ওং অস্য় শ্রীবগলামুখীস্তোত্রস্য়
নারদৃষিঃ
শ্রী বগলামুখী দেবতা
মম সন্নিহিতানাং বিরোধিনাং বাঙ্মুখ-পদবুদ্ধীনাং স্তংভনার্থে স্তোত্রপাঠে বিনিয়োগঃ
মধ্য়েসুধাব্ধি মণিমংটপ রত্নবেদি
সিংহাসনোপরিগতাং পরিপীতবর্ণাম্ ।
পীতাংবরাভরণ মাল্যবিভূষিতাংগীং
দেবীং ভজামি ধৃতমুদ্গরবৈরি জিহ্বাম্ ॥ 1 ॥
জিহ্বাগ্রমাদায় করেণ দেবীং
বামেন শত্রূন্ পরিপীডয়ংতীম্ ।
গদাভিঘাতেন চ দক্ষিণেন
পীতাংবরাঢ্য়াং দ্বিভুজাং ভজামি ॥ 2 ॥
চলত্কনককুংডলোল্লসিতচারুগংডস্থলাং
লসত্কনকচংপক দ্য়ুতিমদিংদুবিংবাননাম্ ।
গদাহত বিপক্ষকাং কলিতলোলজিহ্বাংচলাং
স্মরামি বগলামুখীং বিমুখবাঙ্মনস্স্তংভিনীম্ ॥ 3 ॥
পীয়ূষো দধিমধ্যচারু বিলস দ্রক্তোত্পলে মংটপে
সত্সিংহাসন মৌলিপাতিতরিপুং প্রেতাসনাধ্য়াসিনীম্ ।
স্বর্ণাভাং করপীডিতারিরসনাং ভ্রাম্যদ্গদাং বিভ্রমাং
ইত্থং ধ্য়াযতি যাংতি তস্য় বিলয়ং সদ্য়োথ সর্বাপদঃ ॥ 4 ॥
দেবিত্ত্বচ্চরণাংবুজার্চনকৃতে যঃ পীত পুষ্পাংজলীন্
ভক্ত্য়া বামকরে নিধায় চ মনুং মংত্রী মনোজ্ঞাক্ষরম্ ।
পীঠধ্য়ানপরোঽথ কুংভকবশাদ্বীজং স্মরেত্পার্থিব-
স্তস্য়ামিত্রমুখস্য় বাচি হৃদয়ে জাড্য়ং ভবেত্তত্ক্ষণাত্ ॥ 5 ॥
বাদী মূকতি কংকতি ক্ষিতিপতির্বৈশ্বানরশ্শীতিতি
ক্রোধীশাম্যতি দুর্জনস্সুজনতি ক্ষিপ্রানুগঃ খংজতি ।
গর্বী খর্বতি সর্ববিচ্চ জডতি ত্বদ্য়ংত্রণা যংত্রিতঃ
শ্রীনিত্য়ে বগলামুখি প্রতিদিনং কল্য়াণি তুভ্য়ং নমঃ ॥ 6 ॥
মংত্রস্তাবদয়ং বিপক্ষদলনে স্তোত্রং পবিত্রং চ তে
যংত্রং বাদিনিয়ংত্রণং ত্রিজগতাং জৈত্রং চ চিত্রং চ তে ।
মাতঃ শ্রীবগলেতি নাম ললিতং যস্য়াস্তি জংতোর্মুখে
ত্বন্নামগ্রহণেন সংসদি মুখ স্তংভো ভবেদ্বাদিনাম্ ॥ 7 ॥
দুষ্টস্তংভনমুগ্রবিঘ্নশমনং দারিদ্র্যবিদ্রাবণং
ভূভৃদ্ভীশমনং চলন্মৃগদৃশাং চেতস্সমাকর্ষণম্ ।
সৌভাগ্য়ৈকনিকেতনং সমদৃশঃ কারুণ্যপূর্ণামৃতং
