ශේෂාචලං සමාසාද්ය කශ්යපාද්යා මහර්ෂයඃ ।
වේංකටේශං රමානාථං ශරණං ප්රාපුරංජසා ॥ 1 ॥
කලිසංතාරකං මුඛ්යං ස්තෝත්රමේතජ්ජපේන්නරඃ ।
සප්තර්ෂිවාක්ප්රසාදේන විෂ්ණුස්තස්මෛ ප්රසීදති ॥ 2 ॥
කශ්යප උවාච –
කාදිහ්රීමංතවිද්යායාඃ ප්රාප්යෛව පරදේවතා ।
කලෞ ශ්රීවේංකටේශාඛ්යා තාමහං ශරණං භජේ ॥ 3 ॥
අත්රිරුවාච –
අකාරාදික්ෂකාරාංතවර්ණෛර්යඃ ප්රතිපාද්යතේ ।
කලෞ ස වේංකටේශාඛ්යඃ ශරණං මේ රමාපතිඃ ॥ 4 ॥
භරද්වාජ උවාච –
භගවාන් භාර්ගවීකාංතෝ භක්තාභීප්සිතදායකඃ ।
භක්තස්ය වේංකටේශාඛ්යෝ භරද්වාජස්ය මේ ගතිඃ ॥ 5 ॥
විශ්වාමිත්ර උවාච –
විරාඩ්විෂ්ණුර්විධාතා ච විශ්වවිජ්ඤානවිග්රහඃ ।
විශ්වාමිත්රස්ය ශරණං වේංකටේශෝ විභුඃ සදා ॥ 6 ॥
ගෞතම උවාච –
ගෞර්ගෞරීශප්රියෝ නිත්යං ගෝවිංදෝ ගෝපතිර්විභුඃ ।
ශරණං ගෞතමස්යාස්තු වේංකටාද්රිශිරෝමණිඃ ॥ 7 ॥
ජමදග්නිරුවාච –
ජගත්කර්තා ජගද්භර්තා ජගද්ධර්තා ජගන්මයඃ ।
ජමදග්නේඃ ප්රපන්නස්ය ජීවේශෝ වේංකටේශ්වරඃ ॥ 8 ॥
වසිෂ්ඨ උවාච –
වස්තුවිජ්ඤානමාත්රං යන්නිර්විශේෂං සුඛං ච සත් ।
තද්බ්රහ්මෛවාහමස්මීති වේංකටේශං භජේ සදා ॥ 9 ॥
සප්තර්ෂිරචිතං ස්තෝත්රං සර්වදා යඃ පඨේන්නරඃ ।
සෝऽභයං ප්රාප්නුයාත්සත්යං සර්වත්ර විජයී භවේත් ॥ 10 ॥
ඉති සප්තර්ෂිභිඃ කෘතං ශ්රී වේංකටේශ්වර ශරණාගති ස්තෝත්රම් ।
