பாது³கே யதிராஜஸ்ய கத²யந்தி யதா³க்²யயா ।
தஸ்ய தா³ஶரதே²: பாதௌ³ ஶிரஸா தா⁴ரயாம்யஹம் ॥

பாஷண்ட³த்³ருமஷண்ட³தா³வத³ஹனஶ்சார்வாகஶைலாஶனி:
பௌ³த்³த⁴த்⁴வாந்தனிராஸவாஸரபதிர்ஜைனேப⁴கண்டீ²ரவ: ।
மாயாவாதி³ பு⁴ஜங்க³ப⁴ங்க³க³ருட³ஸ்த்ரைவித்³ய சூடா³மணி:
ஶ்ரீரங்கே³ஶஜயத்⁴வஜோ விஜயதே ராமானுஜோயம் முனி: ॥ 1 ॥

பாஷண்ட³ ஷண்ட³கி³ரிக²ண்ட³னவஜ்ரத³ண்டா³:
ப்ரச்ச²ன்னபௌ³த்³த⁴மகராலயமந்த²த³ண்டா³: ।
வேதா³ந்தஸாரஸுக²த³ர்ஶனதீ³பத³ண்டா³:
ராமானுஜஸ்ய விலஸந்திமுனேஸ்த்ரித³ண்டா³: ॥ 2 ॥

சாரித்ரோத்³தா⁴ரத³ண்ட³ம் சதுரனயபதா²லங்க்ரியாகேதுத³ண்ட³ம்
ஸத்³வித்³யாதீ³பத³ண்ட³ம் ஸகலகலிகதா²ஸம்ஹ்ருதே: காலத³ண்ட³ம் ।
த்ரய்யந்தாலம்ப³த³ண்ட³ம் த்ரிபு⁴வனவிஜயச்ச²த்ரஸௌவர்ணத³ண்ட³ம்
த⁴த்தேராமானுஜார்ய: ப்ரதிகத²கஶிரோ வஜ்ரத³ண்ட³ம் த்ரித³ண்ட³ம் ॥ 3 ॥

த்ரய்யா மாங்கள³்யஸூத்ரம் த்ரிதா²யுக³பயுக³ ரோஹணாலம்ப³ஸூத்ரம்
ஸத்³வித்³யாதீ³பஸூத்ரம் ஸகு³ணனயவிதா³ம் ஸம்ப³தா³ம்ஹாரஸூத்ரம் ।
ப்ரஜ்ஞாஸூத்ரம் பு³தா⁴னாம் ப்ரஶமத⁴னமன: பத்³மினீனாலஸூத்ரம்
ரக்ஷாஸூத்ரம் முனீனாம் ஜயதி யதிபதேர்வக்ஷஸி ப்³ரஹ்மஸூத்ரம் ॥ 4 ॥

பாஷண்ட³ஸாக³ரமஹாப³ட³பா³முகா²க்³னி:
ஶ்ரீரங்க³ராஜசரணாம்பு³ஜமூலதா³ஸ: ।
ஶ்ரீவிஷ்ணுலோகமணி மண்ட³பமார்க³தா³யீ
ராமானுஜோ விஜயதே யதிராஜராஜ: ॥ 5 ॥