ঈশ্বর উবাচ
শৃণু দেবি প্রবক্ষ্য়ামি সাংপ্রতং তত্পুরাতনম্ ।
সহস্রনাম পরমং প্রত্য়ংগিরার্থ সিদ্ধয়ে ॥ 1 ॥

সহস্রনামপাঠেন সর্বত্র বিজয়ী ভবেত্ ।
পরাভবো ন চাস্য়াস্তি সভায়াং বা বনে রণে ॥ 2 ॥

তথা তুষ্টা ভবেদ্দেবী প্রত্য়ংগিরাঽস্য় পাঠতঃ ।
যথা ভবতি দেবেশি সাধকঃ শিব এব হি ॥ 3 ॥

অশ্বমেধসহস্রাণি বাজপেযস্য় কোটয়ঃ ।
সকৃত্পাঠেন জায়ংতে প্রসন্না প্রত্য়ংগিরা ভবেত্ ॥ 4 ॥

ভৈরবোঽস্য় ঋষিশ্ছংদোঽনুষ্টুপ্ দেবী সমীরিতা ।
প্রত্য়ংগিরা বিনিয়োগঃ সর্বসংপত্তি হেতবে ॥ 5 ॥

সর্বকার্য়েষু সংসিদ্ধিঃ সর্বসংপত্তিদা ভবেত্ ।
এবং ধ্য়াত্বা পঠেদেতদ্যদীচ্ছেদাত্মনো হিতম্ ॥ 6 ॥

অস্য় শ্রীপ্রত্য়ংগিরা সহস্রনামমহামংত্রস্য় ভৈরব ঋষিঃ অনুষ্টুপ্ ছংদঃ শ্রীমহাপ্রত্য়ংগিরা দেবতা হ্রীং বীজং শ্রীং শক্তিঃ স্বাহা কীলকং পরকৃত্য়াবিনাশার্থে জপে পাঠে বিনিয়োগঃ ॥

করন্য়াসঃ
ওং হ্রাং অংগুষ্ঠাভ্য়াং নমঃ ।
ওং হ্রীং তর্জনীভ্য়াং নমঃ ।
ওং হ্রূং মধ্যমাভ্য়াং নমঃ ।
ওং হ্রৈং অনামিকাভ্য়াং নমঃ ।
ওং হ্রৌং কনিষ্ঠিকাভ্য়াং নমঃ ।
ওং হ্রঃ করতল করপৃষ্ঠাভ্য়াং নমঃ ।

হৃদয়াদি ন্য়াসঃ
ওং হ্রাং হৃদয়ায় নমঃ ।
ওং হ্রীং শিরসে স্বাহা ।
ওং হ্রূং শিখায়ৈ বষট্ ।
ওং হ্রৈং কবচায় হুম্ ।
ওং হ্রৌং নেত্রত্রয়ায় বৌষট্ ।
ওং হ্রঃ অস্ত্রায় ফট্ ।

ধ্য়ানম্
আশাংবরা মুক্তকচা ঘনচ্ছবি-
-র্ধ্য়েয়া সচর্মাসিকরা হি ভূষণা ।
দংষ্ট্রোগ্রবক্ত্রা গ্রসিতা হিতা ত্বয়া
প্রত্য়ংগিরা শংকরতেজসেরিতা ॥

স্তোত্রম্
দেবী প্রত্য়ংগিরা দিব্য়া সরসা শশিশেখরা ।
সুমনা সামিধেতী চ সমস্তসুরশেমুষী ॥ 1 ॥

সর্বসংপত্তিজননী সর্বদা সিংধুসেবিনী ।
শংভুসীমংতিনী সীমা সুরারাধ্য়া সুধারসা ॥ 2 ॥

রসা রসবতী বেলা বন্য়া চ বনমালিনী ।
বনজাক্ষী বনচরী বনী বনবিনোদিনী ॥ 3 ॥

বেগিনী বেগদা বেগবলাস্য়া চ বলাধিকা ।
কলা কলপ্রিয়া কোলী কোমলা কালকামিনী ॥ 4 ॥

কমলা কমলাস্য়া চ কমলস্থা কলাবতী ।
কুলীনা কুটিলা কাংতা কোকিলা কলভাষিণী ॥ 5 ॥

কীরকীলী কলা কালী কপালিন্যপি কালিকা ।
কেশিনী চ কুশাবর্তা কৌশাংবী কেশবপ্রিয়া ॥ 6 ॥