মৃত্য়োর্মারণমাবিরস্তু পুরতো মাতস্ত্বদীয়ং বপুঃ ॥ 8 ॥
মাতর্ভংজয় মে বিপক্ষবদনাং জিহ্বাং চ সংকীলয়
ব্রাহ্মীং মুদ্রয় নাশয়াশুধিষণামুগ্রাং গতিং স্তংভয় ।
শত্রূংশ্চূর্ণয় দেবি তীক্ষ্ণগদয়া গৌরাংগি পীতাংবরে
বিঘ্নৌঘং বগলে হর প্রণমতাং কারুণ্যপূর্ণেক্ষণে ॥ 9 ॥
মাতর্ভৈরবি ভদ্রকালি বিজয়ে বারাহি বিশ্বাশ্রয়ে
শ্রীবিদ্য়ে সময়ে মহেশি বগলে কামেশি রামে রমে ।
মাতংগি ত্রিপুরে পরাত্পরতরে স্বর্গাপবর্গপ্রদে
দাসোঽহং শরণাগতঃ করুণয়া বিশ্বেশ্বরি ত্রাহিমাম্ ॥ 10 ॥
সংরংভে সৌরসংঘে প্রহরণসময়ে বংধনেবারিমধ্য়ে
বিদ্য়াবাদেবিবাদে প্রতিকৃতিনৃপতৌ দিব্যকালে নিশায়াম্ ।
বশ্য়ে বা স্তংভনে বা রিপুবধসময়ে নির্জনে বা বনে বা
গচ্ছংস্তিষ্ঠংস্ত্রিকালং যদি পঠতি শিবং প্রাপ্নুয়াদাশু ধীরঃ ॥ 11 ॥
ত্বং বিদ্য়া পরমা ত্রিলোকজননী বিঘ্নৌঘসংছেদিনী
যোষাকর্ষণকারিণী ত্রিজগতামানংদসংবর্ধিনী ।
দুস্ফোটোচ্চাটনকারিণী জনমনস্সংমোহসংদায়িনী
জিহ্বাকীলনভৈরবী বিজযতে ব্রহ্মাস্ত্রমংত্রো যথা ॥ 12 ॥
বিদ্য়ালক্ষ্মীস্সর্বসৌভাগ্যমায়ুঃ
পুত্রৈঃ পৌত্রৈঃ সর্বসাম্রাজ্যসিদ্ধিঃ ।
মানো ভোগো বশ্যমারোগ্যসৌখ্য়ং
প্রাপ্তং তত্তদ্ভূতলেঽস্মিন্নরেণ ॥ 13 ॥
যত্কৃতং চ জপং হোমং গদিতং পরমেশ্বরী ।
দুষ্টানাং নিগ্রহার্থায় তদ্গৃহাণ নমোঽস্তু তে ॥ 14 ॥
পীতাংবরাং তাং দ্বিভুজাং ত্রিনেত্রাং গাত্রগোজ্জ্বলাম্ ।
শিলামুদ্গরহস্তাং চ স্মরেত্তাং বগলামুখীম্ ॥ 15 ॥
ব্রহ্মাস্ত্রমিতি বিখ্য়াতং ত্রিষু লোকেষু বিশ্রুতম্ ।
গুরুভক্তায় দাতব্য়ং নদেয়ং যস্য় কস্যচিত্ ॥ 16 ॥
নিত্য়ং স্তোত্রমিদং পবিত্রমিহ যো দেব্য়াঃ পঠত্য়াদরাত্
ধৃত্বায়ংত্রমিদং তথৈব সমরে বাহৌ করে বা গলে ।
রাজানোঽপ্যরয়ো মদাংধকরিণস্সর্পা মৃগেংদ্রাদিকাঃ
তে বৈ যাংতি বিমোহিতা রিপুগণা লক্ষ্মীঃ স্থিরাস্সিদ্ধয়ঃ ॥ 17 ॥
ইতি শ্রী রুদ্রয়ামলে তংত্রে শ্রী বগলামুখী স্তোত্রম্ ॥
