വിശ്വേശം മാധവം ഢുംഢിം ദംഡപാണിം ച ഭൈരവമ് ।
വംദേ കാശീം ഗുഹാം ഗംഗാം ഭവാനീം മണികര്ണികാമ് ॥ 1 ॥
ഉത്തിഷ്ഠ കാശി ഭഗവാന് പ്രഭുവിശ്വനാഥോ
ഗംഗോര്മി-സംഗതി-ശുഭൈഃ പരിഭൂഷിതോഽബ്ജൈഃ ।
ശ്രീഢുംഢി-ഭൈരവ-മുഖൈഃ സഹിതാഽഽന്നപൂര്ണാ
മാതാ ച വാംഛതി മുദാ തവ സുപ്രഭാതമ് ॥ 2 ॥
ബ്രഹ്മാ മുരാരിസ്ത്രിപുരാംതകാരിഃ
ഭാനുഃ ശശീ ഭൂമിസുതോ ബുധശ്ച ।
ഗുരുശ്ച ശുക്രഃ ശനി-രാഹു-കേതവഃ
കുർവംതു സർവേ ഭുവി സുപ്രഭാതമ് ॥ 3 ॥
വാരാണസീ-സ്ഥിത-ഗജാനന-ഢുംഢിരാജ
താപത്രയാപഹരണേ പ്രഥിത-പ്രഭാവ ।
ആനംദ-കംദലകുല-പ്രസവൈകഭൂമേ
നിത്യം സമസ്ത-ജഗതഃ കുരു സുപ്രഭാതമ് ॥ 4 ॥
ബ്രഹ്മദ്രവോപമിത-ഗാംഗ-പയഃ-പ്രവാഹൈഃ
പുണ്യൈഃ സദൈവ പരിചുംബിത-പാദപദ്മേ ।
മധ്യേ-ഽഖിലാമരഗണൈഃ പരിസേവ്യമാനേ
ശ്രീകാശികേ കുരു സദാ ഭുവി സുപ്രഭാതമ് ॥ 5 ॥
പ്രത്നൈരസംഖ്യ-മഠ-മംദിര-തീര്ഥ-കുംഡ-
പ്രാസാദ-ഘട്ട-നിവഹൈഃ വിദുഷാം വരൈശ്ച
ആവര്ജയസ്യഖില-വിശ്വ-മനാംസി നിത്യം
ശ്രീകാശികേ കുരു സദാ ഭുവി സുപ്രഭാതമ് ॥ 6 ॥
കേ വാ നരാ നു സുധിയഃ കുധിയോഽധിയോ വാ
വാംഛംതി നാംതസമയേ ശരണം ഭവത്യാഃ ।
ഹേ കോടി-കോടി-ജന-മുക്തി-വിധാന-ദക്ഷേ
ശ്രീകാശികേ കുരു സദാ ഭുവി സുപ്രഭാതമ് ॥ 7 ॥
യാ ദേവൈരസുരൈര്മുനീംദ്രതനയൈര്ഗംധർവ-യക്ഷോരഗൈഃ
നാഗൈര്ഭൂതലവാസിഭിര്ദ്വിജവരൈസ്സംസേവിതാ സിദ്ധയേ ।
യാ ഗംഗോത്തരവാഹിനീ-പരിസരേ തീര്ഥൈരസംഖ്യൈർവൃതാ
സാ കാശീ ത്രിപുരാരിരാജ-നഗരീ ദേയാത് സദാ മംഗലമ് ॥ 8 ॥
തീര്ഥാനാം പ്രവരാ മനോരഥകരീ സംസാര-പാരാപരാ
നംദാ-നംദി-ഗണേശ്വരൈരുപഹിതാ ദേവൈരശേഷൈഃ-സ്തുതാ ।
യാ ശംഭോര്മണി-കുംഡലൈക-കണികാ വിഷ്ണോസ്തപോ-ദീര്ഘികാ
സേയം ശ്രീമണികര്ണികാ ഭഗവതീ ദേയാത് സദാ മംഗലമ് ॥ 9 ॥
അഭിനവ-ബിസ-വല്ലീ പാദ-പദ്മസ്യ വിഷ്ണോഃ
മദന-മഥന-മൌലേര്മാലതീ പുഷ്പമാലാ ।
ജയതി ജയ-പതാകാ കാപ്യസൌ മോക്ഷലക്ഷ്മ്യാഃ
ക്ഷപിത-കലി-കലംകാ ജാഹ്നവീ നഃ പുനാതു ॥ 10 ॥
ഗാംഗം വാരി മനോഹാരി മുരാരി-ചരണച്യുതമ് ।
ത്രിപുരാരി-ശിരശ്ചാരി പാപഹാരി പുനാതു മാമ് ॥ 11 ॥
വിഘ്നാവാസ-നിവാസകാരണ-മഹാഗംഡസ്ഥലാലംബിതഃ
സിംദൂരാരുണ-പുംജ-ചംദ്രകിരണ-പ്രച്ഛാദി-നാഗച്ഛവിഃ ।
ശ്രീവിഘ്നേശ്വര-വല്ലഭോ ഗിരിജയാ സാനംദമാനംദിതഃ (പാഠഭേദ വിശ്വേശ്വര)
സ്മേരാസ്യസ്തവ ഢുംഢിരാജ-മുദിതോ ദേയാത് സദാ മംഗലമ് ॥ 12 ॥
കംഠേ യസ്യ ലസത്കരാല-ഗരലം ഗംഗാജലം മസ്തകേ
വാമാംഗേ ഗിരിരാജരാജ-തനയാ ജായാ ഭവാനീ സതീ ।