কাশী কলা মহাকাশী সংকাশা কেশদায়িনী ।
কুংডলী কুংডলাস্য়া চ কুংডলাংগদমংডিতা ॥ 7 ॥

কুণপালী কুমুদিনী কুমুদা প্রীতিবর্ধিনী ।
কুংদপ্রিয়া কুংদরুচিঃ কুরংগমদনোদিনী ॥ 8 ॥

কুরংগনযনা কুংদা কুরুবৃংদাঽভিনংদিনী ।
কুসুংভকুসুমা কাংচী ক্বণত্কিংকিণিকা কটা ॥ 9 ॥

কঠোরা করুণা কাষ্ঠা কৌমুদী কংবুকংঠিনী ।
কপর্দিনী কপটিনী কংঠিনী কালকংঠিকা ॥ 10 ॥

কীরহস্তা কুমারী চ কুরুদা কুসুমপ্রিয়া ।
কুংজরস্থা কুংজরতা কুংভি কুংভস্তনদ্বয়া ॥ 11 ॥

কুংভিগা করিভোগা চ কদলী দলশালিনী ।
কুপিতা কোটরস্থা চ কংকালী কংদরোদরা ॥ 12 ॥

একাংতবাসিনী কাংচী কংপমানশিরোরুহা ।
কাদংবরী কদংবস্থা কুংকুমপ্রেমধারিণী ॥ 13 ॥

কুটুংবিনীপ্রিয়াঽঽকূতী ক্রতুঃ ক্রতুকরী প্রিয়া ।
কাত্য়াযনী কৃত্তিকা চ কার্তিকেযপ্রবর্তিনী ॥ 14 ॥

কামপত্নী কামদাত্রী কামেশী কামবংদিতা ।
কামরূপা ক্রমাবর্তী কামাক্ষী কামমোহিতা ॥ 15 ॥

খড্গিনী খেচরী খড্গা খংজরীটেক্ষণা খলা ।
খরগা খরনাথা চ খরাস্য়া খেলনপ্রিয়া ॥ 16 ॥

খরাংশুঃ খেটিনী খট্বা খগা খট্বাংগধারিণী ।
খরখংডিনী খ্য়াতা খংডিতা খংডনীস্থিতা ॥ 17 ॥

খংডপ্রিয়া খংডখাদ্য়া সেংদুখংডা চ খংডিনী ।
গংগা গোদাবরী গৌরী গোমত্যপি চ গৌতমী ॥ 18 ॥

গয়া গেয়া গগনগা গারুডী গরুডধ্বজা ।
গীতা গীতপ্রিয়া গোপা গংডপ্রীতা গুণী গিরা ॥ 19 ॥

গুং গৌরী মংদমদনা গোকুলা গোপ্রতারিণী ।
গোদা গোবিংদিনী গূঢা নির্গূঢা গূঢবিগ্রহা ॥ 20 ॥

গুংজিনী গজগা গোপী গোত্রক্ষযকরী গদা ।
গিরিভূপালদুহিতা গোগা গোচ্ছলবর্ধিনী ॥ 21 ॥

ঘনস্তনী ঘনরুচির্ঘনেহা ঘননিঃস্বনা ।
ঘূত্কারিণী ঘূঘকরী ঘুঘূকপরিবারিতা ॥ 22 ॥

ঘংটানাদপ্রিয়া ঘংটা ঘনাঘোটকবাহিনী ।
ঘোররূপা চ ঘোরা চ ঘূতী প্রতিঘনা ঘনী ॥ 23 ॥

ঘৃতাচী ঘনপুষ্টিশ্চ ঘটা ঘনঘটাঽমৃতা ।
ঘটস্য়া ঘটনা ঘোঘঘাতপাতনিবারিণী ॥ 24 ॥

চংচরীকা চকোরী চ চামুংডা চীরধারিণী ।
চাতুরী চপলা চক্রচলা চেলা চলাঽচলা ॥ 25 ॥

চতুশ্চিরংতনা চাকা চিক্য়া চামীকরচ্ছবিঃ ।
চাপিনী চপলা চংপূ চিংতা চিংতামণিশ্চিতা ॥ 26 ॥

