ധ്യാനം
വ്യാഖ്യാരുദ്രാക്ഷമാലേ കലശസുരഭിതേ ബാഹുഭിർവാമപാദം
ബിഭ്രാണോ ജാനുമൂര്ധ്നാ വടതരുനിവൃതാവസ്യധോ വിദ്യമാനഃ ।
സൌവര്ണേ യോഗപീഠേ ലിപിമയകമലേ സൂപവിഷ്ടസ്ത്രിണേത്രഃ
ക്ഷീരാഭശ്ചംദ്രമൌളിർവിതരതു നിതരാം ശുദ്ധബുദ്ധിം ശിവോ നഃ ॥
സ്തോത്രം
വിദ്യാരൂപീ മഹായോഗീ ശുദ്ധജ്ഞാനീ പിനാകധൃത് ।
രത്നാലംകൃതസർവാംഗോ രത്നമാലീ ജടാധരഃ ॥ 1 ॥
ഗംഗാധാര്യചലാവാസീ സർവജ്ഞാനീ സമാധിധൃത് ।
അപ്രമേയോ യോഗനിധിസ്താരകോ ഭക്തവത്സലഃ ॥ 2 ॥
ബ്രഹ്മരൂപീ ജഗദ്വ്യാപീ വിഷ്ണുമൂര്തിഃ പുരാംതകഃ ।
ഉക്ഷവാഹശ്ചര്മവാസാഃ പീതാംബരവിഭൂഷണഃ ॥ 3 ॥
മോക്ഷസിദ്ധിര്മോക്ഷദായീ ദാനവാരിര്ജഗത്പതിഃ ।
വിദ്യാധാരീ ശുക്ലതനുഃ വിദ്യാദായീ ഗണാധിപഃ ॥ 4 ॥
പാപാപസ്മൃതിസംഹര്താ ശശിമൌളിര്മഹാസ്വനഃ ।
സാമപ്രിയഃ സ്വയം സാധുഃ സർവദേവൈര്നമസ്കൃതഃ ॥ 5 ॥
ഹസ്തവഹ്നിധരഃ ശ്രീമാന് മൃഗധാരീ ച ശംകരഃ ।
യജ്ഞനാഥഃ ക്രതുധ്വംസീ യജ്ഞഭോക്താ യമാംതകഃ ॥ 6 ॥
ഭക്താനുഗ്രഹമൂര്തിശ്ച ഭക്തസേവ്യോ വൃഷധ്വജഃ ।
ഭസ്മോദ്ധൂളിതസർവാംഗോഽപ്യക്ഷമാലാധരോ മഹാന് ॥ 7 ॥
ത്രയീമൂര്തിഃ പരം ബ്രഹ്മ നാഗരാജൈരലംകൃതഃ ।
ശാംതരൂപോ മഹാജ്ഞാനീ സർവലോകവിഭൂഷണഃ ॥ 8 ॥
അര്ധനാരീശ്വരോ ദേവോ മുനിസേവ്യഃ സുരോത്തമഃ ।
വ്യാഖ്യാനദേവോ ഭഗവാന് അഗ്നിചംദ്രാര്കലോചനഃ ॥ 9 ॥
ജഗത്സ്രഷ്ടാ ജഗദ്ഗോപ്താ ജഗദ്ധ്വംസീ ത്രിലോചനഃ ।
ജഗദ്ഗുരുര്മഹാദേവോ മഹാനംദപരായണഃ ॥ 10 ॥
ജടാധാരീ മഹാവീരോ ജ്ഞാനദേവൈരലംകൃതഃ ।
വ്യോമഗംഗാജലസ്നാതാ സിദ്ധസംഘസമര്ചിതഃ ॥ 11 ॥
തത്ത്വമൂര്തിര്മഹായോഗീ മഹാസാരസ്വതപ്രദഃ ।
വ്യോമമൂര്തിശ്ച ഭക്താനാമിഷ്ടകാമഫലപ്രദഃ ॥ 12 ॥
വീരമൂര്തിർവിരൂപീ ച തേജോമൂര്തിരനാമയഃ ।
വേദവേദാംഗതത്ത്വജ്ഞശ്ചതുഷ്ഷഷ്ടികളാനിധിഃ ॥ 13 ॥
ഭവരോഗഭയധ്വംസീ ഭക്താനാമഭയപ്രദഃ ।
നീലഗ്രീവോ ലലാടാക്ഷോ ഗജചര്മാ ച ജ്ഞാനദഃ ॥ 14 ॥
അരോഗീ കാമദഹനസ്തപസ്വീ വിഷ്ണുവല്ലഭഃ ।
ബ്രഹ്മചാരീ ച സംന്യാസീ ഗൃഹസ്ഥാശ്രമകാരണഃ ॥ 15 ॥
ദാംതശമവതാം ശ്രേഷ്ഠഃ സത്ത്വരൂപദയാനിധിഃ ।
യോഗപട്ടാഭിരാമശ്ച വീണാധാരീ വിചേതനഃ ॥ 16 ॥
മംത്രപ്രജ്ഞാനുഗാചാരോ മുദ്രാപുസ്തകധാരകഃ ।
രാഗഹിക്കാദിരോഗാണാം വിനിഹംതാ സുരേശ്വരഃ ॥ 17 ॥
ഇതി ശ്രീ ദക്ഷിണാമൂര്ത്യഷ്ടോത്തരശതനാമ സ്തോത്രമ് ॥
