শেষাচলং সমাসাদ্য কশ্যপাদ্যা মহর্ষযঃ ।
বেংকটেশং রমানাথং শরণং প্রাপুরংজসা ॥ 1 ॥
কলিসংতারকং মুখ্যং স্তোত্রমেতজ্জপেন্নরঃ ।
সপ্তর্ষিবাক্প্রসাদেন বিষ্ণুস্তস্মৈ প্রসীদতি ॥ 2 ॥
কশ্যপ উবাচ –
কাদিহ্রীমংতবিদ্যাযাঃ প্রাপ্যৈব পরদেবতা ।
কলৌ শ্রীবেংকটেশাখ্যা তামহং শরণং ভজে ॥ 3 ॥
অত্রিরুবাচ –
অকারাদিক্ষকারাংতবর্ণৈর্যঃ প্রতিপাদ্যতে ।
কলৌ স বেংকটেশাখ্যঃ শরণং মে রমাপতিঃ ॥ 4 ॥
ভরদ্বাজ উবাচ –
ভগবান্ ভার্গবীকাংতো ভক্তাভীপ্সিতদাযকঃ ।
ভক্তস্য বেংকটেশাখ্যো ভরদ্বাজস্য মে গতিঃ ॥ 5 ॥
বিশ্বামিত্র উবাচ –
বিরাড্বিষ্ণুর্বিধাতা চ বিশ্ববিজ্ঞানবিগ্রহঃ ।
বিশ্বামিত্রস্য শরণং বেংকটেশো বিভুঃ সদা ॥ 6 ॥
গৌতম উবাচ –
গৌর্গৌরীশপ্রিযো নিত্যং গোবিংদো গোপতির্বিভুঃ ।
শরণং গৌতমস্যাস্তু বেংকটাদ্রিশিরোমণিঃ ॥ 7 ॥
জমদগ্নিরুবাচ –
জগত্কর্তা জগদ্ভর্তা জগদ্ধর্তা জগন্মযঃ ।
জমদগ্নেঃ প্রপন্নস্য জীবেশো বেংকটেশ্বরঃ ॥ 8 ॥
বসিষ্ঠ উবাচ –
বস্তুবিজ্ঞানমাত্রং যন্নির্বিশেষং সুখং চ সত্ ।
তদ্ব্রহ্মৈবাহমস্মীতি বেংকটেশং ভজে সদা ॥ 9 ॥
সপ্তর্ষিরচিতং স্তোত্রং সর্বদা যঃ পঠেন্নরঃ ।
সোঽভযং প্রাপ্নুযাত্সত্যং সর্বত্র বিজযী ভবেত্ ॥ 10 ॥
ইতি সপ্তর্ষিভিঃ কৃতং শ্রী বেংকটেশ্বর শরণাগতি স্তোত্রম্ ।