চাতুর্বর্ণ্যময়ী চংচচ্চৌরাচার্য়া চমত্কৃতিঃ ।
চক্রবর্তিবধূশ্চক্রা চক্রাংগা চক্রমোদিনী ॥ 27 ॥

চেতশ্চরী চিত্তবৃত্তিরচেতা চেতনপ্রদা ।
চাংপেয়ী চংপকপ্রীতিশ্চংডী চংডালবাসিনী ॥ 28 ॥

চিরংজীবিতটা চিংচা তরুমূলনিবাসিনী ।
ছুরিকা ছত্রমধ্যস্থা ছিদ্রা ছেদকরী ছিদা ॥ 29 ॥

ছুছুংদরীপলপ্রীতী ছুছুংদরীনিভস্বনা ।
ছলিনী ছলদা ছত্রা ছিটিকা ছেককৃত্তথা ॥ 30 ॥

ছগিনী ছাংদসী ছায়া ছায়াকৃচ্ছাদিরিত্যপি ।
জয়া চ জযদা জাতী জযস্থা জযবর্ধিনী ॥ 31 ॥

জপাপুষ্পপ্রিয়া জপ্য়া জৃংভিণী যামলা যুতা ।
জংবূপ্রিয়া জযস্থা চ জংগমা জংগমপ্রিয়া ॥ 32 ॥

জংতুর্জংতুপ্রধানা চ জরত্কর্ণা জরদ্ভবা ।
জাতিপ্রিয়া জীবনস্থা জীমূতসদৃশচ্ছবিঃ ॥ 33 ॥

জন্য়া জনহিতা জায়া জংভভিজ্জংভমালিনী ।
জবদা জববদ্বাহা জবানী জ্বরহা জ্বরা ॥ 34 ॥

ঝংঝানিলময়ী ঝংঝা ঝণত্কারকরা তথা ।
ঝিংটীশা ঝংপকৃত্ ঝংপা ঝংপত্রাসনিবারিণী ॥ 35 ॥

টকারস্থা টংকধরা টংকারা করশাটিনী ।
ঠক্কুরা ঠীত্কৃতী ঠিংঠী ঠিংঠীরবসমাবৃতা ॥ 36 ॥

ঠংঠানিলময়ী ঠংঠা ঠণত্কারকরা ঠসা ।
ডাকিনী ডামরী চৈব ডিংডিমধ্বনিনংদিনী ॥ 37 ॥

ঢক্কাস্বনপ্রিয়া ঢক্কা তপিনী তাপিনী তথা ।
তরুণী তুংদিলা তুংদা তামসী চ তপঃপ্রিয়া ॥ 38 ॥

তাম্রা তাম্রাংবরা তালী তালীদলবিভূষণা ।
তুরংগা ত্বরিতা ত্রেতা তোতুলা তোদিনী তুলা ॥ 39 ॥

তাপত্রযহরা তপ্তা তালকেশী তমালিনী ।
তমালদলবচ্ছামা তালম্লানবতী তমী ॥ 40 ॥

তামসী চ তমিস্রা চ তীব্রা তীব্রপরাক্রমা ।
তটস্থা তিলতৈলাক্তা তরণী তপনদ্য়ুতিঃ ॥ 41 ॥

তিলোত্তমা তিলককৃত্তারকাধীশশেখরা ।
তিলপুষ্পপ্রিয়া তারা তারকেশী কুটুংবিনী ॥ 42 ॥

স্থাণুপত্নী স্থিতিকরী স্থলস্থা স্থলবর্ধিনী ।
স্থিতিঃ স্থৈর্য়া স্থবিষ্ঠা চ স্থাপতিঃ স্থলবিগ্রহা ॥ 43 ॥

দংতিনী দংডিনী দীনা দরিদ্রা দীনবত্সলা ।
দেবী দেববধূর্দৈত্যদমনী দংতভূষণা ॥ 44 ॥

দয়াবতী দমবতী দমদা দাডিমস্তনী ।
দংদশূকনিভা দৈত্যদারিণী দেবতাননা ॥ 45 ॥

দোলাক্রীডা দলায়ুশ্চ দংপতী দেবতাময়ী ।
দশা দীপস্থিতা দোষা দোষহা দোষকারিণী ॥ 46 ॥

দুর্গা দুর্গার্তিশমনী দুর্গমা দুর্গবাসিনী ।
দুর্গংধনাশিনী দুঃস্থা দুঃস্বপ্নশমকারিণী ॥ 47 ॥

