யோ நித்யமச்யுதபதா³ம்பு³ஜயுக்³மருக்ம
வ்யாமோஹதஸ்ததி³தராணி த்ருணாய மேனே ।
அஸ்மத்³கு³ரோர்ப⁴க³வதோஸ்ய த³யைகஸிந்தோ⁴:
ராமானுஜஸ்ய சரணௌ ஶரணம் ப்ரபத்³யே ॥
வந்தே³ வேதா³ந்தகர்பூரசாமீகர கரண்ட³கம் ।
ராமானுஜார்யமார்யாணாம் சூடா³மணிமஹர்னிஶம் ॥
ஓம் ॥ ப⁴க³வன்னாராயணாபி⁴மதானுரூப ஸ்வரூபரூப கு³ணவிப⁴வைஶ்வர்ய ஶீலாத்³யனவதி⁴காதிஶய அஸங்க்³யேய கல்யாணகு³ணக³ணாம் பத்³மவனாலயாம் ப⁴க³வதீம் ஶ்ரியம் தே³வீம் நித்யானபாயினீம் நிரவத்³யாம் தே³வதே³வதி³வ்யமஹிஷீம் அகி²லஜக³ன்மாதரம் அஸ்மன்மாதரம் அஶரண்யஶரண்யாம் அனந்யஶரண: ஶரணமஹம் ப்ரபத்³யே ॥
பாரமார்தி²க ப⁴க³வச்சரணாரவிந்த³ யுகள³ைகாந்திகாத்யந்திக பரப⁴க்தி பரஜ்ஞான பரமப⁴க்திக்ருத பரிபூர்ணானவரத நித்யவிஶத³தமானந்ய ப்ரயோஜனானவதி⁴காதிஶய ப்ரிய ப⁴க³வத³னுப⁴வஜனிதானவதி⁴காதிஶய ப்ரீதிகாரிதாஶேஷாவஸ்தோ²சித அஶேஷஶேஷதைகரதிரூப நித்யகைங்கர்யப்ராப்த்யபேக்ஷயா பாரமார்தி²கீ ப⁴க³வச்சரணாரவிந்த³ ஶரணாக³தி: யதா²வஸ்தி²தா அவிரதாஸ்து மே ॥
அஸ்து தே । தயைவ ஸர்வம் ஸம்பத்ஸ்யதே ॥
அகி²லஹேயப்ரத்யனீக கல்யாணைகதான, ஸ்வேதர ஸமஸ்தவஸ்துவிலக்ஷணானந்த ஜ்ஞானானந்தை³கஸ்வரூப, ஸ்வாபி⁴மதானுரூபைகரூபாசிந்த்ய தி³வ்யாத்³பு⁴த நித்யனிரவத்³ய நிரதிஶயௌஜ்ஜ்வல்ய ஸௌந்த³ர்ய ஸௌக³ந்த்⁴ய ஸௌகுமார்ய லாவண்ய யௌவனாத்³யனந்தகு³ணனிதி⁴ தி³வ்யரூப, ஸ்வாபா⁴விகானவதி⁴காதிஶய ஜ்ஞான ப³லைஶ்வர்ய வீர்ய ஶக்தி தேஜஸ்ஸௌஶீல்ய வாத்ஸல்ய மார்த³வார்ஜவ ஸௌஹார்த³ ஸாம்ய காருண்ய மாது⁴ர்ய கா³ம்பீ⁴ர்யௌதா³ர்ய சாதுர்ய ஸ்தை²ர்ய தை⁴ர்ய ஶௌர்ய பராக்ரம ஸத்யகாம ஸத்யஸங்கல்ப க்ருதித்வ க்ருதஜ்ஞதாத்³யஸங்க்³யேய கல்யாணகு³ணக³ணௌக⁴ மஹார்ணவ,
