അനംതസംസാര-സമുദ്രതാര-
നൌകായിതാഭ്യാം ഗുരുഭക്തിദാഭ്യാമ് ।
വൈരാഗ്യസാമ്രാജ്യദ-പൂജനാഭ്യാം
നമോ നമഃ ശ്രീഗുരുപാദുകാഭ്യാമ് ॥ 1 ॥
കവിത്വവാരാശി-നിശാകരാഭ്യാം
ദൌര്ഭാഗ്യ-ദാവാംബുദ-മാലികാഭ്യാമ് ।
ദൂരീകൃതാനമ്ര-വിപത്തിതാഭ്യാം
നമോ നമഃ ശ്രീഗുരുപാദുകാഭ്യാമ് ॥ 2 ॥
നതാ യയോഃ ശ്രീപതിതാം സമീയുഃ
കദാചിദപ്യാശു ദരിദ്രവര്യാഃ ।
മൂകാശ്ച വാചസ്പതിതാം ഹി താഭ്യാം
നമോ നമഃ ശ്രീഗുരുപാദുകാഭ്യാമ് ॥ 3 ॥
നാലീകനീകാശ-പദാഹൃതാഭ്യാം
നാനാവിമോഹാദി-നിവാരികാഭ്യാമ് ।
നമജ്ജനാഭീഷ്ട-തതിപ്രദാഭ്യാം
നമോ നമഃ ശ്രീഗുരുപാദുകാഭ്യാമ് ॥ 4 ॥
നൃപാലിമൌലി-വ്രജരത്നകാംതി-
സരിദ്വിരാജജ്ഝഷ-കന്യകാഭ്യാമ് ।
നൃപത്വദാഭ്യാം നതലോകപംക്തേഃ
നമോ നമഃ ശ്രീഗുരുപാദുകാഭ്യാമ് ॥ 5 ॥
പാപാംധകാരാര്ക-പരംപരാഭ്യാം
താപത്രയാഹീംദ്ര-ഖഗേശ്വരാഭ്യാമ് ।
ജാഡ്യാബ്ധി-സംശോഷണ-വാഡവാഭ്യാമ്
നമോ നമഃ ശ്രീഗുരുപാദുകാഭ്യാമ് ॥ 6 ॥
ശമാദിഷട്കപ്രദ-വൈഭവാഭ്യാം
സമാധിദാന-വ്രതദീക്ഷിതാഭ്യാമ് ।
രമാധവാംഘ്രി-സ്ഥിരഭക്തിദാഭ്യാം
നമോ നമഃ ശ്രീഗുരുപാദുകാഭ്യാമ് ॥ 7 ॥
സ്വാര്ചാപരാണാ-മഖിലേഷ്ടദാഭ്യാം
സ്വാഹാസഹായാക്ഷ-ധുരംധരാഭ്യാമ് ।
സ്വാംതാച്ഛഭാവ-പ്രദപൂജനാഭ്യാം
നമോ നമഃ ശ്രീഗുരുപാദുകാഭ്യാമ് ॥ 8 ॥
കാമാദിസര്പ-വ്രജഗാരുഡാഭ്യാം
വിവേകവൈരാഗ്യ-നിധിപ്രദാഭ്യാമ് ।
ബോധപ്രദാഭ്യാം ദ്രുതമോക്ഷദാഭ്യാം
നമോ നമഃ ശ്രീഗുരുപാദുകാഭ്യാമ് ॥ 9 ॥
