සුවර්ණ වර්ණ සුංදරං සිතෛක දංත-බංධුරං
ගෘහීත පාශ-මංකුශං වරප්රදා-ऽභයප්රධම් ।
චතුර්භුජං ත්රිලෝචනං භුජංග-මෝපවීතිනං
ප්රඵුල්ල වාරිජාසනං භජාමි සිංධුරානනම් ॥
කිරීට හාර කුංඩලං ප්රදීප්ත බාහු භූෂණං
ප්රචංඩ රත්න කංකණං ප්රශෝභිතාංඝ්රි-යෂ්ටිකම් ।
ප්රභාත සූර්ය සුංදරාංබර-ද්වය ප්රධාරිණං
සරත්න හේමනූපුර ප්රශෝභිතාංඝ්රි-පංකජම් ॥
සුවර්ණ දංඩ මංඩිත ප්රචංඩ චාරු චාමරං
ගෘහ ප්රතීර්ණ සුංදරං යුගක්ෂණ ප්රමෝදිතම් ।
කවීංද්ර චිත්තරංජකං මහා විපත්ති භංජකං
ෂඩක්ෂර ස්වරූපිණං භජේද්ගජේංද්ර රූපිණම් ॥
විරිංචි විෂ්ණු වංදිතං විරුපලෝචන ස්තුතිං
ගිරීශ දර්ශනේච්ඡයා සමාර්පිතං පරාශායා ।
නිරංතරං සුරාසුරෛඃ සුපුත්ර වාමලෝචනෛඃ
මහාමඛේෂ්ට-මිෂ්ට-කර්මනු භජාමි තුංදිලම් ॥
මදෞඝ ලුබ්ධ චංචලාර්ක මංජු ගුංජිතා රවං
ප්රබුද්ධ චිත්තරංජකං ප්රමෝද කර්ණචාලකම් ।
අනන්ය භක්ති මානනං ප්රචංඩ මුක්ති දායකං
නමාමි නිත්ය-මාදරේණ වක්රතුංඩ නායකම් ॥
දාරිද්ර්ය විද්රාවණ මාශු කාමදං
ස්තෝත්රං පඨෙදේත-දජස්ර-මාදරාත් ।
පුත්රී කළත්ර ස්වජනේෂු මෛත්රී
පුමාන්-භවේ-දේකදංත වරප්රාසාදාත් ॥
ඉති ශ්රීමච්ඡංකරාචාර්ය විරචිතං දාරිද්ර්ය දහන ගණපති ස්තෝත්රං සංපූර්ණම් ॥