ஸ்வோசித விவித⁴ விசித்ரானந்தாஶ்சர்ய நித்ய நிரவத்³ய நிரதிஶய ஸுக³ந்த⁴ நிரதிஶய ஸுக²ஸ்பர்ஶ நிரதிஶயௌஜ்ஜ்வல்ய கிரீட மகுட சூடா³வதம்ஸ மகரகுண்ட³ல க்³ரைவேயக ஹார கேயூர கடக ஶ்ரீவத்ஸ கௌஸ்துப⁴ முக்தாதா³மோத³ரப³ந்த⁴ன பீதாம்ப³ர காஞ்சீகு³ண நூபுராத்³யபரிமித தி³வ்யபூ⁴ஷண, ஸ்வானுரூபாசிந்த்யஶக்தி ஶங்க³சக்ரக³தா³ஸி ஶார்ங்கா³த்³யஸங்க்³யேய
நித்யனிரவத்³ய நிரதிஶய கல்யாணதி³வ்யாயுத,⁴
ஸ்வாபி⁴மத நித்யனிரவத்³யானுரூப ஸ்வரூபரூபகு³ண விப⁴வைஶ்வர்ய ஶீலாத்³யனவதி⁴காதிஶயாஸங்க்³யேய கல்யாணகு³ணக³ணஶ்ரீவல்லப,⁴ ஏவம்பூ⁴த பூ⁴மினீளானாயக, ஸ்வச்ச²ந்தா³னுவர்தி ஸ்வரூபஸ்தி²தி ப்ரவ்ருத்திபே⁴தா³ஶேஷ ஶேஷதைகரதிரூப
நித்யனிரவத்³யனிரதிஶய ஜ்ஞான க்ரியைஶ்வர்யாத்³யனந்த கல்யாணகு³ணக³ண ஶேஷ ஶேஷாஶன
க³ருட³ப்ரமுக² நானாவிதா⁴னந்த பரிஜன பரிசாரிகா பரிசரித சரணயுகள³, பரமயோகி³ வாங்மனஸாபரிச்சே²த்³ய ஸ்வரூப ஸ்வபா⁴வ ஸ்வாபி⁴மத விவித⁴விசித்ரானந்தபோ⁴க்³ய போ⁴கோ³பகரண போ⁴க³ஸ்தா²ன ஸம்ருத்³தா⁴னந்தாஶ்சர்யானந்த மஹாவிப⁴வானந்த பரிமாண நித்ய நிரவத்³ய நிரதிஶய ஶ்ரீவைகுண்ட²னாத,² ஸ்வஸங்கல்பானுவிதா⁴யி ஸ்வரூபஸ்தி²தி ப்ரவ்ருத்தி ஸ்வஶேஷதைகஸ்வபா⁴வ ப்ரக்ருதி புருஷ காலாத்மக விவித⁴ விசித்ரானந்த போ⁴க்³ய போ⁴க்த்ருவர்க³ போ⁴கோ³பகரண போ⁴க³ஸ்தா²னரூப
நிகி²லஜக³து³த³ய விப⁴வ லயலீல, ஸத்யகாம, ஸத்யஸங்கல்ப, பரப்³ரஹ்மபூ⁴த, புருஷோத்தம,மஹாவிபூ⁴தே,
ஶ்ரீமன் நாராயண, வைகுண்ட²னாத,² அபார காருண்ய ஸௌஶீல்ய வாத்ஸல்யௌதா³ர்யைஶ்வர்ய ஸௌந்த³ர்ய மஹோத³தே⁴, அனாலோசிதவிஶேஷாஶேஷலோக ஶரண்ய, ப்ரணதார்திஹர, ஆஶ்ரித வாத்ஸல்யைகஜலதே⁴, அனவரதவிதி³த நிகி²லபூ⁴தஜாதயாதா²த்ம்ய, அஶேஷசராசரபூ⁴த நிகி²லனியமன நிரத, அஶேஷசித³சித்³வஸ்து ஶேஷிபூ⁴த, நிகி²லஜக³தா³தா⁴ர, அகி²லஜக³த்ஸ்வாமின், அஸ்மத்ஸ்வாமின், ஸத்யகாம,