দুর্বারা দুংদুভী ভ্রাংতা দূরস্থা দূরবাসিনী ।
দরহা দরদা দাত্রী দায়াদা দুহিতা দয়া ॥ 48 ॥

ধুরংধরা ধুরীণা চ ধৌরী ধী ধনদায়িনী ।
ধীরাঽধীরা ধরিত্রী চ ধর্মদা ধীরমানসা ॥ 49 ॥

ধনুর্ধরা চ দমনী ধূর্তা ধূর্তপরিগ্রহা ।
ধূমবর্ণা ধূমপানা ধূমলা ধূমমোহিনী ॥ 50 ॥

নলিনী নংদিনী নংদা নাদিনী নংদবালিকা ।
নবীনা নর্মদা নর্মিনেমির্নিযমনিশ্চয়া ॥ 51 ॥

নির্মলা নিগমাচারা নিম্নগা নগ্নকামিনী ।
নীতির্নিরংতরা নগ্নী নির্লেপা নির্গুণা নতিঃ ॥ 52 ॥

নীলগ্রীবা নিরীহা চ নিরংজনজনী নবী ।
নবনীতপ্রিয়া নারী নরকার্ণবতারিণী ॥ 53 ॥

নারাযণী নিরাকারা নিপুণা নিপুণপ্রিয়া ।
নিশা নিদ্রা নরেংদ্রস্থা নমিতাঽনমিতাপি চ ॥ 54 ॥

নির্গুংডিকা চ নির্গুংডা নির্মাংসাঽনামিকা নিভা ।
পতাকিনী পতাকা চ পলপ্রীতির্যশস্বিনী ॥ 55 ॥

পীনা পীনস্তনা পত্নী পবনাশনশায়িনী ।
পরাঽপরা কলাপাঽঽপ্পা পাককৃত্যরতি প্রিয়া ॥ 56 ॥

পবনস্থা সুপবনা তাপসীপ্রীতিবর্ধিনী ।
পশুবৃদ্ধিকরী পুষ্টিঃ পোষণী পুষ্পবর্ধিনী ॥ 57 ॥

পুষ্পিণী পুস্তককরা পুন্নাগতলবাসিনী ।
পুরংদরপ্রিয়া প্রীতিঃ পুরমার্গনিবাসিনী ॥ 58 ॥

পাশী পাশকরা পাশা বংধুহা পাংসুলা পশুঃ ।
পটুঃ পটাসা পরশুধারিণী পাশিনী তথা ॥ 59 ॥

পাপঘ্নী পতিপত্নী চ পতিতাঽপতিতাপি চ ।
পিশাচী চ পিশাচঘ্নী পিশিতাশনতোষিতা ॥ 60 ॥

পানদা পানপাত্রা চ পানদানকরোদ্যতা ।
পেয়া প্রসিদ্ধা পীয়ূষা পূর্ণা পূর্ণমনোরথা ॥ 61 ॥

পতদ্গর্ভা পতদ্গাত্রা পাতপুণ্যপ্রিয়া পুরী ।
পংকিলা পংকমগ্না চ পানীয়া পংজরস্থিতা ॥ 62 ॥

পংচমী পংচযজ্ঞা চ পংচতা পংচমপ্রিয়া ।
পংচমুদ্রা পুংডরীকা পিকী পিংগললোচনা ॥ 63 ॥

প্রিয়ংগুমংজরী পিংডী পিংডিতা পাংডুরপ্রভা ।
প্রেতাসনা প্রিয়ালুস্থা পাংডুঘ্নী পীতসাপহা ॥ 64 ॥

ফলিনী ফলধাত্রী চ ফলশ্রীঃ ফণিভূষণা ।
ফূত্কারকারিণী স্ফারা ফুল্লা ফুল্লাংবুজাসনা ॥ 65 ॥

