නාऽහං දේහෝ නේංද්රියාණ්යංතරංගං
නාऽහංකාරඃ ප්රාණවර්ගෝ න චාऽහම් ।
දාරාපත්යක්ෂේත්රවිත්තාදිදූර-
ස්සාක්ෂී නිත්යඃ ප්රත්යගාත්මා ශිවෝऽහම් ॥ 1 ॥
රජ්ජ්වජ්ඤානාද්භාති රජ්ජුර්යථා හි-
ස්ස්වාත්මාජ්ඤානාදාත්මනෝ ජීවභාවඃ ।
ආප්තෝක්ත්යා හි භ්රාංතිනාශේ ස රජ්ජු-
ර්ජීවෝ නාऽහං දේශිකෝක්ත්යා ශිවෝऽහම් ॥ 2 ॥
අභාතීදං විශ්වමාත්මන්යසත්යං
සත්යජ්ඤානානංදරූපේ විමෝහාත් ।
නිද්රාමෝහා-ත්ස්වප්නවත්තන්න සත්ත්යං
ශුද්ධඃ පූර්ණෝ නිත්ය ඒකශ්ශිවෝऽහම් ॥ 3 ॥
මත්තෝ නාන්යත්කිංචිදත්රාප්ති විශ්වං
සත්යං බාහ්යං වස්තුමායෝපක්ලුප්තම් ।
ආදර්ශාංතර්භාසමානස්ය තුල්යං
මය්යද්වෛතේ භාති තස්මාච්ඡිවෝऽහම් ॥ 4 ॥
නාऽහං ජාතෝ න ප්රවෘද්ධෝ න නෂ්ටෝ
දේහස්යෝක්තාඃ ප්රාකෘතාස්සර්වධර්මාඃ ।
කර්තෘත්වාදි-ශ්චින්මයස්යාස්ති නාऽහං
කාරස්යෛව හ්යාත්මනෝ මේ ශිවෝऽහම් ॥ 5 ॥
නාऽහං ජාතෝ ජන්මමෘත්යුඃ කුතෝ මේ
නාऽහං ප්රාණඃ ක්ෂුත්පිපාසේ කුතෝ මේ ।
නාऽහං චිත්තං ශෝකමෝහෞ කුතෝ මේ
නාऽහං කර්තා බංධමෝක්ෂෞ කුතෝ මේ ॥ 6 ॥
ඉති ශ්රීමච්ඡංකරභවත්පාදාචාර්ය ස්වාමි විරචිතාත්මපංචකම් ॥