ஸத்யஸங்கல்ப, ஸகலேதரவிலக்ஷண, அர்தி²கல்பக, ஆபத்ஸக,² ஶ்ரீமன், நாராயண, அஶரண்யஶரண்ய, அனந்யஶரணஸ்த்வத்பாதா³ரவிந்த³ யுகள³ம் ஶரணமஹம் ப்ரபத்³யே ॥
அத்ர த்³வயம் ।
பிதரம் மாதரம் தா³ரான் புத்ரான் ப³ந்தூ⁴ன் ஸகீ²ன் கு³ரூன் ।
ரத்னானி த⁴னதா⁴ன்யானி க்ஷேத்ராணி ச க்³ருஹாணி ச ॥ 1
ஸர்வத⁴ர்மாம்ஶ்ச ஸந்த்யஜ்ய ஸர்வகாமாம்ஶ்ச ஸாக்ஷரான் ।
லோகவிக்ராந்தசரணௌ ஶரணம் தேவ்ரஜம் விபோ⁴ ॥ 2
த்வமேவ மாதா ச பிதா த்வமேவ
த்வமேவ ப³ந்து⁴ஶ்ச கு³ருஸ்த்வமேவ ।
த்வமேவ வித்³யா த்³ரவிணம் த்வமேவ
த்வமேவ ஸர்வம் மம தே³வதே³வ ॥ 3
பிதாஸி லோகஸ்ய சராசரஸ்ய
த்வமஸ்ய பூஜ்யஶ்ச கு³ருர்க³ரீயான் ।
ந த்வத்ஸமோஸ்த்யப்⁴யதி⁴க: குதோன்யோ
லோகத்ரயேப்யப்ரதிமப்ரபா⁴வ ॥ 4
தஸ்மாத்ப்ரணம்ய ப்ரணிதா⁴ய காயம்
ப்ரஸாத³யே த்வாமஹமீஶமீட்³யம் ।
பிதேவ புத்ரஸ்ய ஸகே²வ ஸக்²யு:
ப்ரிய: ப்ரியாயார்ஹஸி தே³வ ஸோடு⁴ம் ॥
மனோவாக்காயைரனாதி³கால ப்ரவ்ருத்தானந்தாக்ருத்யகரண க்ருத்யாகரண ப⁴க³வத³பசார பா⁴க³வதாபசாராஸஹ்யாபசாரரூப நானாவிதா⁴னந்தாபசாரான் ஆரப்³த⁴கார்யான் அனாரப்³த⁴கார்யான் க்ருதான் க்ரியமாணான் கரிஷ்யமாணாம்ஶ்ச ஸர்வானஶேஷத: க்ஷமஸ்வ ।
அனாதி³காலப்ரவ்ருத்தவிபரீத ஜ்ஞானமாத்மவிஷயம் க்ருத்ஸ்ன ஜக³த்³விஷயம் ச விபரீதவ்ருத்தம் சாஶேஷவிஷயமத்³யாபி வர்தமானம் வர்திஷ்யமாணம் ச ஸர்வம் க்ஷமஸ்வ ।
மதீ³யானாதி³கர்ம ப்ரவாஹப்ரவ்ருத்தாம் ப⁴க³வத்ஸ்வரூப திரோதா⁴னகரீம் விபரீதஜ்ஞானஜனநீம் ஸ்வவிஷயாயாஶ்ச போ⁴க்³யபு³த்³தே⁴ர்ஜனநீம் தே³ஹேந்த்³ரியத்வேன போ⁴க்³யத்வேன ஸூக்ஷ்மரூபேண சாவஸ்தி²தாம் தை³வீம் கு³ணமயீம் மாயாம் தா³ஸபூ⁴தம் ஶரணாக³தோஸ்மி தவாஸ்மி தா³ஸ: இதி வக்தாரம் மாம் தாரய ।
தேஷாம் ஜ்ஞானீ நித்யயுக்த: ஏகப⁴க்திர்விஶிஷ்யதே ।
ப்ரியோ ஹி ஜ்ஞானினோத்யர்த²மஹம் ஸ ச மம ப்ரிய: ॥
