ඕං අස්ය ශ්රීබගළාමුඛීස්තෝත්රස්ය
නාරදෘෂිඃ
ශ්රී බගළාමුඛී දේවතා
මම සන්නිහිතානාං විරෝධිනාං වාඞ්මුඛ-පදබුද්ධීනාං ස්තංභනාර්ථේ ස්තෝත්රපාඨේ විනියෝගඃ
මධ්යේසුධාබ්ධි මණිමංටප රත්නවේදි
සිංහාසනෝපරිගතාං පරිපීතවර්ණාම් ।
පීතාංබරාභරණ මාල්යවිභූෂිතාංගීං
දේවීං භජාමි ධෘතමුද්ගරවෛරි ජිහ්වාම් ॥ 1 ॥
ජිහ්වාග්රමාදාය කරේණ දේවීං
වාමේන ශත්රූන් පරිපීඩයංතීම් ।
ගදාභිඝාතේන ච දක්ෂිණේන
පීතාංබරාඪ්යාං ද්විභුජාං භජාමි ॥ 2 ॥
චලත්කනකකුංඩලෝල්ලසිතචාරුගංඩස්ථලාං
ලසත්කනකචංපක ද්යුතිමදිංදුබිංබානනාම් ।
ගදාහත විපක්ෂකාං කලිතලෝලජිහ්වාංචලාං
ස්මරාමි බගළාමුඛීං විමුඛවාඞ්මනස්ස්තංභිනීම් ॥ 3 ॥
පීයූෂෝ දධිමධ්යචාරු විලස ද්රක්තෝත්පලේ මංටපේ
සත්සිංහාසන මෞළිපාතිතරිපුං ප්රේතාසනාධ්යාසිනීම් ।
ස්වර්ණාභාං කරපීඩිතාරිරසනාං භ්රාම්යද්ගදාං විභ්රමාං
ඉත්ථං ධ්යායති යාංති තස්ය විලයං සද්යෝථ සර්වාපදඃ ॥ 4 ॥
දේවිත්ත්වච්චරණාංබුජාර්චනකෘතේ යඃ පීත පුෂ්පාංජලීන්
භක්ත්යා වාමකරේ නිධාය ච මනුං මංත්රී මනෝජ්ඤාක්ෂරම් ।
පීඨධ්යානපරෝऽථ කුංභකවශාද්බීජං ස්මරේත්පාර්ථිව-
ස්තස්යාමිත්රමුඛස්ය වාචි හෘදයේ ජාඩ්යං භවේත්තත්ක්ෂණාත් ॥ 5 ॥
වාදී මූකති කංකති ක්ෂිතිපතිර්වෛශ්වානරශ්ශීතිති
ක්රෝධීශාම්යති දුර්ජනස්සුජනති ක්ෂිප්රානුගඃ ඛංජති ।
ගර්වී ඛර්වති සර්වවිච්ච ජඩති ත්වද්යංත්රණා යංත්රිතඃ
ශ්රීනිත්යේ බගළාමුඛි ප්රතිදිනං කල්යාණි තුභ්යං නමඃ ॥ 6 ॥
මංත්රස්තාවදයං විපක්ෂදලනේ ස්තෝත්රං පවිත්රං ච තේ
යංත්රං වාදිනියංත්රණං ත්රිජගතාං ජෛත්රං ච චිත්රං ච තේ ।
මාතඃ ශ්රීබගළේති නාම ලලිතං යස්යාස්ති ජංතෝර්මුඛේ
ත්වන්නාමග්රහණේන සංසදි මුඛ ස්තංභෝ භවේද්වාදිනාම් ॥ 7 ॥
දුෂ්ටස්තංභනමුග්රවිඝ්නශමනං දාරිද්ර්යවිද්රාවණං
භූභෘද්භීශමනං චලන්මෘගදෘශාං චේතස්සමාකර්ෂණම් ।
සෞභාග්යෛකනිකේතනං සමදෘශඃ කාරුණ්යපූර්ණාමෘතං