ফিরংগহা স্ফীতমতিঃ স্ফীতিঃ স্ফীতকরী তথা ।
বলমায়া বলারাতির্বলিনী বলবর্ধিনী ॥ 66 ॥

বেণুবাদ্য়া বনচরী বিরাবজনয়িত্রী চ ।
বিদ্য়া বিদ্য়াপ্রদা বিদ্য়াবোধিনী বোধদায়িনী ॥ 67 ॥

বুদ্ধমাতা চ বুদ্ধা চ বনমালাবতী বরা ।
বরদা বারুণী বীণা বীণাবাদনতত্পরা ॥ 68 ॥

বিনোদিনী বিনোদস্থা বৈষ্ণবী বিষ্ণুবল্লভা ।
বৈদ্য়া বৈদ্যচিকিত্সা চ বিবশা বিশ্ববিশ্রুতা ॥ 69 ॥

বিদ্বত্কবিকলা বেত্তা বিতংদ্রা বিগতজ্বরা ।
বিরাবা বিবিধারাবা বিংবোষ্ঠী বিংববত্সলা ॥ 70 ॥

বিংধ্যস্থা বীরবংদ্য়া চ বরীযসাপরাধবিত্ ।
বেদাংতবেদ্য়া বেদ্য়া চ বৈদ্য়া চ বিজযপ্রদা ॥ 71 ॥

বিরোধবর্ধিনী বংধ্য়া বংধ্য়াবংধনিবারিণী ।
ভগিনী ভগমালা চ ভবানী ভবভাবিনী ॥ 72 ॥

ভীমা ভীমাননা ভৈমী ভংগুরা ভীমদর্শনা ।
ভিল্লী ভল্লধরা ভীরুর্ভেরুংডা চৈভভয়াপহা ॥ 73 ॥

ভগসর্পিণ্যপি ভগা ভগরূপা ভগালয়া ।
ভগাসনা ভগামোদা ভেরী ভাংকাররংজিনী ॥ 74 ॥

ভীষণাঽভীষণা সর্বা ভগবত্যপি ভূষণা ।
ভারদ্বাজী ভোগদাত্রী ভবঘ্নী ভূতিভূষণা ॥ 75 ॥

ভূতিদা ভূমিদাত্রী চ ভূপতিত্বপ্রদায়িনী ।
ভ্রমরী ভ্রামরী নীলা ভূপালমুকুটস্থিতা ॥ 76 ॥

মত্তা মনোহরা মনা মানিনী মোহনী মহা ।
মহালক্ষ্মীর্মদাক্ষীবা মদিরা মদিরালয়া ॥ 77 ॥

মদোদ্ধতা মতংগস্থা মাধবী মধুমংথিনী ।
মেধা মেধাকরী মেধ্য়া মধ্য়া মধ্যবযস্থিতা ॥ 78 ॥

মদ্যপা মাংসলা মত্স্য়া মোদিনী মৈথুনোদ্ধতা ।
মুদ্রা মুদ্রাবতী মাতা মায়া মহিমমংদিরা ॥ 79 ॥

মহামায়া মহাবিদ্য়া মহামারী মহেশ্বরী ।
মহাদেববধূর্মান্য়া মথুরা মেরুমংডলা ॥ 80 ॥

মেদস্বনী মেদসুশ্রীর্মহিষাসুরমর্দিনী ।
মংডপস্থা মঠস্থাঽমা মালা মালাবিলাসিনী ॥ 81 ॥

মোক্ষদা মুংডমালা চ মংদিরাগর্ভগর্ভিতা ।
মাতংগিনী চ মাতংগী মতংগতনয়া মধুঃ ॥ 82 ॥

মধুস্রবা মধুরসা মধূককুসুমপ্রিয়া ।
যামিনী যামিনীনাথভূষা যাবকরংজিতা ॥ 83 ॥

যবাংকুরপ্রিয়া যামা যবনী যবনাধিপা ।
যমঘ্নী যমবাণী চ যজমানস্বরূপিণী ॥ 84 ॥

যজ্ঞা যজ্য়া যজুর্যজ্বা যশোনিকরকারিণী ।
যজ্ঞসূত্রপ্রদা জ্য়েষ্ঠা যজ্ঞকর্মকরী যশা ॥ 85 ॥