உதா³ரா: ஸர்வ ஏவைதே ஜ்ஞானீ த்வாத்மைவ மே மதம் ।
ஆஸ்தி²த: ஸ ஹி யுக்தாத்மா மாமேவானுத்தமாம் க³திம் ॥
ப³ஹூனாம் ஜன்மனாமந்தே ஜ்ஞானவான்மாம் ப்ரபத்³யதே ।
வாஸுதே³வ: ஸர்வமிதி ஸ மஹாத்மா ஸுது³ர்லப:⁴ ॥
இதி ஶ்லோகத்ரயோதி³தஜ்ஞானினம் மாம் குருஷ்வ ।
புருஷ: ஸ பர: பார்த² ப⁴க்த்யா லப்⁴யஸ்த்வனந்யயா ।
ப⁴க்த்யா த்வனந்யயா ஶக்ய: மத்³ப⁴க்திம் லப⁴தே பராம் ।
இதி ஸ்தா²னத்ரயோதி³த பரப⁴க்தியுக்தம் மாம் குருஷ்வ ।
பரப⁴க்தி பரஜ்ஞான பரமப⁴க்த்யேகஸ்வபா⁴வம் மாம் குருஷ்வ ।
பரப⁴க்தி பரஜ்ஞான பரமப⁴க்திக்ருத பரிபூர்ணானவரத நித்யவிஶத³தமானந்ய ப்ரயோஜனானவதி⁴காதிஶய ப்ரிய ப⁴க³வத³னுப⁴வோஹம் ததா²வித⁴ ப⁴க³வத³னுப⁴வ ஜனிதானவதி⁴காதிஶய ப்ரீதிகாரிதாஶேஷாவஸ்தோ²சிதாஶேஷ ஶேஷதைகரதிரூப நித்யகிங்கரோ ப⁴வானி ।
ஏவம்பூ⁴த மத்கைங்கர்யப்ராப்த்யுபாயதயாவக்லுப்தஸமஸ்த வஸ்துவிஹீனோபி, அனந்த தத்³விரோதி⁴பாபாக்ராந்தோபி, அனந்த மத³பசாரயுக்தோபி, அனந்த மதீ³யாபசாரயுக்தோபி, அனந்தாஸஹ்யாபசார யுக்தோபி, ஏதத்கார்யகாரண பூ⁴தானாதி³ விபரீதாஹங்கார விமூடா⁴த்ம ஸ்வபா⁴வோபி, ஏதது³ப⁴யகார்யகாரணபூ⁴தானாதி³ விபரீதவாஸனா ஸம்ப³த்³தோ⁴பி, ஏதத³னுகு³ண ப்ரக்ருதி விஶேஷஸம்ப³த்³தோ⁴பி, ஏதன்மூலாத்⁴யாத்மிகாதி⁴பௌ⁴திகாதி⁴தை³விக ஸுக²து³:க² தத்³தே⁴து
ததி³தரோபேக்ஷணீய விஷயானுப⁴வ ஜ்ஞானஸங்கோசரூப மச்சரணாரவிந்த³யுகள³ைகாந்திகாத்யந்திக பரப⁴க்தி பரஜ்ஞான பரமப⁴க்தி விக்⁴னப்ரதிஹதோபி, யேன கேனாபி ப்ரகாரேண த்³வயவக்தா த்வம் கேவலம் மதீ³யயைவ த³யயா நிஶ்ஶேஷவினஷ்ட ஸஹேதுக மச்சரணாரவிந்த³யுகள³ைகாந்திகாத்யந்திக பரப⁴க்தி பரஜ்ஞான பரமப⁴க்திவிக்⁴ன: மத்ப்ரஸாத³லப்³த⁴ மச்சரணாரவிந்த³யுகள³ைகாந்திகாத்யந்திக பரப⁴க்தி பரஜ்ஞான பரமப⁴க்தி: மத்ப்ரஸாதா³தே³வ ஸாக்ஷாத்க்ருத யதா²வஸ்தி²த