මෘත්යෝර්මාරණමාවිරස්තු පුරතෝ මාතස්ත්වදීයං වපුඃ ॥ 8 ॥
මාතර්භංජය මේ විපක්ෂවදනාං ජිහ්වාං ච සංකීලය
බ්රාහ්මීං මුද්රය නාශයාශුධිෂණාමුග්රාං ගතිං ස්තංභය ।
ශත්රූංශ්චූර්ණය දේවි තීක්ෂ්ණගදයා ගෞරාංගි පීතාංබරේ
විඝ්නෞඝං බගළේ හර ප්රණමතාං කාරුණ්යපූර්ණේක්ෂණේ ॥ 9 ॥
මාතර්භෛරවි භද්රකාළි විජයේ වාරාහි විශ්වාශ්රයේ
ශ්රීවිද්යේ සමයේ මහේශි බගළේ කාමේශි රාමේ රමේ ।
මාතංගි ත්රිපුරේ පරාත්පරතරේ ස්වර්ගාපවර්ගප්රදේ
දාසෝऽහං ශරණාගතඃ කරුණයා විශ්වේශ්වරි ත්රාහිමාම් ॥ 10 ॥
සංරංභේ සෞරසංඝේ ප්රහරණසමයේ බංධනේවාරිමධ්යේ
විද්යාවාදේවිවාදේ ප්රතිකෘතිනෘපතෞ දිව්යකාලේ නිශායාම් ।
වශ්යේ වා ස්තංභනේ වා රිපුවධසමයේ නිර්ජනේ වා වනේ වා
ගච්ඡංස්තිෂ්ඨංස්ත්රිකාලං යදි පඨති ශිවං ප්රාප්නුයාදාශු ධීරඃ ॥ 11 ॥
ත්වං විද්යා පරමා ත්රිලෝකජනනී විඝ්නෞඝසංඡේදිනී
යෝෂාකර්ෂණකාරිණී ත්රිජගතාමානංදසංවර්ධිනී ।
දුස්ඵෝටෝච්චාටනකාරිණී ජනමනස්සංමෝහසංදායිනී
ජිහ්වාකීලනභෛරවී විජයතේ බ්රහ්මාස්ත්රමංත්රෝ යථා ॥ 12 ॥
විද්යාලක්ෂ්මීස්සර්වසෞභාග්යමායුඃ
පුත්රෛඃ පෞත්රෛඃ සර්වසාම්රාජ්යසිද්ධිඃ ।
මානෝ භෝගෝ වශ්යමාරෝග්යසෞඛ්යං
ප්රාප්තං තත්තද්භූතලේऽස්මින්නරේණ ॥ 13 ॥
යත්කෘතං ච ජපං හෝමං ගදිතං පරමේශ්වරී ।
දුෂ්ටානාං නිග්රහාර්ථාය තද්ගෘහාණ නමෝऽස්තු තේ ॥ 14 ॥
පීතාංබරාං තාං ද්විභුජාං ත්රිනේත්රාං ගාත්රගෝජ්ජ්වලාම් ।
ශිලාමුද්ගරහස්තාං ච ස්මරේත්තාං බගළාමුඛීම් ॥ 15 ॥
බ්රහ්මාස්ත්රමිති විඛ්යාතං ත්රිෂු ලෝකේෂු විශ්රුතම් ।
ගුරුභක්තාය දාතව්යං නදේයං යස්ය කස්යචිත් ॥ 16 ॥
නිත්යං ස්තෝත්රමිදං පවිත්රමිහ යෝ දේව්යාඃ පඨත්යාදරාත්
ධෘත්වායංත්රමිදං තථෛව සමරේ බාහෞ කරේ වා ගළේ ।
රාජානෝऽප්යරයෝ මදාංධකරිණස්සර්පා මෘගේංද්රාදිකාඃ
තේ වෛ යාංති විමෝහිතා රිපුගණා ලක්ෂ්මීඃ ස්ථිරාස්සිද්ධයඃ ॥ 17 ॥
ඉති ශ්රී රුද්රයාමළේ තංත්රේ ශ්රී බගළාමුඛී ස්තෝත්රම් ॥