যশস্বিনী যজ্ঞসংস্থা যূপস্তংভনিবাসিনী ।
রংজিতা রাজপত্নী চ রমা রেখা রবী রণী ॥ 86 ॥

রজোবতী রজশ্চিত্রা রজনী রজনীপতিঃ ।
রাগিণী রাজিনী রাজ্য়া রাজ্যদা রাজ্যবর্ধিনী ॥ 87 ॥

রাজন্বতী রাজনীতিস্তুর্য়া রাজনিবাসিনী ।
রমণী রমণীয়া চ রামা রামবতী রতিঃ ॥ 88 ॥

রেতোবতী রতোত্সাহা রোগহা রোগকারিণী ।
রংগা রংগবতী রাগা রাগজ্ঞা রাগিনী রণা ॥ 89 ॥

রংজিকা রংজকী রংজা রংজিনী রক্তলোচনা ।
রক্তচর্মধরা রংত্রী রক্তস্থা রক্তবাহিনী ॥ 90 ॥

রংভা রংভাফলপ্রীতী রংভোরূ রাঘবপ্রিয়া ।
রংগভৃদ্রংগমধুরা রোদসী রোদসীগৃহা ॥ 91 ॥

রোগকর্ত্রী রোগহর্ত্রী চ রোগভৃদ্রোগশায়িনী ।
বংদী বংদিস্তুতা বংধুর্বংধূককুসুমাধরা ॥ 92 ॥

বংদিতা বংদিমাতা বংধুরা বৈংদবী বিভা ।
বিংকী বিংকপলা বিংকা বিংকস্থা বিংকবত্সলা ॥ 93 ॥

বেদৈর্বিলগ্না বিগ্না চ বিধির্বিধিকরী বিধা ।
শংখিনী শংখনিলয়া শংখমালাবতী শমী ॥ 94 ॥

শংখপাত্রাশিনী শংখাঽশংখা শংখগলা শশী ।
শিংবী শরাবতী শ্য়ামা শ্য়ামাংগী শ্য়ামলোচনা ॥ 95 ॥

শ্মশানস্থা শ্মশানা চ শ্মশানস্থলভূষণা ।
শর্মদা শমহর্ত্রী চ শাকিনী শংকুশেখরা ॥ 96 ॥

শাংতিঃ শাংতিপ্রদা শেষা শেষস্থা শেষশায়িনী ।
শেমুষী শোষিণী শৌরী শারিঃ শৌর্য়া শরা শরী ॥ 97 ॥

শাপদা শাপহারী শ্রীঃ শংপা শপথচাপিনী ।
শৃংগিণী শৃংগিপলভুক্ শংকরী শাংকরী তথা ॥ 98 ॥

শংকা শংকাপহা শংস্থা শাশ্বতী শীতলা শিবা ।
শবস্থা শবভুক্ শৈবী শাববর্ণা শবোদরী ॥ 99 ॥

শায়িনী শাবশযনা শিংশিপা শিংশিপাযতা ।
শবাকুংডলিনী শৈবা শংকরা শিশিরা শিরা ॥ 100 ॥

শবকাংচী শবশ্রীকা শবমালা শবাকৃতিঃ ।
শংপিনী শংকুশক্তিঃ শং শংতনুঃ শীলদায়িনী ॥ 101 ॥

সিংধুঃ সরস্বতী সিংধুসুংদরী সুংদরাননা ।
সাধুসিদ্ধিঃ সিদ্ধিদাত্রী সিদ্ধা সিদ্ধসরস্বতী ॥ 102 ॥

সংততিঃ সংপদা সংপত্সংবিত্সংপত্তিদায়িনী ।
সপত্নী সরসা সারা সরস্বতিকরী সুধা ॥ 103 ॥

সরঃ সমা সমানা চ সমারাধ্য়া সমস্তদা ।
সমিদ্ধা সমদা সংমা সম্মোহা সমদর্শনা ॥ 104 ॥

সমিতিঃ সমিধা সীমা সাবিত্রী সংবিদা সতী ।
সবনা সবনাধারা সাবনা সমরা সমী ॥ 105 ॥

সমীরা সুমনা সাধ্বী সধ্রীচীন্যসহায়িনী ।
হংসী হংসগতির্হংসা হংসোজ্জ্বলনিচোলয়ুক্ ॥ 106 ॥