மத்ஸ்வரூபரூபகு³ணவிபூ⁴தி லீலோபகரணவிஸ்தார: அபரோக்ஷஸித்³த⁴ மன்னியாம்யதா மத்³தா³ஸ்யைக ஸ்வபா⁴வாத்ம ஸ்வரூப: மதே³கானுப⁴வ: மத்³தா³ஸ்யைகப்ரிய: பரிபூர்ணானவரத நித்யவிஶத³தமானந்ய ப்ரயோஜனானவதி⁴காதிஶயப்ரிய மத³னுப⁴வஸ்த்வம் ததா²வித⁴ மத³னுப⁴வ ஜனிதானவதி⁴காதிஶய ப்ரீதிகாரிதாஶேஷாவஸ்தோ²சிதாஶேஷ ஶேஷதைகரதிரூப நித்யகிங்கரோ ப⁴வ ।
ஏவம்பூ⁴தோஸி । ஆத்⁴யாத்மிகாதி⁴பௌ⁴திகாதி⁴தை³விக து³:க²விக்⁴னக³ந்த⁴ரஹிதஸ்த்வம் த்³வயமர்தா²னுஸந்தா⁴னேன ஸஹ ஸதை³வம் வக்தா யாவச்ச²ரீரபாதமத்ரைவ ஶ்ரீரங்கே³ ஸுக²மாஸ்வ ॥
ஶரீரபாதஸமயே து கேவலம் மதீ³யயைவ த³யயாதிப்ரபு³த்³த:⁴ மாமேவாவலோகயன் அப்ரச்யுத பூர்வஸம்ஸ்காரமனோரத:² ஜீர்ணமிவ வஸ்த்ரம் ஸுகே²னேமாம் ப்ரக்ருதிம் ஸ்தூ²லஸூக்ஷ்மரூபாம் விஸ்ருஜ்ய ததா³னீமேவ மத்ப்ரஸாத³லப்³த⁴ மச்சரணாரவிந்த³ யுகள³ைகாந்திகாத்யந்திக பரப⁴க்தி பரஜ்ஞான பரமப⁴க்திக்ருத பரிபூர்ணானவரத நித்யவிஶத³தமானந்ய ப்ரயோஜனானவதி⁴காதிஶய ப்ரிய மத³னுப⁴வஸ்த்வம் ததா²வித⁴ மத³னுப⁴வஜனிதானவதி⁴காதிஶய ப்ரீதிகாரிதாஶேஷாவஸ்தோ²சிதாஶேஷஶேஷதைக ரதிரூப நித்யகிங்கரோ ப⁴விஷ்யஸி । மாதேபூ⁴த³த்ர ஸம்ஶய: ।
அன்ருதம் நோக்தபூர்வம் மே ந ச வக்ஷ்யே கதா³சன ।
ராமோ த்³விர்னாபி⁴பா⁴ஷதே ।
ஸக்ருதே³வ ப்ரபன்னாய தவாஸ்மீதி ச யாசதே ।
அப⁴யம் ஸர்வபூ⁴தேப்⁴யோ த³தா³ம்யேதத்³வ்ரதம் மம ॥
ஸர்வத⁴ர்மான் பரித்யஜ்ய மாமேகம் ஶரணம் வ்ரஜ ।
அஹம் த்வா ஸர்வபாபேப்⁴யோ மோக்ஷயிஷ்யாமி மா ஶுச: ॥
இதி மயைவ ஹ்யுக்தம் ।
அதஸ்த்வம் தவ தத்த்வதோ மத் ஜ்ஞானத³ர்ஶன ப்ராப்திஷு நிஸ்ஸம்ஶய: ஸுக²மாஸ்வ ॥
அந்த்யகாலே ஸ்ம்ருதிர்யாது தவ கைங்கர்யகாரிதா ।
தாமேனாம் ப⁴க³வன்னத்³ய க்ரியமாணாம் குருஷ்வ மே ॥
இதி ஶ்ரீப⁴க³வத்³ராமானுஜ விரசிதம் ஶரணாக³தி க³த்³யம் ।
