ධ්යානම්
ගලද්රක්තමුංඩාවලීකංඨමාලා
මහාඝෝරරාවා සුදංෂ්ට්රා කරාලා ।
විවස්ත්රා ශ්මශානාලයා මුක්තකේශී
මහාකාලකාමාකුලා කාලිකේයම් ॥ 1 ॥
භුජේ වාමයුග්මේ ශිරෝऽසිං දධානා
වරං දක්ෂයුග්මේऽභයං වෛ තථෛව ।
සුමධ්යාऽපි තුංගස්තනා භාරනම්රා
ලසද්රක්තසෘක්කද්වයා සුස්මිතාස්යා ॥ 2 ॥
ශවද්වංද්වකර්ණාවතංසා සුකේශී
ලසත්ප්රේතපාණිං ප්රයුක්තෛකකාංචී ।
ශවාකාරමංචාධිරූඪා ශිවාභිඃ
චතුර්දික්ෂුශබ්දායමානාऽභිරේජේ ॥ 3 ॥
ස්තුතිඃ
විරංච්යාදිදේවාස්ත්රයස්තේ ගුණාස්ත්රීන්
සමාරාධ්ය කාලීං ප්රධානා බභූවුඃ ।
අනාදිං සුරාදිං මඛාදිං භවාදිං
ස්වරූපං ත්වදීයං න විංදංති දේවාඃ ॥ 1 ॥
ජගන්මෝහිනීයං තු වාග්වාදිනීයං
සුහෘත්පෝෂිණී ශත්රුසංහාරණීයම් ।
වචස්තංභනීයං කිමුච්චාටනීයං
ස්වරූපං ත්වදීයං න විංදංති දේවාඃ ॥ 2 ॥
ඉයං ස්වර්ගදාත්රී පුනඃ කල්පවල්ලී
මනෝජාස්තු කාමාන් යථාර්ථං ප්රකුර්යාත් ।
තථා තේ කෘතාර්ථා භවංතීති නිත්යං
ස්වරූපං ත්වදීයං න විංදංති දේවාඃ ॥ 3 ॥
සුරාපානමත්තා සුභක්තානුරක්තා
ලසත්පූතචිත්තේ සදාවිර්භවත්තේ ।
ජපධ්යානපූජාසුධාධෞතපංකා
ස්වරූපං ත්වදීයං න විංදංති දේවාඃ ॥ 4 ॥
චිදානංදකංදං හසන්මංදමංදං
ශරච්චංද්රකෝටිප්රභාපුංජබිංබම් ।
මුනීනාං කවීනාං හෘදි ද්යෝතයංතං
ස්වරූපං ත්වදීයං න විංදංති දේවාඃ ॥ 5 ॥
මහාමේඝකාලී සුරක්තාපි ශුභ්රා
කදාචිද්විචිත්රාකෘතිර්යෝගමායා ।
න බාලා න වෘද්ධා න කාමාතුරාපි
ස්වරූපං ත්වදීයං න විංදංති දේවාඃ ॥ 6 ॥
ක්ෂමස්වාපරාධං මහාගුප්තභාවං
මයා ලෝකමධ්යේ ප්රකාශීකෘතං යත් ।
තව ධ්යානපූතේන චාපල්යභාවාත්
ස්වරූපං ත්වදීයං න විංදංති දේවාඃ ॥ 7 ॥
යදි ධ්යානයුක්තං පඨේද්යෝ මනුෂ්යඃ
තදා සර්වලෝකේ විශාලෝ භවේච්ච ।
ගෘහේ චාෂ්ටසිද්ධිර්මෘතේ චාපි මුක්තිඃ
ස්වරූපං ත්වදීයං න විංදංති දේවාඃ ॥ 8 ॥
ඉති ශ්රීමච්ඡංකරාචාර්යවිරචිතං ශ්රීකාලිකාෂ්ටකම් ।