হলিনী হলদা হালা হরশ্রীর্হরবল্লভা ।
হেলা হেলাবতী হ্রেষা হ্রেষস্থা হ্রেষবর্ধিনী ॥ 107 ॥

হংতা হানির্হয়াহ্বা হৃদ্ধংতহা হংতহারিণী ।
হুংকারী হংতকৃদ্ধংকা হীহা হাহা হতাহিতা ॥ 108 ॥

হেমা প্রভা হরবতী হারীতা হরিসম্মতা ।
হোরী হোত্রী হোলিকা চ হোম্য়া হোমা হবির্হরিঃ ॥ 109 ॥

হারিণী হরিণীনেত্রা হিমাচলনিবাসিনী ।
লংবোদরী লংবকর্ণা লংবিকা লংববিগ্রহা ॥ 110 ॥

লীলা লীলাবতী লোলা ললনা লালিতালতা ।
ললামলোচনা লোচ্য়া লোলাক্ষী লক্ষণা লটা ॥ 111 ॥

লংপতী লুংপতী লংপা লোপামুদ্রা ললংতি চ ।
লতিকা লংঘিকা লংঘা লঘিমা লঘুমধ্যমা ॥ 112 ॥

লঘ্বীযসী লঘূদর্কা লূতা লূতনিবারিণী ।
লোমভৃল্লোমলোম্নী চ লুলুতী লুলুলুংপিনী ॥ 113 ॥

লুলাযস্থা চ লহরী লংকাপুরপুরংদরী ।
লক্ষ্মীর্লক্ষ্মীপ্রদা লক্ষ্য়া লক্ষ্যবলগতিপ্রদা ॥ 114 ॥

ক্ষণক্ষপা ক্ষণক্ষীণা ক্ষমা ক্ষাংতিঃ ক্ষমাবতী ।
ক্ষামা ক্ষামোদরী ক্ষোণী ক্ষোণিভৃত্ ক্ষত্রিয়াংগনা ॥ 115 ॥

ক্ষপা ক্ষপাকরী ক্ষীরা ক্ষীরদা ক্ষীরসাগরা ।
ক্ষীণংকরী ক্ষযকরী ক্ষযভৃত্ ক্ষযদা ক্ষতিঃ ।
ক্ষরংতী ক্ষুদ্রিকা ক্ষুদ্রা ক্ষুত্ক্ষামা ক্ষরপাতকা ॥ 116 ॥

ফলশ্রুতিঃ –
মাতুঃ সহস্রনামেদং প্রত্য়ংগিরাসিদ্ধিদাযকম্ ॥ 1 ॥
যঃ পঠেত্প্রযতো নিত্য়ং দরিদ্রো ধনদো ভবেত্ ।

অনাচাংতঃ পঠেন্নিত্য়ং স চাপি স্য়ান্মহেশ্বরঃ ।
মূকঃ স্য়াদ্বাক্পতির্দেবী রোগী নীরোগতাং ভবেত্ ॥ 2 ॥

অপুত্রঃ পুত্রমাপ্নোতি ত্রিষুলোকেষু বিশ্রুতম্ ।
বংধ্য়াপি সূতে তনয়ান্ গাবশ্চ বহুদুগ্ধদাঃ ॥ 3 ॥

রাজানঃ পাদনম্রাঃ স্য়ুস্তস্য় দাসা ইব স্ফুটাঃ ।
অরয়ঃ সংক্ষয়ং যাংতি মনসা সংস্মৃতা অপি ॥ 4 ॥

দর্শনাদেব জায়ংতে নরা নার্য়োঽপি তদ্বশাঃ ।
কর্তা হর্তা স্বয়ংবীরো জাযতে নাত্রসংশয়ঃ ॥ 5 ॥

যং যং কামযতে কামং তং তং প্রাপ্নোতি নিশ্চিতম্ ।
দুরিতং ন চ তস্য়াস্তি নাস্তি শোকঃ কদাচন ॥ 6 ॥

চতুষ্পথেঽর্ধরাত্রে চ যঃ পঠেত্সাধকোত্তমঃ ।
একাকী নির্ভয়ো ধীরো দশাবর্তং নরোত্তমঃ ॥ 7 ॥

মনসা চিংতিতং কার্য়ং তস্য় সিদ্ধির্ন সংশযম্ ।
বিনা সহস্রনাম্নাং যো জপেন্মংত্রং কদাচন ॥ 8 ॥