നംദി-സ്കംദ-ഗണാധിരാജ-സഹിതഃ ശ്രീവിശ്വനാഥപ്രഭുഃ
കാശീ-മംദിര-സംസ്ഥിതോഽഖിലഗുരുഃ ദേയാത് സദാ മംഗലമ് ॥ 13 ॥
ശ്രീവിശ്വനാഥ കരുണാമൃത-പൂര്ണ-സിംധോ
ശീതാംശു-ഖംഡ-സമലംകൃത-ഭവ്യചൂഡ ।
ഉത്തിഷ്ഠ വിശ്വജന-മംഗല-സാധനായ
നിത്യം സർവജഗതഃ കുരു സുപ്രഭാതമ് ॥ 14 ॥
ശ്രീവിശ്വനാഥ വൃഷഭ-ധ്വജ വിശ്വവംദ്യ
സൃഷ്ടി-സ്ഥിതി-പ്രലയ-കാരക ദേവദേവ ।
വാചാമഗോചര മഹര്ഷി-നുതാംഘ്രി-പദ്മ
വാരാണസീപുരപതേ കുരു സുപ്രഭാതമ് ॥ 15 ॥
ശ്രീവിശ്വനാഥ ഭവഭംജന ദിവ്യഭാവ
ഗംഗാധര പ്രമഥ-വംദിത സുംദരാംഗ ।
നാഗേംദ്ര-ഹാര നത-ഭക്ത-ഭയാപഹാര
വാരാണസീപുരപതേ കുരു സുപ്രഭാതമ് ॥ 16 ॥
ശ്രീവിശ്വനാഥ തവ പാദയുഗം നമാമി
നിത്യം തവൈവ ശിവ നാമ ഹൃദാ സ്മരാമി ।
വാചം തവൈവ യശസാഽനഘ ഭൂഷയാമി
വാരാണസീപുരപതേ കുരു സുപ്രഭാതമ് ॥ 17 ॥
കാശീ-നിവാസ-മുനി-സേവിത-പാദ-പദ്മ
ഗംഗാ-ജലൌഘ-പരിഷിക്ത-ജടാകലാപ ।
അസ്യാഖിലസ്യ ജഗതഃ സചരാചരസ്യ
വാരാണസീപുരപതേ കുരു സുപ്രഭാതമ് ॥ 18 ॥
ഗംഗാധരാദ്രിതനയാ-പ്രിയ ശാംതമൂര്തേ
വേദാംത-വേദ്യ സകലേശ്വര വിശ്വമൂര്തേ ।
കൂടസ്ഥ നിത്യ നിഖിലാഗമ-ഗീത-കീര്തേ
വാരാണസീപുരപതേ കുരു സുപ്രഭാതമ് ॥ 19 ॥
വിശ്വം സമസ്തമിദമദ്യ ഘനാംധകാരേ
മോഹാത്മകേ നിപതിതം ജഡതാമുപേതമ് ।
ഭാസാ വിഭാസ്യ പരയാ തദമോഘ-ശക്തേ
വാരാണസീപുരപതേ കുരു സുപ്രഭാതമ് ॥ 20 ॥
സൂനുഃ സമസ്ത-ജന-വിഘ്ന-വിനാശ-ദക്ഷോ
ഭാര്യാഽന്നദാന-നിരതാ-ഽവിരതം ജനേഭ്യഃ ।
ഖ്യാതഃ സ്വയം ച ശിവകൃത് സകലാര്ഥി-ഭാജാം
വാരാണസീപുരപതേ കുരു സുപ്രഭാതമ് ॥ 21 ॥
യേ നോ നമംതി ന ജപംതി ന ചാമനംതി
നോ വാ ലപംതി വിലപംതി നിവേദയംതി ।
തേഷാമബോധ-ശിശു-തുല്യ-ധിയാം നരാണാം
വാരാണസീപുരപതേ കുരു സുപ്രഭാതമ് ॥ 22 ॥
ശ്രീകംഠ കംഠ-ധൃത-പന്നഗ നീലകംഠ
സോത്കംഠ-ഭക്ത-നിവഹോപഹിതോപ-കംഠ ।
ഭസ്മാംഗരാഗ-പരിശോഭിത-സർവദേഹ
വാരാണസീപുരപതേ കുരു സുപ്രഭാതമ് ॥ 23 ॥
ശ്രീപാർവതീ-ഹൃദയ-വല്ലഭ പംച-വക്ത്ര
ശ്രീനീല-കംഠ നൃ-കപാല-കലാപ-മാല ।
ശ്രീവിശ്വനാഥ മൃദു-പംകജ-മംജു-പാദ
വാരാണസീപുരപതേ കുരു സുപ്രഭാതമ് ॥ 24 ॥
ദുഗ്ധ-പ്രവാഹ-കമനീയ-തരംഗ-ഭംഗേ
പുണ്യ-പ്രവാഹ-പരിപാവിത-ഭക്ത-സംഗേ ।
നിത്യം തപസ്വി-ജന-സേവിത-പാദ-പദ്മേ
ഗംഗേ ശരണ്യ-ശിവദേ കുരു സുപ്രഭാതമ് ॥ 25 ॥
സാനംദമാനംദ-വനേ വസംതം ആനംദ-കംദം ഹത-പാപ-വൃംദമ് ।
വാരാണസീ-നാഥമനാഥ-നാഥം ശ്രീവിശ്വനാഥം ശരണം പ്രപദ്യേ ॥ 26 ॥
ഇതി ശ്രീകാശീവിശ്വനാഥസുപ്രഭാതം സംപൂര്ണമ് ।
