කස්ය දෝෂඃ කුලේ නාස්ති ව්යාධිනා කෝ න පීඩිතඃ ।
ව්යසනං කේන න ප්රාප්තං කස්ය සෞඛ්යං නිරංතරම් ॥ 01 ॥

ආචාරඃ කුලමාඛ්යාති දේශමාඛ්යාති භාෂණම් ।
සංභ්රමඃ ස්නේහමාඛ්යාති වපුරාඛ්යාති භෝජනම් ॥ 02 ॥

සුකුලේ යෝජයේත්කන්යාං පුත්රං විද්යාසු යෝජයේත් ।
ව්යසනේ යෝජයේච්ඡත්රුං මිත්රං ධර්මේණ යෝජයේත් ॥ 03 ॥

දුර්ජනස්ය ච සර්පස්ය වරං සර්පෝ න දුර්ජනඃ ।
සර්පෝ දංශති කාලේ තු දුර්ජනස්තු පදේ පදේ ॥ 04 ॥

ඒතදර්ථේ කුලීනානාං නෘපාඃ කුර්වංති සංග්රහම් ।
ආදිමධ්යාවසානේෂු න තේ ගච්ඡංති වික්රියාම් ॥ 05 ॥

ප්රලයේ භින්නමර්යාදා භවංති කිල සාගරාඃ ।
සාගරා භේදමිච්ඡංති ප්රලයේऽපි න සාධවඃ ॥ 06 ॥

මූර්ඛස්තු ප්රහර්තව්යඃ ප්රත්යක්ෂෝ ද්විපදඃ පශුඃ ।
භිද්යතේ වාක්ය-ශල්යේන අදෘශං කංටකං යථා ॥ 07 ॥

රූපයෞවනසංපන්නා විශාලකුලසංභවාඃ ।
විද්යාහීනා න ශෝභංතේ නිර්ගංධාඃ කිංශුකා යථා ॥ 08 ॥

කෝකිලානාං ස්වරෝ රූපං ස්ත්රීණාං රූපං පතිව්රතම් ।
විද්යා රූපං කුරූපාණාං ක්ෂමා රූපං තපස්විනාම් ॥ 09 ॥

ත්යජේදේකං කුලස්යාර්ථේ ග්රාමස්යාර්ථේ කුලං ත්යජේත් ।
ග්රාමං ජනපදස්යාර්ථේ ආත්මාර්ථේ පෘථිවීං ත්යජේත් ॥ 10 ॥

උද්යෝගේ නාස්ති දාරිද්ර්යං ජපතෝ නාස්ති පාතකම් ।
මෞනේන කලහෝ නාස්ති නාස්ති ජාගරිතේ භයම් ॥ 11 ॥

අතිරූපේණ වා සීතා අතිගර්වේණ රාවණඃ ।
අතිදානාද්බලිර්බද්ධෝ හ්යතිසර්වත්ර වර්ජයේත් ॥ 12 ॥

කෝ හි භාරඃ සමර්ථානාං කිං දූරං ව්යවසායිනාම් ।
කෝ විදේශඃ සුවිද්යානාං කඃ පරඃ ප්රියවාදිනාම් ॥ 13 ॥

ඒකේනාපි සුවෘක්ෂේණ පුෂ්පිතේන සුගංධිනා ।
වාසිතං තද්වනං සර්වං සුපුත්රේණ කුලං යථා ॥ 14 ॥

ඒකේන ශුෂ්කවෘක්ෂේණ දහ්යමානේන වහ්නිනා ।
දහ්යතේ තද්වනං සර්වං කුපුත්රේණ කුලං යථා ॥ 15 ॥

ඒකේනාපි සුපුත්රේණ විද්යායුක්තේන සාධුනා ।
ආහ්ලාදිතං කුලං සර්වං යථා චංද්රේණ ශර්වරී ॥ 16 ॥

කිං ජාතෛර්බහුභිඃ පුත්රෛඃ ශෝකසංතාපකාරකෛඃ ।
වරමේකඃ කුලාලංබී යත්ර විශ්රාම්යතේ කුලම් ॥ 17 ॥

ලාලයේත්පංචවර්ෂාණි දශවර්ෂාණි තාඩයේත් ।
ප්රාප්තේ තු ෂෝඩශේ වර්ෂේ පුත්රේ මිත්රවදාචරේත් ॥ 18 ॥

උපසර්ගේऽන්යචක්රේ ච දුර්භික්ෂේ ච භයාවහේ ।
අසාධුජනසංපර්කේ යඃ පලායේත්ස ජීවති ॥ 19 ॥

ධර්මාර්ථකාමමෝක්ෂාණාං යස්යෛකෝऽපි න විද්යතේ ।
අජාගලස්තනස්යේව තස්ය ජන්ම නිරර්ථකම් ॥ 20 ॥

මූර්ඛා යත්ර න පූජ්යංතේ ධාන්යං යත්ර සුසංචිතම් ।
දාංපත්යේ කලහෝ නාස්ති තත්ර ශ්රීඃ ස්වයමාගතා ॥ 21 ॥