදාශිවඃ ।
මහාක්රතුර්මහායජ්වා විශ්වකර්මා තපෝනිධිඃ ॥ 97 ॥
ඡංදෝමයෝ මහාජ්ඤානී සර්වජ්ඤෝ දේවවංදිතඃ ।
සාර්වභෞමඃ සදානංදඃ කරුණාමෘතවාරිධිඃ ॥ 98 ॥
කාලකාලඃ කලිධ්වංසී ජරාමරණනාශකඃ ।
ශිතිකංඨශ්චිදානංදෝ යෝගිනීගණසේවිතඃ ॥ 99 ॥
චංඩීශඃ ශුකසංවේද්යඃ පුණ්යශ්ලෝකෝ දිවස්පතිඃ ।
ස්ථායී සකලතත්ත්වාත්මා සදාසේවකවර්ධනඃ ॥ 100 ॥
රෝහිතාශ්වඃ ක්ෂමාරූපී තප්තචාමීකරප්රභඃ ।
ත්රියංබකෝ වරරුචිර්දේවදේවශ්චතුර්භුජඃ ॥ 101 ॥
විශ්වංභරෝ විචිත්රාංගෝ විධාතා පුරශාසනඃ ।
සුබ්රහ්මණ්යෝ ජගත්ස්වාමී රෝහිතාක්ෂඃ ශිවෝත්තමඃ ॥ 102 ॥
නක්ෂත්රමාලාභරණෝ මඝවාන් අඝනාශනඃ ।
විධිකර්තා විධානජ්ඤඃ ප්රධානපුරුෂේශ්වරඃ ॥ 103 ॥
චිංතාමණිඃ සුරගුරුර්ධ්යේයෝ නීරාජනප්රියඃ ।
ගෝවිංදෝ රාජරාජේශෝ බහුපුෂ්පාර්චනප්රියඃ ॥ 104 ॥
සර්වානංදෝ දයාරූපී ශෛලජාසුමනෝහරඃ ।
සුවික්රමඃ සර්වගතෝ හේතුසාධනවර්ජිතඃ ॥ 105 ॥
වෘෂාංකෝ රමණීයාංගඃ සදංඝ්රිඃ සාමපාරගඃ ।
මංත්රාත්මා කෝටිකංදර්පසෞංදර්යරසවාරිධිඃ ॥ 106 ॥
යජ්ඤේශෝ යජ්ඤපුරුෂඃ සෘෂ්ටිස්ථිත්යංතකාරණම් ।
පරහංසෛකජිජ්ඤාස්යඃ ස්වප්රකාශස්වරූපවාන් ॥ 107 ॥
මුනිමෘග්යෝ දේවමෘග්යෝ මෘගහස්තෝ මෘගේශ්වරඃ ।
මෘගේංද්රචර්මවසනෝ නරසිංහනිපාතනඃ ॥ 108 ॥
මුනිවංද්යෝ මුනිශ්රේෂ්ඨෝ මුනිබෘංදනිෂේවිතඃ ।
දුෂ්ටමෘත්යුරදුෂ්ටේහෝ මෘත්යුහා මෘත්යුපූජිතඃ ॥ 109 ॥
අව්යක්තෝऽංබුජජන්මාදිකෝටිකෝටිසුපූජිතඃ ।
ලිංගමූර්තිරලිංගාත්මා ලිංගාත්මා ලිංගවිග්රහඃ ॥ 110 ॥
යජුර්මූර්තිඃ සාමමූර්තිරෘඞ්මූර්තිර්මූර්තිවර්ජිතඃ ।
විශ්වේශෝ ගජචර්මෛකචේලාංචිතකටීතටඃ ॥ 111 ॥
පාවනාංතේවසද්යෝගිජනසාර්ථසුධාකරඃ ।
අනංතසෝමසූර්යාග්නිමංඩලප්රතිමප්රභඃ ॥ 112 ॥
චිංතාශෝකප්රශමනඃ සර්වවිද්යාවිශාරදඃ ।
භක්තවිජ්ඤප්තිසංධාතා කර්තා ගිරිවරාකෘතිඃ ॥ 113 ॥
ජ්ඤානප්රදෝ මනෝවාසඃ ක්ෂේම්යෝ මෝහවිනාශනඃ ।
සුරෝත්තමශ්චිත්රභානුඃ සදාවෛභවතත්පරඃ ॥ 114 ॥
