શ્રી શિવ ઉવાચ
શતમષ્ટોત્તરં નામ્નાં કમલાયા વરાનને ।
પ્રવક્ષ્યામ્યતિગુહ્યં હિ ન કદાપિ પ્રકાશયેત્ ॥ 1 ॥
ઓં મહામાયા મહાલક્ષ્મીર્મહાવાણી મહેશ્વરી ।
મહાદેવી મહારાત્રિર્મહિષાસુરમર્દિની ॥ 2 ॥
કાલરાત્રિઃ કુહૂઃ પૂર્ણાનંદાદ્યા ભદ્રિકા નિશા ।
જયા રિક્તા મહાશક્તિર્દેવમાતા કૃશોદરી ॥ 3 ॥
શચીંદ્રાણી શક્રનુતા શંકરપ્રિયવલ્લભા ।
મહાવરાહજનની મદનોન્મથિની મહી ॥ 4 ॥
વૈકુંઠનાથરમણી વિષ્ણુવક્ષઃસ્થલસ્થિતા ।
વિશ્વેશ્વરી વિશ્વમાતા વરદાઽભયદા શિવા ॥ 5 ॥
શૂલિની ચક્રિણી મા ચ પાશિની શંખધારિણી ।
ગદિની મુંડમાલા ચ કમલા કરુણાલયા ॥ 6 ॥
પદ્માક્ષધારિણી હ્યંબા મહાવિષ્ણુપ્રિયંકરી ।
ગોલોકનાથરમણી ગોલોકેશ્વરપૂજિતા ॥ 7 ॥
ગયા ગંગા ચ યમુના ગોમતી ગરુડાસના ।
ગંડકી સરયૂસ્તાપી રેવા ચૈવ પયસ્વિની ॥ 8 ॥
નર્મદા ચૈવ કાવેરી કેદારસ્થલવાસિની ।
કિશોરી કેશવનુતા મહેંદ્રપરિવંદિતા ॥ 9 ॥
બ્રહ્માદિદેવનિર્માણકારિણી વેદપૂજિતા ।
કોટિબ્રહ્માંડમધ્યસ્થા કોટિબ્રહ્માંડકારિણી ॥ 10 ॥
શ્રુતિરૂપા શ્રુતિકરી શ્રુતિસ્મૃતિપરાયણા ।
ઇંદિરા સિંધુતનયા માતંગી લોકમાતૃકા ॥ 11 ॥
ત્રિલોકજનની તંત્રા તંત્રમંત્રસ્વરૂપિણી ।
તરુણી ચ તમોહંત્રી મંગળા મંગળાયના ॥ 12 ॥
મધુકૈટભમથની શુંભાસુરવિનાશિની ।
નિશુંભાદિહરા માતા હરિશંકરપૂજિતા ॥ 13 ॥
સર્વદેવમયી સર્વા શરણાગતપાલિની ।
શરણ્યા શંભુવનિતા સિંધુતીરનિવાસિની ॥ 14 ॥
ગંધર્વગાનરસિકા ગીતા ગોવિંદવલ્લભા ।
ત્રૈલોક્યપાલિની તત્ત્વરૂપા તારુણ્યપૂરિતા ॥ 15 ॥
ચંદ્રાવલી ચંદ્રમુખી ચંદ્રિકા ચંદ્રપૂજિતા ।
ચંદ્રા શશાંકભગિની ગીતવાદ્યપરાયણા ॥ 16 ॥
સૃષ્ટિરૂપા સૃષ્ટિકરી સૃષ્ટિસંહારકારિણી ।
ઇતિ તે કથિતં દેવિ રમાનામશતાષ્ટકમ્ ॥ 17 ॥
ત્રિસંધ્યં પ્રયતો ભૂત્વા પઠેદેતત્સમાહિતઃ ।
યં યં કામયતે કામં તં તં પ્રાપ્નોત્યસંશયમ્ ॥ 18 ॥
ઇમં સ્તવં યઃ પઠતીહ મર્ત્યો
વૈકુંઠપત્ન્યાઃ પરમાદરેણ ।
ધનાધિપાદ્યૈઃ પરિવંદિતઃ સ્યાત્
પ્રયાસ્યતિ શ્રીપદમંતકાલે ॥ 19 ॥
ઇતિ શ્રી કમલાષ્ટોત્તરશતનામસ્તોત્રમ્ ।
