শ্রী শিব উবাচ
শতমষ্টোত্তরং নাম্নাং কমলায়া বরাননে ।
প্রবক্ষ্য়াম্যতিগুহ্য়ং হি ন কদাপি প্রকাশয়েত্ ॥ 1 ॥
ওং মহামায়া মহালক্ষ্মীর্মহাবাণী মহেশ্বরী ।
মহাদেবী মহারাত্রির্মহিষাসুরমর্দিনী ॥ 2 ॥
কালরাত্রিঃ কুহূঃ পূর্ণানংদাদ্য়া ভদ্রিকা নিশা ।
জয়া রিক্তা মহাশক্তির্দেবমাতা কৃশোদরী ॥ 3 ॥
শচীংদ্রাণী শক্রনুতা শংকরপ্রিযবল্লভা ।
মহাবরাহজননী মদনোন্মথিনী মহী ॥ 4 ॥
বৈকুংঠনাথরমণী বিষ্ণুবক্ষঃস্থলস্থিতা ।
বিশ্বেশ্বরী বিশ্বমাতা বরদাঽভযদা শিবা ॥ 5 ॥
শূলিনী চক্রিণী মা চ পাশিনী শংখধারিণী ।
গদিনী মুংডমালা চ কমলা করুণালয়া ॥ 6 ॥
পদ্মাক্ষধারিণী হ্য়ংবা মহাবিষ্ণুপ্রিয়ংকরী ।
গোলোকনাথরমণী গোলোকেশ্বরপূজিতা ॥ 7 ॥
গয়া গংগা চ যমুনা গোমতী গরুডাসনা ।
গংডকী সরয়ূস্তাপী রেবা চৈব পযস্বিনী ॥ 8 ॥
নর্মদা চৈব কাবেরী কেদারস্থলবাসিনী ।
কিশোরী কেশবনুতা মহেংদ্রপরিবংদিতা ॥ 9 ॥
ব্রহ্মাদিদেবনির্মাণকারিণী বেদপূজিতা ।
কোটিব্রহ্মাংডমধ্যস্থা কোটিব্রহ্মাংডকারিণী ॥ 10 ॥
শ্রুতিরূপা শ্রুতিকরী শ্রুতিস্মৃতিপরাযণা ।
ইংদিরা সিংধুতনয়া মাতংগী লোকমাতৃকা ॥ 11 ॥
ত্রিলোকজননী তংত্রা তংত্রমংত্রস্বরূপিণী ।
তরুণী চ তমোহংত্রী মংগলা মংগলাযনা ॥ 12 ॥
মধুকৈটভমথনী শুংভাসুরবিনাশিনী ।
নিশুংভাদিহরা মাতা হরিশংকরপূজিতা ॥ 13 ॥
সর্বদেবময়ী সর্বা শরণাগতপালিনী ।
শরণ্য়া শংভুবনিতা সিংধুতীরনিবাসিনী ॥ 14 ॥
গংধর্বগানরসিকা গীতা গোবিংদবল্লভা ।
ত্রৈলোক্যপালিনী তত্ত্বরূপা তারুণ্যপূরিতা ॥ 15 ॥
চংদ্রাবলী চংদ্রমুখী চংদ্রিকা চংদ্রপূজিতা ।
চংদ্রা শশাংকভগিনী গীতবাদ্যপরাযণা ॥ 16 ॥
সৃষ্টিরূপা সৃষ্টিকরী সৃষ্টিসংহারকারিণী ।
ইতি তে কথিতং দেবি রমানামশতাষ্টকম্ ॥ 17 ॥
ত্রিসংধ্য়ং প্রযতো ভূত্বা পঠেদেতত্সমাহিতঃ ।
যং যং কামযতে কামং তং তং প্রাপ্নোত্যসংশযম্ ॥ 18 ॥
ইমং স্তবং যঃ পঠতীহ মর্ত্য়ো
বৈকুংঠপত্ন্য়াঃ পরমাদরেণ ।
ধনাধিপাদ্য়ৈঃ পরিবংদিতঃ স্য়াত্
প্রয়াস্যতি শ্রীপদমংতকালে ॥ 19 ॥
ইতি শ্রী কমলাষ্টোত্তরশতনামস্তোত্রম্ ।
