ජගජ්ජාලපාලං කනත්කංඨමාලං
ශරච්චංද්රඵාලං මහාදෛත්යකාලම් ।
නභෝනීලකායං දුරාවාරමායං
සුපද්මාසහායං භජේऽහං භජේऽහම් ॥ 1 ॥
සදාංභෝධිවාසං ගලත්පුෂ්පහාසං
ජගත්සන්නිවාසං ශතාදිත්යභාසම් ।
ගදාචක්රශස්ත්රං ලසත්පීතවස්ත්රං
හසච්චාරුවක්ත්රං භජේऽහං භජේऽහම් ॥ 2 ॥
රමාකංඨහාරං ශ්රුතිව්රාතසාරං
ජලාංතර්විහාරං ධරාභාරහාරම් ।
චිදානංදරූපං මනෝජ්ඤස්වරූපං
ධෘතානේකරූපං භජේऽහං භජේऽහම් ॥ 3 ॥
ජරාජන්මහීනං පරානංදපීනං
සමාධානලීනං සදෛවානවීනම් ।
ජගජ්ජන්මහේතුං සුරානීකකේතුං
ත්රිලෝකෛකසේතුං භජේऽහං භජේऽහම් ॥ 4 ॥
කෘතාම්නායගානං ඛගාධීශයානං
විමුක්තේර්නිදානං හරාරාතිමානම් ।
ස්වභක්තානුකූලං ජගද්වෘක්ෂමූලං
නිරස්තාර්තශූලං භජේऽහං භජේऽහම් ॥ 5 ॥
සමස්තාමරේශං ද්විරේඵාභකේශං
ජගද්බිංබලේශං හෘදාකාශවේශම් ।
සදා දිව්යදේහං විමුක්තාඛිලේහං
සුවෛකුංඨගේහං භජේऽහං භජේऽහම් ॥ 6 ॥
සුරාලීබලිෂ්ඨං ත්රිලෝකීවරිෂ්ඨං
ගුරූණාං ගරිෂ්ඨං ස්වරූපෛකනිෂ්ඨම් ।
සදා යුද්ධධීරං මහාවීරවීරං
භවාංභෝධිතීරං භජේऽහං භජේऽහම් ॥ 7 ॥
රමාවාමභාගං තලාලග්නනාගං
කෘතාධීනයාගං ගතාරාගරාගම් ।
මුනීංද්රෛස්සුගීතං සුරෛස්සංපරීතං
ගුණෞඝෛරතීතං භජේऽහං භජේऽහම් ॥ 8 ॥
ඵලශ්රුති ।
ඉදං යස්තු නිත්යං සමාධාය චිත්තං
පඨේදෂ්ටකං කංඨහාරං මුරාරේඃ ।
ස විෂ්ණෝර්විශෝකං ධ්රුවං යාති ලෝකං
ජරාජන්මශෝකං පුනර්විංදතේ නෝ ॥ 9 ॥
ඉති ශ්රී පරමහංසස්වාමි බ්රහ්මානංදවිරචිතං ශ්රීහරිස්තෝත්රම් ॥