සුහෘදග්රේසරඃ සිද්ධජ්ඤානමුද්රෝ ගණාධිපඃ ।
ආගමශ්චර්මවසනෝ වාංඡිතාර්ථඵලප්රදඃ ॥ 115 ॥
අංතර්හිතෝऽසමානශ්ච දේවසිංහාසනාධිපඃ ।
විවාදහංතා සර්වාත්මා කාලඃ කාලවිවර්ජිතඃ ॥ 116 ॥
විශ්වාතීතෝ විශ්වකර්තා විශ්වේශෝ විශ්වකාරණම් ।
යෝගිධ්යේයෝ යෝගනිෂ්ඨෝ යෝගාත්මා යෝගවිත්තමඃ ॥ 117 ॥
ඕංකාරරූපෝ භගවාන් බිංදුනාදමයඃ ශිවඃ ।
චතුර්මුඛාදිසංස්තුත්යශ්චතුර්වර්ගඵලප්රදඃ ॥ 118 ॥
සහ්යාචලගුහාවාසී සාක්ෂාන්මෝක්ෂරසාමෘතඃ ।
දක්ෂාධ්වරසමුච්ඡේත්තා පක්ෂපාතවිවර්ජිතඃ ॥ 119 ॥
ඕංකාරවාචකඃ ශංභුඃ ශංකරඃ ශශිශීතලඃ ।
පංකජාසනසංසේව්යඃ කිංකරාමරවත්සලඃ ॥ 120 ॥
නතදෞර්භාග්යතූලාග්නිඃ කෘතකෞතුකමංගළඃ ।
ත්රිලෝකමෝහනඃ ශ්රීමත්ත්රිපුංඩ්රාංකිතමස්තකඃ ॥ 121 ॥
ක්රෞංචාරිජනකඃ ශ්රීමද්ගණනාථසුතාන්විතඃ ।
අද්භුතානංතවරදෝऽපරිච්ඡිනාත්මවෛභවඃ ॥ 122 ॥
ඉෂ්ටාපූර්තප්රියඃ ශර්ව ඒකවීරඃ ප්රියංවදඃ ।
ඌහාපෝහවිනිර්මුක්ත ඕංකාරේශ්වරපූජිතඃ ॥ 123 ॥
රුද්රාක්ෂවක්ෂා රුද්රාක්ෂරූපෝ රුද්රාක්ෂපක්ෂකඃ ।
භුජගේංද්රලසත්කංඨෝ භුජංගාභරණප්රියඃ ॥ 124 ॥
කළ්යාණරූපඃ කළ්යාණඃ කළ්යාණගුණසංශ්රයඃ ।
සුංදරභ්රූඃ සුනයනඃ සුලලාටඃ සුකංධරඃ ॥ 125 ॥
විද්වජ්ජනාශ්රයෝ විද්වජ්ජනස්තව්යපරාක්රමඃ ।
විනීතවත්සලෝ නීතිස්වරූපෝ නීතිසංශ්රයඃ ॥ 126 ॥
අතිරාගී වීතරාගී රාගහේතුර්විරාගවිත් ।
රාගහා රාගශමනෝ රාගදෝ රාගිරාගවිත් ॥ 127 ॥
මනෝන්මනෝ මනෝරූපෝ බලප්රමථනෝ බලඃ ।
විද්යාකරෝ මහාවිද්යෝ විද්යාවිද්යාවිශාරදඃ ॥ 128 ॥
වසංතකෘද්වසංතාත්මා වසංතේශෝ වසංතදඃ ।
ප්රාවෘට්කෘත් ප්රාවෘඩාකාරඃ ප්රාවෘට්කාලප්රවර්තකඃ ॥ 129 ॥
ශරන්නාථෝ ශරත්කාලනාශකඃ ශරදාශ්රයඃ ।
කුංදමංදාරපුෂ්පෞඝලසද්වායුනිෂේවිතඃ ॥ 130 ॥
දිව්යදේහප්රභාකූටසංදීපිතදිගංතරඃ ।
දේවාසුරගුරුස්තව්යෝ දේවාසුරනමස්කෘතඃ ॥ 131 ॥
වාමාංගභාගවිලසච්ඡ්යාමලාවීක්ෂණප්රියඃ ।