ন সিদ্ধো জাযতে তস্য় মংত্রঃ কল্পশতৈরপি ।
কুজবারে শ্মশানে চ মধ্য়াহ্নে যো জপেত্তথা ॥ 9 ॥

শতাবর্ত্য়া স জয়েত কর্তা হর্তা নৃণামিহ ।
রোগার্তো যো নিশীথাংতে পঠেদংভসি সংস্থিতঃ ॥ 10 ॥

সদ্য়ো নীরোগতামেতি যদি স্য়ান্নির্ভযস্তদা ।
অর্ধরাত্রে শ্মশানে বা শনিবারে জপেন্মনুম্ ॥ 11 ॥

অষ্টোত্তরসহস্রং তু দশবারং জপেত্ততঃ ।
সহস্রনামমেত্তদ্ধি তদা যাতি স্বয়ং শিবা ॥ 12 ॥

মহাপবনরূপেণ ঘোরগোমায়ুনাদিনী ।
তদা যদি ন ভীতিঃ স্য়াত্ততো দেহীতি বাগ্ভবেত্ ॥ 13 ॥

তদা পশুবলিং দদ্য়াত্ স্বয়ং গৃহ্ণাতি চংডিকা ।
যথেষ্টং চ বরং দত্ত্বা যাতি প্রত্য়ংগিরা শিবা ॥ 14 ॥

রোচনাগুরুকস্তূরী কর্পূরমদচংদনৈঃ ।
কুংকুমপ্রথমাভ্য়াং তু লিখিতং ভূর্জপত্রকে ॥ 15 ॥

শুভনক্ষত্রয়োগে তু সমভ্যর্চ্য় ঘটাংতরে ।
কৃতসংপাতনাত্সিদ্ধং ধার্য়ংতদ্দক্ষিণেকরে ॥ 16 ॥

সহস্রনামস্বর্ণস্থং কংঠে বাপি জিতেংদ্রিয়ঃ ।
তদায়ং প্রণমেন্মংত্রী ক্রুদ্ধঃ সম্রিযতে নরঃ ॥ 17 ॥

যস্মৈ দদাতি চ স্বস্তি স ভবেদ্ধনদোপমঃ ।
দুষ্টশ্বাপদজংতূনাং ন ভীঃ কুত্রাপি জাযতে ॥ 18 ॥

বালকানামিয়ং রক্ষা গর্ভিণীনামপি ধ্রুবম্ ।
মোহন স্তংভনাকর্ষমারণোচ্চাটনানি চ ॥ 19 ॥

যংত্রধারণতো নূনং সিধ্য়ংতে সাধকস্য় চ ।
নীলবস্ত্রে বিলিখিতং ধ্বজায়াং যদি তিষ্ঠতি ॥ 20 ॥

তদা নষ্টা ভবত্য়েব প্রচংডা পরবাহিনী ।
এতজ্জপ্তং মহাভস্ম ললাটে যদি ধারয়েত্ ॥ 21 ॥

তদ্দর্শনত এব স্য়ুঃ প্রাণিনস্তস্য় কিংকরাঃ ।
রাজপত্ন্য়োঽপি বশ্য়াঃ স্য়ুঃ কিমন্য়াঃ পরয়োষিতঃ ॥ 22 ॥

এতজ্জপন্নিশিতোয়ে মাসৈকেন মহাকবিঃ ।
পংডিতশ্চ মহাবাদী জাযতে নাত্রসংশয়ঃ ॥ 23 ॥

শক্তিং সংপূজ্য় দেবেশি পঠেত্ স্তোত্রং বরং শুভম্ ।
ইহলোকে সুখং ভুক্ত্বা পরত্র ত্রিদিবং ব্রজেত্ ॥ 24 ॥

ইতি নামসহস্রং তু প্রত্য়ংগির মনোহরম্ ।
গোপ্য়ং গুহ্যতমং লোকে গোপনীয়ং স্বয়োনিবত্ ॥ 25 ॥

ইতি শ্রীরুদ্রয়ামলে তংত্রে দশবিদ্য়ারহস্য়ে শ্রী প্রত্য়ংগিরা সহস্রনাম স্তোত্রম্ ।