කීර්ත්යාධාරඃ කීර්තිකරඃ කීර්තිහේතුරහේතුකඃ ॥ 132 ॥
ශරණාගතදීනාර්තපරිත්රාණපරායණඃ ।
මහාප්රේතාසනාසීනෝ ජිතසර්වපිතාමහඃ ॥ 133 ॥
මුක්තාදාමපරීතාංගෝ නානාගානවිශාරදඃ ।
විෂ්ණුබ්රහ්මාදිවංද්යාංඝ්රිර්නානාදේශෛකනායකඃ ॥ 134 ॥
ධීරෝදාත්තෝ මහාධීරෝ ධෛර්යදෝ ධෛර්යවර්ධකඃ ।
විජ්ඤානමය ආනංදමයඃ ප්රාණමයෝऽන්නදඃ ॥ 135 ॥
භවාබ්ධිතරණෝපායඃ කවිර්දුඃස්වප්නනාශනඃ ।
ගෞරීවිලාසසදනඃ පිශචානුචරාවෘතඃ ॥ 136 ॥
දක්ෂිණාප්රේමසංතුෂ්ටෝ දාරිද්ර්යවඩවානලඃ ।
අද්භුතානංතසංග්රාමෝ ඪක්කාවාදනතත්පරඃ ॥ 137 ॥
ප්රාච්යාත්මා දක්ෂිණාකාරඃ ප්රතීච්යාත්මෝත්තරාකෘතිඃ ।
ඌර්ධ්වාද්යන්යදිගාකාරෝ මර්මජ්ඤඃ සර්වශික්ෂකඃ ॥ 138 ॥
යුගාවහෝ යුගාධීශෝ යුගාත්මා යුගනායකඃ ।
ජංගමඃ ස්ථාවරාකාරඃ කෛලාසශිඛරප්රියඃ ॥ 139 ॥
හස්තරාජත්පුංඩරීකඃ පුංඩරීකනිභේක්ෂණඃ ।
ලීලාවිඩංබිතවපුර්භක්තමානසමංඩිතඃ ॥ 140 ॥
බෘංදාරකප්රියතමෝ බෘංදාරකවරාර්චිතඃ ।
නානාවිධානේකරත්නලසත්කුංඩලමංඩිතඃ ॥ 141 ॥
නිඃසීමමහිමා නිත්යලීලාවිග්රහරූපධෘත් ।
චංදනද්රවදිග්ධාංගශ්චාංපේයකුසුමාර්චිතඃ ॥ 142 ॥
සමස්තභක්තසුඛදඃ පරමාණුර්මහාහ්රදඃ ।
අලෞකිකෝ දුෂ්ප්රධර්ෂඃ කපිලඃ කාලකංධරඃ ॥ 143 ॥
කර්පූරගෞරඃ කුශලඃ සත්යසංධෝ ජිතේංද්රියඃ ।
ශාශ්වතෛශ්වර්යවිභවඃ පෝෂකඃ සුසමාහිතඃ ॥ 144 ॥
මහර්ෂිනාථිතෝ බ්රහ්මයෝනිඃ සර්වෝත්තමෝත්තමඃ ।
භූමිභාරාර්තිසංහර්තා ෂඩූර්මිරහිතෝ මෘඩඃ ॥ 145 ॥
ත්රිවිෂ්ටපේශ්වරඃ සර්වහෘදයාංබුජමධ්යගඃ ।
සහස්රදළපද්මස්ථඃ සර්වවර්ණෝපශෝභිතඃ ॥ 146 ॥
පුණ්යමූර්තිඃ පුණ්යලභ්යඃ පුණ්යශ්රවණකීර්තනඃ ।
සූර්යමංඩලමධ්යස්ථශ්චංද්රමංඩලමධ්යගඃ ॥ 147 ॥
සද්භක්තධ්යානනිගලඃ ශරණාගතපාලකඃ ।
ශ්වේතාතපත්රරුචිරඃ ශ්වේතචාමරවීජිතඃ ॥ 148 ॥
සර්වාවයවසංපූර්ණඃ සර්වලක්ෂණලක්ෂිතඃ ।
සර්වමංගළමාංගළ්යඃ සර්වකාරණකාරණඃ ॥ 149 ॥
ආමෝදෝ මෝදජනකඃ සර්පරාජෝත්තරීයකඃ ।
කපාලී කෝවිදඃ සිද්ධකාංතිසංවලිතානනඃ ॥ 150 ॥
සර්වසද්ගුරුසංසේව්යෝ දිව්යචංදනචර්චිතඃ ।
විලාසිනීකෘතෝල්ලාස ඉච්ඡාශක්තිනිෂේවිතඃ ॥ 151 ॥
අනංතානංදසුඛදෝ නංදනඃ ශ්රීනිකේතනඃ ।
අමෘතාබ්ධිකෘතාවාසෝ නිත්යක්ලීබෝ නිරාමයඃ ॥ 152 ॥
අනපායෝऽනංතදෘෂ්ටිරප්රමේයෝऽජරෝऽමරඃ ।
තමෝමෝහප්රතිහතිරප්රතර්ක්යෝऽමෘතෝऽක්ෂරඃ ॥ 153 ॥
අමෝඝබුද්ධිරාධාර ආධාරාධේයවර්ජිතඃ ।
ඊෂණාත්රයනිර්මුක්ත ඉහාමුත්රවිවර්ජිතඃ ॥ 154 ॥
ඍග්යජුඃසාමනයනෝ බුද්ධිසිද්ධිසමෘද්ධිදඃ ।
ඖදාර්යනිධිරාපූර්ණ ඓහිකාමුෂ්මිකප්රදඃ ॥ 155 ॥
ශුද්ධසන්මාත්රසංවිද්ධීස්වරූපසුඛවිග්රහඃ ।
දර්ශනප්රථමාභාසෝ දෘෂ්ටිදෘශ්යවිවර්ජිතඃ ॥ 156 ॥
අග්රගණ්යෝऽචිංත්යරූපඃ කලිකල්මෂනාශනඃ ।
විමර්ශරූපෝ විමලෝ නිත්යරූපෝ නිරාශ්රයඃ ॥ 157 ॥
නිත්යශුද්ධෝ නිත්යබුද්ධෝ නිත්යමුක්තෝऽපරාකෘතඃ ।
මෛත්ර්යාදිවාසනාලභ්යෝ මහාප්රළයසංස්ථිතඃ ॥ 158 ॥
මහාකෛලාසනිලයඃ ප්රජ්ඤානඝනවිග්රහඃ ।
ශ්රීමාන් ව්යාඝ්රපුරාවාසෝ භුක්තිමුක්තිප්රදායකඃ ॥ 159 ॥
ජගද්යෝනිර්ජගත්සාක්ෂී ජගදීශෝ ජගන්මයඃ ।
ජපෝ ජපපරෝ ජප්යෝ විද්යාසිංහාසනප්රභුඃ ॥ 160 ॥
තත්ත්වානාං ප්රකෘතිස්තත්ත්වං තත්ත්වංපදනිරූපිතඃ ।
දික්කාලාද්යනවච්ඡින්නඃ සහජානංදසාගරඃ ॥ 161 ॥
ප්රකෘතිඃ ප්රාකෘතාතීතෝ විජ්ඤානෛකරසාකෘතිඃ ।
නිඃශංකමතිදූරස්ථශ්චෛත්යචේතනචිංතනඃ ॥ 162 ॥
තාරකානාං හෘදංතස්ථස්තාරකස්තාරකාංතකඃ ।
ධ්යානෛකප්රකටෝ ධ්යේයෝ ධ්යානී ධ්යානවිභූෂණඃ ॥ 163 ॥
පරං ව්යෝම පරං ධාම පරමාත්මා පරං පදම් ।
පූර්ණානංදඃ සදානංදෝ නාදමධ්යප්රතිෂ්ඨිතඃ ॥ 164 ॥
ප්රමාවිපර්යයාතීතඃ ප්රණතාජ්ඤානනාශකඃ ।
බාණාර්චිතාංඝ්රිර්බහුදෝ බාලකේළිකුතූහලී ॥ 165 ॥
බ්රහ්මරූපී බ්රහ්මපදං බ්රහ්මවිද්බ්රාහ්මණප්රියඃ ।
භූක්ෂේපදත්තලක්ෂ්මීකෝ භ්රූමධ්යධ්යානලක්ෂිතඃ ॥ 166 ॥
යශස්කරෝ රත්නගර්භෝ මහාරාජ්යසුඛප්රදඃ ।
ශබ්දබ්රහ්ම ශමප්රාප්යෝ ලාභකෘල්ලෝකවිශ්රුතඃ ॥ 167 ॥
ශාස්තා ශිවාද්රිනිලයඃ ශරණ්යෝ යාජකප්රියඃ ।
සංසාරවෛද්යඃ සර්වජ්ඤඃ සභේෂජවිභේෂජඃ ॥ 168 ॥
මනෝවචෝභිරග්රාහ්යඃ පංචකෝශවිලක්ෂණඃ ।
අවස්ථාත්රයනිර්මුක්තස්ත්වවස්ථාසාක්ෂිතුර්යකඃ ॥ 169 ॥
පංචභූතාදිදූරස්ථඃ ප්රත්යගේකරසෝऽව්යයඃ ।
ෂට්චක්රාංතර්ගතෝල්ලාසී ෂඩ්විකාරවිවර්ජිතඃ ॥ 170 ॥
විජ්ඤානඝනසංපූර්ණෝ වීණාවාදනතත්පරඃ ।
නීහාරාකාරගෞරාංගෝ මහාලාවණ්යවාරිධිඃ ॥ 171 ॥
පරාභිචාරශමනඃ ෂඩධ්වෝපරිසංස්ථිතඃ ।
සුෂුම්නාමාර්ගසංචාරී බිසතංතුනිභාකෘතිඃ ॥ 172 ॥
පිනාකී ලිංගරූපශ්රීඃ මංගළාවයවෝජ්ජ්වලඃ ।
ක්ෂේත්රාධිපඃ සුසංවේද්යඃ ශ්රීප්රදෝ විභවප්රදඃ ॥ 173 ॥
සර්වවශ්යකරඃ සර්වදෝෂහා පුත්රපෞත්රදඃ ।
තෛලදීපප්රියස්තෛලපක්වාන්නප්රීතමානසඃ ॥ 174 ॥
තෛලාභිෂේකසංතුෂ්ටස්තිලභක්ෂණතත්පරඃ ।
ආපාදකණිකාමුක්තාභූෂාශතමනෝහරඃ ॥ 175 ॥
ශාණෝල්ලීඪමණිශ්රේණීරම්යාංඝ්රිනඛමංඩලඃ ।
මණිමංජීරකිරණකිංජල්කිතපදාංබුජඃ ॥ 176 ॥
අපස්මාරෝපරින්යස්තසව්යපාදසරෝරුහඃ ।
කංදර්පතූණාභජංඝෝ ගුල්ඵෝදංචිතනූපුරඃ ॥ 177 ॥
කරිහස්තෝපමේයෝරුරාදර්ශෝජ්ජ්වලජානුභෘත් ।
විශංකටකටින්යස්තවාචාලමණිමේඛලඃ ॥ 178 ॥
ආවර්තනාභිරෝමාලිවලිමත්පල්ලවෝදරඃ ।
මුක්තාහාරලසත්තුංගවිපුලෝරස්කරංජිතඃ ॥ 179 ॥
වීරාසනසමාසීනෝ වීණාපුස්තෝල්ලසත්කරඃ ।
අක්ෂමාලාලසත්පාණිශ්චින්මුද්රිතකරාංබුජඃ ॥ 180 ॥
මාණික්යකංකණෝල්ලාසිකරාංබුජවිරාජිතඃ ।
අනර්ඝරත්නග්රෛවේයවිලසත්කංබුකංධරඃ ॥ 181 ॥
අනාකලිතසාදෘශ්යචිබුකශ්රීවිරාජිතඃ ।
මුග්ධස්මිතපරීපාකප්රකාශිතරදාංකුරඃ ॥ 182 ॥
චාරුචාංපේයපුෂ්පාභනාසිකාපුටරංජිතඃ ।
වරවජ්රශිලාදර්ශපරිභාවිකපෝලභූඃ ॥ 183 ॥
කර්ණද්වයෝල්ලසද්දිව්යමණිකුංඩලමංඩිතඃ ।
කරුණාලහරීපූර්ණකර්ණාංතායතලෝචනඃ ॥ 184 ॥
අර්ධචංද්රාභනිටිලපාටීරතිලකෝජ්ජ්වලඃ ।
චාරුචාමීකරාකාරජටාචර්චිතචංදනඃ ।
කෛලාසශිඛරස්ඵර්ධිකමනීයනිජාකෘතිඃ ॥ 185 ॥
ඉති ශ්රී දක්ෂිණාමූර්ති සහස්රනාම ස්තෝත්රම් ॥
